屯門分店食車仔麵 由元朗開到嚟屯門啦！ 招牌麵 $60 入面有齊豬腸 豬紅 蘿蔔 魚蛋，仲可以揀選招牌咖喱辣醬（微辣），首先講吓個招牌咖喱辣醬好惹味，然加咗落湯底度，但係都唔會令到佢成個口味淡咗，我仲特登揀咗粗麵可以令咖喱辣醬同湯底更加融合喺個面底度，佢配料份量都好足夠，蘿蔔勁腍另外魚蛋值得一提陳皮味好足好滋味！ 自選三餸車仔麵 $48 另一個揀咗自己可以揀餸嘅車仔麵，我揀咗冬菇 魷魚（+$2） 麻辣豬耳（+$6），喺呢一個就配咗油面加埋手工麻辣醬中辣，佢個手工辣醬比較鮮香濃郁，將所有嘅配送加埋湯底都昇華咗有嗰種辣香，雖然同麻辣豬耳好似撞咗辣味咁樣，但係配合食落去更加香口濃郁 咖喱三寶 $30 呢一個性價比超抵食嘅咖喱三寶，入面有齊豬皮魚蛋蘿蔔仲加埋菜心做底，蘿蔔豬皮都已經入晒味好腍，而魚蛋一樣無可挑剔！ 紫菜丸湯 $28 （丸類三選一：牛丸 貢丸 墨魚丸）呢個紫菜湯同我哋食嘅麵餐真係大相逕庭，佢個湯底真心正，紫菜香加埋湯底濃肉，其實有個隱藏食法攞嚟撈麵都係一流，加埋我哋揀咗墨魚丸勁腍勁鮮香，真係值得推介一試！ 港式菠蘿冰 （+$15） 可樂 $10 永年士多 (屯門市廣場1期) (屯門) 屯門屯順街1號屯門市廣場1期地下G073 & G075號舖

元朗正宗湖南米線 湖南麻辣牛肉米線 $59 🌶️🌶️🌶️ 呢一個必定要推介，湯底係廚師每日用新鮮豬骨熬製而成，超級濃厚入味，絕無添加味精，加埋入邊有木耳同菜做配菜夠晒足秤，連埋佢個湖南麻辣真係不得了，佢用出嚟熬製牛肉，係牛肉嘅肉汁慢慢滲出嚟嘅辣香而唔係嗰一種死辣，配埋米線掛湯層次味道一流！ 紅燒肉丁米線 $58 另一個米線就叫咗純正嘅豬骨湯底，可以完全享受到個湯底嘅精華，佢嘅米線係偏硬，但係口感十足連埋湯底嘅滲透都好配合，紅燒肉丁夠晒多份量，同米線湯底都好融合！ 常得館湖南米線 (元朗) 元朗西菁街30號地舖

荃灣招牌砂鍋雞 砂鍋胡椒豬肚雞米線 $68 正宗嘅砂鍋煲夠晒補中益氣，佢好濃郁嘅胡椒豬肚湯底，入面配料超級足料，令到成個湯底夠晒入味滿足，加埋米線煙靭彈牙連埋湯底層次十足！ 麻醬雞絲粉皮 $58 仲可以轉做撈麵，麻將夠晒味道撈埋粉皮簡直一流，粉皮仲係通心嘅麻醬嘅味道滲入去好正，仲有青瓜絲同埋鮮嫩嘅雞絲，令你入口好豐富好滿足！ 冷盤醉三鮮 $75 入面有齊鮑魚、蝦、花螺，每樣都係藥膳浸過，食落去藥膳滲透晒落去海鮮嘅肉入面，雖然第一啖藥膳有啲苦苦地，但係再咬落去慢慢海鮮嘅鮮味就會滲埋出嚟！ 麻辣雲耳 $24 / 皮蛋豆腐 $28 麻辣雲耳性價比好夠，因為份量好足，麻辣味夠晒開胃，另外皮蛋豆腐，鮮嫩爽滑嘅豆腐配埋鮮香嘅皮蛋真係唔錯！ 豆漿 +$8 醉藥雞 (啟志樓) (荃灣) 荃灣路德圍8號啟志樓地舖

