駿景軒

營業中

休息中

上班不如意嘅事十常八九，一於化悲憤為食量。之前搭10號巴士🚌經過見到酒店門口幾靚仔，一直都對佢有啲印象。然後早排上網見到有關注組推介佢哋嘅水煮魚，就決定收工過嚟一試究竟，用美食黎紓緩壓力。.餐廳望落都幾新淨，雖然場地唔算太大，但裝修頗用心，最值得一讚係服務員嘅服務態度殷勤，而且有笑容，令到整個用餐環境都變得愉快舒適。.第一道上嘅餸菜係咖喱豬肶仔，咖喱濃稠非常，微鹹微甜微微辛，質地唔會太杰唔會太稀，所以能夠很好地掛在豬肶上。雖然個名叫豬肶仔，但Size完全不是“仔”，豬肶厚肉細骨，一共有4大根，配搭埋底下的香軟白麵包粒，整體非常飽肚。豬肶肉質粉嫩多汁，外層紙薄酥脆，雖然香口，但卻不油膩，是我喜歡的狀態。叫了一個水煮鮮魚片（小），明明係細但係其實份量都好大，一向以為酒店中菜份量會比得吝嗇一些，但呢一間中菜廳確實係刷新我嘅認知，叫咗兩個菜式都好巨型，性價比高。魚肉鮮嫩無骨，質感亦滑溜，魚鮮味頗出，加上有爽脆青瓜雲耳及彈牙嘅薯粉，該有嘅都有，而且辣味啱啱好唔會太勁，鹹度亦沒太過，成件事平衡得好好，難怪得到關注組推介。最後送的腐竹糖水唔會太甜，好多薏米，幾養生。紅豆沙🫘亦好夠“沙”，帶陳皮香氣。

放假想同屋企人去間靚啲嘅中菜館食飯，於是就揀咗位於灣仔嘅駿景軒。店員介紹呢到嘅胡椒蝦好出名，果然好入味😋如果份量再多啲就好啦😆咖喱豬肶仔就份量十足，麵包切成細細件方便進食，不愧為酒店級中菜❤️黑松露脆皮手撕雞係我全餐飯最鍾意嘅一道菜，黑松露味重，賣相亦好精緻，推介！最後仲有醬油安格斯牛肉石鍋炒飯，飯炒得粒粒分明，份量足夠四人享用。特別一提呢到嘅服務相當唔錯，仲有包廂，適合注重私隱嘅朋友👍🏻

同事推薦這家的小菜味道很不錯，收工就約上家姐一起來撐檯腳。一坐低服務員就好好招呼，今時今日咁嘅態度，香港唔容易搵。～見到人哋食嘅嘢都幾大份，所以我哋最後都唔係叫好多，一個清香藤椒魚、一客黑松露手撕雞，再加兩碗白飯，都已經好夠食。～清香藤椒魚魚質滑溜，椒椒麻麻的花椒清香，未辛不嗆喉，惹味得黎又不會很油膩，個人很喜歡，裡面有白色外貌類似烏冬但質感又似薯粉的粉條和萵筍等，一兜其實都好飽肚，飯都未必需要叫。萵筍嫩口無渣，仲有爽脆雲耳增添口感，整體都很不錯。～黑松露手撕雞就係同事推介話佢自己好鍾意嘅。一上檯就聞到好香黑松露味，擺盤精緻，有撕好嘅一兜雞肉，同時側邊仲有一隻完整嘅雞翼同埋雞鎚，份量很足，撕好晒好方便食。雞肉肉質嫩口，但畫龍點睛之在則是那香脆不油膩的雞皮，佐酒下飯都很合適。～最後餐廳送嘅腐竹薏米糖水都唔錯，好似豆漿，暖暖熱熱，腐竹香氣濃郁，飲落覺得好舒服。

睇到有foodie介紹駿景軒嘅中菜好好食，今日一於嚟試下😆環境同服務都好好，坐得好舒服👍🏻呢度嘅焗胡椒蝦好出名，未食已經聞到好香胡椒味，蝦肉新鮮彈牙，果然名不虛傳🦐跟住嗌咗坊間比較少見嘅咖喱豬肶仔，師傅特別將麵包切成一粒粒，賣相精緻之餘又方便進食。咖喱味道香濃，豬肶仔炸得香脆，而且分量十足😋黑松露手撕雞亦相當有驚喜，外表睇以為係脆皮雞，原來入邊全部已經係拌好黑松露嘅雞肉，好有心思🥰最後仲有安格斯牛肉石鍋炒飯，好食又飽肚🐄

