12燒

營業中

休息中

葵芳既野食從來唔令我失望今次要為大家介既係 - 12燒12燒係位於葵芳興芳路177號葵芳廣場地下14號舖店舖既環境乾淨舒適餐廳主打食港式串燒為主佢食物種類選擇多普通既肉類 菜類 到海鮮類都有個人大愛佢地個燒娃娃菜配料上我選左蒜蓉蒜蓉 + 娃娃菜 = prefer match師父燒到娃娃菜好爽口 配埋蒜食真係無得輸而且佢地既燒蜆同樣出色佢都好足料咁上菜有興趣既朋友仔bookmark定啦Location : Kwai Chung

呢間串燒店最特別係提供多達12種口味任你配搭，包括椒鹽、孜然、蜜糖、沙茶、黑椒、沙嗲、蒜蓉、鹹蛋王、泰式汁、麻辣、避風塘，同埋燒汁，選擇困難症人士諗咗好一陣先揀到😂▪️錫紙煮蜆 (麻辣🌶️)都有唔少蜆，揀咗麻辣，幾惹味▪️原條茄子🍆 (蒜蓉🧄)茄子好軟綿，好入味，蒜香十足▪️豚肉尖椒卷🐷 (燒汁)尖椒好爽脆，少少辣，配埋豚肉，都幾夾▪️雞脾菇 (蒜蓉🧄)燒完都保持juicy，如果厚切啲會仲正▪️魷魚鬚串🦑 (泰式汁)煙韌有咬口，配上泰式酸辣醬，真係好有泰國風味▪️豬頸肉🐷 (孜然)有豬油香得嚟，唔會太肥▪️雞軟骨🐔 (椒鹽)好香脆，同椒鹽真係絕配▪️牛舌🐮👅 (黑椒)唔會太薄，食落好爽口，亦都有牛味▪️玉子燒🥚 (蜜糖🍯)面頭搽滿蜜糖，甜甜哋，充滿蛋香▪️鳯梨梳打🍍🥤梳打幾解渴，又唔會好甜12燒📍葵芳興芳路177號葵芳廣場地下14號舖

之前social media見到介紹呢間小店，都想試下。 今日來到，舖頭細細間但感覺幾光猛同乾淨。 由於食串燒都中過唔少伏，所以第一輪都係叫幾串試下水準先，諗住如果唔好食就行過葵廣篤串魚蛋好過… 一來到會有個小爐喺台面幫串燒保持溫度，雖然火力一般但都感受到小店係有heart 想做好嘅。 好鐘意佢地可以揀調味，出面串燒店好多都係一隻味（孜然）走全場，食多兩串已經覺好悶。我好欣賞呢度串一口牛，好嫩又有牛味。 鹹蛋黃味花枝丸同蜜糖味雞翼都燒得好正，食到一半已經覺得係有下次嘅👍🏼可以叫第2輪😆驚唔夠飽，叫咗個燒豬頸肉飯都好好味。 臨走還有訂位送的燒棉花糖有奶皇味，bbq感覺好滿足！ 呢間小店價錢合理好多款都只係$16串， 值得支持下。

葵芳既串燒小店❤️價錢經濟實惠🤑而且味道都算唔錯🫶🏻得閒想食下串燒過下口癮都幾推薦呢間👍🏻👍🏻✨OpenRice 仲有套餐買㖭！😍✨🐖豬頸肉椒鹽口味，微焦香口，唔會好韌又帶點嚼勁，都幾好味🐓雞中翼泰式酸辣醬口味，酸辣味配雞翼都幾夾，幾惹味🐂肥牛金菇卷沙嗲口味，唔乾柴又香口，肥牛唔會太肥，口感唔錯🍆原條茄子原條茄子大大條，蒜蓉口味，再加上調味粉起軟綿多汁既茄子上，入口十分滋味🥬錫紙娃娃菜加左孜然粉再放上錫紙兜上烤過，娃娃菜清甜入味又juicy 🍌燒香蕉比較罕見既燒物，用焦糖燒出黎都幾好食，軟腍香甜，香蕉味濃郁

食物:串燒的款式不少，而且可以自己選擇調味，調味的款式有以下。調味:椒鹽, 孜然, 蜜糖, 沙茶, 黑椒, 沙嗲, 蒜蓉, 咸蛋王, 泰式酸辣醬, 麻辣多春魚x 麻辣 ($20/2條)-燒得香而唔會燒焦-麻辣唔會太重, 適合大眾牛舌x 燒汁 ($18)-都算厚切-食到油香-牛舌唔會過熟，火喉適中燒賣 x 沙茶 ($16)-似炸燒賣-香口雞中翼x蜜糖 ($16)-雞翼開左邊, 方便食, 細心-蜜糖雞翼真是天生一對環境: 呢間串燒小店位於葵廣附近。店舖雖小，但座位都舒適唔迫。

