4
4
0
| 餐廳: | 香港JW萬豪酒店宴會廳 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
港鐵金鐘站 F 出口
繼續閱讀
電話號碼
28108366
營業時間
今日營業
08:00 - 00:00
星期一至四
08:00 - 00:00
星期五至六
08:00 - 01:00
星期日
08:00 - 00:00
公眾假期
08:00 - 01:00
以上資料只供參考, 請與餐廳確認詳情
我們一行2人，第一次試JW酒店慶生日，要預早1個月才book到星期六夜晚buffet的位，真的好難book ,因其待已久，所以真正食那日有少少落差，首先講魚生都好新鮮，凍龍蝦好多肉好味😋，而酒店的賣點應該係熱食 - 好大件花膠、鮑魚、海蔘（三樣都煮得好入味，花膠同海參都好軟身好大件），另外有片皮鴨（這個有d失望，因鴨好少，配菜多），龍躉都好好味，好多骨膠原😋，仲有自家整的义燒（好入味，义燒不會過琳、海南雞好滑👍🏻，而湯就無乜特別，只係普通湯，有燒牛肉、，由於要留肚食甜品，所以都無試晒其他款菜式，我見到雲吞都好大粒，但真的食唔到而甜品本身係我最其待，點知款式都想像中少，同埋無馬卡龍😫，大部分甜品都有職員分配，有好有壞，好更係衛生d同就唔洗被人切蛋糕切得好肉酸，壞就無得自己排得靚靚影相，而雪糕味道得3款比想像中少（不過勝在一杯杯自取）。服務態度方面，都有禮貌同好快手幫客人收碟同加水，價錢都唔算便，但如果好喜歡食花膠、海參、鮑魚都值得一試。
繼續閱讀
今天因工作來到金鐘的JW萬豪酒店，LUNCH BREAK的時候主辦商提供了午宴，所有終於有機會可以一嚐JW萬豪出名的中菜宴席，真的非常高興。由於是工作午宴的關係，時間有限，菜單是略為精簡，但都有齊頭盤、熱葷、湯品、尾單同甜品，都算是很豐富了。首先來的是燒味拼盤，有乳豬 、油雞、叉燒和燒鴨，上檯時候還有微溫。乳豬的皮是脆的， 油雞嫩滑， 叉燒跟燒鴨正常，整體是不錯的。再來的黃金蝦仁，說穿了即是金沙蝦。蝦仁的咸蛋黃外層做得不錯，不是很油，夠咸香，可以挽回雪藏蝦仁的食味不足。拌碟的西芹炒得也好，底味下得夠，爽脆沒有渣，剛好彌補了金沙蝦的油膩。然後來的就是湯品，蟹肉金露，亦即是南瓜蟹肉羹。賣相很漂亮，黃金澄澄的。羹做得杰身，應該跟西餐的南瓜湯一樣是用南瓜打爛而成的。味道香甜，但所以就把蟹肉的鮮味都蓋過了。喝了一半以後，才發現原來碗底有不少蟹肉的。中段以後，再來的就是當紅炸子雞。中菜來說，炸子雞可以說一道可以中菜館的考牌菜！獲分到的剛好有不同的部位，雞脾滑，雞胸不柴，雞背也香口。一口咬下，皮脆，肉嫩，多汁，就是在宴客吃到的，也不會炸得／放到很乾，是很有水準的，亦是今天最好的菜式 (所以把剩下的一碟也A過來了...........)。這時尾單揚州炒飯也上來了。本來對揚州炒飯不抱厚望，但嚐了小半碗，飯粒是炒得乾爽粒粒分明，配料切得細緻，是非常不錯的揚州炒飯。吃罷尾單，侍應也上了熱茶，拿來了合時美點。美點是笑口棗跟桂花糕。桂花糕是正常水準，笑口棗還是暖暖的，鬆化，個人是連吃兩個的。感覺到這裡的中菜果然是名不虛傳，師傅的手勢水準是頗高的，就是用上比較普通的食材，也能夠用手勢補上。希望下次有機會正式來吃一晚飯吧！
繼續閱讀
