棋子燒鵝有好多間分店，今日行經尖沙咀都有分店，又想食燒鵝，就入去醫肚😋 二人餐 $248，係尖沙咀嚟講，價錢還可以。 鵝皮色澤金黃，酥脆誘人，味道甜甜哋，一口咬下，鵝皮嘅油脂在口中爆開😆，濃郁的鵝肉香氣口中散發。沾少少酸梅醬清新又去膩。肉質鮮嫩，唔錯😃 再配一碗爽口賴粉，冇得輸啦。 燒腩仔 外皮烤得香脆，食落脆卜卜，肉質香軟，啖啖肉，令人回味🫶   郊外油菜 菜心翠綠鮮嫩，加點蠔油已好食。 飲品 熱檸蜜和熱奶茶 熱檸蜜帶著清新的檸檬香氣，微酸微甜，非常解膩。  

今日約咗好耐冇見嘅朋友，嚟到AGE Cuisine Express 敘舊，餐廳搬咗新舖，環境比舊舖更大更舒適🫶 睇咗個 Menu好耐都揀唔啱，最後揀咗兩個dinner set😆最抵食，唔洗煩。 包湯，主食，飲品，甜品 薯仔忌廉湯 濃郁的忌廉湯里帶著薯仔的香氣，熱辣辣好暖胃。   海膽香煎帶子海鮮汁意大利粉伴香蔥蛋醬 $212 濃郁的海鮮香氣撲鼻而來，帶子微微煎香。 海膽同海鮮汁完美結合，個味調得剛剛好，creamy又唔會好膩。上面再加上香蔥蛋醬，味道升級，正。 燒美國Prime級牛扒配香脆薯條 $248 牛扒肉質鮮嫩，牛味濃，而且烤得恰到好處，外焦內嫩。配上香脆的薯條，讓人食不停口。   甜品是意大利芝士蛋糕和Brownie。 細細件甜品，擺盤好精緻，打卡都靚。意大利芝士蛋糕口感細膩，入口即化，Brownie濃郁嘅朱古力味令人陶醉。

今日去佐敦嘅不倒翁中日火鍋料理打邊爐，叫左佢地嘅火鍋套餐，每兩位$980，送酸梅湯，酸酸的很開胃。 環境寬敞，坐得幾舒服。 加$30要雙拼鍋，香茜皮蛋鍋，冬瓜瑤柱鍋，兩款都好足料，芫茜夠晒多，正‼️ 🔅刺身魚生拼盆 有三款刺身，三文魚，呑拿魚，北寄貝，厚切刺身，三文魚好新鮮肥美。 四選一海鮮 🔅生猛蟶子皇 一人一隻，鮮甜，唔好淥過龍，否則會變韌。 🔅金牌手切肥牛肉（小） 份量好多，油花好靚，牛味重，超正，推介必食。 四選一海產 🔅鮮美珊瑚蚌 淥數分鐘就食得，好新鮮爽口脆卜卜。 選四款火鍋配料 🔅牛骨髓 口感軟綿，索左湯汁好好食。 🔅四寶丸 有牛丸，鯪魚肉丸，墨魚丸，蝦丸，各有特色，大愛墨魚丸，彈牙好食 🔅萵筍片 爽脆，打邊爐一流 🔅脆鯇骨腩片 好新鮮，鮮甜，肉質爽口

2 Soon Cafe 位於太子，門口係巨型拱形，橙粉色嘅主調好有異國feel。餐廳有兩層，我哋被安排於二樓用餐，剛巧今晚有歌手駐場唱歌🎤，聽住歌歎美食真係人生一樂也❗️ SET $488 for 2 頭盤  🔅伊比利亞火腿忌廉薯餅 口感酥脆，火腿的鹹香與忌廉的濃郁融合在一起，口感綿密。 🔅西班牙青椒仔 青椒炸得剛剛好，保持咗口感同甜味，唔覺得辣。   🔅煙三文魚蕃茄牛油果沙律 三文魚肉鮮嫩，配上新鮮的蕃茄和牛油果🥑蓉，味道酸甜，質感綿密，好開胃。 🔅蒜片欖油大蝦 散發著濃郁的蒜香，大蝦🍤新鮮彈牙，好滿足。   🔅蟹肉伏特加香辣蕃茄忌廉粗管通粉 意粉以蟹肉和香辣蕃茄忌廉為基底，鮮辣惹味，唔食得辣就要揀第二款。 通粉的質感彈牙，吸附了醬汁，讚！   🔅紅酒燴牛臉頰伴忌廉薯蓉 牛臉頰經過紅酒的燉煮，肉質極為軟嫩，搭配上濃郁的忌廉薯蓉，飽肚又唔會覺得膩。 🔅甜品只需加$48就可以有法式西多士喇😍配花生醬、煉奶、香蕉，以及焦糖曲奇碎和雲尼拿雪糕，組合好邪惡！香濃的花生醬和煉奶，加上香蕉的自然甜味，搭配上焦糖曲奇碎和雲尼拿雪糕的綿密口感，超級滿足‼️   🔅Red Sangria和Sake Sangria $88 2杯 兩者都非常清爽。Red Sangria混合了Cointreau、橙汁、蔓越莓汁、蘇打水、紅酒，帶有水果的香甜與紅酒的醇厚。 而Sake Sangria則是以Cointreau、清酒和蘋果汁為基礎，加入了酸蘋果糖漿、檸檬汁和蘇打水，清新的口感中帶有清酒的獨特風味。