雞腎 $16美味指數：👅👅👅👅 (4/5)串雞腎燒得啱啱好，食落好有咬口，我哋揀咗麻辣醬汁，呢個醬汁帶有微辣嘅味道，唔會太辣，令到味道更加豐富。五花腩 $16美味指數：👅👅👅👅 (4/5)呢串個外皮係燒到脆卜卜，配埋個泰式汁酸酸辣辣，超好食🤤牛舌 $18美味指數：👅👅👅👅/👅 (4.5/5)個牛舌肉質都幾鮮嫩，食落好有牛味，唔會燒到好乾，同埋都幾大嚿。

平時好多朋友都係約葵廣，但其實葵廣附近都有個葵芳廣場，入面都有好多野食㗎🤣今次朋友就帶我黎食咗間唔錯嘅串燒～值得一讚嘅係佢有超多口味可以選擇🤩*玉子燒 $16玉子燒我地揀咗蜜糖味，蜜糖味都幾濃，甜度啱啱好～而且玉子燒嘅口感紮實綿密，好味😋*牛舌 $18牛舌我地揀咗椒鹽味，牛舌嫩得黎又有少少彈性，配上椒鹽，好香口好惹味🫶🏻*魷魚鬚串 $18魷魚鬚緊係要配椒鹽！魷魚鬚燒得好juicy，唔會乾，而且好入味，推薦😍*一口牛肉粒 $30一口牛我地試咗黑椒味，牛肉好嫩，配上黑椒嘅微辣，正啊！🤤*鹹蛋王多士 $20多士煎得好脆，而且仲有鹹蛋黃濃厚嘅鹹香味💓

去完葵廣食野，行去搭巴士返屋企途中發現呢間隱世串燒鋪呢度嘅串燒竟然有lunch set$65 就可以自己揀5串串燒都幾抵食！如果驚唔夠飽，仲可以配炒飯而呢間串燒店最特別就係有好多款調味可以自己揀唔係淨係得辣同唔辣仲有泰式、咸蛋、避風塘、沙嗲等等全部都好有特色我地最後就叫咗5款串燒串燒全部細細串好方便食可以試多幾款必食推薦咸蛋燒雞翼本身雞翼燒得好乾身香脆加上滿滿嘅咸蛋黃醬添上一份咸香牛舌雖然係薄切但都唔會燒到好乾魷魚好爽口一串真係唔夠食配埋泰式汁都好夾豬頸肉燒到勁香油脂嘅香味真係難以抗拒簡單配個燒汁或者泰式汁都係一個唔錯嘅選擇雞腿肉啖啖肉肉質嫩滑

除左葵廣掃街食外，原來葵芳有間串燒店，唔係朋友介紹，真係會錯失美食。一入去，環境已經好舒適乾淨。老闆仲好熱情咁介紹lunch set和各種串燒，最特別係都可以根據自己喜好自由配搭12種燒汁口味。而5點半前都仲可以叫lunch set。所以我哋就選左午餐A, 有招牌避風塘炒飯，炒飯有炸蔥蒜味，微辣。串燒就選左沙嗲牛舌，椒鹽雞脾菇同蜜糖雞中翼。牛舌厚得來有爽口，配合沙嗲汁一流。雞脾菇完全不乾，椒鹽味好香。蜜糖雞翼鮮嫩多汁，唔柴得來又有蜜糖香甜味，值得encore。咸蛋王多士，多士外脆內鬆軟、牛油香味配合埋濃郁的咸蛋香味，絕對值得一試。另外，我哋仲叫左蒜蓉茄子，係成條茄子開半直上，份量十足，茄子上面佈滿蒜蓉，蒜香味十足，色香味俱全，必食。錫紙娃娃菜，份量十足，juicy得來又有鮮甜味，大推。燒波蘿又係必點食物之一，又fresh 又鮮甜多汁。整體而言，食物好食，價錢實惠，性價比高，可以稱得上隱世串燒美食小店。

葵芳葵興有不少食肆，有一晚放工後突然想食串燒，在Open Rice找到這間12燒。食店位置不難找，在葵芳地鐵站出發不用10分鐘便到。甫到埗時看見食店店面的主題黃色給一種醒神的感覺，這裡的環境十分企理、整潔、舒適，適合與幾個朋友閒談小聚。餐牌上有多項選擇，有牛、雞、豬、海鮮、蔬菜等，店主細心地以食物類別分類，不致於太過眼花撩亂。選擇食材後再選擇味道，如店名一樣，真的有12款味道以供選擇。價錢由$1x起，很划算，於是沒有太多猶豫，便跟友人點算十多款來試試。串燒沒有一次過上枱，串燒上枱時附有小蠟燭及食物盤，以保持溫度。串燒看起來不油膩，吃起來仍保持食材的鮮度，尤其大推海鮮類，串燒味道方面，孜然、泰式、避風塘特別惹味，可以一試（也可向店員查詢食物配搭推介呢）。總括而言，環境、食物選擇及質素都令人十分滿意，會再來光顧啊💪🏼蟶子👍🏼

