龍城冰室

營業中

休息中

🇭🇰💛龍城冰室 👩🏻👧🏻黃店茶記食物大份 質素不錯👍🏻👍🏻-🍳瑞士雞翼撈公仔麵 +3.6牛乳炒蛋配鮮牛油脆豬+ 熱飲(💰$48)豬仔包🍞好大個 炒蛋🍳冇咩特別不過不失啦雞翼好入味甜甜的🤓大隻肥美 但略嫌唔夠多汁撈公仔麵最後偷左隔離碟瑞士雞脾既汁就岩岩好😝😝-🌭龍城熱狗皇+瑞士雞脾+熱飲(💰$42)熱狗🌭上到黎勁吸睛 好大個而且蕃茄醬🥫吱得幾靚幾整齊熱狗包🍞有烘過 不過如果可以多D 生菜🥗同芥末醬味道應該會再加分的瑞士雞脾 冇份食所以......🤣-另外👩🏻家姐👧🏻呀妹都成日食佢地既意粉🍝最鍾意🍄黑松露雜菌意粉(💰$68)同埋🐟蒜香菠菜三文魚意粉(💰$71)份量真係多 👭🏻女仔既話可以share 食一兜都夠😆

食常餐通常我只會揀沙嗲牛面....但通常都唔會食個餐包或西多🙊 龍城常餐配既係奶油豬...脆得黎又甜....第一次食常餐連個配既包都食埋~ 而且個沙嗲牛醬 又香又濃😂 加埋杯奶茶簡直一流😂😆😏順帶一提 個滑蛋都有些少奶味~幾滑既🤤🤤好滿足既一個常餐

細妹今日難得地一齊放假！最難得地細妹竟然唔訓覺來官塘話下午去龍城冰室歎個下午茶！這龍城冰室有著舊日香港冰室的裝潢！且地下階磚感覺很懷舊！而且卡位甚多，給人有私穏度極高⋯⋯下午茶時段4點黎到緊係食個下午茶喇。這裡下午茶有焗飯、中西式飯麵...西多士、常餐、雞脾、豬扒沙律等等....典型茶記下午茶迎合香港人口味柯打生炸無敵大雞脾可選配薯皇或沙律！ 食炸雞脾配薯皇感覺會油！不過我最鍾意食佢配埋沙律，酸酸甜甜可以解油貳極大件雞髀炸到熱辣辣！陣陣熱氣同香氣撲面而嚟！用刀切開肉質保持嫩滑！而可惜由於雞脾可能太太！生炸的邊位是又乾又柴！！！而沙律本身對茶記沙律冇期望！因為九成九都係罐頭雜果沙律！呢度係用罐頭水果整嘅！混合了少許薯仔粒！風味十足另外一個下午茶組合乾燒伊麵配司華力腸乾燒伊麵雖是細碗，色水調味亦唔錯配料十足！芽菜，草茹勁多！跟司華力腸一條，爽口彈牙！兩人坐到六點無人理！由於限聚令所以埋單走！都係八十多元唔算貴

突然想食鋸扒扒，印象上次去龍城，見過餐牌有得食，所以老公收工即刻約埋佢落去。夜晚7點左右到達，唔使等就可以直入卡位，佢哋既菜式非常多元化，未黎之前已經諗住食鋸扒，所以就點咗美式雜扒同帆立貝雞扒。價錢已包餐湯同熱飲，雖然今日都算早來，但羅宋湯好似已經加咗水，所以有d 失望😔鋸扒上枱都熱辣辣，而每個鐵板餐都已經配搭咗一款醬汁，所以如果想要其他汁，記得落單果陣同伙記講清楚，至於d 扒醃得尚算入味，喜歡配薯條既朋友亦要留意，佢哋係配焗薯，唔係薯條來架🤣

最近因為日日都要去觀塘開會，所以日日都會去龍城食個早餐先再返工，沙嗲牛麵 炒滑蛋 芝士火腿牛角包 凍檸茶少甜少冰 係我最愛個沙嗲牛麵啲味好香濃 啲汁掛曬喺個面度 正最鍾意就係個芝士火腿牛角包 超級鬆脆

平時食早餐一定喺屋企樓下，不過今日就特別啲，約咗朋友出嚟觀塘食早餐，大家唔係住附近，就約個中間點，見下面吹下水！一坐低睇個餐牌，就知自己要食乜，叫咗個「早餐B」，我係見到個「3.6 牛乳炒蛋」配「流心奶黃牛角包」，即時心心眼！食咁多間茶記，有食過牛角包，但配流心奶黃，就真係第一次食。估唔到可以咁夾，仲唔係好「漏」嗰隻，正！飲品我叫咗「凍咖啡」，味道都適中，唔會太甜，又唔會太苦！另外，凍咖啡面仲有啲咖啡粉，都幾好！主食梗係要食「沙嗲牛肉麵」啦！個沙嗲味都幾重，唔係呃人。炒蛋真係好香好滑嘅，下次帶埋仔女嚟食先！