荃灣中菜片皮鴨 晚市好多人 等咗一陣先有位 係正donki隔籬好顯眼 北京填鴨（半隻） $168 兩個人食半隻片皮鴨 岩岩好 價錢已經包括薄餅🫓青瓜🥒京蔥絲 有三道吾好部位嘅鴨肉 1️⃣鴨胸皮 勁脆勁香酥充滿油香～ 2️⃣鴨胸肉 皮脆肉嫩之餘重要勁大舊！ 3️⃣鴨腿肉 肉地比較紮實有口感 再用薄餅 青瓜條 京蔥絲 夾埋一齊食同甜麵醬好惹味！ 麻辣冷面 $ 66 有豬肉青瓜絲紅蘿蔔絲青椒絲薑蔥絲配搭麻醬同冷面勁大碟！食落好麻之餘又有青瓜嘅爽口感refresh番 食落好正停吾到！ 高力豆沙 $ 26 中式甜點 豆沙好鬆軟餡料軟綿綿配搭砂糖 甜到入心！ 汽水 $12 只收現金 老掌櫃東北菜館 (海之戀商場) (荃灣) 荃灣大河道100號海之戀商場2樓2006號舖

荃灣日式居酒屋 刺身三點 $58 入面有油甘魚/帆立貝/赤海老，每樣食材都好新鮮滋味，刺身嘅種類都覆蓋得好全面，令你可以一次過食到你想要嘅日式刺身。 極上刺身三點$98 呢個係必叫嘅刺身拼盤，佢已經包含晒海膽/生蠔/赤海老，海膽超級鮮甜一啲都唔腥，仲有好Creamy嘅感覺，生蠔超級大隻，啖啖肉海水味超級足夠，完全還原原本嘅鮮味 松葉蟹肉海膽炒飯 $188 估唔到有驚喜嘅炒飯，所有配料都超級多，包括蟹肉同埋魚子，炒飯本身都夠晒乾身粒粒分明，撈埋松葉蟹肉加埋飛魚子喺口入面嘅口感層次超級豐富，每一種鮮味都好分明好配搭，最後加埋海膽鮮甜嘅口味呢個配搭真係一絕！ 芝士年糕 $48 外脆內軟嘅芝士年糕真係小食，必叫至選！流心嘅芝士加埋香脆外皮好！ 火灸芝士三文魚腩壽司 $21 / 真鯛壽司$15 / 海鰻壽司 $28 另外都叫咗三件壽司去試吓，燒三文魚腩入口即溶配埋芝士嘅鮮香入口更惹味，另外真雕壽司同埋海鰻壽司都好新鮮！ 加一服務費 鳥山名 (荃灣) 荃灣青山公路 - 荃灣段398號愉景新城1樓1025-1026號舖

元朗親民喇沙小店 軟殼蟹喇沙 $78 湯底好濃厚入味，連帶配搭嘅豆卜完全吸收晒湯底嘅精華，重點係原隻軟殼蟹，香脆可口嘅外表加上鮮香蟹肉，兩者搭配真心一流！ 撈起咖喱豬頸肉飯 $58 配菜已經有炸香過嘅薯仔粒，搭配咖哩汁真正，另外不得不提個咖哩汁真心一流，惹味香濃撈飯一流，一入口係清甜香口嘅味道，之後慢慢會滲透小小辣香層次超級豐富，再加埋肉汁鮮嫩嘅豬頸肉，真係整體感覺都無得彈！ 配凍飲加$8 小食拼盤 $58 炸蝦餅，酸辣鳳爪，春卷，泰式雞肉豬肉串 性價比好高嘅小食拼盤，可以有齊晒你想要嘅小食又唔駛怕食唔晒，特別推薦串燒可以再叫多小小，連埋沙嗲醬好好味！ Cat 喇沙 (元朗) 元朗西菁街20號益輝大廈地下3號舖

東涌Food Court 食米芝蓮！ 極黑•黯然燒魂飯 $70 呢一個唔係普通嘅叉燒飯，真係令你食到驚喜嘅黯然銷魂飯，佢特別配製嘅醬汁同叉燒真係相得益彰，切片嘅叉燒口感剛剛好食落去好Juicy入味，加上醬汁撈飯即係越食越上癮，再加埋隻太陽蛋當你一食落去蛋汁流開嘅時候真心不得了！ 香煎豬扒豬油撈 $68 真係唔係周圍有得食嘅豬油撈飯，呢一個香醇黑毛豬油撈飯10個推介一定要叫，豬肉嘅香氣撈飯，入面口感真係冇得彈，再加埋外脆內軟嘅香煎豬扒，整個配合入口層次好豐富，豬油撈加埋醬汁即係越食越惹味！ 加$10套餐 迷你西關瀨粉 佢係2023米芝蓮推介系列，如果你覺得食唔晒太多嘢就可以加佢個套餐叫呢個迷你嘅瀨粉，將佢變做小食都好滋味㗎！ 加$28任食一款滋味小食 XO醬•爆炒腸粉 另外套餐種類仲可以揀小食，我哋就揀咗炒腸粉，估唔到真係超級香好有鑊氣，XO醬完全融入咗腸粉入面仲有唔同嘅配料咬落去口感一流！ 老祖食堂 (東涌) 東涌達東路20號東薈城名店倉7樓704號舖食代館8及8A號舖

