馬祖台灣養生湯麵館 (和安里)

營業中

休息中

星期六下午兩點諗住食lunch ，menu 單一，清一色藥膳湯底，碗都係幾粒杞子同十零粒切半紅棗，估佢應該係雞湯溝出嚟，唔緊要啦，試下醉雞米線。🥢養生藥膳醉雞米線 $69冇其他圖咁靚架，實圖係咁。木耳幾件，雞胸兩件、小雞脾一件、上雞脾一件，米線，加一汁芫茜，冇啦。問侍應有冇清水一杯，佢話冇架，礦泉水$8枝，原來其他飲品都大致係紙包，咁我就算啦。米線正常，醉雞冇乜酒味，雞胸肉厚肉但好鞋，雞脾位都麻麻地嫩滑，雞皮有陣怪味冇食。雞湯飲得嘅，唔算油，但冇乜藥膳味。呢個價錢我去譚仔餐廳，可以嗌幾個小食仲有嘢飲又食得飽，完全係伏。建議去其他地方食雞，水都冇杯，就得呢碗嘢。

🍜香辣養生湯農場雞米線 $68雞肉滑，好多舊仲有雞翼，大大碗足料，多紅棗仲有杞子木耳，夠哂養生，湯甜甜地😝，揀左少辣，但加左啲辣油系湯，個人建議叫返淨雞湯唔好揀辣會影響左湯既味道😆.✨上層仲有位，上菜快，多人排隊或等外賣，好彩等左唔系好奈就有位

以前返工lunch 成日食，搬 office 幾個月後特登行遠D返嚟食，個湯仲係一樣味，不過好油，用匙羹撇咗幾次都仲有浸油係度。雞俾得少咗，不過而家生意難做都明白嘅。雞肉嘅厚肉位完全唔入味，亦無之前嘅嫩滑，而薄肉位置入唔入味我就唔知了，因為隻雞翼(如圖)啲雞毛咁樣樣，真係食唔落。 至於服務，原本外場最多見過三個人，到另外一枱嘅小姐埋單時，個外場可以完全冇人，小姐企咗喺度呆等俾錢。

中環除咗一啲大型連鎖嘅米線鋪，選擇都唔係話好多，呢間主打台灣藥膳米線鋪都係我同同事們keep住會幫襯嘅米線鋪嚟🥰🥩藥膳古早牛肉湯（米線）（$75）藥膳湯底有好濃郁嘅藥材味同牛味，一啖湯一啖米線唔覺唔覺就飲左好多嘅湯🫣不過都唔會覺得解渴👍🏻而佢嘅牛肉都唔會話好韌，亦吸晒啲藥膳湯底嘅味☺️ 不過個人覺得佢啲牛切得比較大舊，細舊番小小就perfect喇！🥟香辣養生湯 白茶豬肉餃米線（$66）香辣養生湯同事嗌左小辣，湯底味道就不過不失啦！不過失望嘅係餃子，個人覺得係同平時屋企食嘅冰鮮餃子差唔多😕額外一題，食藥膳湯底嘅米線成日食完成身都會好暖，如果餐廳冷氣可以大啲就好喇🫣評分：⭐️⭐️⭐️/5人均：~$80-$100

侍應態度極差，所謂藥膳米線味道淡，雞肉柴口，價錢又貴餐廳內環境擠逼，以為去左街市食侍應態度勁差，黑口黑面，特別門口嗌位果位小姐，好似客人欠左佢咁建議餐廳內部檢討一下劣評米線普通，但湯底味道不夾，建議調味濃點而家周圍都係所謂藥鱔雞湯，完全被比下去難怪唔多人黎食，價錢貴而水準低，如果要嗌米線加飲品，$80 up最差既都係侍應既態度，請餐廳檢討一下， 最主要係侍應態度差令到成個用餐體驗都差晒 而lunch hour都唔係好多人等位，因為有門口侍應趕客

