香港JW萬豪酒店宴會廳

營業中

休息中

我們一行2人，第一次試JW酒店慶生日，要預早1個月才book到星期六夜晚buffet的位，真的好難book ,因其待已久，所以真正食那日有少少落差，首先講魚生都好新鮮，凍龍蝦好多肉好味😋，而酒店的賣點應該係熱食 - 好大件花膠、鮑魚、海蔘（三樣都煮得好入味，花膠同海參都好軟身好大件），另外有片皮鴨（這個有d失望，因鴨好少，配菜多），龍躉都好好味，好多骨膠原😋，仲有自家整的义燒（好入味，义燒不會過琳、海南雞好滑👍🏻，而湯就無乜特別，只係普通湯，有燒牛肉、，由於要留肚食甜品，所以都無試晒其他款菜式，我見到雲吞都好大粒，但真的食唔到而甜品本身係我最其待，點知款式都想像中少，同埋無馬卡龍😫，大部分甜品都有職員分配，有好有壞，好更係衛生d同就唔洗被人切蛋糕切得好肉酸，壞就無得自己排得靚靚影相，而雪糕味道得3款比想像中少（不過勝在一杯杯自取）。服務態度方面，都有禮貌同好快手幫客人收碟同加水，價錢都唔算便，但如果好喜歡食花膠、海參、鮑魚都值得一試。

今天因工作來到金鐘的JW萬豪酒店，LUNCH BREAK的時候主辦商提供了午宴，所有終於有機會可以一嚐JW萬豪出名的中菜宴席，真的非常高興。由於是工作午宴的關係，時間有限，菜單是略為精簡，但都有齊頭盤、熱葷、湯品、尾單同甜品，都算是很豐富了。首先來的是燒味拼盤，有乳豬 、油雞、叉燒和燒鴨，上檯時候還有微溫。乳豬的皮是脆的， 油雞嫩滑， 叉燒跟燒鴨正常，整體是不錯的。再來的黃金蝦仁，說穿了即是金沙蝦。蝦仁的咸蛋黃外層做得不錯，不是很油，夠咸香，可以挽回雪藏蝦仁的食味不足。拌碟的西芹炒得也好，底味下得夠，爽脆沒有渣，剛好彌補了金沙蝦的油膩。然後來的就是湯品，蟹肉金露，亦即是南瓜蟹肉羹。賣相很漂亮，黃金澄澄的。羹做得杰身，應該跟西餐的南瓜湯一樣是用南瓜打爛而成的。味道香甜，但所以就把蟹肉的鮮味都蓋過了。喝了一半以後，才發現原來碗底有不少蟹肉的。中段以後，再來的就是當紅炸子雞。中菜來說，炸子雞可以說一道可以中菜館的考牌菜！獲分到的剛好有不同的部位，雞脾滑，雞胸不柴，雞背也香口。一口咬下，皮脆，肉嫩，多汁，就是在宴客吃到的，也不會炸得／放到很乾，是很有水準的，亦是今天最好的菜式 (所以把剩下的一

今日有幸來到JW Marriott 出席工作會議，主辦方在中場休息時有提供茶點。忙完一個早上已經非常肚餓，當然要好好試一下這裡酒店供應的點心。因為只是早上的茶點，選擇固然不會太多，但都有西式點心，中式點心，同埋水果供應。西式點心，就有蛋餅撻，同埋水果燕麥片。蛋餅撻驟眼看起來，令人以為係葡撻，但其實係咸的！係葡撻的酥皮，但入面係煙肉蘑菇奄列蛋餅來的，都幾得意。水果燕麥片都唔錯，煮得好滑身，配埋少少雜莓，雖然係健康食物，都令人忍唔住食完再食。至於中式點心，就有冬菇豬肉燒賣同埋小籠包。冬菇豬肉燒賣是５星級酒店出品，比平時酒樓食到的更好，冬菇味好出好香，豬肉有肉味，有肉的質感，唔會一劈野咁，配埋少少辣醬食就更香口。小籠包的肉餡味道唔錯，肉係優質有鮮味，仍有湯汁的。可惜就係皮造得比較厚，可能係因為要照顧自助餐的情況需要。否則客人個個一夾包就穿，會攪到成籠點心都會濕哂唔好睇。感覺酒店餐廳食物唔錯，希望下次再有機會黎正式食一餐啦。

