星期六去左荔枝角練瑜珈🧘🏻‍♀️，練完一落樓就見到呢間門面睇落乾淨舒服嘅西餐廳🤪 🥩香煎美國西冷牛扒配蒜蓉汁+薯菜(+$6) 一路都有飲食控制嘅我，見到呢個餐二話不說即刻就揀。牛扒煎到兩面焦脆好香口，蒜蓉汁又另上，淨食牛扒🥩已經好夠味。另一個好值得讚嘅係，佢有得配揀薯菜(蔬菜🥬) 。啲蔬菜都好新鮮，一啲都唔hea😌 埋單價錢又平，坐落又一啲都唔迫，以後做完瑜珈🧘🏻‍♀️一於都去呢間食飯先🤓 📍Baron cafe & restaurant (荔枝角) 荔枝角通州西街1059-1061號新光工業大廈地下A室

今日食完飯經開灣仔，就同同事一齊買左茶星人嚟飲，為今年嘅大家加油🫠飲落果然名不虛傳，好足料又好飲☺️ 🍋皇牌爆檸石里香（$35） 呢杯係充滿着員工嘅汗水💦因為佢嘅檸檬係員工手打擠壓出嚟，令到成杯飲品充滿着好香嘅檸檬味！加上用石理香烏龍茶做茶底，飲落好清新提神😋 🧊火龍燕窩撞椰奶（$48） 估唔到呢個Combination咁夾😍飲落有一粒粒嘅燕窩，加上淡淡的火龍果香味同椰奶味，飲吓飲吓好快就飲晒🙈值得一題，佢嘅椰奶好滑，果然係王牌🥰 🥭芝芝芒芒（$35） 芝士同芒果永遠都係好夾嘅😋飲落芝士味好香濃，芝士奶蓋飲落亦有鹹香嘅感覺🧀芒果味亦都好甜，唔會覺得酸🍊係一杯好飲嘅芝士芒果奶蓋☺️ 🍊水果大爆炸（$35） 呢杯其實即係水果茶，但佢好足料，水果量好多，每樣都感覺好新鮮，飲落都唔會覺得太甜或者太酸，感覺啱啱好👍 📍 茶星人 (海港中心) (灣仔) 灣仔港灣道25號海港中心1樓101號舖 評分：⭐️⭐️⭐️⭐️/5 人均消費💰:~$35-$48

年幾前誤打誤撞去過呢間coffee shop，見今個星期放假嗰陣就搵朋友一齊去再飲佢嘅澳式咖啡🇦🇺 🧇Waffle Brekkie/Breakfast($88) +🍗Pan fried chicken ($22) 食鹹嘢窩夫做早餐🍳 有隻炒蛋，兩條腸仔，再加咗個煎雞扒🧇聽落樣樣都唔夾，食落雖然唔係平時嘅味道，但係特別得嚟都好食😋 ☕️Long black($38） 最近飲控就決定飲齋啡唔飲奶啡🍼去個日嘅豆偏酸，但係對於中意飲nutty嘅我都覺得好好飲，好陣果香味🫢 值得一提，服務好好，咖啡師會好詳盡咁介紹當日嘅咖啡豆俾你🥰 評分：⭐️⭐️⭐️⭐️/5 人均：~$100-150 📍 Gladys' Estate Coffee (九龍城) 九龍城獅子石道6-8號美景樓地舖

前排天氣咁凍❄️，放lunch一定要搵啲熱辣辣嘅野食暖下個身先得🥰 三多麵食一向係lunch time係中環街頭都大排長龍，襯今日可以早啲出去食lunch，就去試下佢啲麵喇☺️ 🐣雲吞鵝腸湯麵（$58） 我嗌咗雲吞同鵝腸嘅雙拼，雲吞一共有三粒，而且每粒都好大粒😍亦都好足料，每粒都好似塞滿晒蝦同鮮肉咁😋 而鵝腸就好爽口，加埋豉油同辣油一齊食好惹味，不過如果多小小鵝腸就好喇，食落唔夠喉🫣不過以中環物價嚟講，性價比已經好高喇❕ 評分：⭐️⭐️⭐️⭐️/5 人均：💰～$60 📍 三多麵食 (中環) 中環砵典乍街30號地舖

有朋友介紹開呢間太子隱世café & bar，放假嗰陣就去咗試吓。行到入去，見到好多支擺咗喺啲酒櫃入邊，成間舖頭有成一半都比whiskey包圍住😯 🧊Cold brew ($60) 比較早嘅時間去到☀️，就叫咗杯cold brew去提下神。咖啡味 。最欣賞佢用一舊正方形大冰🧊，去保持溫度❄️但係又唔會咁容易整淡杯咖啡😋 整體嚟講，服務同咖啡都好滿意，下次會再嚟試吓佢啲whiskey🥃 評分：⭐️⭐️⭐️⭐️/5 人均：~$60 📍 安樂珈琲 (太子) 太子西洋菜北街169號地舖

