龍城冰室

營業中

休息中

有事要去觀塘廣場一趟，先在觀塘找下午茶吃，就來到未光顧過的龍城冰室。星期日4pm左右來到，不用等位就能入座。店舖裝潢光猛，座位寬敞。下午茶餐的選項多，另外還有自由配搭的下午茶組合，但價格就不算便宜啊！我們一行4人，叫幾份餐就可以試多幾款不同的食物了～～～日式鰻魚炒飯 (迷你版) ，味道香而不鹹，但炒飯稍微炒得不夠乾身，而且鰻魚份量不算多。瑞士汁雞翼&瑞士雞髀，雞翼雖不是雞全翼，但都有連翼尖部分，雞髀夠大隻。瑞士汁的甜味與鹹味取得平衡，滷得夠入味，雞翼及雞髀的肉質不會粗糙。咖喱三寶，有魚蛋﹑蘿蔔及豬皮，份量剛好足夠我們4人均分。豬皮爽口，蘿蔔夠稔，咖喱味香濃，每款食材都吸盡咖喱味！正！！煙三文魚牛角酥，牛角包夾著的煙三文魚夠大片，還有蕃茄及生菜，再澆上大量沙律醬。牛角包質感鬆脆，稍稍欠點牛油香。煙三文魚的鹹香味亦略嫌被沙律醬的味道遮蓋。咖喱角拼沙律，咖喱角香脆不油膩，餡料厚身又充滿咖喱香！雜果沙律不單是罐頭雜果，還加入紅腰豆及粟米粒，用料豐富，味道酸酸的好開胃～～芝士流心西多士，有一大片牛油放在西多面層，再澆上糖漿。切開西多時，流心程度不算高，吃的時候確實帶有少少的芝士香，都算不錯～～勝

喺觀塘返工幾年，經過無數咁多次，今晚終於都有機會食呢間龍城冰室。大大個招牌，地方闊落，而且接近市中心，非常方便。晚市餐牌選擇眾多，每款小菜菜式非常吸引、煎炒煮炸煲都有。一人餐都只係$75 ，仲包白飯、湯、飲品。想食碟炒菜，都只係加$43。唔想食晚餐嘅話，可以選擇招牌馬來咖喱飯。另外仲有焗飯、焗意粉等等。最令人驚喜嘅係，有韓式石鍋飯、泡飯。今晚叫咗一個一人晚餐、先嚟個明火例湯。飲品方面，叫咗雜果賓治，汽水自行添加😂到咗秋冬時分，當然係食當季嘅通菜啦。加咗$43叫過椒絲腐乳炒通菜，通菜好鮮嫩，而且非常大碟，2個人食都無問題。主菜叫咗海鮮雜菜鍋，花甲非常新鮮，最值得提及嘅係呢個海鮮湯底好好飲、夠晒鮮甜。如果細食嘅朋友，可以叫一個晚餐加個菜，兩個人分享。

See! The menu is this thick! The pictures of the menu themselves are already mouth-watering! It took me quite a while to make up my mind to choose a dish for my late lunch. My friend ordered a chicken leg with salad tea set, plus iced coffee. The soy sauce chicken leg is giant!The potato salad with rice paper spring rolls are yummy too. Specially the iced coffee, my friend said it’s really good and smells good. My red bean ice was tasty too. Not too sweet while the red beans are really soft. Th

觀塘工廈雖然出名係搵食勝地😋 但係好多餐廳平日都會好早收門😵 有時如果ot 遲左收工嘅話都好難搵到有乜好食🤷🏻‍♀️ 咁啱今次有野做晏左食飯😂好彩搵到間遲關門嘅茶餐廳😝橫掂都好耐冇食過茶記一於入去填飽個肚 👻呢間冰室既餐牌上面選擇真係好多🥴除左小菜 焗飯 炒粉面 鐵板餐 呢啲正路野之外竟然連鰻魚飯都有🍱🤣有選擇困難症嘅我真係睇到頭都爆🤯😂最後因為咩都想食🤤所以就叫左可以同朋友share 既二人小菜套餐✌🏻套餐包埋飲品同湯🥤兩碟小菜上枱都好快而且仲好有鑊氣添😎我地揀左菠蘿咕嚕肉同露荀炒龍躉😜兩碟小菜份量都好夠👍🏻 最重要係味道都唔差 好有地道嘅香港風味😋 推薦追求快靚正嘅觀塘上班族過黎試試😌👉🏻二人小菜套餐🍛🍲💰HKD 1️⃣4️⃣9️⃣

