我和朋友品嚐了這家位於中環街市的飲品店《壹檸壹 》，這裡的特色是自家製作的香港檸檬茶，我們在逛街後，感到非常口渴，所以就買了兩杯飲品來試試。 壹檸壹的飲品可以根據個人喜好選擇糖和冰的量。起初並沒有太大期待，但喝完之後，卻帶給我們很大的驚喜，讓我們決定下次再來。 我們點了 秋梔青柑葡萄 $30 飲落好清新，茶底唔算好濃，提子味好出，飲落去仲有粒粒提子好新鮮。 牛油果甘露(沙冰) $36 新鮮牛油果粒，搭配甘露沙冰，夏天消暑絕佳，如果跟我一樣有牙齒敏感的朋友可以選擇少冰。

呢間意大利餐廳係一個半開放式嘅環境，地方乾淨又企理，仲要光線都好足，係一個燈光柔和舒服嘅用餐環境，坐落好舒服。 特別位係佢有一個開放式廚房，可以睇住廚師親手整嘢食，仲要有一個傳統嘅焗爐，真係超級有新鮮感，喺香港真係好少見到餐廳連成個廚房都睇得到，食得好安心！ 雖然餐廳職員個個都講英文嘅，不過都有中文餐牌，所以可以放心，佢哋嘅服務態度真係好好，因為我第一次食呢間意大利餐廳，唔知有咩值得食，多得店員推介咗佢哋熱門招牌pizza同cocktail，另外我就嗌多咗個pasta，全部都超好味。

Apm側門有個扶手電梯落去對面就見到，位置都非常方便。 睇到個餐牌覺得好黐線，幾十蚊個餐仲要包埋嘢飲免加一。 下午茶去到五點半，然後佢哋六點先至會閂門，記得千祈唔好夜晚去。 叫到最貴個美國費城烤西冷餐都係七十八蚊，肉的口感有嚼勁但不難咀嚼，肉汁超香。 個田螺焗薯蓉撈埋一齊食真係勁香勁滑，食完一粒就忍唔住再食落去。 未見過一粒粒西多士，比起平時茶餐廳嘅更大更鬆脆，配埋糖漿同朱古力漿一齊食，味道一流。 同朋友點咗咁多嘢都係一百四十幾蚊，優惠到不得了。

今次揀咗最經濟實惠嘅A餐，77款唔同嘅料理選擇。 一入門口環境非常之乾淨舒適，員工都好有禮貌。 刺身壽司亦都好新鮮，上菜同收碟速度都好快。 天婦羅炸得又靚又好食，都冇漏單情況出現過。 見到平日放題比較少見到嘅嘢食同嘢飲，要試吓先。 仲有其他唔同嘅味，三隻味都好特別。 叫到成枱都係嘢食，十分滿足的感覺。 想飲酒仲有自助機，可以盡情飲。 無酒精飲品都有好多選擇，真係大人細路都鐘意。 食到尾，有多款甜品同水果揀。 細細件，啱晒我每樣淨係想試少少。 仲有雪糕同雪條揀，係完滿的放題體驗。

砂鍋煨豬腳 $128 湖南風味做法，豬腳燉爛，軟糯得嚟唔肥膩，豬腳大大隻，份量都算多，送飯一流。 香芋蒸排骨 $98 大人小朋友都鐘意，農家土食材，芋頭吸滿排骨嘅湯汁，鹹鮮美味，而且幾粉吓，係我鍾意嘅口感。 鮮肉米粉 $58 呢碗鮮肉米粉係超級大碗，我諗三個人食就差唔多，鮮肉比得幾多吓，米粉都好彈牙。 招牌檸檬茶 $26 個招牌檸檬茶必點，堅好飲呀，不過咁鬼大杯，兩個人飲都可以了。 泰國茉莉米飯 $12 比屋企煮嘅飯更加香，有少少甜甜哋，食完都仲想繼續添飯。

