餃子坊

營業中

休息中

朋友同我一樣中意食餃子，但原來佢喺荃灣番工咁耐，一直都無食過餃子屋😯，可惜當日係星期二，餃子屋例休，只好嚟呢間位於路德圍，評價唔差嘅餃子店。當日晚上6點半，可以直入，大概7點左右開始多人。餐廳餐具全部都係即用即棄，連裝煎餃都用紙碟，唔太環保🙉。皮蛋 $20我個人比較中意食熱嘅皮蛋，因為皮蛋味香濃D同埋蛋白位會淋D彈D，所以我麻麻地呢個凍皮蛋。😅韭菜拼芝士煎餃10隻 $51餃子煎到兩面金黃，食果陣少少脆口。友人中意食韭菜，話四款中最好就係佢，但我自己食韭菜會脹氣，所以無食。芝士餃內雖然有粟米粒，但唔會蓋過芝士味，反而增添口感，亦令餃子無咁溜😋。香菇拼芫茜湯餃10隻 $48兩款都做得唔錯，菜肉比例大概4比6，所以好濃菇同芫茜香。我自己比較中意芫茜味，入口好似飲緊芫茜湯咁濃😆🤤。另外，個湯都好好飲，唔腥、唔鹹、幾甜，仲有瑤柱碎，飲完唔會口渴。👍呢度餃子飽滿、餃皮算薄、肉餡彈牙、菜比例高，無論湯餃定煎餃都好味😏。唯一要彈餐廳抽風問題，由於多人叫煎餃，全店瀰漫著油煙味。😶餐廳除左可以現金同八達通付款外，仲有WechatPay同Alipay，但前題係要老闆在場先用到😂 當晚老闆唔喺店內，所以只能用

路德圍一行多嘢食，今次試咗間餃子小店，入到去已經見到阿姐喺度默默咁包緊餃子，今次試咗雙拼湯餃子同埋雙拼煎餃子。湯餃子點咗韭菜豬肉同埋白菜豬肉，豬肉勁新鮮，皮薄👍🏻煎餃子揀左香菇餃同埋牛肉餃，香菇餃菇味突出，牛肉餃一咬落去已經食到牛肉肉汁。

平時屋企人好鐘意自己包餃子，係社交平台關注組見到呢間位於荃灣路德圍既餃子坊，身為餃子控既我又點可以抗拒呢~原來餃子坊所有餃子都係每日即包，肉餡係用上新鮮豬肉製成，所有包餃子既師父都有十幾年包餃子既經驗，而且餃子款式好多元化🌟爽口小食▫️特色皮蛋 ($20)▫️涼皮 ($35)前菜揀左兩款開胃小食，涼皮味道清爽，上面加左青瓜同花生增加口感，特色皮蛋都好高質，溏心蛋超好食🌟新鮮湯餃▫️椰菜餃▫️粟米餃餃子類有八款唔同口味，我就揀左個椰菜餃同粟米餃最欣賞佢地既粟米餃，入面超足料，食落有粒粒香甜粟米粒既口感，皮薄餡靚超好食🌟自家製辣椒菜脯醬 ($45)店員推介我試下佢地既辣椒菜脯醬，配餃子又幾夾

今日想推介呢間位於荃灣路德圍既餃子坊，路德圍一向出名係掃街天堂，呢間餃子坊亦被關注組介紹過，全部餃子都係每日即包唔留過夜，加上餡料用既係新鮮豬肉，保證新鮮，而師父亦有十幾年包餃子既經驗，食到皮薄餡靚既餃子好滿足🔥🔥🔥🌟特色皮蛋 ($20)皮蛋用既係溏心皮蛋，鮮嫩的蛋黃加上綿密的蛋白，口感獨特🤟🏻🌟涼皮 ($35)涼皮口感滑嫩，清爽可口，加入各種調味料、花生粒同青瓜，味道鮮美，營養豐富👍🏻👍🏻👍🏻🌟新鮮湯餃🥟椰菜餃椰菜餃餡料以椰菜和豬肉為餡料，再加入些許調味料製作而成，餃子皮薄而富有韌性，入口有彈性，湯底清甜，配上手工餃子絕配🥰🥟粟米餃另一款我就揀左粟米餃，內餡香甜可口，粟米的甜味和餡料的豐富口感相得益彰，讓人垂涎欲滴，必試推介😋😋😋🌟豆漿 ($12)行到攰攰地叫杯豆漿就夠哂透心涼啦，下次要再encore試埋其他口味既餃子先得😆😆😆

