🥗日日都係Green Monday🥗 - 今日係星期一 嚮應Green Monday跟同事食veggie lunch 而家食素好普遍 菜式創新好多 - 🥙苜蓿手卷 $38 眼前呢件三文魚「刺身」賣相勁得😍 口感軟綿綿 同真嘅有七成似 店員唔講 根本估唔到係蒟蒻😅 - 🥣甜梅菜肉餅飯 $98 呢個係新品 肉餅質感同咀嚼度都唔錯 鹹度適中 配甜菜送飯已經夠味 唔需要落甜鼓油 - 🥠香芒天婦羅炸豆腐 $88 炸豆腐如果唔用椒鹽改為配香芒醬🥭 聽落有啲怪🤔 試咗兩嚿 味道幾清新喎😉 炎炎夏日食甜酸嘢 好開胃 - 🍡素食串燒拼盤配沙嗲醬 $78 素肉丸粒粒味道差唔多 講唔出分別🤪 - ☕️鳥結糖拿鐵 $38 將溶化咗嘅鳥結糖🍬造成拉花 樣靚味道甜 口感順滑 啱晒嗜甜一族嘅我🥰 - 🥛香芋鮮奶 $38 芋泥喺底俾多啲更好🙃 - 📍慈素小聚 尖沙咀麼地道30號Mody House 8樓

🌸下一站天后。熱鬧氣氛居酒屋🎏 - 前排喺維園睇完展覽唔知食乜好 就去咗天后嗰邊😆 見呢間居酒屋好似幾好feel又熱熱鬧鬧咁 價錢又唔算好貴喎 以後去開嗰邊又有新選擇😏 - 🦪火炙煙燻蠔手卷 $58 大推呢個💘 脹卜卜嘅蠔肉加埋海膽 好少食咁豪華嘅手卷🥹 蠔肉仲食到汁煮嘅味道 有心思 👍🏻 - 🍣腦天刺身2切 $78 / 左口魚8片 $108 腦天刺身滿滿嘅油脂食落大滿足😇 左口魚新鮮 尤其要讚個醬汁 夠曬fresh☀️ - 🦑墨魚香腸 $58 串燒入面特別鍾意呢個 用墨魚膠整成香腸 好惹味🤭 - 🐔雞胸軟骨 $38 / 雞軟骨 $28 雞胸軟骨係三角軟骨 暫時喺香港未有普通雞軟骨咁普及🤔 我自己就好鍾意 貪佢冇咁難咬😂 - 🍗蒲燒鰻魚串 $68 / 厚切牛舌 $58 鰻魚串都幾厚肉 有驚喜😋 厚切牛舌厚度同調味都恰當👌🏻 - 🐟三文魚冰頭漬 $68 / 沙甸魚乾 $48 冰頭漬係三文魚頭嘅軟骨用醋醃漬而成 口感特別 未食過嘅話要試‼️ 沙甸魚乾脆卜卜 魚味濃郁 送酒一流🍻 - 🍜豚骨叉燒拉麵 $98 / 海鮮大阪燒 $88 最後仲試埋個拉麵 配料都幾豐富🫡 湯底味道唔錯 最得意嘅係有鵪鶉蛋😳 鐵板上菜嘅大阪燒 好有氣氛 仲有木魚絲同道地口味嘅醬汁 好惹味 - 📍酒屋一杯喜 天后清風街1A-1B號美城花園大廈地下KL6號舖

🏖特色海濱多國菜餐廳🏖 - 今日去左將軍澳海濱一間好Chill既多國菜餐廳🏖有室外地方環境舒適👍🏼可以吹住海風食嘢飲野😍而且仲係寵物友善添🐶 - 🥗泰式柚子鮮蝦沙律（$98） 大量柚子而且清甜多汁🤤鮮蝦新鮮彈牙🦐酸酸甜甜咁好開胃 - 🌯越式米紙素卷（$88） 入邊有好多新鮮爽脆既菜🥬包括青瓜🥒蘿蔔🥕粉絲🥑仲有牛油果😋清爽健康而且口感豐富 - 🐟泰式鹽焗燒魚（$238） 魚身上面鋪滿海鹽🐟😋薄薄既鹽味滲透到魚肉👍🏼而且焗到岩岩好魚肉十分嫩滑 - 🥬咸魚炒芥蘭（$88） 芥蘭新鮮爽口🤤加埋咸魚炒非常惹味 - 🍢串燒沙嗲（$128） 串燒有豬肉🐷牛肉🐮和雞肉🐥大串得黎肉嫩多汁👍🏼配搭既沙嗲醬亦都好香濃 - 📍Chilli Lime (MONTEREY Place) 將軍澳澳南海岸唐俊街23號MONTEREY Place地下Go7號舖

