龍城冰室

營業中

休息中

今日遲咗收工，好肚餓，決定直接食埋飯先返屋企。同朋友仔點咗幾款野食share，簡簡單單但開心滿足！聽講呢度嘅常餐幾受歡迎，點返個試吓先瑞士雞翼撈公仔麵🥢好入味嘅雞翼，𥚃裡外外都充滿瑞士汁，又唔會太鹹。3.6牛乳炒蛋拼腸仔個蛋炒得好滑滑，份量又多芝士火腿牛角酥🥐呢個真心正，個牛角酥咬落去係有層次嘅空氣感，牛油味香濃，加埋鹹鹹哋嘅芝士火腿，巧巧味！海鮮湯龍躉泡飯真係龍躉黎架喎，有菇同菜(因為無絲瓜所以轉咗菜芯)，個湯比較清淡，下次試吓韓式湯底果款先。韓式炸雞雖然唔多似真正嘅韓國炸雞，但都炸得ok，唔會太乾身。飲品我點咗蜂皇柑桔蜜🍊有驚喜，原來係鹹柑桔，潤下喉，唔會太甜。朋友就點咗杯龍鳳檸樂。

喺觀塘AIA 隔離，都唔算好遠地鐵站行過去慢慢行10分鐘就一定到🤣原來嗰邊都好多嘢食，有2間茶記添呀！！不過今日見佢排隊好多人，就羊群心理諗住試吓啦~~入面都好光猛，而且唔似一般舊式茶記，坐嘅卡位亦都好舒服！餐牌都好多嘢揀，最正係佢有紅中白湯比你揀，好少茶記有成3款你揀！重口味梗係揀白湯啦🤣瑞士汁雞翼撈公仔麵常餐 $48雞翼十分之淋嫩，好入味有2隻中翼！撈公就略厭個汁唔夠重口味，值得一提佢唔係配方包，而係牛角包with火腿芝士！而且炒蛋好好食，好黃，好嫩！去茶記當然叫奶茶，朋友話好正好飲！龍城炒米粉 $49Very goooood!!!佢用蛋去炒米粉，仲要好多料，叉燒火腿蝦九黃芽菜蕃茄都齊哂，公司炒米粉咁樣。味道十分夠獲氣，咸味適中，油水夠，唔會太油！正！椒鹽豆腐見好多人食，就試下！超大碟🤣🤣🤣啲豆腐好滑！！而且椒鹽個味好出！都唔錯！2個人食到飽哂先150蚊唔洗！好抵~~~~

觀塘真係好難搵食架，一到12點左右就開始排隊，呢間龍城冰室lunch都係日日有人排嘅以前我好鐘意食呢度個早餐，因為佢早餐係配牛角包，而唔係一般嘅多士，所以經常黎食早餐，以前牛角包係其他時段係冇架最近發現佢常餐跟埋牛角包喎，所以我lunch都有黎食啦，雖然係要排隊，但都算好快有位常餐有4款，而嗰4款都好食架，不過我多數叫常餐2 -瑞士雞翼撈公仔麵＋啡走我鍾意瑞士味夠濃，公仔麵煮得啱啱好，唔會淋，當然我最鍾意就係牛角包火腿配炒蛋啦，個包包係最好食嘅，另外個蛋都炒得好滑😋 其實食完都幾飽架呢度嘅下午茶都唔錯架，多選擇，我地有時tea time會whatsapp落單，真係好方便

早上去行山出門前去了龍城冰室食早餐地點位於觀塘地鐵站步行5-8分鐘非常方便由於早上食客很多所以建議早少少去早餐非常便宜而且份量多吃一份早餐連午餐也不用食我點了五香肉丁公仔麵餐另加沙爹牛肉（+$8）有3.6牛乳炒蛋和火腿配上牛油脆豬另加紅豆冰（+$8）一份早餐如果不另加沙爹牛肉或紅豆冰才$32五香肉丁和沙爹牛肉份量很多加上公仔麵軟硬度剛好吃起來不會太飽肚紅豆冰很大杯甜度剛好紅豆軟軟但很有咬口美好的一天在於早餐吃完早餐很滿足充滿力量去行山！