屯門冬菇亭大排檔 好耐無同屋企人食平民大排檔啦，呢到除咗碟頭飯之外重可以打邊爐添！ 晚市粉面飯 黑椒乾炒海鮮烏冬 $56 鑊氣十足嘅乾炒烏冬，一上菜濃郁嘅黑椒味已經知道好香，整體都炒得好乾身夠晒入味，可以配辣醬令到更加惹味，配料都夠晒多，先不論雜錦海鮮好足夠，加埋埋調味配菜已經令到整個炒烏冬都好豐富。 揚州炒飯 $56 性價比超級無敵抵食嘅楊州炒飯，基本上大碟到兩人份量都唔誇張，炒到飯底粒粒分明又唔會太油，本身已經夠晒香味加埋香味嘅叉燒粒，真心口感一流。 連誠大排檔 (屯門) 屯門湖翠路1號地下熟食檔C1號舖

荃灣法式西餐廳 晚市二人套餐 $528 餐湯＋小法包 忌廉薯仔湯 超級濃郁嘅忌廉湯，將薯仔變做粉狀粒粒融入左喺忌廉湯入面，令到成個湯嘅口感好濃厚夠晒味道！加埋香脆嘅小法包呢個配搭真係一流！ 頭盤 （五選一） 巴斯克甜椒煮蜆 新鮮嘅煮蜆隻隻都啖啖肉，加埋甜椒醬料味道有另一番風味，同你一般食開一般唔同嘅更加鮮甜惹味！ 主菜 （七選二） 帶子燴飯配海鮮濃湯汁 呢個會燴飯夠晒入味同埋好Creamy，海鮮濃湯完全融入咗個飯入面，食落每一口都好鮮味加埋煎香嘅帶子，簡直係完美嘅配搭！ 阿根廷安格斯肉眼牛排 （+$35） 不得不叫安格斯嘅肉眼牛扒，配搭薯條，仲有黑松翠紅酒醬汁簡直係一個超級嘅享受，今次叫咗三成熟真係上嚟啱啱好，肉質好鮮嫩口感係半溶化嘅狀態，食落口一啖咬落去香口嘅肉汁喺牛扒度慢慢滲透出嚟，真心不得了！ 甜品 （四選一） 朱古力心太軟 甜品超級有誠意，大大件嘅心太軟一切開朱古力醬湧晒出嚟，加埋雲呢拿雪糕超級好味！ 葡萄酒八折優惠 Sparkling Wine $70 Dessert Wine $60 加一服務費 Odelice! (海之戀商場) (荃灣) 荃灣大河道100號海之戀商場1樓1002號舖

旺角古色古香川菜館 荔枝蝦球 $108 真係整棵荔枝樹咁上枱，真係影相都影到手軟，樹上面掛住粒粒都係荔枝蝦球，外皮用咗脆米口感不錯，入面蝦球啖啖肉夠晒鮮香，加埋酸甜嘅醬料真係做到色香味俱全！ 炸饅頭 $58 戰艦將六個炸饅頭送上，真係估唔到咁好味，金黃外脆嘅表面，再加上煉奶真係完全抗拒唔到嘅味道，饅頭入面嘅鬆化程度再加埋煉奶滲入去真係一流！ 黑糖脆炸糍粑$58 香脆嘅程度炸得剛剛好，加埋甜而不漏嘅黑糖係結尾真係冇得彈！ 椒鹽魷魚鬚 $138 新鮮嘅椒鹽魷魚鬚，大大條嘅魷魚腳配上椒鹽脆炸，食落去啖啖肉非常之鮮甜，加上炸粉嘅比例剛剛好唔會令你好似食粉咁樣喪失咗原來嘅味道！ 特大青檸雜果茶 $48 涼拌雞絲粉皮 $68 前菜叫咗雞絲粉皮，佢嘅粉皮用咗空心捲埋咗一齊，令到麻醬滲入咗粉皮入面口感好滿足，再加上青瓜同雞絲成個層次截然不同 前菜$18位 加一服務費 麻辣風雲 (旺角) 旺角彌敦道628號瓊華中心10樓