最鐘意café hopping嘅我，今次再去左荔枝角嘅contrast試吓佢最出名嘅waffle甜品🧇 🧇竹炭糯米窩夫配自家製牛奶雪條 ($128) 呢款不愧為必食甜品，窩夫烘到外脆內軟，咬落去煙煙韌韌。仲要配上半熔嘅牛奶雪條，夾埋酸酸地嘅紅莓醬🍓味道啱啱好😋 🍮雞蛋布丁配House espresso ($60) 布甸質感偏滑，有好重嘅蛋味，不過食落冇乜驚喜。反而驚喜位✨係當倒左espresso之後，甜甜嘅布甸中和左咖啡嘅苦味⚖️ 評分：⭐️⭐️⭐️⭐️/5 人均：💰$100-$150 📍Contrast (長沙灣) 長沙灣福榮街512-518號依時大廈地舖

有日突然間好想食居酒屋，上openrice搵到呢間評價幾好，就晏晝自己一丁友去咗過下癮😋 🐚鰹魚湯煮日本白蜆 $78 成碗滿滿嘅蜆分量好大份❕差啲就食唔曬，個湯除左鰹魚味仲有好重嘅清酒味🍶 🍙蟹籽醬油燒飯團 $48 一上檯見到有大阪燒嘅toppings同好澎湃嘅蟹籽，飯團本身有調味🍙，食落飯團表面燒得好脆，內脆外軟✨ 🐓山系燒雞皮 $32 去到居酒屋，我必叫就係雞皮串🍢，好開心呢一間嘅燒雞皮係我好鍾意嘅乾身同香脆，上面有些少嘅鹽做調味🫙就已經好好食😍 要特別留意，因為餐廳比較細同多人，午市限時45分鐘，晚市就60分鐘⏰ 評分: ⭐️⭐️⭐️⭐️⭐️/5 人均: ~$150 📍 山系。本舍 (太子) 太子界限街23號地下A1號舖

天氣一凍就係想飲熱辣辣嘅湯，食麵食同餃子🍲 咁啱今日一個人經過太子，就決定去試吓好出名嘅餃子店😋去到好多人等，好彩因為得一個人等咗10分鐘就入到去🫢 🥬韭菜鮮肉餃➕麻辣白菜鮮肉餃 (10隻 $55） 既然天氣凍凍地，就梗係要湯餃食😋心思思想試兩款就嗌咗雙拼。上到枱見到舊舊都成個湯匙羹咁大舊😯餃子皮薄餡靚，食得出啲食材都好新鮮，應該係即日包嘅👩🏻‍🍳好鮮甜💦 🍲配椰子海帶鮮雞豬骨濃湯 不得不提個湯餃湯底好出色‼️椰子清甜，又飲得出鮮肉嘅鮮味，又冇味精，超好飲🥥 評分：⭐️⭐️⭐️⭐️⭐️/5 人均：～$60–70 📍豐信餃子店 (太子) 太子汝州街17號地下A號舖

呢間澳門嘅茶餐廳一向係香港都好出名，尤其係個牛肉炒通粉🥩！今次嚟澳門最終可以試一試佢😍 🥩牛肉炒通粉（$40） 牛肉份量唔算太多，但味道好好，亦都好淋，唔會有好大陣嘅生粉味👍而通心粉就整得好煙韌同陣牙，亦好入味😍而佢仲附上啲炒得好淋嘅洋蔥，夠晒香口☺️ 🍞豬扒芝士菠蘿包（$32） 菠蘿包個皮食落好脆！而佢嘅豬扒咬落亦都唔會好難咬，食落同芝士同滑蛋好夾☺️ 📍 新鴻發咖啡美食 (高士德) 高士德賈伯樂提督街55A號地舖 評分：⭐️⭐️⭐️⭐️/5 人均消費💰：~$35

天氣咁凍最岩就食啲熱辣辣嘅邪惡嘢，最出名食雞脾嘅和順記最近係中環新開左，就同埋一班同事去食喇🥰 🐓巴蜀雞脾皇煎蛋飯（$68） 雞脾份量超大，差唔多有成個手掌咁大😍 而巴蜀香辣粉亦好平均咁黐實晒係炸雞皮到，啖啖食落都有恰到好處嘅巴雞香辣粉味☺️而炸雞脾嘅炸粉都唔會話好多，雞皮加埋雞脾肉咁一啖食落都唔會話會有好多嘅炸粉，高質😋 🍗滷水雞脾皇煎蛋飯（$68） 滷水雞脾份量一樣係咁大😍而且色澤好靚，食落滷水汁都醃得好入味🥰肉質都醃得好淋，好易就切開晒👍 評分：⭐️⭐️⭐️⭐️/5 人均消費💰：~$70 📍 和順記 (新威大廈) (中環) 中環威靈頓街112-114號新威大廈地下A號舖