馬場附近找餐廳不容易，突然想起英皇駿景酒店的中菜口碑不錯，餐牌上菜式大多屬於四川及重慶口味，感覺醒胃。我們先點了兩款小食:川味口水雞及椒鹽九肚魚。雞肉嫩滑，麻辣醬油分開上，十分貼心。九肚魚外脆內軟，沾上香醋，十分香口。主菜我們選了大眾推介的瓦罉焗胡椒蝦，一上枱色香味俱全：大蝦肉質爽甜，胡椒香氣撲鼻，十分惹味。緊接上菜的是清香藤椒魚，份量十足，大碗內舖滿嫩滑的鮮魚片及萵筍，湯底清新，非常入味。最後是十分足料的水煮牛肉：鮮牛肉肉質軟滑，配菜有薯粉及青瓜，湯底香濃，整體十分出色。餐廳最後送上薏米腐竹糖水及陳皮紅豆沙，是一個完美的句號。

走入駿景軒，一陣香氣撲鼻而來，就知今次食飯應該唔會失望！第一道上嚟嘅瓦罉焗胡椒蝦，嘩，賣相靚晒！胡椒味好濃郁，每隻蝦就好似游咗入胡椒江嘅小魚，肉質鮮甜得滯，爽彈得嚟，層次豐富🦐。再嚟個粟米鱈魚球，簡直係脆皮奇遇記！每粒魚球外脆內嫩，而家啲粟米，嗱嗱咖，一啖粟米下去，仲有少少爆谷嘅感覺，甜到心坎裡面去🌽。至於水煮鮮魚片，叫我點忘記得到？每片魚肉都滑溜溜嘅，同嗰湯底麻香辣得剛剛好，疊底嘅薯粉就又得意咗，吸晒啲湯汁嘅精華，又腍又吸口，真係話嗌人唔好浪費嘅！環顧四周，桌桌嘉賓都食得津津有味，啱哂嚟個親友聚會。終於明白之前啲人吓吓嚟呢度食嘅原因啦！我嘅味蕾都感受到咗，真係食貨嘅天堂呀！😌🍽️

英皇酒店1樓駿景軒無論食物，環境，服務都好好，今次和朋友2人食個晚飯，期間feel到店員既 服務殷勤，特別一讚！之後點了幾個小菜，亦都係特別一讚既係餸既汁醬都係分開上，非常細心。瓦罉焗胡椒蝦，蝦肉鮮甜彈牙，配上烤至金黃嘅胡椒粒，口感酥脆同啖啖蝦嘅香味，而且仲非常惹味！粟米鱈魚球内層肉質幼滑，外層酥脆金黃，搭配上粟米羹，入口嘅時候有天然甜味，好滋味。川味口水雞肉質滑嫩，配上辣椒油同香料調味既川醬，味道麻辣帶點麻麻香，食落去會覺得惹味倍加，雞肉又夠香滑肥美。醬油安格斯牛肉石窩炒飯。用石窩炒飯炒出嚟嘅飯粒香糯，而且帶有勁多飯焦，質感焦香！安格斯牛肉粒味道濃郁。每啖飯都有肉嘅香味。份量又夠足料大份！

駿景軒屬於頂級中菜餐廳，曾經七年獲得米芝連一星，而家由跑馬地搬去灣仔，質素仍然出色。我地總共叫左三道菜，粵菜同川菜都有，包括瓦罉焗胡椒蝦、粟米鱈魚球同水煮鮮魚片😋- 瓦罉焗胡椒蝦胡椒味非常香，大蝦好入味，肉質鮮甜彈牙，蝦殼脆到可以連殼一齊食。- 粟米鱈魚球鱈魚一共有六件，肉身好厚，炸粉超級薄，完全無任何油膩感。粟米羹分開上，入面嘅粟米非常香甜，就咁飲都好正，對比平時餐廳食嘅粟米斑塊完全係另一個層次👍🏻- 水煮鮮魚片魚片數量好多，肉質滑身，完全唔油膩，湯底香麻，辣度適中。下面有大量煙韌彈牙既薯粉，而且吸收曬湯底精華非常惹味。甜品方面，餐廳提供免費紅豆沙同腐竹糖水👍🏻總結而言，以上三道菜式非常出色，職員服務好貼心，環境好舒服😌