因為工作關係，當晚難得可以係JW萬豪酒店食自助餐，滿心期待食物會好豐富，但後來發覺自助餐範圍其實都頗細，種類都唔算太多，同想像有點出入。一入餐廳，已經見到有不少精緻甜品。小巧可愛，賣相都頗吸引。然後就會見到幾大盤煙三文魚，我一見到就忍唔住心心眼，因為自己都頗鍾意食三文魚。第一輪差唔多每款三文魚都有試下，但大部分煙三文魚味道都太有特色，煙燻味道太濃郁，反而令整件三文魚味道變得好怪。恕我唔太識欣賞呢度嘅煙三文魚。海鮮仲有龍蝦個類，都幾大隻，refill速度都快。見到好多人瘋狂食龍蝦，自己試咗少少，都唔錯。但比較失望嘅係無生蠔，有點失望。刺身方面，係有專人切比你。有八爪魚、三文魚、吞拿魚個類，比較大路嘅款式。刺身正常，新鮮程度尚可吧。壽司卷物都好少，都係普通款。旁邊有冷面，味道都可以嘅。熟食方面有中式同西式，中式好似多少少，中式有花膠、燒味、粉麵個類，師傅會即場整片皮鴨比你，都幾有趣。之前未食過片皮鴨，忍唔住拎咗兩舊。麵包皮比較多粉同厚身，鴨肉偏向扎實，另外蘸有少許醬汁，味道算還可以，但同想像中有點出入，未有令我驚艷嘅感覺。至於西式我都唔係試咗太多，要咗一塊牛扒，牛味唔算突出，筋位超級多，非

聖誕節去左jw食自助餐, 價錢真係近四位, 不過都叫物超所值嘅，因為佢有花膠鮑魚仲要係任食，真係喺第二度搵唔到，酒店仲安排左聖誕老人同每位客人合照，真係招呼周到，而且每張枱都有一啲聖誕小飾物，真係幾warm , 整體食物都係超水準，而且服務周到🥳🥳特別一提就係佢嘅甜品，真係見到樣樣都想食，而且佢環境燈光影相會好靚，啱晒鍾意影相嘅朋友，如果大家有咩特別節日都可以不妨考慮吓JW嘅自助餐，係一個浪漫之選😍😍

近日天氣陰晴不定，令人心情納悶，幸好過了繁忙的 5 日，終於來到周末，可以兩口子一起出席活動，參與萬豪集團的「感謝傳媒午宴及香薰蠟燭工作坊 2017」。今次活動選在香港 JW 萬豪酒店，JW 萬豪宴會廳舉地，地方很大很舒適，而且除了吃之外，還可以試試自己動手製作香薰蠟燭，實在令人雀躍。祝過酒後，午宴在一輪踫杯聲中宣告開始。快速沿著 Buffet Line 走一圈，食物非常豐富，除了有六款鮮味十足的刺身和三款壽司卷外，還有西班牙黑毛豬火腿、水牛芝士蕃茄芝麻葉沙律、青口、原隻大蝦、波士頓龍蝦等。另外熱盤方面，有超吸引的香煎鵝肝、威靈頓牛扒配紅酒松露汁、忌廉粟米、照燒汁蘑菇、水煮露筍。除此之外，旁邊 Counter  還有中式燒味，包括叉燒、油雞及即包即食的北京填鴨。仲未行完？揭開熱盤蓋，原來仲有海參花膠，時菜鮮菇鮑片，是女士們滋補養生及護膚養顏的恩物。如果喜歡有飯有湯到肚，其實餐桌上還有炒飯、忌廉蘑菇湯，甚至連蝦餃亦一應俱全。事不宜遲，立即開餐。幾款刺身，用料都很優良，尤其是極品甜蝦同吞拿，前者肉質緊實、蝦味鮮甜；而後者亦屬新鮮靚貨，魚肉油脂分布均勻，兩款都是筆者心水推介。波士頓龍蝦肉質很