24/4/2021 開心星期六 今早約左朋友仔觀塘等，食個靚早餐之後行街街，之前經過這間《龍城冰室》很多人，就黎試下先 🙂🙂🙂一黎到，好快有位，估唔到早餐餐牌很吸引😋😋😋從來未見過會有～咖哩魷魚公仔面😍😍😍，呢個配搭，真係與眾不同🥰，老闆好有諗頭， 仲有可以我最愛既牛角包包😍，配埋高質黑咖啡，一個早上，滿足左我3 個願望💕💕💕朋友仔食沙嗲牛肉麵，都話好好味，價錢仲好平民化，下次有機會帶埋屋企人來先😋😋😋

眾所周知 觀塘出晒名塞車 放工時間 已經好肚餓所以決定同老公去駿業街食埋個晚飯先搭車閃我地揀左食龍城冰室餐牌好多野揀 有中式小菜套餐同埋港式西餐揀仲心大心細食咩好一見到鐵板就心心眼😍細個覺得食鐵板餐 係好開心既事因為聽住zizi聲 係廚房拎出黎上枱沿路既人都會聞到香噴噴到左大個都一樣 🤣 覺得食鐵板好開心我揀左招牌美國西冷牛扒配蒜蓉汁 可以揀飯/意粉/薯菜$98 包湯包野飲見到塊扒就好開心 大過我隻手掌 仲要係好厚架🤩呢個份量真心好抵食大慨5成熟 好好 咬落一d都唔韌食到最尾都唔會話熟晒乾淨淨 至於個汁 梗係要黎撈飯😋湯有3個選擇 除左紅白湯 仲有中湯好耐無飲過白湯 都幾滑 老公就食乾炒牛河鑊氣👍🏻 👍🏻上枱都係出晒煙 香噴噴牛一樣都唔韌會再返黎再試其他鐵板餐🤤

特厚花生醬西多士 (下午茶) $32西多士喺我係茶餐廳最鍾意嘅食物，不過有時啲餐廳唔會有花生醬夾身。但呢一間就係有粒粒花生醬係入邊😍 即使食到邊邊位都會有粒粒花生醬，足料。上碟時仲有一大塊牛油，好邪惡。西多士炸至金黃，外皮脆口內裏鬆軟，唔會過燶，熱辣辣食啱晒。椒鹽鮮魷 $58有時買外賣返屋企食都好少嗌煎炸野，所以我今日專登嗌一份惹味嘅椒鹽鮮魷🦑，每件鮮魷都被椒鹽包住。炸皮薄身，炸得脆香，我覺得幾好。除咗椒鹽，另外配咗啲乾蒜，提升香味。鮮魷大小適中，有魷魚鬚、魷魚頭，口感軟糯，唔會好硬，亦冇腥臭味。另外仲有啲椰菜絲做伴菜，用嚟清吓熱氣最好😊。凍檸茶 +$3正常發揮小總結，我覺得龍城嘅下午茶抵食。除咗有西多士，仲有啲大大碟嘅炒粉麵飯，加上份量算多同質素都唔錯。

雖然個名叫冰室，但入面都幾新淨！必食自選下午茶🫖1430-1800海鮮湯鮮蝦球湯麵（迷你版）🍜 $43雖然佢話係迷你版但係我覺得都係正常一碗湯麵嘅size入邊除咗有蝦球仲有啲翠玉瓜冬菇全部都好入味用咗闊河粉嘅質地做湯麵估唔到都幾襯湯底唔辣嘅所以所有人都好可以叫配咖哩三寶（魚蛋、蘿蔔、豬皮）入面重有小小洋蔥🧅呢個真係好似街邊小販嗰陣味啲蘿蔔都已經浸得好冧入晒啲咖喱味好彈牙嘅魚蛋呢個仲有有少少辣不過好惹味凍飲+$3特厚花生醬西多士🥜 $23呢個我就覺得花生醬可以再多啲吾算好厚因為是周邊其實係冇花生醬反而就多咗蛋汁📍龍城冰室 (觀塘)觀塘駿業街56號中海日升中心地下A號舖