好豐富既下午茶🤤🤤·招牌脆炸雞髀伴薯皇($38)。好大隻，不過唔知點解炸雞髀有d咖哩味，唔通佢係咖哩雞髀@@，都係鍾意食原味多d，薯皇好脆好好味😋瑞士雞髀伴沙律($38)。一樣咁大隻，啖啖肉，如果滑d就正喇鹹牛肉炒蛋潛艇($33)。好鬼大份，炒蛋好滑，鹹牛肉味道爭d，不過整體正👍🏼去茶記點可以唔飲返杯奶茶呢，雖然熱奶茶中伏既機會好大，不過唔試過又點會知呢😝呢間味道唔錯，不過就稀咗少少，希望佢會有進步😆

最近都要去觀塘返工 朝朝早都會去呢度食個早餐 沙嗲牛麵 炒滑蛋配芝士火腿牛角穌呢度個沙嗲牛麵完全係超水準 d沙嗲湯係勁足料 完全係杰撻撻 可以掛係d公仔麵上面另外個牛角酥亦十分香脆可口 而結尾果杯奶茶又香又純 完全為一天作一個完美的開始

星期六同媽媽喺觀塘閒逛 行到有d餓同攰又擔心樓上小店多人等位就諗住去茶記嘆個茶餐😛媽媽問我有邊間推介 我就諗起之前喺朋友個studio叫過龍城既外賣 佢個避風塘豆腐真係一試難忘😋所以我地就去左龍城食tea喇! 一入到去就覺得龍城比一般茶記有格調👍🏽呢度既茶餐選擇幾多 有d option都比較少見~~媽媽就叫左個自選茶餐👉🏼野菌乾燒伊麵 ($39) 配春卷4條茶餐有伊麵食 真係第一次見🤭 食緊個陣聽到幾多人都係叫伊麵食~~伊麵入面除左有雜菌 仲有紅蘿蔔絲、豆芽伊麵唔會好軟腍腍 味道鹹度岩岩好~~春卷形狀比較扁平 餡料入面有豆芽同疑似係薯蓉(?)既食材勝在即叫即炸 好脆口啊!! 我就叫左 公司三文治($55)上枱之後我第一眼就比炒蛋吸引住🤩厚到好似玉子燒咁 正啊! 仲要幾嫩滑😋夾住既餡料除左有蛋 仲有午餐肉、火腿、炒蛋、生菜、蕃茄、芝士🧀相當豐富啊!! 😆每塊麵包都烘到金黃色 食完真係好滿足啊! 🥰對呢度既避風塘豆腐念念不忘😛所以今次都叫左碟同媽媽share!避風塘豆腐($36)呢碟小食比春卷更燙口 可見真係即叫即炸外脆內嫩滑👍🏽加上海量既炸蒜粒🧄 保證豆腐既四方八面都可以痴到炸蒜粒 好正

今日同女朋友係觀塘行街又諗唔到食咩,女朋友就話不如食龍城冰室啦,甘我都無咩所謂,甘入到去見佢燈光都幾光明,都幾舒服,同埋佢地都有好好用透明板隔住,甘我又覺得幾放心,甘黎得中式既餐廳緊係要叫餸食飯架啦甘先夠地道.甘第一樣就叫左個土魷蒸肉餅,肉餅蒸得都好好,唔會太乾同太散,食落都有口感.同埋佢地肯幫我地汁另上,真係加分不少,因為好多餐廳都唔願做.再之後就叫左個黑松露蝦仁炒滑蛋,佢滑蛋炒得幾好,唔會燶同太熟,而且黑松露好夠份量,一放低都已經即時聞到D黑松露味.跟住就係一個蔥燒牛仔骨,佢無落好多汁去調味,反而真係好有火氣,食落唔會難咬,仲真係好惹味,令人食完想再食.最後就係蒜蓉田園炒雜菜,我本身就唔係好食菜既,但佢又真係吸引到我,因為菜好新鮮,蒜蓉都爆得夠香,同埋佢價錢都唔貴,都好推薦黎食