這次我去了英皇駿景酒店，品嚐了他們酒店級水準的中菜。駿景軒的菜式非常出色。雖然餐廳的環境不算豪華，但空間很寬敞，不像一般的中菜酒樓那樣讓人有壓迫感。瓦罉焗胡椒蝦這道菜非常美味！胡椒的香氣十足！蝦殼很脆，甚至可以連殼一起享用！水煮鮮魚片（小）雖然名字上寫著「小」，但這碗水煮魚真的很大碗，魚片很多，還有許多涼皮。份量絕對不少，味道也非常麻辣，完全不輸給川菜館。黑松露手撕雞原片黑松露是頂級的，外面被炸雞皮包裹，裡面則是黑松露碎和手撕雞肉。手撕雞非常不錯，可能第二次來可能不會再吃到同樣的菜式。醬油安格斯牛肉石窩炒飯飯粒炒得很乾身，很正宗。每粒飯都被醬油完美地包裹著。牛肉和飯的焦香非常美味，使用石鍋烹炒讓它更有煲仔飯的感覺。

今日同女友去咗英皇駿景酒店staycation，順便試咗酒店旗下曾經榮獲米芝蓮一星既中菜餐廳－駿景軒，以下幾道菜式無論係川菜或粵菜都好有驚喜👍🏻- 川味口水雞及椒鹽九肚魚口水雞嘅麻香好持久，雞肉隻合嫩滑、肥美、彈牙同滑溜於一身，真係啖啖肉🤩。至於椒鹽九肚魚炸得好脆口，口感好似椒鹽豆腐，完全唔使咀嚼已經落咗喉嚨🤣- 瓦罉焗胡椒蝦一打開蓋胡椒香味撲鼻而來，入面有六隻大蝦。肉質本身好鮮甜彈牙，最難得嘅係胡椒味道完全滲入左蝦肉入面，平時食其他類似菜式例如鹹蛋黃大蝦，鹹蛋黃味道同蝦係完全分開，但呢度菜式嘅大蝦同胡椒味完全融為一體😋- 水煮鮮魚片魚都切得好大塊，肉質非常嫩滑，果然係桂花魚，而且入口麻香中帶辣，味道充滿層次。配料包括豆芽、薯粉、青瓜都好入味，完全做到麻辣鮮香既味道。最後仲有甜品，餐廳提供紅豆沙同腐竹糖水，兩者都好好味🥰本身最想食嘅菜式係黑松露手撕雞，可惜已經賣晒，所以我一定會encore駿景軒食返黑松露手撕雞🥹

今次黎到英皇駿景酒店食下佢地既酒店級中菜，駿景軒既菜式環境唔算大，勝在空間寬敞，唔似一般中菜酒樓一樣有種逼挾感瓦罉焗胡椒蝦好食！好香既胡椒味！脆口既蝦殼甚至可以直接連殼食！水煮鮮魚片（小）呢個小字真係一d都唔小好大碗既水煮魚，魚片多，仲有好多涼皮份量一d都唔少，味道亦係十足麻香辣，完全唔比川菜館差黑松露手撕雞原片黑松露係頂，外面被炸子雞既脆皮包住，入面就係黑松露碎手撕雞好唔錯既手撕雞，可能係第二度未必會食到一樣既菜式醬油安格斯牛肉石窩炒飯飯粒炒得好乾身，正每粒飯都比醬油好好咁包住肉粒同飯焦都非常香脆，用石鍋係令佢幾有煲仔飯咁既感覺

