鮮芋仙

營業中

休息中

兩個人食都食唔晒，份量比銅鑼灣嗰間大，嗌咗個$68嘅仲大過我個頭，食物都唔錯，算係又抵又好食。人又唔多，唔使點排隊。食物要自己去攞但員工服務態度好，前台好有禮貌

咁啱經過觀塘APM，出面嘅天氣升溫了，有啲悶熱，行入商場里就睇到鮮芋仙。對於芋圓控嘅人肯定不抗拒，點都要入去食返碗冰先開心！今天order嘅係「冰招牌芋圓」，口味同其他嘅舖差唔多，但呢間嘅黑糖味就無咁濃，芋圓就無變，間間都好好食好煙韌！其次就係白玉同芋薯圓，呢間嘅口味比較好，唔會太濟喎，感覺都幾ok，配埋珍珠都好好食而且份量多！店舖環境雖然細啲，不過都坐得幾舒服。不過香港嘅鮮芋仙都有唯一缺點就係只收現金或者八達通，我覺得應該要改進一下喔！食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️價格：⭐️⭐️⭐️

態度極差啲店員好似跛腳咁囉，齋坐在度包外賣，啲客一去取餐就同人講吃完餐具擺左手邊。（紅色頭髮果個）宜家吃甜品都要pt埋樓面咩？咁點解唔分埋人工俾我？我食麥當勞，人啲都唔要求我自己收碗啦，啲嘢咁貴，好意思叫我收埋碗先走咩。咁你不如直接在門口痴張紙寫清楚，吃完好自己收碗先好走！在旺角食，店員只有一個都未試過叫我自己收碗，觀塘這間真是極品囉食💩都唔好食觀塘這間！又貴又難食😹

d 嘢又貴又唔好食, 又要自已拎嘢食同收盤. 又要最低消費$28, 又限時, 服務員又無笑容, 佢地自已大聲同同事 吹水, 唔會再食. 哩間嘢食水心又無服務可言間嘢真心 cls.. 其他店食同類食品應該係哩間2/3價錢, 仙草太苦, 冰太多太大碗,芋圓又少, 其它配料完全食唔到, 食到三份一已經唔想食.熱嘅招牌芋圓勁多糖水但料好少, 一見到時以為俾錯一碗紅豆沙. 味道方面好啖又唔夠熱, 糖水又好稀.真心唔會有下一次幫襯, 觀塘區一大伏店

年初二去官塘拜完年緊係順便行下街，最近就係apm，都預左好多食肆未開，有開都排晒長龍。口痕又想食甜品就見到鮮芋仙，之前係旺角食左幾次，依間第一次食，位係勁少同勁迫，行出行入都驚撞倒瀉隔離檯碗野。冬天緊係要食冰先爽，d冰切到好高，大碗過旺角好多，起馬高一半，d料仲好足，一d都冇偷工減料，食到騰騰震，正～ 依碗野3-4個人食都夠，見d人一個人食剩晒，根本冇咩可能一個人食得晒。

見觀塘開左鮮芋仙 終於唔駛特登去將軍澳 我每次食都係食芋圓4號 店員雖然話有熱既 但 室內都係食涷既過癮 呢碗芋園4號52蚊 望落幾大碗 可能左上果舊芋頭係熱既 搞到未食幾啖 就開始溶緊 㩒下手機 一路食 就開始溶到變水 如果芋圓多啲就好了 店員話可以加 一份有6粒 門口接待果位冇笑容 佢個位淨係負責收錢 我建議不如學麥記自己點餐算 可能仲快過佢 全程都冇介紹 究竟係我期待太多定佢地問題呢全程自己取餐自己收盤 差在未自己洗碗 唔明仲可以收咁貴 冇必要唔會再食

我叫了坏芒果沙冰，這是我最愛的甜品。它以新鮮的芒果為主角，搭配冰涼的沙冰，給我帶來無限的清涼感受。芒果的酸甜味道融入沙冰中，令我愛不釋手。每一口都能品味到芒果的豐富風味，實在是甜蜜的享受。

平安夜🧑‍🎄教會傳福音前速食APM鮮芋仙，冇諗過有熱既仙草，正如冇諗過熱既涼粉。叫咗燒仙草1號有小白玉、薏米、芋圓同珍珠。暖笠笠，14度下暖身，第一☝️次食熱既液態仙草，隨住變凍變返半固體，雙重口感

突然想飲杯珍珠奶茶但Lunch人頭湧湧有10幾人排隊😳等咗20分鐘先有，但係值得嘅👍茶底靚👍好好飲同鮮奶配合得好好而且啲珍珠煙煙韌韌甜甜Der~😚😚抵我一直咁支持佢🥰🥰