好耐冇食潮州菜，上網搵到一間比較新式嘅潮州菜-鬼滷，睇啲相都幾吸引，一於上去試吓😍 餐廳會提供甜爆谷作為餐前小食，幾特別。 椒鹽普寧豆腐 $68 鮮嫩的豆腐外皮炸得金黃酥脆，一口咬下，內裡卻是如絲般的柔軟。帶著濃郁的豆香，再沾上韮菜鹽水，值得一試。 蜆仔肉生菜包 $88 爽脆生菜包裹著鮮嫩的蜆肉和肉碎，咸鮮的滋味讓人回味。 潮式滷水拼盤 $238 擺盤非常精緻，有三款滷水食材-鵝肉、鵝腸和墨魚，各自散發出獨特的口感同味道。鵝肉嫩滑多汁，鵝腸鮮嫩爽口有嚼勁，墨魚切成薄片，索咗個滷水汁，好食。 招牌蠔仔粥 $108 兩人份量，裡面滿滿的都是鮮嫩的蠔仔。粥底鮮味十足，仲食到米粒，蠔仔的鮮甜和粥完美結合，加上芫茜，香葱，菜脯更滋味。

Burger Mate 位處尖沙咀，只有十個座位左右。小店主打正宗美式漢堡, 麵包同漢堡都係自家新鮮製造，同岀面嘅連鎖店賣嘅口感同味道完全不同，難怪七點多左右已滿坐了。 餐廳好貼心，仲有手套搵供，唔怕食到勁污糟👍 瑞士芝士安格斯牛漢堡 $85 有小青瓜，軟滑芝士，番茄，爽脆生菜，與多汁的安格斯牛肉完美融合，一路食，啲肉汁一路滴，加埋佢個秘製醬汁，令人一試難忘。   黑松露蘑菇安格斯牛漢堡 $125 賣相好吸引，加入蘑菇同黑松露，香氣在口中彌漫，蘑菇同牛肉的組合融合得天衣無縫，朋友食得好開心。 黑松露薯條$65 薯條炸得金黃酥脆，上面有滿滿嘅黑松露醬，每一根薯條都蘸滿了黑松露的風味，味道更加豐富。 香蕉奶昔 $42 見有我最愛嘅香蕉奶昔就要咗一杯試下。奶昔濃稠滑順，充滿了新鮮香蕉的自然甜味，又唔會太膩，正！