第一次去萬豪飲宴耳環去都係去食自助餐裝修前後都去過以前就最好，越來越唔好不過原來佢飲咁正啲菜夠熱乳豬皮夠脆夠熱！肥膏少！鵝肝海皇卷食到鵝肝，同埋唔會好似出邊啲海鮮卷咁咬落去成口沙律醬，一流，好味！翡翠琥珀蝦球，翡翠係翡翠合桃，合桃好好味！翡翠係西芹，西芹仲要搣咗根，所以好趣又唔痴牙，蝦球大大隻啖啖肉！玉環瑤柱抱正正常常元粒瑤柱味道幾好竹笙海皇羹，足料好味唯一唔好地方係啲職員佢哋收腕收得好快好似趕收工咁收得快都唔緊要，收前可以問一問賓客先好多時候未食晒就比人收咗

好多年前（2012）已經好鍾意萬豪的自助餐以前任食的龍蝦係本地龍蝦近年再食每次質素都每況愈下裝修之後特別幫襯一次地方真係好靚新潮、乾淨、有品味食物種類多有花膠有海參， 有片皮鴨亦都有深海魚花膠同深海魚好腥龍蝦蟹蓋腳等凍海鮮都好多選擇賣相一流，不過未到一般最恐怖係服務好難講有乜嘢大問題錯單漏單（飲品）冇笑容、亂咁答客問題⋯服務問題一摞摞如果呢間唔係五星級酒店純粹係一間自助餐餐廳我諗我會好滿意不過如果掛住個五星級酒店同埋五星級價錢接受唔到服務係咁

A banquet was given in the middle of the day. The ballroom sits around 200 people, it's amazing how the kitchen can serve food so swiftly.I had chicken breast for starter. The presentation was appealing, the taste wasn't quite fresh though, you can tell the meat was laid out for some time.  Main course was a generous portion of salmon. Taste was ok but not the best in town, not soft enough and a bit dry... Asparagus was pretty good.This creme brulee looked fantastic! but too sweet even for a des

每一年，親愛的開飯網都會選出網民投票出來的優秀食肆。然而，某日回家收到一張請貼，今個年度，開飯網的開飯熱店大賞不再是低調的，默默的把獎項送絡得獎餐廳就算，2013年，高調地，假座於金鐘JW萬豪酒店的宴會廳，來一個隆重而且不簡單的頒獎典禮。 當中的各個細小環節不說了，總之有森美，有小儀，有苟芸慧，有 As One，場面絕對是有聲，又有色。在開飯網寫文，該要集中報導食物吧。典禮之前，在我們談談笑笑之間，開飯網的仝人沒有忘記我們的本性，一個小小的 cocktail party，絕對是一個充滿美點的小派對。畢竟人太多，沒有周圍去尋找朋友及美點，我只留在認識的朋友身旁，也只留意身旁的自助美食，看得出的精美，感覺得到的美味，開飯網的確懂得去照顧我們及一班食肆老闆及代表，以及一班更有份量的食評家。由咸點說起，沙爹串燒雞肉，每一次端出來到會立即被搶一空。這雞串，燒得夠香口而且沒有過燶，剛剛好的樣子，淋上甜甜而且花生味濃厚的沙爹醬，超越了一般酒店自助餐的水準。 另外就是這一個酥皮三文魚卷，應是加點軟芝士或綠豆蓉去伴食的，