每日用新鮮豬肉及蔬菜, 現場自家包餃, 餃子可以自由配搭唔同嘅組合, 可以揀湯/煎餃。我哋就叫咗兩款餃子加一支豆漿外賣拎走～如果揀湯餃, 會配有一碗佢哋自己煲嘅湯, 加入瑤柱、豬骨、魚熬製。湯底呈奶白色, 無味精, 味道鮮甜, 飲嘅時候見到有瑤柱同埋少少肉碎喺個湯裏面。熱辣辣嘅湯底加埋餃子真係好好味😋, 性價比高👍🏻！🥟白菜餃 餃子皮薄餡多, 包住滿滿嘅豬肉及新鮮白菜🥬, 食落去啖啖肉, 肉味香濃, 白菜新鮮又清甜, 美味可口, 幾滿足！🥟韭菜餃 (生餃)外賣生餃子有10粒, 可以帶返屋企自己煮嚟食～ 餡料填滿晒成隻餃子, 一口咬落去就充滿肉汁, 餡料有鮮肉味, 韭菜新鮮翠綠, 感受到韭菜獨特嘅清香, 調味剛好, 好食😋！

荃灣一向都充斥住唔少小店，而特別係一啲住家少少既食品例如好似我今次去既餃子店咁🥟都係以小店經營模式，同時佢地主打健康無添加無味精去肴製湯底🫕所以食既時候都真係睇到同食到好多瑤柱絲🤩。🐒雙拼餃7粒💰$34👉🏻粟米餃👉🏻芫荽餃所有餃子都係以人手去包，見到姐姐係旁邊一路默默包，唔同人負責唔同餡料🐷而餐牌選擇都好自由，可以揀唔同既搭配，甚至有一款係可以一次過試哂佢地全部款式😍岩哂啲心大心細既朋友但我今次只係揀左兩款我心水去試🌽粒粒餃子都漲卜卜好足料，而皮方面都見到係薄到透哂啲餡出嚟，所以真係皮薄餡靚🥬。🐒特色皮蛋💰$20🐒手拍青瓜💰$20之後仲嗌左兩款小食，而我就中意皮蛋多啲🌶️因為除左調味唔錯之外，仲要係溏心蛋😚如果唔夠辣仲可以加埋店舖提供既辣菜寶醬同秘製辣椒油添，食落更加惹味🤣。🐒豆漿💰$12

🕖時段-星期四夜晚一個人唔知食 8點左右行過呢間餐廳見入面6-7成滿唔洗等位 決定再食多次😀_▫全部大混合湯餃 (10粒) $48上次已介紹過大混合湯餃 水準無變😋見到師傅keep住係度包餃好新鮮 推介大家如果第一次來嗌呢個試哂咁多味! 因為真係有驚喜🥳_▫韭菜煎餃 (10粒) $43 上次無試到煎餃 今次特登嗌返! 餃子皮薄煎到脆脆地好香口 唔會太油膩😙個饀好多肉! 平時食韭菜餃通常好多韭菜肉會少啲 呢度就多肉多韭菜😆正!

今日去荃灣做嘢，去路德圍搵食，行左一個圈，搵到間食餃子嘅，見價錢親民，標榜唔加味精香料，評價唔差，就入去醫肚❤️店面積唔大，但乾淨企理。叫左個手拍青瓜，爽口清翠，酸甜醒胃。韭菜餃，芝士餃 咁樣拼嘅話有十粒都係$48最愛韭菜獨有嘅味道，好足料脹卜卜，有滿滿嘅韭菜豬肉，個皮又唔會好厚，好食。芝士原來可以叫湯餃，入面有粟米，豬肉，有淡淡芝士香，鐘意芝士嘅必點。嚟開路德圍想搵抵食又好食，絕對可以揀呢間餃子坊一試！

路德圍係荃灣掃街必去的，有好唔同類型既小食店和餐廳🤤 呢間餃子坊之前都食過係堂食的，經過門口發現原來有生餃子可以外賣走的，咁就岩啦！可以外賣番屋企俾媽媽嘗試吓😆 有生餃子和生雲吞，餃子有八種口味🔸生餃子 🥟 $43叫左2種口味共有🔟粒簡左椰菜餃和粟米餃，每粒都大大粒，係新鮮咁包出來的粟米餃内餡香甜，都有好多粟米粒🤤豬肉再配合口感極佳。椰菜餃是由新鮮椰菜和蔬菜混合而成🔸雲吞 $40會有1️⃣5️⃣粒雲吞雲吞是叫鳳尾雲吞，細細粒一啖放落口食就得😆

今日行經荃灣路德圍 呢邊有好多小食店掃完街飽飽地添 行過呢間「餃子坊」🥟之前知道呢間店既師傅有包左十幾年餃子經驗而且餃子係每日新鮮即包 肉餡是鮮肉製成架所以一定要買返家 夜d煮黎醫肚試吓先 我叫左兩款餃子加一支香港製造《鴻福堂》豆漿🥟白菜餃 （$43）外賣生餃子有十粒 我用來煮湯餃 嘩 皮薄多餡 食落好新鮮 有鮮肉味白菜餃係用大白菜做 餡料填滿晒成隻餃食落去啖啖肉 好正🥟韭菜餃 （$43）外賣生餃子有十粒 韭菜餃煎香後很香口 外皮脆卜卜餡好爆有肉既鮮味 一口咬落去充滿肉汁 又有juicy感