今日同男朋友係觀塘行街,諗諗下好耐無食過中菜,就去左龍城冰室打算叫D小菜食飯🤤一入到去就見到佢地做好哂防護措施,枱同枱之間都有隔好透明板,可以令人安心進食👍甘首先就叫左個土魷蒸肉餅,佢地仲好好肯幫我地汁另上,因為好多餐廳都會厭麻煩話唔得,但佢地服務好好,個肉餅就算唔落豉油都好夠味,一D都唔會太淡,同埋肉都搓得夠實唔會一夾就散👅之後就叫左個黑松露蝦仁炒滑蛋,黑松露既份量都好多,唔會只係落少少,完全為個蛋增加好多香味🤤然後就去到我最期待既蔥燒牛仔骨,不得不說一放低就已經比佢既香味同賣相吸引住,令人流哂口水,牛仔骨唔會切得太薄,好有口感而且燒都無燶,唔會有苦味👍最後就緊係要食返D蔬菜黎保持飲食均衡,所以就叫左個蒜蓉田園炒雜菜,蒜蓉都爆得好香,成碟菜都唔會好油,整體黎講成餐飯既體驗都好滿意😍😍

諗唔到食乜好，最好就係幫襯茶餐廳、冰室呢類，貪佢offer o既款式夠多，梗係唔多唔少會有d 中式碟頭飯，又有d 西式意粉同扒咁，無咁肚餓o既日子又可以嗌番個常餐也就係港式「all day breakfast」。呢間o係觀塘工業區o既茶餐廳，內裡design 都係偏向簡單、樸實為主。我地決定叫一個鐵板餐、一個飯麵再share 食。鐵板餐o個個會跟湯，可配中西湯都得o既，如果睇番set dinner 個餐牌會見到是日中湯係乜，似乎日日都唔同！不過配西式o野，我地都係叫番羅宋湯先。北海道帆立貝雞扒配洋蔥汁($79) 雖然只係menu 上價錢最低o既鐵板餐，但係質素仍然唔錯。塊扒ok 厚實，煎到燶燶地香香地總係令人垂涎三尺，帶子一樣咁鮮味有咬口，只係share 食之後而家一人只食到一粒，唯有當過下口癮啦。個餐我地配o左個焗薯，熱熱o既時候最好食。朋友發辦，另外o個個我地點o左班尼蛋卡邦尼意粉($68)。Egg benedict + carbonara 咁o既組合之前未見過，我食過o既egg benedict 通常係配麵包，不過都可以想像到應該會幾夾，因為carbonara 本身都係d 重蛋味

呢日打算去西灣河行下，所以黎到官塘，諗住食完嘢就搭船🛥過去～而呢排都係繼續草緊黑白淡奶☕個印仔，於是黎左🐲龍城冰室，因為呢間餐廳比較容易搵😹一入到去就問佢哋係咪有得蓋印仔(😆double confirm下)點知！！！個收銀話同事已經將個印仔掉左！！明明個活動去到年尾！！🥵激氣！咁既然我已經入左餐廳，所以就食啲嘢醫肚先繼續出發～於是叫左個常餐($48)👇🏻瑞士雞翼公仔麵🍜配鮮油脆豬同炒蛋🥚，仲有熱奶茶☕價錢算係合理、抵食嘅，而瑞士汁都幾濃，公仔麵又唔會太淋👍🏻不過炒蛋得返少少微溫～鮮油脆豬就唔脆😟唔知係我唔好彩定係平時都係咁呢？！😟

好耐冇試過去觀塘覓食，呢期最鍾意去唔同嘅區食冰室，因為冰室最能代表香港嘅餐廳，食嘅嘢又多元化，同親朋友去食都係食冰室，因為都可以食自己鍾意食嘅嘢。今次就嚟試吓觀塘嘅龍城冰室。叫咗個鰻魚炒飯，鰻魚炒飯炒得好入味，份量都唔少，其實兩個人食都夠飽，鰻魚嘅份量都幾多，食開嘅人都知鰻魚嘅價錢都唔平，所以佢呢一碟鰻魚炒飯嘅性價比都幾高。另外叫咗個雞扒配焗薯加蒜蓉汁，雞扒好嫩，外皮好脆。另外仲叫左個芝士蒜蓉焗青口，好入味好香，牛油味好重，呢個都幾抵食。

今日咁岩去開觀塘覓食，聽朋友講呢間冰室個質素唔錯，所以就約埋女朋友一齊去試吓。呢間冰室個位置距離地鐵站都一段路，不過都幾多人食，因為喺工業區入面，咁岩今日星期六，所以唔駛等好耐，如果係星期一至五肯定好多人。食物嘅選擇都幾多種類，價錢都幾抵食。叫咗個雞扒鐵板餐，雞扒好嫩滑，個焗薯配埋芝麻醬好好食，個雞扒配埋蒜蓉汁，新鮮熱辣上菜，一流。個餐配埋個餐湯。佢哋個炒通菜都好入味，腐乳炒通菜，腐乳味好重，啲菜都好新鮮。