🍴佐敦誠意小店🍴 - 佐敦越來越多cafes 不過 飲杯啡☕️食件cake🍰嘅價錢唔平 要揾一間CP值高 我嘅首選 係一路offer街坊價錢而且對食物好有heart💕嘅呢間小店 - 🥗自選沙律 $79 一個價錢 沙律四揀二 實在好抵😍 材料每日mix 爽脆清涼十分之fresh 醬汁有蜜糖芥茉/黑醋/胡蔴醬之類 實有兩款啱心水😉 - 🦪法式煮青口 $89 我鍾意入口creamy嘅汁 揀咗用忌廉香草汁煮 忌廉味濃郁唔𤇍身 口感清爽唔膩 不過青口太細隻啦😢 - 🍱香煎西冷牛扒定食 $148 Lunch set質素高 套餐包黑啡/紅茶 飲特調咖啡☕️或者花茶🫖 只加$20 我特別like西冷牛定食 足足8安士 肉味夠又有脂肪甘香 蘸燒汁淨食抑或配珍珠米 一樣咁正😊 - 📍 Heart Bar & Restaurant 佐敦廟街285號地舖

🥘魚與海鮮海味兼得🥘 - 相約閨蜜食晚飯 佢係「魚痴」自然揀烤魚店 好在除咗食魚 我有好多其他「飛禽走獸」嘅選擇 連冒菜套餐都有☺️ - 🐟老壇酸菜豆花海鱸魚 $308 多數食江團魚 貪佢肥大肉厚 原來海鱸魚蛋白質同樣豐富 有益脾腎幫助化痰止咳 而且骨大多肉 價錢更為相宜😬 將魚肉溝啲酸菜豆腐一齊食 味道清清地 更能突顯魚鮮 - 🦞原隻澳洲龍蝦 $198 用避風塘風味猛火快炒會好惹味😋 我有啲喉嚨痛所以揀咗蒜蓉焗🧄 啖啖蒜香 龍蝦肉爽口彈牙 相當唔錯 而家嚟烤魚店 唔會獨沽一味食魚嘅啦🙂‍↔️ - 🦪鮑汁花膠鮑魚撈飯 $78 呢個價錢有啲不可思議🤔 原來係推廣優惠價碼 另外有金湯花膠雞絲翅撈飯 貨真價實 絕對要趁平食😎 - 📍小魚兒 銅鑼灣波斯富街24-30號寶漢大廈1樓

🍜米芝蓮一星蠔湯拉麵🍜 - 今日去咗銅鑼灣食一間出名蠔既拉麵舖🍜佢地有多款蠔拉麵同埋小食🦪果然有傳聞咁出色😋不愧係係東京米芝蓮一星既餐廳👍🏼 - 牡蠣白湯拉麵 滿滿蠔鮮味既拉麵🍜除左有原隻醬漬鮮蠔之外😍湯底亦都飲得出係用左好多蠔熬製而成🤤再加埋牡蠣油👍🏼令濃湯掛身得黎香氣撲鼻🦪濃郁既牡蠣醬更加係精華所在😋慢煮叉燒有少少煙熏味好好食 - 白松露油厚燒牛舌丼 一上菜已經聞到陣陣松露香味🤤牛舌軟嫩又多汁😍鋪滿係紫菜飯上面👍🏼仲有粒香濃蛋黃😋食到停唔到口 - 醬漬牡蠣一口飯 每隻蠔都好肥美🦪而且經過醬漬之後唔止冇搶到蠔本身既味道👍🏼更加令到鮮味提升一個層次 - 菇燒牡蠣串 一共有四隻蠔🦪每一隻蠔出面都用薄薄既菇片同風乾火腿包住😋外彈內淋👍🏼口感獨特 - 📍牡蠣不如㷌 銅鑼灣百德新街57號Fashion Walk地下A號舖

🍲高CP值火鍋放題🍲 - 朋友勁鍾意打邊爐 不斷發掘性價比高嘅地方 最近跟佢食咗個食材好新鮮嘅無限時放題 頭盤可以揀佛跳牆😍 - 🥣佛跳牆 呢個頭盤最新推出 花膠燉得柔軟 燉湯清甜 正👍 - 🦪黑松露焗美國生蠔 黑松露🍄焦芝士🧀香噴噴 蠔肉肥美飽滿 唔會因為烤焗而失去過多水份 適量嘅乾爽 適度嘅嚼勁 色香味俱全 - 🍲 鴛鴦湯底 一個清淡搭一個濃味 朋友鍾意綠油油有青草幽香嘅芫荽🌿同下火皮蛋 我覺得用沙嗲湯底煮肥牛肉丸 仲惹味呀😋 - 🥓肥牛拼盤 牛嘅多個部位都有 牛頸脊肉肥瘦均勻 油脂豐富 手切牛有厚度 肉味濃香 - 🦐海鮮拼盤 每枱奉上海鮮拼盤 鮑魚🦪好大隻 生蠔直頭係珍寶size😍 手打墨丸醬爆肉丸🍡好彈牙 仲有無限添加火鍋配料🥬🌽🥒 有乜辦法唔飽到捧住個肚走🤣🤣 - 📍味火鍋 旺角彌敦道678號華僑商業中心3樓 @yum_hotpot