荃灣有間餃子🥟店，店外見住啲店員辛勤地默默人手包餃子。————————————————————————#芝士餃 💰37 呢款只係得淨煎，咁樣先可以令到啲餃子饀呈現半溶既狀態，煎到好金黃同脆身。#牛肉餃 💰34 呢度有好重牛肉咪既餃子，食落一啲都唔硬。$34有7隻，$43就有10粒。餃子粒粒都好夠飽滿，脹卜卜。🥟😍#特色皮蛋 💰20 估唔到呢度除咗有餃子賣同埋仲有啲小食。仲有啲涼皮好吸引。🥰🥰😍

荃灣平民超抵食餃子雲吞店超級free style任你點雙拼 煎餃加$3 自己分配數量 加麵都得雙拼湯餃 7粒 $34牛肉餃韭菜餃湯底係新鮮魚湯無味精，魚湯真係可以飲多兩啖，熱辣辣嘅湯底加埋餃子真係絕配，餃子皮薄餡靚，啖啖牛肉配上湯嘅精華入口更鮮味，韭菜餃餡料豐富，口感惹味香濃！湯底相得益彰唔會搶走餃子嘅美味！雙拼煎餃 10粒 $51粟芝士餃香菇餃煎餃真係另有一番風味，香脆嘅外皮包埋熱辣辣嘅餡料，鮮甜嘅粟米再帶上少少鹹嘅流心芝士，口感層次分明，大人細路仔都啱食，惹味香菇襯托豬肉真心推介，香味十足加上煎香味道更突出！豆漿 $12檸檬茶 $6餃子坊 (荃灣)荃灣路德圍26-28號安富大廈地舖

見到呢間主打食餃子嘅舖頭，已經好想食到佢湯餃同煎餃，主要傳統嘅口味佢都有齊晒，貴精不貴多，而且可以自由配搭唔同嘅組合。首先一定要讚佢嘅湯底，第一啖飲咗佢嘅湯應該都好入味，仲見到有瑤柱同埋小小嘅肉碎係個湯底度，見到餐廳介紹原來仲有落魚去煲湯，難怪有奶白色嘅湯底！揀左白菜餃同香菇餃配美味熬湯嘅食法，白菜同香菇餃都好多餡，大大粒而且餃子皮唔厚，配合埋咁入味嘅湯，食到好滋味～之後仲食左香煎芝士餃同牛肉餃嘅配搭，最欣賞佢係煎牛肉餃子入面嘅餡仲保留到肉汁，唔會煎到乾晒。芝士餃子都比我想像中有味道，食得出芝士味之餘，睇到佢落足餡料，粒粒粟米都有少少爽口令到口感層次有唔同！如果佢煎嘅餃子再煎得脆口啲就更加好～

————————————————————————餃子坊荃灣路德圍26-28號安富大廈地舖荃灣路德圍🏬餃子坊家庭式經營的小店,提供新鮮多樣化餃子🥟,涼皮🥤,豆漿🥛等,服務親切😊,價錢平宜,獨具特色,推薦餃子愛好者前往品嚐😋!多年經驗師傅每日即包，餃子皮薄餡多，鮮肉製成🟠推薦食物 Recommended 🔹大混合湯餃🥟($48): 一盒有10粒，裡面充滿了各式各樣的餡料，包括韭菜，椰菜，白菜，粟米🌽，芫茜🌿，牛肉🥩，香菇🍄等等，其中，芫茜帶有清新的味道，牛肉和香菇味道非常香，非常推薦，餃子關注組一定要試試🤗🔸涼皮🥤($35): 涼味道清爽，有青瓜和花生🥜增加口感，沁心涼脾🔹豆漿🥛($12): 豆漿的味道香甜，口感細緻，豆香味十足🟡不推薦食物 Not Recommended 🔹無 No🟠員工 Waiters服務親和用心🟡環境 Environment 家庭式經營的小店，環境舒適，氣氛溫馨🟠總評分Overall (9/10）💰$50/person#ezukokofood #ezukokotsuenwan #ezukoko荃灣#ezukokochinese #ezukoko中式#foodiehk

雖然大胃唔係北方人，但唔知點解香港人總係會有鋪食餃子嘅癮荃灣路德圍有間開咗一排嘅餃子店，裝修唔吸引唔起眼，但就以務實質素自居一入到去，就見到有兩位姐姐包緊餃子，每日即包即整師傅十幾年嘅功力同經驗，全都混入鮮肉餡之中，盡在餃子不言中唔知揀咩味好，唔想煩喇，就嚟個大混集，10隻煎餃子有8隻味包括韭菜餃、椰菜餃、白菜餃、粟米餃、芫茜餃、牛肉餃、香菇餃同芝士餃外皮煎得勁脆，熱辣辣feel到嗰種新鮮炮製，餡料juicy多汁以上唔包松露味，於是嗌多份湯松露餃，7粒大大嚿包得好紮實，證明爆餡，一咬開松露香味縈迴不絕加上湯底香而純，食完有暖胃之效