阿不

營業中

休息中

今日上午覆完診見無大礙，即刻唔忌口，決定中午食番啲唔健康嘢獎勵下自己過左關。之前跟朋友食過一次，主要揀啲ig-able嘅精美點心，今次就一心揀啲基本但唔易煮得好味嘅食物嚟趟嘗味之旅。得一個人，揀左燒賣、蒜蓉蒸鮮魷、蝦醬骨三樣。食物方面，燒賣大粒，但蒸過火，皮有點爛，肉多但較實，亦欠肉鮮味。蒜蓉鮮魷上枱時見白白的，看似一般，點知食落最有驚喜，鮮味十足，份量亦很足。至於蝦醬骨就不過不失，略嫌蝦醬味少，唔入味，但炸得剛好，口感不俗。整體而言，食物味道中規中矩。但餐廳環境舒適，枱與枱之間空間感還好，而茶的質素亦算中上。

4/2 晚上與家人吃團年飯，叫了幾個小菜，大都不太如意，豉油雞比燒臘茶餐廳的差很多，豉油王炒麵味道淡，麵條也太軟，加了大蝦也生色不了， 羊肉餃子，只有一大堆碎羊肉，也帶點騷味，薑汁芥蘭，沒什薑味，芥蘭可能是灼熟過，更像菜心，之後咕嚕肉比較像樣，肉質帶軟及爽，味道夠濃..多數服務員沒有帶太多精神來上班似的...以為是一些精緻的，及特色一些的私房菜，但卻是比普通餐廳還更失望，價錢亦較高...

對客人冇禮貌說話，我叫咗一碟避風塘炒茄子，黎都係炸茄子，我要求一個男仔店員給我更換，因為我不吃炸嘢，男仔店員給我餐牌選擇，冇幾耐，一個穿着紅色制服資深員工走過來拿着我的一碟炸茄子，（沒有表情）說「係你自己叫㗎，唔可以俾你」fine，唔換，我哋最後我們另外叫多一味餸。最後我們兩個人叫了三個set lunch，得到的服務不是太好。難怪香港飲食業出現問題，人人北上消費。其他穿着黑色制服的普通員工，殷勤有禮，和客人分析怎樣煮魚，和隔籬枱的外國客人介紹餐牌。

本來黎想食點心，點知話冇點心紙冇做，我覺得如果冇，點解招牌要寫住有，奇奇怪怪。唔該如果係冇既，就唔好係個招牌寫出黎誤導消費者比較好，我諗點心對於香港人黎講，不外乎燒賣蝦餃，連呢啲都冇，個招牌就唔該改一改。

阿不裝修完, 燈光油和, 環境舒服, 食物質素性價比高 (識食的話),絕對能比美港島嘅私房菜. 想食小菜, 總會想起佢. 分享我最欣賞的1) 欖角骨 - 表皮金黃, 外脆多汁, 出面做唔到, 永遠不令我失望2) 黑松露蝦炒蛋 - 鮮蝦有咬口(自己最怕透明嗰啲), 香蛋味, 好多蛋同中蝦, 加左黑松露更芬芳3) 鼓油雞 - 鼓油鹹度同甜度剛剛好, 肉有鮮甜味, 可以比美另一家在上環的雞功房4) 尖椒炒牛肉 - 牛肉有質感, 微辣又愛又恨, 尖椒剛好平行肉嘅膩, 惹味真的是一分錢一分貨 🫡. 欣賞🫰

作為一個繁忙的中環人，平常放工最早都要8/9點；放工食飯，我一個月會來「阿不」好幾次。我覺得自己唔算嘴叼，不過平常工作忙碌，有時間和機會特別上館子來祭五臟廟，當然會找好味道的館子吃飯。更當然要好食，我才會成為「他」經常的回頭客。我亦有帶過不下十多個不同的朋友，分別來吃午飯晚飯。她們全部的反應都跟我一樣，吃到停不了和沒有太多空間說話，食完再說的多的是，然後鼓掌或讚嘆：廚師的功力有多厲害多深厚，才能征服這些嘴叼的太太小姐朋友啊⋯⋯除非是上班日子的閒日午飯，否則我甚少叫套餐，午飯套餐的小碟烚菜，我經常無空食。亦不會因為無左而感覺落空。我會慳返啖氣。點解？因為老闆和廚房裡的大廚他們的手藝和經驗令我讚嘆，他們的餸菜：鑊氣夠，配搭適宜，簡單但好味道，厲害。我試過不同的多款菜式：甜酸珊瑚魚，生炒骨，黃金蝦，蝦子海參豆腐，鮑魚燜雞，三杯玉米雞，煎肉餅，柚子蝦球，欖角骨，三蔥爆石斑，碟碟都鑊氣滿滿，令人超級大飽口福，平常忙著吃主菜的料理，哪裡還有空間理會哪烚菜啊。不竟這裡不是酒樓，我對這裡的點心沒有太大期望，但我有位好朋友對「阿不」的點心料理感覺有驚喜，她可是位十分愛好吃點心的吃貨。但我卻十分喜歡「阿不