呢餐係我七日之內食嘅第三餐沙爹牛😂 亦都係最平既一餐，個set跟左迷你芝士火腿牛角酥同埋牛乳炒滑蛋併腸仔&熱飲 ($33)(原來轉全熟蛋就會無左腸仔，呢樣野餐牌無特別指明，有啲唔清晰，食過咁多間茶餐廳都可以免費轉🤔)熱飲幾多選擇，蜂皇柑桔蜜同柚子茶都唔使加錢👍沙爹牛個汁幾濃郁，但無花生香，肉質幾滑，都唔錯～牛角酥係脆既😋 迷你得黎都有啲層次，有牛油香味，如果芝士再溶啲會仲正😅蜂皇柑桔蜜有加埋檸檬係裡面，足料好飲，鹹鹹甜甜，宜家入秋既天氣對滋潤下喉嚨非常唔錯👍總括黎講呢個$33早餐性價比非常高！👏👏👏

今日放咗工之後去咗龍城冰室食午餐, 見到有個午餐c餐係茄汁鴛鴦扒意粉, 扒方面有兩塊, 一塊係豬扒, 另外一塊係雞扒, 兩塊扒都係煮得夠淋身, 比較易入口配菜方便會有紅蘿蔔同埋翠玉瓜, 茄汁方面係足夠嘅, 另外會有啲蕃茄, 啲意粉同埋兩塊扒嘅份量都唔小, 呢個餐夠飽呀呢個餐會包埋一個中式湯或者西式湯嘢飲方面都會包埋一杯熱檸茶餐廳裝修咗冇幾耐, 我見到有啲綠色嘅植物做擺設, 同埋餐廳環境都幾新淨呀, 餐廳嘅卡位都吾少, 我今日有卡位坐, 坐得比較舒服呀

今晚同左家人黎食晚餐門口裝修中，入面環境幾休閒😎是日晚餐有4款，包湯同野飲，價錢好抵啊👆🏻呢個係一人餐嘅Menu叫左覺得幾抵食嘅一人餐，揀咗鮑魚一品雞煲，跟中湯再加$9要雜果賓治。仲叫咗個鍾意食嘅椒鹽豆腐。個雞煲一上黎出哂煙好香😃，之後就開始尋寶之旅。因為同佢鮑魚兜兩兜，所以鮑魚潛左水，要搵搵。結果搵到3隻個雞煲好足料，好多雞件。啲雞件係多肉小骨，仲煮得幾入味👍👍👍椒鹽豆腐一上菜都脆，不過呢啲炸嘢梗係要趁熱食啦。中湯都幾足料，唔係得啲水有啲湯渣雜果賓治都好鮮艷好靚，而家好少茶餐廳有啦！環境都幾闊落，晚市多人都唔覺得好迫好嘈。鮑魚黎講唔會太靭，味道好入味。都對得住個價錢下次再encore😻值得推介！

又黎到塞車塞人嘅觀塘啦😂😂無論咩時候條街都可以咁多人🙄特登等到Lunch Time之後先黎食個下午茶少D人仲有卡位坐 正呀😍下午茶款式有好多 兩點半起有得食有成两頁紙俾你揀😲 嫌唔夠Heavy可以揀焗飯鐵板餐都有😂▫️特厚花生醬西多士🥜食西多士最緊要塊多士夠厚身😍一塊厚牛油放上面 配一枝白雪清純糖漿切開中間花生醬都唔少 食落無油益味金黃色外皮好正呀😍😍我就最鍾意切哂一舊舊再加糖漿🤤▫️焗鮮茄牛脷飯🍅見到佢個金牌焗飯真係忍唔住叫🤪掙扎左一陣要焗豬扒飯定牛脷前者成日食 於是揀左牛脷👅大大舊蕃茄好足料 茄汁唔會煮得太杰牛脷好大塊 味道唔會太鹹 配埋個炒飯底 粒粒分明唔會一PatPat▫️香滑奶茶☕️去茶餐廳點會唔飲奶茶架😍奶味較重 飲落好香滑 就算唔加糖都好夠甜配西多士真係一絕呀🥰

觀塘實在太多人與車，放工去買野，係附近嘅龍城冰室食埋飯先走，呢間冰室平時都係食早餐多，今次就食下個晚市啦，餐牌好厚，選擇好多，有是日晚餐，餐廳精選，都係價錢比較實惠既套餐，有湯有餸有飯有飲品，又有好吸引既皇牌鐵板套餐，今次我地點左晚市鑊氣小菜套餐，加多個小菜share黎食，有份量又抵食！-套餐：海鮮湯海鮮雜菜煲$75套餐跟埋一個飯、一個中菜湯同埋熱飲(加$3)海鮮煲材料豐富，有魷魚、蝦、魚塊、青口、帶子、幾款菜、粉絲瑤柱、菇，好雜錦，我地都覺得蝦同魚塊既味道比較出眾，味道唔錯，其他正常，湯底唔會好咸，送飯一流。中湯係鮮牛蒡甘筍粟米煲豬骨，味道正常。-小食：蔥燒牛仔骨$48牛肉味道少少咸，都係一味唔錯既送飯的選擇。