今日有幸來到JW Marriott 出席工作會議，主辦方在中場休息時有提供茶點。忙完一個早上已經非常肚餓，當然要好好試一下這裡酒店供應的點心。因為只是早上的茶點，選擇固然不會太多，但都有西式點心，中式點心，同埋水果供應。西式點心，就有蛋餅撻，同埋水果燕麥片。蛋餅撻驟眼看起來，令人以為係葡撻，但其實係咸的！係葡撻的酥皮，但入面係煙肉蘑菇奄列蛋餅來的，都幾得意。水果燕麥片都唔錯，煮得好滑身，配埋少少雜莓，雖然係健康食物，都令人忍唔住食完再食。至於中式點心，就有冬菇豬肉燒賣同埋小籠包。冬菇豬肉燒賣是５星級酒店出品，比平時酒樓食到的更好，冬菇味好出好香，豬肉有肉味，有肉的質感，唔會一劈野咁，配埋少少辣醬食就更香口。小籠包的肉餡味道唔錯，肉係優質有鮮味，仍有湯汁的。可惜就係皮造得比較厚，可能係因為要照顧自助餐的情況需要。否則客人個個一夾包就穿，會攪到成籠點心都會濕哂唔好睇。感覺酒店餐廳食物唔錯，希望下次再有機會黎正式食一餐啦。
繼續閱讀
因為工作關係，當晚難得可以係JW萬豪酒店食自助餐，滿心期待食物會好豐富，但後來發覺自助餐範圍其實都頗細，種類都唔算太多，同想像有點出入。一入餐廳，已經見到有不少精緻甜品。小巧可愛，賣相都頗吸引。然後就會見到幾大盤煙三文魚，我一見到就忍唔住心心眼，因為自己都頗鍾意食三文魚。第一輪差唔多每款三文魚都有試下，但大部分煙三文魚味道都太有特色，煙燻味道太濃郁，反而令整件三文魚味道變得好怪。恕我唔太識欣賞呢度嘅煙三文魚。海鮮仲有龍蝦個類，都幾大隻，refill速度都快。見到好多人瘋狂食龍蝦，自己試咗少少，都唔錯。但比較失望嘅係無生蠔，有點失望。刺身方面，係有專人切比你。有八爪魚、三文魚、吞拿魚個類，比較大路嘅款式。刺身正常，新鮮程度尚可吧。壽司卷物都好少，都係普通款。旁邊有冷面，味道都可以嘅。熟食方面有中式同西式，中式好似多少少，中式有花膠、燒味、粉麵個類，師傅會即場整片皮鴨比你，都幾有趣。之前未食過片皮鴨，忍唔住拎咗兩舊。麵包皮比較多粉同厚身，鴨肉偏向扎實，另外蘸有少許醬汁，味道算還可以，但同想像中有點出入，未有令我驚艷嘅感覺。至於西式我都唔係試咗太多，要咗一塊牛扒，牛味唔算突出，筋位超級多，非常難切，好多位都唔適合食。另外我拎咗啲配菜，例如薯仔、扭扭薯條。薯仔係有烤焗過，但香味欠奉，帶唔出薯仔香。反而扭扭薯條幾好，惹味香口，但薯條稍嫌幼身，令口感減分。至於甜品，大部分味道都唔錯。麵包布甸頗香，布甸口感滑溜。抹茶tiramisu都幾好食，抹茶粉唔會太苦澀。見到豆腐花都忍唔住試咗啲，加上黃糖，唔會太甜，清清淡淡，幾好。值得一提焦糖燉蛋，雖然每杯焦糖厚度有啲參差，但焦糖加上燉蛋真係好香，燉蛋好重蛋奶香，忍唔住食完一杯又一杯。亦有haagen dazs杯裝雪糕，但口味都係大路款，如雲呢拿、朱古力、士多啤梨等，唔太吸引。生果款式唔算好多，切得都頗大粒，味道還可以。
繼續閱讀
聖誕節去左jw食自助餐, 價錢真係近四位, 不過都叫物超所值嘅，因為佢有花膠鮑魚仲要係任食，真係喺第二度搵唔到，酒店仲安排左聖誕老人同每位客人合照，真係招呼周到，而且每張枱都有一啲聖誕小飾物，真係幾warm , 整體食物都係超水準，而且服務周到🥳🥳特別一提就係佢嘅甜品，真係見到樣樣都想食，而且佢環境燈光影相會好靚，啱晒鍾意影相嘅朋友，如果大家有咩特別節日都可以不妨考慮吓JW嘅自助餐，係一個浪漫之選😍😍
繼續閱讀