🇹🇭泰菜🇹🇭
-
炎夏未到 天氣已經好悶熱 行街冇耐 我就想坐低飲嘢食嘢 人在iSQUARE 於是去食平靚正泰吃
-
🍤炸蝦餅 $58餓到嘰哩軲轆 食小食撐撐胃😅 蝦膠足料結實
-
🥓泰式豬頸肉 $78豬頸肉有啲乾同埋冇乜炭香 好彩有個醬汁頂住 香辣惹味
-
🥗泰式鮮蝦碌柚 $88碌柚肉酸酸甜甜好juicy 脆花生🥜質感夠 成個沙律濕潤有口感 有齊甜酸鹹辣 味道夠晒豐富
-
🐔海南雞飯 $82雞皮薄而滑 雞肉嫩 食得刁鑽啲不如加$10要啖啖肉雞髀🍗 師傅用心炮製大大碗冇味精清湯 飲完果然唔口渴喎😚
-
🥤泰式奶茶 +$10心情好嘅日子飲泰奶茶 甜度夠 有茶澀 直頭係我杯茶🤣🤣
-
🍋泰式檸檬茶 $25
用青檸代替檸檬 酸味少咗 檸檬澀突顯茶味甘濃
-
📍 Boat Thai尖沙咀彌敦道63號iSQUARE國際廣場6樓601號舖

🍽️土瓜灣街坊西餐廳🥐 - 幫完朋友搬屋想食個decent少少嘅快飯 見到呢間西餐廳 晚餐由六十幾蚊到百幾蚊嘅選擇都有 一於幫個fd探埋路🤭 - 🍝蒜香牛油虎蝦伴白汁忌廉闊條麵 $93 有兩隻虎蝦 都算大隻 肉質扎實唔會梅 都唔錯👍🏻 忌廉汁比得好足 加上闊條麵好掛汁 夾起每一條都有濃厚嘅sauce🤪 - 🍚辣肉腸鰻魚蜆肉明太子蛋炒飯 $92 餐廳嘅炒飯用嘅係珍珠米 一粒粒有咬口😯 大大粒嘅鰻魚加埋蜆肉 每一啖都食到唔同餸😜 - 🥣餐湯 (跟餐) / 蒜蓉多士 (跟餐+$8) 餐湯係經典西餐廳白湯 有啲火腿絲蘑菇絲 仲有粟米粒粒 好懷舊😳 我哋仲自己加多咗個蒜蓉多士 脆卜卜😏 - ☕玫瑰鮮奶咖啡 (跟餐+$18) 🧃鴨屎香檸檬烏龍茶 (跟餐+$16) 估唔到西餐廳都有鴨屎香檸檬茶飲 幾清爽😉 玫瑰咖啡唔記得叫少甜 所以有啲too sweet🤣 - 📍Munch Now 土瓜灣炮仗街93號喜築地舖 -

☕️大圍一人友善日系Cafe☕️ - 有時約朋友出街食飯 但又未夠鐘集合 通常都一係行下街或者揾個一人友善咖啡店坐一陣🤫 今次呢間位於大圍新商場嘅coffee shop就幫咗我解決要揾地方hea嘅煩惱💡佢位置喺一間小店嘅入面 有一排背住落地大玻璃嘅坐位 望到商場嘅戶外中庭 天氣好嘅時候可以係有冷氣嘅地方享受下日光浴🫶🏻 - ☕️Espresso Tonic $58 呢排咁熱當然要叫番杯飲😽 濃縮咖啡加上氣泡水做成漸層好靚 咖啡味道平衡 加上氣泡水酸酸甜甜 好消暑☀️ - 🍰朱古力蛋糕 $38 咖啡店主打賣日系蛋糕 所以係行好鬆軟好輕盈 零罪惡感嘅果種感覺😉 朱古力味會越食越出 份量好適合下午茶🥰 - 📍All Day Coffee (圍方) (大圍) 大圍車公廟路18號圍方3樓328號舖