📍12燒🇭🇰 葵芳興芳路177號葵芳廣場地下14號舖個日係葵芳邨附近做完嘢好肚餓又好熱 完全唔想行去葵廣本身以為屋邨商場得啲連鎖店 好唔開心點知比我發現到呢間串燒！！佢除左串燒都有飯佢有12款調味料 真係揀到我選擇困難症發作最後叫左五種 全部都唔錯！排名如下鹹蛋黃>蒜蓉>避風塘=麻辣>沙爹😋 燒茄子 $32超大條 上台冒煙 熱辣辣好正推薦推薦😋 玉子燒 $16唔係我想像中嗰種煎蛋嘅玉子燒佢係玉子壽司嗰隻甜甜地都幾好食😋 韭菜 $14佢燒到乾身好香 但係唔會過份乾 好食👍🏼👍🏼😋 肥牛金菇卷 $20有啲細舊不過好Juicy😋 豬頸肉 $16呢個都好食 唔會太肥 讚！

去得葵芳通常都喺葵廣新都會食野，今次發現對面屋邨有間串燒鋪叫12燒，見個MENU都幾特別就bookmark左番黎試🥬呢間串燒有12款調味料可以揀，可以配搭自己鍾意嘅組合，上串燒嗰陣仲有個爐可以慶住慢慢食🔥整體嚟講啲串燒都唔算貴，Emi就對個鹹蛋黃醬比較印象深刻，以下就係Emi叫咗嘅配搭比大家參考🍢咸蛋黃玉子燒 $16孜然雞脾肉 $16沙茶雞腎 $16椒鹽牛舌 $16沙嗲豬頸肉 $16避風塘五花腩 $16咸蛋王四季豆 $14蒜蓉錫紙娃娃菜 $28招脾避風塘炒飯 $20.12燒地址 ｜葵芳興芳路177號葵芳廣場地下14號舖

剛開業時, 買過外賣, 麻麻, 之後見多人推介, 所以今次試了堂食.堂食, 我沒選外賣時吃過的食物, 試了想試的招牌避風塘炒飯, 而且問了可加辣. 就點了.招牌避風塘炒飯: 好吃, 加了辣, 味道剛好, 很惹味.蒜蓉原條茄子: 沒過乾或過濕, 好吃.椒鹽豚肉尖椒卷: 唔錯.咸蛋王玉子燒: 咸蛋王可以喔! 很夾.椒鹽魷魚鬚串: 好吃的, 如果肥大隻一點, 就好了.12種調味任你選擇配上. 調味落得恰到好處, 不會過濃蓋過食物本身味道.

喺係屋邨範圍嘅一間串燒店，鋪面細細但做街坊生意，見好多附近嘅街坊都會買外賣食～鋪面特別用霓虹燈整個招牌，夜晚喺屋邨好特出，好容易就搵到。菜式選擇好多，連醬料都有12款，有選擇困難嘅我都諗住一陣先揀到🤣雖然做街坊生意，價錢都好經濟實惠，但上枱都有自家爐控熱啲串燒，好細心，所以一嚟食都唔會凍冰冰嗌咗魷魚、韭菜、一口番薯、牛舌、豬頸肉、雞皮、錫紙煮蜆雞皮好脆口，特登叫咗兩串～錫紙煮蜆都好好味😋住附近嘅朋友不防試下👍🏼

平時係葵涌廣場食野如果覺得太多人嘅話，可以選擇去葵芳廣場有間新開嘅串燒鋪—12燒！🔥店入面唔算大但每張枱都留左好多位，坐得好舒適餐廳嘅落單方式係手寫單，原來係因為有12款特色醬汁可以揀😋我覺得咸蛋王同避風塘係好特別嘅選擇！咸蛋王多士 （$20）呢個推薦！咸蛋醬texture沙沙地好正，每啖都係香香嘅咸蛋王味，多士好脆錫紙娃娃菜 （$28）(蒜蓉)正正常常👍😋啲娃娃菜好甜好食招牌避風塘炒飯 （$20）幾香，可以唔叫白飯叫呢個扇貝（$48）無沙，用蒜蓉整真係最正，唔會太細粒牛舌（$18）肉質比出面嘅串燒店更加軟，牛香每咬一啖就越出司華力腸 ($20) (孜然味)好大條司華力腸，孜然同司華力腸好夾百香果梳打（$23）*2清新，好重百香果味，飲左好耐仲有氣，勁岩食串燒飲12燒 (葵芳)地址：葵芳興芳路177號葵芳廣場地下14號舖