都幫襯咗《阿不》幾年了、「不時不食」、是間不裕又難得嘅獨立店舖。對上一次今年十月之後、今日再去門面裝修過、換過哂啲污糟凳係好事。一睇餐牌、原來冇哂點心和飽點。我估可能係唔好賣？又或者新人事新作風啩•••午市好似略為調低咗幾蚊、但碟小灼菜取消咗。依家揀咗飯或粥就唔會有灼菜、其實碟灼菜係可以彌補主菜食肉獸欠菜的空虛感、尤其重要。管理層點解諗唔到、咁都要慳？另外要辣油、以前係有加XO醬好鬼惹味、依家只有普通辣油。呢啲降級嘅表現對食開嘅顧客可以話係一種災難。今日午市主菜點咗【玉蘭炒牛頸脊】、呢個令人失望、睇賣相已覺得普通、茶記都做到、賣成$98。又偏鹹。好彩【欖角一字骨】依然無敵、其地位仍屹立不倒、呢個菜係我呢幾年一直encore 嘅原因。其他午市主菜唔知会唔会又咁大落差、有時第一印象好緊要、揀菜式都講運氣。揀錯咗可能以後都唔會再嚟、希望餐廳可保持多啲一字骨呢類有特色嘅菜式做穩陣腳。轉型後都有啲新好嘢嘅、例如碟煎腸粉係有驚喜、好似炒河咁好食。希望呢度會keep住進步～

諗住去K11食晚飯，見到一、二樓都要排隊，於是便去了三樓這間叫阿不的私房菜餐廳！😬😊我們叫了個脆皮咕嚕黑豚肉，外皮都幾脆，味道唔錯！😋不過個菜心斑腩就比較油🙈！另外個福建炒飯都炒得幾好，好好味道！

在K11 Art Mall 嘅高質中菜，少有的中菜午市時間環境唔嘈，可以傾到計。唔想行扶行電梯，可以從B2搭電梯直達，啱晒繁忙嘅上班族。也有六人枱，聚餐也可以！有午市套餐也有點心，試過玉蘭牛頸脊（好翠綠嘅芥蘭唔會苦），今日試蓮塘煎肉餅。好香口！份量一樣好夠（女士或許會感到太豐富）。可配粥或飯，兩者試過後，粥更顯功架！巧棉巧香。茶也有很多特別的選擇！如牡丹、桂花杜丹、清熱解暑推介小青柑（普洱羅漢果）！當然也有常見的普洱等等。

不過不失 因為是平日的晚上不是太多人，服務都算ok, 食飯也可以，見隔離枱遊客大嚼海鮮，好像也不錯，容易搵到位已經是最大的優點，良朋共聚最緊要環境，不要太嘈吵，就可以了

🌸阿不🌸呢間中菜廳係以點心.私房菜為主，喺K11裏面，今日行街見到有點心食就嚟試吓，呢度點心嘅款式比較舊式傳統，出面比較少見嘅有臘腸卷同羊肉餃等，通通我都有叫😍😍🐼金沙熊貓包 （2件）$30:招牌款又夠誠意嘅就係熊貓流沙包，賣相都非常精緻☺️，而裏面就係熱辣辣嘅流心奶黃，味道唔錯，甜度適中，外層嘅麵包仲要好軟熟😋😋🐑羊肉餃 $34:傳統嘅點心都比較少見羊肉餃子，呢度都有😆，所以就叫咗試吓，佢嘅羊肉餃賣相同傳統嘅分別不大，不過佢皮薄餡靚，裏面嘅羊肉非常豐富，食落有一陣陣羊嘅香味，又唔會過蘇😍😍🦐原隻大號鮮蝦餃(2件) $36:蝦餃嘅外皮晶瑩剔透，隱約見到裏面嘅蝦肉，鮮蝦爽口彈牙，仲要原隻上，好惹味☺️🦞龍蝦湯腐皮卷（3件）$68:首先佢炸起普通嘅腐皮春卷，以後再沾上龍蝦湯，味道都幾特別，不過價錢就見仁見智😌🌼臘腸卷（2件）$28:另外一款就係臘腸卷，非常懷舊嘅一款點心，佢哋嘅臘腸卷賣相同味道都冇乜太大嘅分別，不過可以食到懷舊嘅點心都開心既😍🌼傳統燒賣（2件)$28:最後就係呢一款傳統嘅燒賣，佢裏面嘅都係豬肉餡料，味道同一般嘅冇咩分別，不過肥膏比較少，面層再加上少少鹹蛋黃，味道又昇華咗👍🏻

好久沒去這家店吃了，難得去一趟，況且今天人也不多，點了幾個菜足足等了40分鐘都還沒上…多次詢問服務員都不帶回覆的，真的可惡！態度極差，一直以各種困難個理由推託！！！

食物的品種和口味是完全沒有問題的，夏天的冷氣有一點熱不過也還好。但是我們一坐下來想問他們要一杯水，服務員大概重複了二十遍「我們一定要叫茶水先」what the ????? 以上內容重複了大概十分鐘我點了茶，最後還是沒有給我凍水⋯⋯⋯⋯⋯⋯絕對不會再光顧！！！！位置在舊k11 上菜速度OK 香港的餐飲業什麼時候可以有一點點的水準⋯

食緊飯見到曱甴係地下爬下爬下，跟住望真d，地下一大推頭髮，d膠地板老化哂又唔理，環境咁伏原本以為野食會好少少啦。原來唔是嗌左碟咖喱牛腩，捧上來臭味四溢，literally臭味四溢。真是cls，聞到都唔開胃。咁冇計我肚餓點都要食架啦，試左啖仲癲，啲肉十有九變哂質。啲薯仔又煮到霉霉爛爛。跟住d青椒又是變味，好似切好哂擺雪櫃隔夜咁。成餐飯150蚊，只是食左半碗飯。都咪話唔抵。其實碗白飯幾好味嘅，都叫做擺得落口啦冇咩圖信就信，唔信就祝君好運

The restaurant is on the third floor amid a variety of decent restaurants. We had expected at least mediocre service and food. HOWEVER, everything was disappointing. The waiter (male) was fine and smart but the waitress (female) at night was rude and mean. She seemed nicer to other male customers though. In terms of food, even the tea was low quality. I hope the restaurant can satisfy all patrons by being a respectable restaurant in our most-visited mall K11. P.S. To be fair, we didn’t try the d