好鍾意食麻辣火鍋嘅，我又搵到一間優質環境又靚嘅麻辣火鍋店，呢間位於佐敦嘅餐廳，一上到去就已經有好多特色嘅打卡位，風格走中式宮殿風，無論所有嘅擺設定係碗碟都好似置身於宮殿入面，好有特色，有提供古裝服飾比啲人打卡影相，好過癮 鍾意食辣嘅我，嗌咗經典鴛鴦湯底，一半清湯，一半麻辣湯底，係四川麻辣風味，食落啲味越滾越入味，清湯配料都好足，又有蘿蔔粟米同埋啲配菜 九格格 特登點去呢個狗格格想覺得好精緻，而且又可以滿足食到唔同嘅食物，原來份量都幾足料，就咁食呢個九格格，都已經有五成飽，入面有唔同嘅海鮮，例如巴沙魚、鮮蝦、桂花蚌、毛肚、鮮蝦、鵝腸、黃喉、龍蝦丸、海帶苗 海鮮全部都好甜鮮甜，而且枱面仲會有指示教你每個食材淥嘅時間係最新鮮～ 平時好少見啲有鵪鶉蛋呢個選項，叫咗嚟食吓份量超級多，而且好嫩口可以試吓 另外仲叫咗啲配料，鮮鴨血、淮山同 、牛舌同雪花肥牛，食到好飽～ 麻辣湯底越滾越辣，一定要點凍飲解辣～點咗佢嘅百香果檸檬茶，唔算好甜，幾清新

呢間喺尖沙咀嘅泰越餐廳，格局精緻，裝修好特別，好有格調 同埋可以坐出面一度聽住音樂飲吓嘢幾舒適 炭燒豬頸肉 食泰國菜必食之一 一擺低就聞到炭燒香氣， 食落去肉質鮮嫩多汁，入口即化 泰式青咖喱（牛肉） 當然唔少得就食咖喱 份量都幾多 個咖喱好濃郁香辣同埋有少少椰香味 仲有唔少得就係個牛肉 好厚肉煮得好腍 青檸香茅蒸鱸魚 鱸魚肉質鮮嫩 加埋青檸同香茅仲有其他香料 食落幾清爽酸辣 佢有個火爐keep住個溫度唔會驚食食吓就凍晒 Pad See Ew 呢個每次我都會叫 個面麵 煮得了幾彈牙又吸晒啲汁加埋微焦既炒蛋 食唔停口！

終於嚟咗呢間成日喺Ig見到嘅人氣酒吧餐廳，畀佢月亮就主題嘅打卡設計同cocktail吸引🤩去到餐廳氣氛真係好好👍🏻滿天都係漸變嘅月亮燈，好唯美浪費，食物質素亦好好，無論質素、價錢定環境都💯 Fried Chicken Wings with Honey Dijon Mustard 炸得外脆內嫩 又多汁 加埋honey mustard 一流 必點之選 Smoked Salmon and Mushroom Spaghetti with Cream Sauce and Onsen-egg 好Creamy 加埋隻溫泉蛋攞埋意大利粉一齊食 吸晒啲蛋汁 J.moon Pizza 溫泉蛋加埋煙肉磨菇意大利腸火箭菜芝土蕃茄醬 感覺幾特別 最鍾意個薄餅皮 薄同脆口 Sagitta - Pineapple Juice, Passion Fruit Purée, Vanilla Syrup and Lemon Juice 好清新既水果香味 如果有得無限refill就好 J.moon (the secret Apollo 11 Mission) 酒吧嘅 signature cocktail，會用煙燻槍整左個泡泡出黎，帶有少少焦糖味 打卡一流

又發掘咗間性價比好高嘅居酒屋，喺太子大南街，位置方便容易搵。門面同內鋪都係走暗黑型格路線，菜式好多，刺身、串燒、鍋物都有，啱哂咩都想食啲嘅朋友嚟 吞拿魚蓉卷 吞拿魚蓉分量十足，每一件壽司都可以食到滿滿嘅吞拿魚蓉，好滿足 真鯛刺身 肉質鮮嫩，好新鮮甜美～ 燒牛舌 呢個有驚喜～必點 配上芥茉同檸檬汁，令到牛舌更加鮮甜 檸檬汁酸酸地，好Refreshing，再加少少酸甜嘅芥茉，令到牛吞更惹味，再加上牛舌本身好爽口彈口，推介～ 甲羅燒 有蟹膏、蟹肉、蟹籽、蔥花同鵪鶉蛋， 將佢哋全部撈均，再放上燒到脆卜卜既鱈魚乾 好惹味～ 燒明子玉子燒 玉子燒燒到啱啱好，唔會太老，啲蛋漿又好香再加埋鋪上面嘅明太子，好好食 和牛薄燒 店員會喺你面前即席火燒，和牛好薄身，再加埋燒到脆嘅蒜片、蔥花、柚子鹽同檸檬汁，個配搭好夾有層次～入口即刻溶^_^令人回味 雞頸肉 雞頸肉入口鮮嫩彈牙，燒到脆香，不錯 再叫咗兩杯凍飲，柚子凍飲同一杯