大概在很久以前真的是很抗拒的雞湯米線，一直覺得米線呢就應該熱辣辣才好味，可是每次路過養生米線館又發現每一家都是大排長龍，所以帶著好奇的心情終於開啟了養生米線探店之旅！其實呢，這已經是第三家了，我哋真的好喜歡😍點咗一碗麵線加配魚肉春捲和青菜🥬大胃王出街的節奏！！米線湯頭鮮甜，看到有紅棗同埋桂圓，虫草花和木耳的点缀也刚刚好，鸡肉很多一个人食绝对够，光饮汤就已经觉得好好幸福呢！鱼肉春卷也是鸡汤煮熟，所以带着汤的甜鲜味，蘸一点店里的辣椒油，完美的组合！生菜无功无过，完美又饱足的一餐，怪不得每次在中环路过都很多人排队，名不虚传。

我地係附近做完野想食米線，平時都會鐘意食辣，但今日咁岩想食啲健康嘅🤣見到藥膳米線就去，本來都好少過海，咁岩可以試。份量超大，完全係落足料。湯底有少少甜甜地，真係有紅棗嘅味，但唔算話好濃。好食！

呢碗雞米線的湯頭非常清甜，有紅棗杞子木耳人參，喝起來很舒服，而且滋補，飲完個人暖曬，我次次都飲曬。雞肉佢今次比雞比我，口感非常嫩滑，蛋白質滿滿。米線都好多，而且有咬口，唔係淋batbat 煮到發大果d，飽肚絕對唔係問題。餐廳有2層，環境就麻麻地啦，都係快速食完就走，樓底都比較底，所以好嘈。lunch time 每次都大排長龍，不過佢翻臺快總體來說，馬祖養生麵館是一個非常值得一試的餐廳，農場藥膳雞米線的味道清淡健康，係lunch time好選擇。

二訪呢間餐廳，平日既5:45來到，有位好親切笑容同聲線既小妹妹招呼我進入餐廳坐，點左一客超讚既養生湯麵，內里有雞，桃膠，紅棗，雲耳，龍眼肉等等，侍應呈上既時候，仲會拎多一隻空碗俾你放雞骨，超級貼心。係中環既地段，60蚊左右有甘樣既質素確實難得。枱同枱之間相較窄，唯一美中不足既地方。因為下午茶時段，一個主食會包一杯飲品，嗌左樽熱薑茶，超辣口勁暖冑。題外話：第一次來拎住好多野，有個姨姨職員幫忙開門關門好有耐性慢慢等我落單俾錢，我想借廁所，仲嗌我小心地下滑，好貼心。

是日晚餐「台灣馬祖養生湯麵館」難得忙完，可以提早食晚餐。錯開繁忙時間，當然選擇附近熱門餐廳啦！平時獨愛3號「蟲草花藥膳農場雞米線」，今天當然要有新嘗試啦！於是選擇8號「藥膳桃膠農場雞米線」，平時想養生食「桃膠」就比較麻煩，要花費較多的時間心思。除甜品店外，甚少在餐廳中尋找到「桃膠」的身影。但主打「養生」的「台灣馬祖養生湯麵館」中居然有「桃膠」！當然必試啦！點餐後不久，「藥膳桃膠農場雞米線」就熱騰騰地上桌啦！桃膠份量好多啊！！紅棗和黑木耳配料依然份量充足！實在太令人感動啦！桃膠軟糯，紅棗飽滿，木耳爽口，雞肉嫩滑，湯底鮮甜，米線彈牙！果然冇令我失望！非常讚！飲品是樽裝「冷泡四季春茶」，解膩助消化。

話說之前同太太放假來食過返尋味，今次放工再約同事過嚟食，我同事食到好好味，差啲連碗湯都飲埋，絕對唔係講笑，牛腩夠冧，蘿蔔夠爽入味，桃膠雞又好味，進入餐廳的瞬間，就能聞到米線的香氣。餐廳的裝潢也非常簡單溫馨舒適，沒有刻意營造高級感，但是非常有家的感覺，讓人感到放鬆舒適。米線非常入味，湯頭的口感非常清爽，但是又有濃郁的味道，讓人一喝就停不下來。米線本身煮得很熟透，但是不會太軟爛，口感非常好。最開心的是，提供的配料非常豊富，啱晒我哋呢啲好少煲湯嘅人。