行完山第一件事係做啲乜呢？當然係要彌補返失去咗嘅卡路里啦！卡路里就是青春，唔補唔得㗎喎！因為為時不早，青春嘅好去處—cafe已經唔使諗，冰室都係一個草根好選擇呢間嘅炸雞髀用黃薑醃過吓，調味有誠意，而且炸得全熟且嫩，真係唔係間間做到隨餐附送蘿蔔糕，一口一個食落冇咁膩，有啲辣椒片點綴吓，XO醬反而更加出西多士雖然唔係好厚，亦唔太多芝士但欣賞仍重質不重size，外皮炸得超香脆胃弟鍾意較乾爽嘅焗豬扒飯嘅飯底，豬扒十分厚，冇乜骨，蕃茄同芝士焗得剛剛好紅豆冰豆同奶嘅比例達到五五，紅豆多，奶香都夠龍鳳檸樂比較有驚喜，檸檬同鹹檸交匯得合拍，令杯可樂異常地頂癮

每逢長期都要入貨，快到復活節長假，當然又去烘焙店一轉，買定搓麵包的材料，趁假期時好好練習。在觀塘入完貨，買到天昏地暗，是時候醫肚。一個人簡簡單單，見到邊間想吃就入去，一切隨心。就給這張巨大的餐牌吸引了…..冰室以磚牆設計，配上一盞盞歐陸式的掛燈，環境很光猛，感覺跟一般的傳統冰室設計不同。地方挺大，設有多排卡座，亦有長沙發座配四人枱，也有些長枱，而全部枱都按防感染措施而設有屏板遮隔。枱上放了一本厚厚的餐簿，另有是日晚餐和吸引我的晚巿鑊氣小菜套餐。厚厚的餐簿有很多選擇，真係唔知點揀好……分別有冰室常餐、麵包系列、冰室粉麵、金牌焗飯、招牌秘製馬來咖喱、精選燴飯、招牌海鮮湯泡飯、皇牌鐵板套餐、港式炒粉麵、惹味小食、蔬菜健營精選、大排檔小炒、大排檔、冰室飲品和冰室特飲。雖然內有不少我喜歡的菜式，但還是39款的晚巿鑊氣小菜套餐吸引我。晚巿鑊氣小菜套餐分一人餐($75)和二人餐($149)，包白飯、例湯和小菜，如要飲品就另加錢。在39款小菜中，我有十多款都想食，真係唔知點算好……先上例湯和白飯，白飯滿滿一大碗，抵!例湯揀了中湯，是日是鮮准山節瓜薏米煲豬骨，熱度十足，湯面無乜油光，喝起來不油膩，味道鮮

疫情過後，終於重新開放晚市堂食。我想這是時候於很久沒見的朋友見面。剛好友人與我於下班後也非常接近觀塘區，因此我們相約到附近來一個晚飯短聚。接著我們走過街頭，看到燈火通明、地方寬闊的這間冰室，相信是吃飯敘舊的好地方。友人喜愛吃泡飯，於是便選了花甲泡飯，看起來份量十足，發夾的數量也不少，湯底的味道也很有鮮味且味道濃郁，她表示值得一吃！！而我卻返璞歸真，選取了冰室的精粹，就是非常有鑊氣的鐵板海鮮炒烏冬。看起來烏冬條條分明，吃起來亦尚算乾身，而且也有足夠配料，火候十足的它並沒有過多的燒焦部份，是合格的鐵板餐。由於我們吃的都是比較濃味的食物，所以大家都有點口渴，於是我們便叫了兩杯飲品，分別是龍鳳檸樂與菠蘿冰。值得一題的是，友人覺得自己的菠蘿冰賣相看似雜果賓治，因為整杯看來都是紅紅的，而非我們認知黃色的菠蘿冰，我們第一眼看到那杯菠蘿冰都有點疑惑，然後互相對視着就笑了一下～🍍🧊🧊

今日黎觀塘搵朋友，食咗呢間冰室😋去到啱啱好係下午茶時間，見係黃店就試下💛🤩餐廳環境幾光猛，而且仲有好多位添！芝士流心西多士（$32）呢個配搭真係十級邪惡😈 西多士已經夠肥，再加埋芝士🤤仲有表面特大塊嘅牛油🧈 西多士煎得幾香，食落唔會成口油，切開就見到微微嘅芝士流心，不過食落有少少濟😛 記得同朋友分享！食完都係鍾意花生醬西多呢個經典配搭多啲🥳焗鮮茄豬扒飯 （$44）蕃茄味超濃郁😋 豬扒表面微微炸過，識落都幾香口，蕃茄汁加埋芝士令到味道更加豐富👍飯加左蛋去炒，可以見到廚師心思，但就相對平時冇咁乾身，小編個人會鍾意乾身啲嘅炒飯底多啲～懷舊紅豆冰（+$8）呢款一定係必叫🤩 店員好慷慨，紅豆份量極多🥳 甜度適中，而且軟硬度啱啱好，紅豆冰椰香味濃，超好飲呀！😍雜果賓治（+$8）小編就唔係太推廣呢款啦，一食就知係罐頭雜果🤣 飲落冇咩味，都係鍾意Neway嘅Fruit punch多啲😚-龍城冰室 (觀塘)📍觀塘駿業街56號中海日升中心地下A號舖抵食指數：😚😚😚😚😚😚😚😚/10舔舔脷指數：😚😚😚😚😚😚😚/10