鮮芋仙是一家知名的甜品店，他們的芒果特級沙冰是他們的招牌之一。這道沙冰以新鮮的芒果為主要材料，搭配著綿密的冰沙和其他配料，給人一種清爽又美味的感覺。首先，這款芒果特級沙冰的芒果非常新鮮和甜美。每一口沙冰都有滿滿的芒果塊，吃起來非常享受。芒果的酸甜口感和冰沙的清涼口感完美結合，讓人在炎熱的夏天感到涼爽和愉悅。其次，這道沙冰的冰沙質地綿密細膩，入口即化。它不僅口感好，還能帶來一種清涼的感覺，讓人舒爽不已。在夏天享用這款沙冰，無論是在炎熱的陽光下還是在空調房裡，都能帶來一種消暑的享受。最後，這款芒果特級沙冰的配料也非常豐富多樣。除了芒果塊之外，還有其他水果、小吃和甜品配料，如椰果、珍珠、紅豆等，這些配料增加了沙冰的口感層次和豐富度，讓人愛不釋手。總的來說，鮮芋仙的芒果特級沙冰是一道絕對值得品嚐的甜品。它結合了新鮮的芒果、綿密的冰沙和豐富的配料，味道鮮美，口感清爽，給人一種享受夏天的感覺。無論是甜品愛好者還是想要解渴消暑的人，都能在這款沙冰中找到滿足。如果你正在尋找一家好吃的甜品店，我強烈推薦你去品嚐鮮芋仙的芒果特級沙冰。

招牌豆花豆漿，次次外賣都唔同，有時返到去，豆腐花係碎晒，以為自己係熱關係，第次凍又係咁，但之前買過唔係咁，有時直情唔甜，靠運氣先買到個正常。今次仲慘，比錯外賣，我冇可能次次對咗先走架，只買一樣，人流唔多都咁，有冇心做，冇下次😔

呢幾日天氣翻風，同大大細細行完APM，突然好想食糖水，就嚟咗鮮芋仙，食左兩碗招牌豆漿豆花。店舖細細，木系裝修，清新簡潔，乾淨企理。我哋派咗一陣隊，先入到去。要先點食物，之後才安排座位。豆漿濃郁而香醇，口感順滑，帶有濃厚的豆香味。豆腐花質地細嫩，口感滑順，入口即化。配上豆漿一起食用，味道更加濃郁。芋圓和芋頭是我的亮點。芋圓外Q彈有嚼勁，芋頭則是軟綿綿的，芋香四溢。這兩種最後是珍珠，這是一種經典的配料。珍珠彈牙有嚼勁。呢碗糖水。食落好有層次感，食完好飽足、好有滿足感！不愧為招牌糖水😊

暖橘色的落日夕陽，逐格放映到室內步行天橋，慵懶心情一湧而上。若能吃到Q彈的芋圓，以及綿綿的紅豆湯，才能真正感受到秋天的降臨。🍂 (1) 仙草4號冰仙草基底有仙草凍、仙草沙冰、以及一小瓶奶油。行動代號4號，則代表著配料（芋頭、紅豆、珍珠）。個人情深推介熱呼呼的芋頭以及軟糯香甜的紅豆，配上濃郁的奶香，令整個甜品香氣溢出，順潤不滯。（仙草系列實在難以抗拒，最後沒有點燈紅豆湯～～） 每一口的嫩滑都是如此熟悉，貫徹始終的品質與口感，長期在咀嚼控的排名榜之中。

話說同我媽咪行街行過Apm，路過見到呢間甜品店嘅門口貼着嘅海報廣告，就被吸引想食佢哋嘅限時甜品，不過我同我媽咪想叫嘅兩樣都咁啱賣晒，坐低左揀右揀，揀咗一個拼盤同糖水試，口感同味道都好唔錯。

第一次食，等咗幾張枱10令分鐘左右都算快。入座前落單付款職員講定用餐時間45分鐘。自己叫咗招牌豆漿豆花嗰款(熱)，豆漿無咩味都算，可以催眠自己當低糖健康啲😏 但豆花芋圓少到呢，仲要碗嘢係微暖🥴有啲嘔心。。好似一碗熱嘢攤凍晒咁！係咪我對“熱”嘅認知錯咗🤢 成碗嘢好難食。不過2個朋友叫凍鮮草就話正常。。食到差唔多，負責叫飛/落單/收錢/趕客企門口counter 嗰位女職員就行過拋低一句“用餐時間到啦要交枱”。。咁好啦，大家唸住payme埋整理下啲隨身物品就起身，唔夠5分鐘同一個職員再行嚟催我哋走！邊gut起身打算走嘅同時，同朋友對望一下大家都覺得應該無坐到45分鐘咁耐架，望一望張單8:51pm入座！即係食咗30分鐘已經同我哋講夠鐘要交枱，5分鐘唔夠再催！行出門口見到嗰位女職員同佢講：都未夠鐘，你催咩啫？佢答我哋：因為我有客等緊！所以我哋唔係客？夠鐘嘅，你要我起身好合理，但因為你有客等緊枱，我就要未夠鐘未食晒都要起身係咩道理！？我好嬲答佢咁用餐時間係45分鐘嘛！佢再口嗡嗡駁嘴話“都差唔多啦”。。。。呢位小姐向30分鐘時已經叫我哋走！好想請問佢出糧出2/3係咪都會當差唔多！又唔好食，好趕客！奉