好多同事都話養生，講究健康，今日我都跟埋一齊養生<<馬祖台灣養生湯麵館>>味道濃郁，雞肉嫩滑，養生配料多，湯都飲埋，咁多料湯底好甜，好好味😋食落都感覺健康啲。同事鍾意食辣，原來仲有辣嘅口味，辣得來又養生，都可以喎。牛肉好大件，試左好淋好入味，蘿蔔仲正。下次食呢款👍小食都唔錯，台灣滷水雞翼真係好入味呢樽桂花烏龍茶好飲，同平時嘅台灣烏龍茶有分別，加咗桂花係好飲啲☺️價錢喺中環來講相當合宜今日食完呢餐好滿足

我同同事經常幫襯中環馬祖個間，睇返上一個post之個四眼攣髮阿姐唔知係咪走咗定還是放大假見唔到佢！不過我同同事之前都經歷過呢個四眼姐嘅態度！今日又遇見上次銅鑼灣態度唔好嘅職員，今日我同同事過去食坐低開始叫餐叫左送餐嚟嗰個。望真啲原來係上次同朋友去食銅鑼灣分店嗰個肥妹,上次喺銅鑼灣同朋友去銅鑼灣食嗰個肥妹女職員我真係好佩服佢揸住部手機係打機叫左幾次都無視客人！今次仲大大聲鬧自己公司同事,我哋叫緊帶眼鏡同事喺度落緊單,佢下低搞唔掂大大聲去鬧人話人唔幫手,當時上面都有幾台客喺度我哋坐喺度見你上上落落搵你落單你都唔落單！態度咁惡劣不如唔好做,禮貌叫左兩三次都唔應。然後帶眼鏡女職員真係幫緊人落單都唔得閒周圍幫佢手送餐,我同同事都見到真係見到帶眼鏡個女職員眼濕濕大家都係打份工,只不過我係食客,都唔使鬧自己同事,所以食完我哋都好快走,見佢哋太忙個,長頭髮女經理都好忙呀如果唔係真係搵個經理傾,剛才發生自己人鬧自己人,不過走時候我同事望真啲個樣之後講原來係早幾日買外賣畀錯咗嗰個肥妹買四個外賣四個都唔係佢哋叫不過有時我哋放飯時間太短所以可能都頭食一來一回又少咗好多時間食飯建議貴公司真係留意下員工工作態度！

星期六，和友人閒遊中環。Lunch Time 便要考慮重要問題「食乜好？」中環美食包羅萬有，由於時間不算非常充裕，沒有閒暇慢慢嘆三兩小時。於是，去食米線！中環和安里小巷裡有間小店，令我回味無窮！「台灣馬祖養生湯麵館」雖隱藏在鬧市中，卻充滿驚喜！我自己最愛3號「蟲草花藥膳農場雞米線」，湯底鮮甜！配料有蟲草花、黑木耳、紅棗，主角當然是雞肉，份量十足！非常有誠意！上米線時，餐廳職員窩心配上碗仔，原來是骨碗，令人處理骨頭時不用太尷尬！讚！友人推薦他6號「藥膳古早牛肉湯手工麵」，這家小麵館的手工麵真的非常值得嘗試！牛肉份量同樣令人驚喜，加上兩塊非常入味的蘿蔔，友人表示湯底濃郁，牛肉軟硬適中！彈牙手工麵加上美味的湯底，真係冇得彈啊！此外，飲品有很多選擇，但我們要繼續下午的行程，因此選了方便攜帶的「冷泡桂花烏龍茶」。桂花的清香，加上烏龍茶的茶味，不添加甜味劑，新鮮泡製的茶果然更甚一籌！友人表示，好飽！真的大滿足！希望下次有機會可以再次品嘗！

入到呢間餐廳的環境令人舒適，裝潢簡約，空間明亮。香辣牛肉米線，牛肉好味，最欣賞係非常入味既蘿蔔，滋味濃郁，連我自己唔食蘿蔔都食晒，我太太每次嚟都清一色叫藥膳雞湯米線，佢話雞夠新鮮，仲有配菜豐富，口感極佳，仲有其他小食，可以滿足各種口味。飲品方便，我最鍾意佢自製冷泡桂花烏龍茶，最緊要唔甜，啱晒我，價格公道，食物價值相對係中環，簡直超值，每一項都非常值得推薦。令人難以忘懷。印象深刻，令人驚喜。是一個值得推薦的好地方。