朋友生日，鐘意食壽喜燒嘅佢揀左壽兵衞，一邊睇住師傅整，一邊歎美食，係一個很好嘅體驗。

Supreme Wagyu Set $1280
🔅前菜三點
漬鮑魚，口感彈牙
蟹膏豆腐，蟹膏香濃
鮟鱇魚乾，口感軟滑🔅刺身四點
全部都好鮮甜，最愛帶子，啖啖肉，牡丹蝦，大隻鮮甜！🔅蒸物
松葉蟹肉三文魚子茶碗蒸，蛋好嫩滑，加上三文魚籽，鮮味升級。🔅和牛刺身
油花好靚，加點洋葱酸汁，好夾。🔅和牛紫菜卷
口感層次豐富，唔講都唔知係和牛刺身粒。🔅巴西牛舌（厚切），口感爽脆，加上淡雪鹽，洋蔥，調味酸酸的，好夾。🔅到重頭戲壽喜燒Sukiyaki
有數款牛，美國熟成牛，牛味比較重
日本和牛肉眼，日本和牛西冷，牛肉鮮嫩，牛脂滿溢，入口即溶🫶🔅季節野菜盛盒
有紫心蘿蔔，春菊，冬菇，金菇菜，南瓜，娃娃菜，豆腐，蘋果等，用嚟間場，索左壽喜燒汁同牛肉汁好正，蘋果最後先食，清新去膩。🔅再嚟一碗舞茸菇湯清一清味蕾。🔅和牛炒烏冬
烏冬煙韌，索左個壽喜燒汁好食🔅另一個set嘅滿溢筋子釜飯都可一試。
有蟹肉，枝豆，黑松靈煮成，三文魚籽好鮮甜，唔使加豉油都夠味，唔夠仲可以仼加三文魚籽添。🔅最後甜品係清甜蜜瓜同芝麻雪糕，要讚下芝麻雪糕，軟滑濃郁，好滿足。

Simply Thai MODERN CUISINE主打地道泰菜，性價比高，食物質素同服務都好，係一間實力小店。 泰北辣肉碎生菜包 $88 微辣而開胃，完美搭配清爽的生菜包，讓人胃口大開。   泰式咖喱海鮮農夫包 $168 大大個農夫包，外層烤至微脆，裡面有魚柳、魷魚、蝦等豐富的海鮮，搭配著濃郁的泰式咖喱，好惹味。   泰式炒金邊粉 $88 份量十足，足夠兩個人享用👍味道酸酸地，撈埋花生碎同辣粉，幾唔錯。   雞串燒和豬串燒 $38 一份有兩串。串燒肉質鮮嫩，搭配著香濃沙嗲汁，一絕。   凍青檸梳打和 凍青檸梳打清新解渴，帶有青檸的酸爽口感。 泰式奶茶 $28 泰式奶茶濃郁香醇，很滿足。

金翠餐廳的裝潢散發著懷舊的氛圍，燈光設計和精心挑選的街景讓人彷彿穿越回了上世紀的時光🫶   芝士焗加拿大龍蝦海鮮飯 $148 波士頓龍蝦鮮嫩彈牙，配魚柳、魷魚和蜆等海鮮，幾豐富。芝士軟糯拉絲，唔錯。   安格斯牛仔骨拼帶子 $238 以熱鐵板上，唔洗加錢👍，兩條牛仔骨嘅份量十分慷慨，肉質軟腍，滿口牛肉香氣🫶🫶帶子大隻又好軟嫩，鮮甜好食。 餐前的牛油餐包鬆軟可口，羅宋湯酸甜開胃，有滿滿嘅雜菜，蟹子雜果沙律味道清新。 甜品係兒時最愛嘅花奶啫喱，充滿懷舊嘅味道😍

今日嚟到人氣好高嘅味火鍋食佢地個海鮮火鍋。埋單$395@
除了有數款餐前小食外，個餐仲可以每人自選一款頭盤🥢味火鍋佛跳牆
湯料奸貴豐富有鮑魚、瑤柱、冬菇、花膠和響螺頭等，熱辣辣好暖胃，味道又鮮美，正！ 
🦪黑松露芝士焗美國生蠔
生蠔搭配上濃郁的芝士和黑松露，味道好夾
 🍲雙拼湯底 唔洗加錢👍
特濃芫茜皮蛋豆腐湯鍋
好多芫茜呀，芫茜控表示好滿意🤣散發豐富芫茜香味，豆腐的滑嫩和芫茜的清新完美融合在一起，正！
大排檔豬骨鍋
其實係胡椒豬骨湯底，冬天享月好驅寒。 
🦐🦀皇牌時令海鮮拼盤
有蟶子蝗、新鮮鱔、海蝦、鮑魚、自家製手打墨魚丸和蝦丸，還有大大隻台山蠔和日式蟹棒。每一款海鮮都好新鮮，鱔魚滑爽，蟶子蝗爽口，讚！
 🐮美國安格斯牛肉拼盤
可以品嚐到不同部位的牛肉，包括手切牛小排、牛肩胛、封門柳和牛板鍵等。
牛肉切得均勻細膩，肉質鮮嫩，啱晒食肉獸！仲有其他仼食火鍋配料
肥牛，豚肉，丸類，響鈴，餃類，蔬菜，烏冬等等
樽裝汽水，罐裝飲品仼飲Like 社交平台 page仲有MÖVENPICK雪糕送，好滿足‼️