觀塘本身可以選擇嘅嘢食都比較多，不過今日決定要食啲大路啲嘅嘢，就黎到呢一間龍城冰室啦！龍城冰室位於都幾多眼嘅位置，附近亦都有其他餐廳，不過佢比較光猛，有長期都有人睇午餐時間排隊，所以都受歡迎㗎😀😀今日揀咗嘅係一個正常嘅早餐，沙嗲牛肉公仔麵，但係原來仲可以拼埋牛角包，配腸仔炒蛋，多咗麵包上嘅選擇，唔使成日淨係食方包或者多士🥰另外為食嘅我仲叫咗西多士，仲有呢個脆炸豆腐，兩個都非常特別，而且睇即時脆出嚟，熱辣辣，又香，兩個都食過返尋味以後方便得閒都會去返嗰度食，始終佢嘅位置比較近地鐵站，而且啲嘢食嘅水準都有返咁上下，都算係一個幾良好嘅選擇！

下午茶時段去同收銀員講要A11 嘢飲要檸底佢重覆一次A11係咩嘢食 然後我再講 「檸底唔該」 佢唔出聲我再講 「errr 嘢飲想要檸底」佢問我係咪淨係要一個餐我「唔係 重要個F11 熱華田」佢「嘢飲最後落」好心一早講啦 講第四次先同我講之後落完單出去等發現落錯入去搵返同一個收銀講佢遞張單俾另一個員工話「佢話要改喎」大佬係你落錯 唔係我要改下午茶時段都多人我企喺門口等 廢事阻住人鋪內亦無位可以企等下等下 都好耐 但又唔想催30分落單等到55分頂唔順入去睇原來啲嘢食放晒喺度當時啲員工已經無咁忙從來無人出嚟叫我拎外賣收銀亦無提過要自己入去望（等緊期間有見過一次員工出嚟嗌人拎外賣所以我先一直等，無入去睇）拎到返屋企 發現個雪菜肉絲蝦米湯米粉得湯 係得碗湯 無米粉無餸 淨湯呢間茶餐廳咁灰諧？重有少咗杯凍奶茶打返去佢地電話21111982又係落單嗰個亂晒大龍嘅阿姐聽我話啱啱嚟叫外賣 你地俾漏嘢佢話俾漏啲咩講完之後 佢拎個電話俾另一個姐姐聽我又要再講一次之後聽嗰個電話嘅姐姐都好有禮貌講嘢好正常 爽快唔洗要我講十萬次 聽一次就明

🇭🇰💛龍城冰室 👩🏻👧🏻黃店茶記食物大份 質素不錯👍🏻👍🏻-🍳瑞士雞翼撈公仔麵 +3.6牛乳炒蛋配鮮牛油脆豬+ 熱飲(💰$48)豬仔包🍞好大個 炒蛋🍳冇咩特別不過不失啦雞翼好入味甜甜的🤓大隻肥美 但略嫌唔夠多汁撈公仔麵最後偷左隔離碟瑞士雞脾既汁就岩岩好😝😝-🌭龍城熱狗皇+瑞士雞脾+熱飲(💰$42)熱狗🌭上到黎勁吸睛 好大個而且蕃茄醬🥫吱得幾靚幾整齊熱狗包🍞有烘過 不過如果可以多D 生菜🥗同芥末醬味道應該會再加分的瑞士雞脾 冇份食所以......🤣-另外👩🏻家姐👧🏻呀妹都成日食佢地既意粉🍝最鍾意🍄黑松露雜菌意粉(💰$68)同埋🐟蒜香菠菜三文魚意粉(💰$71)份量真係多 👭🏻女仔既話可以share 食一兜都夠😆