錦麗 (已結業)

因為朋友鍾意飲佢嘅桂圓玫瑰花茶，所以我哋經常去錦麗。喺唔同分店食過，樂富呢間算係水準OK。佢最大嘅招牌我覺得係炸豬扒，金黃色而且好大塊，而且都幾腍，又會剪開等客人易食啲。配合檬粉或者係河粉都唔錯。生牛河就一般，湯底唔算好香嘅牛骨湯味，而且牛肉亦都一般，唔會入口即溶或者太特別。個人覺得越南餐廳最重要都係個牛骨湯底，呢一點就稍為失色。跟餐加錢可以轉滴漏咖啡，咖啡好濃，一般係煉奶做底，整體味道好甜。整體水準正常，如果餐廳可以加強個湯底肯定更出色。

今日經開呢頭諗住開心食個 lunch，點知中伏入左間零服務都要收加一既「餐廳」。其實對於服務呢樣野真係見仁見智。但我本住服務好俾係俾得開心既，但入去係自己QR code 落單，食完又係自己出去埋單，同茶記無分別，咁都收我加一？唔通服務加左去啲氣氛度？午餐要杯熱飲最平都要加我$3，你好好生意唔憂做既？上黎既餸又少，得幾片薄肉片，食完都唔覺有野落肚，仲要收我$80。最唔高興既係唔好食。我當買個教訓，我就唔會再食了。純粹寫低俾想入去試又唔知值唔值得既人睇下。

今日一早放工 唔知食咩行過見到錦麗竟然有早餐食 諗都冇諗就入咗去食 價錢同一般茶記差唔多 由於直接掃code落單 （掃code會減$2）所以分享唔到早餐餐單 不過見到有其他分享者有分享 大家可以o係餐牌欄度搵到 今次點咗豬扒金邊粉跟炒蛋同牛角包 上餐時間比同場叫嘅沙茶醬牛肉金邊粉來得耐 不過當主角到場 就明白點解耐小小 原來豬扒係分開上 同埋即見即煎 所以耐咗小小 味道方面 炒蛋個人認為滑嘅不過水咗小小 牛角包🥐就🤦🏻‍♂️同食隔夜包冇分別 冇杆過 一點脆都冇加上你會見到個包比啲蛋汁浸住 真係🤦🏻‍♂️🤦🏻‍♂️ 豬扒金邊粉個度 豬扒即叫即煎 緊係外脆內軟 由於分開上碗金邊粉就比較清淡 嚴格來講係冇咩味嘅 所以見到個蛋水水地就食兩啖就同碗粉合體一齊食 同場個沙茶醬牛肉金邊粉 就比起豬扒金邊粉曬味得多 下次試完再為大家報告 希望下次個炒蛋同牛角包🥐會好返啲啦

今日落大雨，費事周圍行，就喺屋企附近食晚餐，雖然經過好多次，但一直都未試過錦麗，見今日冇咩人，就入去食個dinner～ 直接點左個一人餐，有主食同飲品之外，仲可以揀一款小食😋-錦麗生牛肉粉🐂🍜 生牛肉每一片都好薄好嫩，大概六至七成熟左右，湯底亦都好入味，牛骨味好濃郁👍🏻👍🏻-越式蔗蝦🦐 雖然得兩件，但係佢哋嘅蔗蝦真係即叫即整，仲熱辣辣😍蔗蝦夠晒爽口彈牙，好重蝦味，正🤤

朋友說這裏好吃，今天中午在附近就來試一下，味道還可以，就是河粉太少了，吃完感覺不太飽，湯就像別的越式河粉一樣，有點偏甜.生牛肉挺薄的，感覺沒有什麽特別，就是普通牛肉.特別問了一下，什麽是三色冰才點的，口感還挺好的，豆是綠豆和紅豆，都有點硬，那個綠色的有點嚼頭。但有點東西不明白的，就是單是我們自己掃二維碼下的，居然還要收加一的服務費

對於呢一間錦麗，一直都好想試，但係食評講到好難食，本身個人好鍾意食河粉類嘅嘢，當然唔少得越式湯河啦。今次我嗌左嗰個招牌三樣嘢都有嘅河粉，有牛丸，生牛肉，同熟牛肉，好似仲有牛腩？可能因為睇咗好多負評嘅關係，我食完覺得係幾有驚喜嘅。碗粉湯底啱啱好，唔會太鹹，都好鮮味，最緊要係粒牛丸，我真係覺得好好食，咬落去啲汁標晒出嚟，然後個牛腩唔會韌，未去到入口即溶但係起碼食落口係舒服唔痴牙，但係我哋都有叫其他小食，小食就麻麻哋好一般，都係啲連鎖快餐嘅嘢食，係碗粉真係好抵讚。

今日無時間煮飯，叫外賣食就非常方便，又唔係好想食好多野，見仲有下午茶可以買，就試下。😆😆價錢$4x左右，包一杯飲品。價錢都算合理。叫左一個香茅豬扒撈檬，$48，豬扒份量都算多，下午嚟講都算ok，但味道就好一般，無特別，唔會留下印象。😅😅😅另外叫左一個魚丸香濃雞湯金邊粉，$48，魚丸有5粒，雞湯都算唔錯，但飲得出係味精湯😅😅😅湯會另上，咁樣個麵就唔會淋👍🏻唯獨係杯飲品不錯，但下次都未必會再選擇呢間