黑松露火腿薄餅用料簡單，食材高質，廚師更毫不吝嗇，鋪滿鮮刨黑松露片，一上桌已香氣四溢，食到停不了口 🧡 龍蝦汁大蝦意粉啲大蝦鮮味爽口，而且大大隻的，龍蝦汁好香濃，意粉入口好有麵粉味，質素唔錯唔錯 💙 西班牙風味烤八爪魚，香濃蕃茄味又有微辣辣感，八爪魚有咬口又唔會太靭，切到粒狀再配粒粒薯仔、珍珠蘿蔔薄片同表面少許香草味蛋黃醬，口感層次豐富 🩷 另外嘢飲就叫咗黑芝麻奶昔同香蕉奶昔，兩杯都好好飲，味道超級濃，上面仲放咗棉花糖同cream，very nice 💚

見佢開咗咁多間同開咗咁耐，朋友又咁想食就陪吓朋友去啦，今晚星期日八點食飯時間去到排隊排咗幾分鐘唔算太耐啦，員工都勁好禮貌，真係要大讚，因為正常忙到出汁嘅餐廳，員工態度都差啲😂 一坐底就見到有得掃碼下載參加首屆食辣排行比賽，間餐廳都好抌本，我朋友即刻數碼下載參加🤭 我哋叫咗個秘制醬香鍋（唔辣），配料有五花腩、蓮藕片、年糕、寛粉同四季豆，好好食呀，每啖都好豐富，呢喥份量兩個人食已經好夠，兩個人一人食咗兩碗都仲要打包走都係$198😚 $48紅糖糍粑我超級喜歡，同四川食過嘅一模一樣，外脆裡面十分煙韌，炸得剛好，紅糖好濃稠，好容易掛在糍粑上，配上黃豆粉，增加香味紅糖和糍粑，剛好一甜一淡，非常之夾😍 前菜就點咗中辣嘅木耳$43，酸辣度合適，開胃而且爽口😋

三橋慢煮紅燒牛肉麵（半筋半腩）$53 牛肉以慢煮的方式烹調，肉質韌而不柴，湯底是紅燒牛肉湯頭，濃郁的味道，更有醒神的辣味，半筋半腩的配搭增添了口感的層次，每日限量供應50碗賣完就沒有了。 真•古早肉燥糖鹵蛋乾拌麵 $45 肉燥香氣十足不死鹹，麵質也很彈牙，糖鹵蛋煮得剛剛好，蛋白綿密，蛋黃呈橙色，非常流心，調味恰到好處，與蛋的口感完美結合。 酥炸黃金鹽香雞 套餐加 $25 外脆內滑的鹽香雞，一點乾的感覺都沒有，肉質鮮嫩多汁卻不油膩，好吃到停不下來。 冰綠茶 套餐免費送 寒天晶球檸檬綠茶 套餐加 $12

今晚為咗去陀地燒 X 我要烤魚，熱死辣辣喺樓下已經開始排隊上樓。 經過職員安排唔到一分鐘就已經可以入座了，冷氣勁涼太開心喇。 烤魚係必須點的，今次我點咗bb辣嘅重慶麻辣烤鱸魚大大盤都係收$288。 另外點咗$48玫瑰露鵝腸同$32墨魚滑玉子，食完條爐魚可以加湯打邊爐食。 燒烤方面點咗4隻$28孜然燒雞翼，2隻$24陀地燒生蠔同2隻$56元貝。 最後甜品係點咗4串牛油蜜糖烤麻糬，全部嘢都好飲又好食真係超滿足的晚上。

🤎 而家天氣咁熱，坐底就叫咗支$26玄米冷泡綠茶同支$32冷泡蜂蜜菊花茶。 🩷 $68香草煙三文魚帶子炒意粉料算多，加咗$8仲有好好味嘅溫泉蛋。 💙 $56鐵板XO醬豬扒炒烏冬，我覺得呢種薄薄哋嘅豬扒先係最正。 💚 $37照燒金菇肥牛卷係用薄切牛肉包住金菇配以照燒汁，食到唔停口呀。 💜 $37蒜蓉炒時蔬咩蔬菜都有啲，淨係個賣相都已經好豐富。 🧡 以尖沙咀呢個地段嚟講，食咁多嘢$300有找真係好掋好平民價錢。