高級酒店的中餐廳，環境氛圍典雅奢華。燈光柔和瓦罉焗胡椒蝦。經過瓦罉焗烤而成。一股濃郁的胡椒香氣迎面而來。大蝦肉質鮮嫩，入口彈牙，與胡椒的香辣味完美融合。粟米鱈魚球。外層炸至金黃酥脆。魚球內部鮮嫩多汁，粟米的甜味和鱈魚的鮮美相互襯托。每一口都帶來了魚香和粟米的甜味川味口水雞和椒鹽九肚魚。川味口水雞以嫩滑的雞肉搭配辣椒油和特製的麻辣醬汁。每一口都充滿了辣味和麻味，刺激味蕾。椒鹽九肚魚炸至酥脆，搭配椒鹽調味。魚肉鮮嫩，外層酥脆，每一口都帶來了魚香和椒鹽的鹹香安格斯牛肉石窩炒飯。牛肉肉質嫩滑多汁，配上炒飯的香氣，口感豐富而飽滿。

位於英皇駿景酒店內的一間中菜廳，環境舒適以及職員都很有禮貌，餐廳更設有私人包廂，同一大班朋友食飯或者商業面談都非常適合！香烤豬髀仔伴咖哩 $288賣相很吸精，豬髀肉嫩多汁，加埋秘製的咖哩醬非常可口，醬汁很有誠意吃得出有滿滿的香料跟花生碎🥜栗米鱈魚球 $312栗米汁與魚球分開上，當你吃的時候才把醬汁淋上，保持魚的脆度，魚肉新鮮彈牙，剛剛新鮮炸出不錯胡椒蝦$448一上枱已經香氣撲鼻！整個砂鍋都是胡椒粒，上面的大蝦是已經預先開邊及過油，每一隻蝦都吃到胡椒的咸香醬油安格斯牛柳粒石窩炒飯 $238炒飯粒粒分明，加上和牛粒幾豐富最後附送甜品紅豆沙及腐竹糖水都很足料👍🏻👍🏻

鄰近跑馬地馬場旁有一家四星級酒店，英皇駿景酒店，當中位於一樓駿景軒曾鑊米芝蓮推介，重要聚會值得一來品嚐。駿景軒灣仔皇后大道東373號英皇駿景酒店1樓川味口水雞口水醬汁調配得相當出眾，辣度不會太辣但又充滿藤椒香味，而且雞件接近無骨，非常有咬口！椒鹽九肚魚大眾人都喜愛小食之一，炸粉炸得薄身，吃出九肚魚香味。大哥芥菜豬骨煲大量芥菜滿滿豬骨湯汁，我會視為一個飽肚的湯，解渴得來豬骨非常細嫩，吃出豬骨的香。水煮鮮魚片鮮紅色水煮辣汁亦同樣鋪滿藤椒香，而且所選擇的魚塊特別厚身，啖啖肉真吸引。醬油安格斯牛肉石窩炒飯餐廳誠意之作，非常有鑊氣，而且放係熱石窩到，保持溫暖。最後仲有糖水送，我果日仲有3款糖水綠豆沙、 腐竹糖水、番薯糖水選擇，超有心！

陪媽媽去伊館睇騷，知道駿景軒係米芝蓮餐廳，於是豪一次同媽媽去食個午餐。佢有點心嘅，不過佢嘅川菜又好出名，所以就叫咗3個餸同一個砂窩炒飯。叫咗拔絲咕嚕肉、清香藤椒魚、黑松露手絲雞同埋醬香安格斯牛肉石窩炒飯。拔絲咕嚕肉一嚟到就好香，而已熱氣騰騰，明顯係即炒一離鑊就上枱，好有誠意，。咕嚕肉外脆內嫩，炸皮非常薄脆，豬肉冧滑有肉汁，一連吃咗三四塊。清香藤椒魚份量驚人，滿滿一大窩，有木耳、豆芽、萵荀、薯粉，最重要係有好多魚塊。黑松露手撕雞有原片黑松露，真係好名貴，松露味充滿着雞肉，雞肉又有雞味，相互輝影，雞皮好薄好香，完全不油膩，一絕。醬香安格斯牛肉石窩飯未上桌，遠遠便有香氣飄到，上到桌熱氣騰騰，有着石窩熱度的滋滋聲，賣相吸引，飯粒沾滿醬油，牛肉粒有濃濃牛味，好吃得不得了。最後每樣餸都吃不完，除咗魚窩，其他都打包返屋企再歎過。