Tea time食個 tea 充充電，選擇都幾多，肚餓既話會叫炒飯之類，唔太肚餓就叫左個經典既簡單下午茶餐，瑞士汁雞脾都幾入味唔乾身，夠大隻仲有最鐘意既曲曲薯條，唔會食到成口油，已經夠滿足~

早餐B $37沙嗲牛肉麵+牛角飽夾火腿芝士配煎雙太陽蛋+凍鴛鴦總評：最高5粒⭐📌好味程度：⭐⭐⭐⭐📌回頭指數：⭐⭐⭐⭐⭐📌抵食指數：⭐⭐⭐⭐⭐呢間外賣的確係要讚下，我同同事叫外賣（最少要兩個餐），大概二十分鐘送到，速度都幾快。我點了早餐B，價錢37元，這個價錢食到一個早餐，而且份量的確係多，平日大食既我都食唔晒。沙嗲牛肉麵分湯，送到來麵唔會發脹，而且麵質幾好，放湯一段時間都唔會太索湯水。凍鴛鴦味道夠濃，咖啡的苦配上調配適量糖水，好味牛角包是全個餐既靈魂之處，一口已填滿味蕾既牛油香味，配搭芝士火腿，一流。肯定會再幫襯

在觀塘返工所以已經食過好多次龍城冰室， 但後來在附近開了間新的茶餐廳我就多數去了那邊吃午餐，今次又再來用膳。 下午茶餐～海鮮湯蝦球河$43＋ 咖哩三寶＋茶走、 野菌燒汁肥牛飯$43＋ 司華力腸＋凍咖啡$3。 海鮮湯蝦球河的湯底非常清淡🤔， 我飲不到海鮮的味道，河粉粗糙偏硬😅， 不好吃。 咖哩三寶的豬皮大件， 但口感像擦子膠， 魚蛋和蘿蔔味道正常。 野菜燒汁肥牛飯真是等了又等才到， 所有食物已經食完， 催了店員三至四次才跟進😪， 味道普通， 牛肉乾爭爭的。 最正常都是司華力腸， 飲品方面也可以。 整體食物質素比之前退步了， 上菜速度非常慢， 最慘是望住朋友吃完自己還沒有得吃的感覺😅。   

喺觀塘工業區揾餐廳食飯，一定會想起龍城，餐廳以卡位為主，坐得舒服，中西餐嘅食物款式都有好多。特別係晚餐，抵食又好味！瑤柱鮑魚福建炒飯，單睇賣相已經好吸引，飯上面真係有隻鮑魚喺度，飯底炒過，上面的醬汁食材非常豐富，有蝦仁，冬菇，雞肉、青菜粒等！炒得夠味又夠香。餐湯甘筍腿蓉忌廉湯，味道濃郁creamy!星洲炒米粉，足料又有鑊氣，具有特殊風味的星州炒米粉，黃澄澄的色澤，芳香微辣的咖哩口味，材料豐富，鹹味適中。特厚花生醬西多士，厚厚的麵包夾住花生醬，再沾滿蛋汁炸至金黃色，牛油在厚厚的金黃香脆多士上慢慢溶化，跟晶瑩的糖漿融為一體，食落外脆內軟，香甜美味。

超水準早餐👍🏻龍城既早餐一向係我既心頭好，暫時食過佢觀塘同九龍灣分店既野食都係好好食！招牌秘製香辣魷魚通粉🦑🦑🦑🦑🦑魷魚好香濃，彈牙咬口，唔會話太辣👍🏻 係必點之選芝士火腿牛角酥 🥐🥐🥐🥐🥐好少何早餐會配呢種比較特別既包！牛角酥好香，芝士夠濃味😆佢啲煎蛋炒蛋🍳🍳🥚🥚都好出色👍🏻餐廳環境衛生光猛，侍應幾好禮貌～2人早餐價格都只係$90，非常抵食👍🏻👍🏻👍🏻

這間位於觀塘嘅龍城，係好值得去拜會嘅！ 估唔到佢嘅早餐係咁驚喜滿分。職員落單又快，又準，最專業嘅係，佢係無用手去Mark 低你要咩嫁！出餐仲要好快添！熱辣辣嘅早餐，簡簡單單咁，係一日中最重要嘅活力來源，就係一份熱騰騰的早餐真心推介炸菜肉絲米，炸菜夠爽口，微微嘅辣香，配合呢款微透又彈牙嘅米粉，完全將米粉的米味再升華～ 好食到停唔到口啊！另外，炸豬仔都好香脆⋯ 牛油搽得啱啱好，唔太油膩，又會食到牛油香有得揀，就一定會黎呢度食早餐好開心今日係星期六早晨，唔食排隊就食到