韓國餐廳 當然會食番韓國菜，但係見到佢有其他小菜，所以試下，會唔會一樣做到出色。 鍋仔豆醬炒海蝦花甲～送到埋黎仲係好熱😚， 以豆醬調味，同其他配料炒 蝦肉微辣帶鮮🤟🏻🤟🏻花甲肥美鮮甜👍🏻 韓式糖醋肉 醬汁酸甜適中，脆口嫰滑，好開胃👍🏻 仲有三色椒配襯顏色豐富 魚糕片炒雜菜 好鐘意食魚糕片 比我想像中份量都多 另外叫左2杯飲品 大大杯 裏面仲有爆珠😍幾得意 😋😋 藍調時光/紫雨林 兩杯野飲都好岩打卡✌🏻✌🏻

搵到間性價比高嘅omakasae👍🏻食材都係由日本空運過嚟，餐廳位於中環心臟地帶一座商廈嘅頂樓位置，落地玻璃設計入光度極高，景色一流！ 座位分布係全bar 檯設計，大家都可以近距離望到師傅準備食材 Omakase lunch Set 前菜： 柚子醋沙津酸酸地好開胃，牛蒡漬同醃橋頭 整體賣相好靚 鯛魚薄切 沖繩縣濱鯛魚刺身，切得好薄身 加上喜瑪拉雅鹽、菊花、香䓤，最後配上橄欖油 口感豐富，入口即溶 簡單嘅調味就凸顯出本身嘅鮮甜 壽司十貫，採用左赤醋飯同調味唔需要特登再加豉油 同埋佢哋嘅醃蘿蔔都係自家製作 清甜爽脆 * 金目鯛: 粉紅魚身 油份飽滿 * 鯛魚:油脂鮮甜 * 深海池魚: 鮮嫩肥美，脂厚油香，入口回甘！ * 鰤魚: 用咗三星味噌調味 唔會蓋過本身鮮甜 * 活北寄貝貝：師傅會喺你面前拍一下 顯示佢嘅新鮮程度 * 沖繩島南方銀鱗魚: 肉質細嫩鮮美。 * 赤蝦: 上面鋪滿晒炒香左嘅櫻花蝦粉 味道濃郁，鮮甜 * 熟成10日嘅大拖羅 柔軟潤滑 肥美適中 * 海膽: 份量極多 口感細滑甘甜！配上少少嘅梅子鹽帶出鲜味 * 銀鱈魚: 新鮮銀鱈魚配黑松露醬 燒物： 第一次食Omakase 有加入串燒元素 免治雞肉串 豚肉串 翠玉瓜 一緒特色湯： 麵豉湯 甜品： 朱古力蛋捲

新年去銅鑼灣行街同去花市，近近地就喺Time Square附近搵好嘢食，又去食我哋最愛嘅Burger🍔 呢間小店門外好有復古藝術風格，入到去裝飾畀人一種意式異國風情感覺，牆上掛上小丑面具裝飾、堡壘吊燈，畀但種神秘感覺 呢間餐廳主打西式漢堡包同Gelatos雪糕，今次分別叫咗煙肉芝士牛肉漠堡(combo) 同猪肉漢堡（original) 漢堡即叫即做、煙肉炸得好脆口，本身好鍾意食較焦脆嘅煙肉🥓所以特別鍾意煎得好脆嘅口感，加埋半溶嘅芝士🧀同薄薄青醬，食落就天juicy 牛肉分量都不少，牛味好香，薯條份量都好大～ 豬肉漢堡一樣都好juicy，同樣有煙肉、芝士、生菜、蕃茄，而且夾雜住好多洋蔥，夾埋豬肉食就更香口又唔肥膩，份量好足，豬肉肉質結實多汁～ Rose Mulberry Cream Gelato Gelato 雪糕口感香滑，Rose Mulberry味道好香，食落會咬得嘅籽，好有口感，而且好creamy，食完好滿足💗 銅鑼灣人來人往，小店位於主街後面，相對冇咁嘈，坐位舒服，價錢相宜，靜靜地享受午/晚餐都係不錯選擇👍🏻

朋友知我冇食過法國菜，就話帶我嚟呢間CP值好高嘅法國餐廳品嚐fine dining🍽️ 果然冇介紹錯，無論食物嘅品質餐廳嘅環境氣氛甚至餐具嘅擺設全部都💯，享受咗一晚高質嘅fine dining👍🏻 今次選擇佢哋嘅Tasting Menu，性價比好高，唔單止食物嘅質素好好，而且見到佢喺擺設方面都花盡心思店員喺上每碟菜嘅時候都會介紹返每到食物嘅特別之處，所以就更加感受到佢哋對食材嘅認真👍🏻 第一道菜係”Japanese Mackerel” 有三層，上面係日本鯖魚，肉質超級鮮嫩，魚油味重，一咬落去啖啖魚油出哂嚟，入口即溶，中間係柑橘醬油嘅啫喱，帶點甜酸，令成碟菜更昇華，最底層係炭燒波蘿，一啲都唔酸，好香甜，夾埋一齊好夾好好食 第二道菜係”Swiss Barley Soup” 薏米湯入面有牛肉、雜菜，蘑菇、飲完會暖啲 第三道菜係“Nagasaki Chicken Roulade with Beetroot Salad” 以63度低溫嘅煮法，將長崎雞肉製作成雞肉慕斯捲，入面配以鵝肝、炒蘑菇和烤開心果，仲配搭紅菜頭泥、火箭菜沙拉，層次好豐富，配埋紅菜頭泥令成碟菜食落唔油膩，口感十足 上main course 前，店員仲畀咗杯雪芭，清新嘅味道，好開胃 第四道菜係”Carabinero Red Prawn with Shrimp Roe Noodle” 配以深海紅蝦同蝦子麵，呢碟菜有驚喜，紅蝦輕輕灼過，仍然保留咗佢嘅新鮮，最驚喜係個蝦頭，好juicy，好多蝦膏好爆汁，撈埋啲蝦子麵嚟食好好食🤤蝦子麵本身已經佈滿醬汁，非常濃郁 第五道菜係”Sous Vide Black Cod” 擺盤精美，慢煮鱈魚更係用牛奶浸過，所以肉質特別鮮嫩同淋，再配以菠菜汁同焗到脆脆嘅煙肉，配搭令人一食難忘 第六道菜係”Charcoal Grilled As Miyazakigyu Rib Cap” 炭燒A5級日本宮崎和牛肉眼頂蓋， Medium rare燒到剛剛好，唔會太老，好鮮嫩，低層仲有日本辣椒，唔辣的但味道好香，加埋好creamy嘅牛油薯蓉，一啲都唔會滯 最後就係甜品喇😋”Glazed Lemon Mousse Cake” 但係賣相已經好吸引🤩呢個甜品做得好出色， 檸檬慕絲蛋糕，入麵包住白朱古力嘅mousee，好清新，甜度適中，仲有啲蛋白脆脆，更有口感，好推薦👍🏻 見到好多美食嘅顧客都係嚟慶祝生日或者周年紀念現場更加有live Band唱歌，所以氣氛一流，仲會為佢哋唱生日歌同埋提供合照留念，如果想慶祝特別日子，好推薦呢間餐廳

呢間喺西環嘅泰式餐廳，格局精緻，裝修好特別，大門口嘅墨綠色牆身同異國風情地磚，好有東南亞嘅風味～見佢店員都係泰國人，菜式都泰味十足～ Thai Omelette with crab meat 蟹肉奄列 估佢唔到！裏邊全部都係蟹肉 好足料！呢個omelette嘅口感好似食緊炸蛋 好脆身又唔唔油膩！每一啖都食到佢嘅鮮甜蟹肉味 Poh Tak Spicy & Sour clear soup 泰式酸辣湯 酸甜微辣 配料豐富 有好大隻蝦同青口同埋菇飲完就好似開咗個胃口咁 Masaman Curry 泰式紅咖喱雞 Roti薄餅 （2pcs） 個咖喱辣到溫和又有濃郁花生味 好Creamy配埋薄餅最啱 Tom Yum Fried rice with seafood 冬陰功海鮮炒飯 炒得夠乾身 同少少酸辣口感 又有蛋花襯托 每一啖都食到海鮮 份量夠晒大碟 Thai ice tea泰式奶茶冰 Coconut milk 椰汁冰

今次搵到主打Yakitori燒鳥料理嘅樓上居酒屋，因為佢賣點係食雞嘅內臟同埋唔同嘅珍稀部位，可以試到啲平時冇食到啲部位，幾吸引咁就嚟試吓😋 呢間店走型格水泥風，神秘又有格調，入面吧枱可以見到師傅即整即燒，出露台空間更大位置非常闊落～ 今次食到嘅串燒同以往食嘅唔同，可以食到平時小食嘅部位，特別嘅體驗👍🏻想靜靜地同朋友食吓小食傾下計，不錯～ 點完想食嘅串燒之後，店員會提供調味盤，好特別～會有七種配料，有三款粉（七味、一味、山椒）；四款鹽（咖喱/抹茶/柚子/檸檬味） 雞下心 口感特別，有醬油調味，食落好爽脆 雞軟骨/雞皮 好鍾意食～燒到金黃脆脆，一食落個雞油味即刻出嚟，入口即溶，推薦！ 雞肉雞肉棒 次次都會點呢個～可以撈醬油加雞蛋嚟食 糯米外皮燒得脆脆地，但入面嘅糯米仲係好軟熟，好食🤤 雞上髀肉 唔會燒到好乾身，仲係保持佢嘅肉質鮮嫩 燒鱈魚乾 魚味濃郁，卜卜脆，點埋蛋黃醬，好惹味 水牛芝士煙肉卷 勁重芝士味，超濃郁，半潤嘅芝士夾埋燒到脆脆地嘅煙肉好夾 福岡秋葵 好爽脆，上面有啲木魚同少少醬汁好特別嘅配搭 醤油燒飯團 飯團上面已經有啲醬汁，烤到脆卜卜，內脆外軟 抹茶厥餅 最鍾意就係食厥餅，夠煙靭，抹茶粉淡香，唔會太甜