Went here for breakfast where they are basically styled to local tastes with a touch of Vietnamese.The tell tale signs of a Hong  Kong breakfast where you get a bread/bun of some sort, an egg and a noodle which is exactly how the breakfast format is here.A strange combo for expats so I shared it with someone because it is either noodles for me or just the egg, having both together is just weird.Anyway, the egg was done nicely and you can see that it was still runny.Overall nice with a touch of b

5點幾去叫二人晚餐，上菜快，咖哩牛腩好好食，椰香味好夠加小小辣，牛腩又林又入味。湯檬、香茅豬扒、小食拼盤，除咗個牛腩，所有要落鹽嘅嘢都好重手，太鹹，好似落味精咁。服務態度方面，又係一個累全家，大部分都正正常常，係其中一個waiter燥底發脾氣，講嘢好大聲，態度惡劣，當時已經唔係尖鋒時間，都咁燥咩事，希望改善一下。

終於等到復活節假後，開學了。yeah，我自由了😛😛😛今天選了魚餅扎肉金邊粉套餐，魚餅夠香夠辣，金邊粉爽滑，扎肉有非常香口的黑椒味，好喜歡！😍炒蛋正常的滑，牛油味香濃！好肥！😟牛角包溫度適中，非常香脆。好好食！🥳連凍飲，埋單$42，仍是冠絕同區。😋下次再試早餐其它menu😉😉😉簡直是滿分早餐！💯💯💯備註：星期一的早上，人比較多，差不多每一枱都有一位乘客， 8:15入座已經要搭枱

仲諗起之前特登去觀塘apm 排隊食而家愈開愈多間仲要唔洗排隊但食物質素都還可以～叫左個生熟牛肉湯粉個湯底依然吸引，男朋友就覺得淡要加啲調味料🙈炸豬扒撈濛個炸豬扒真係好食好脆口不過濛粉質感麻麻地爭啲啲～下次我會試炸豬扒咖喱飯跟餐有飲品～叫左蔗汁～清甜

食早晚餐，在商場渡步走了一圈，原本想食的店超多人，不宜再逼進去，所以走入錦麗。一人一鍋套餐最啱，想落單之時，店員馬上推介二人餐，跟一人一鍋內容一樣又平啲，無理由唔楝。湯底點了咖哩，另一鍋係牛腩鍋。鍋送上時已感到足料，牛腩鍋內牛腩大大件，夠味又夠稔，香茅咖哩湯十分惹咪，配菜及肉三大碟，感覺實在，滿足。肉類質素都唔錯，薄牛肉小肥膏，並不是肥牛。跟餐除咗咖啡或茶，還有薏米水，粒粒薏米甜甜地，有咬口都十分唔錯。回頭指數十分高。

之前因有T-Factory贈劵幫襯過一次，覺得唔錯，昨晚（1/3/2021）路過門口，見是最後一天，主餐牌小食買一送一優惠，當然唔錯過。再睇餐牌，見二人套餐重抵，有主食 小食及飲品，改點風味二人套餐。選了越南咖哩牛腩飯，牛腩配咖喱好好味，牛腩好滑及“淋”。錦麗牛丸河粉，牛丸好大粒及多肉汁，好好味特色小食拼盤，上餐時應是剛炸起，雖有牛油紙放盤底，但都好油，唯有用巾索吓油先食。幾樣小食都可口。餐飲選了熱玫瑰龍眼茶及凍清甜甘䉀汁，兩杯飲品都唔錯。

一家三日👨🏻👩🏻👦🏻星期日吃午餐。每份$68包飲品。👨🏻要香茅咖哩雞槌飯，👩🏻要香茅咖哩豬扒飯，👦🏻要越式生熟牛肉河粉。咖哩飯類的汁是另上，大大碗充滿椰汁的咖哩汁，內有6-8件薯角型的薯條，而不是大大塊的薯仔。汁料香，薯味濃。雞槌和豬扒都如餐牌所示，是即叫即炸，香脆可口。豬扒是半肥瘦帶骨豬扒，如果是不吃肥肉的食客要注意。生熟牛肉河粉包括生牛肉薄片約三片，熟牛肉（是已炆煮的牛肋肉）約五六件。湯頭是牛骨濃香，令人回味。

今天又來樂富吃午飯，到了錦麗，吃Honey喜歡的生牛肉河粉。午餐好抵食，$60's有大大碗越南粉和一杯凍飲。Honey最喜歡的生牛肉河粉 $68好大碗，而且湯頭非常甜，是牛肉的甜。不過，我嚐了一口，於我而言，有牛肉的羶味……真材實料啦還有薄荷葉、怡保芽菜、辣椒為佐料，正宗又好味。河粉普普通通，不算太滑。蔗汁亦都好好味，清甜。薏米水也不錯，清涼清甜，吃了炸物，都没這麽罪過！我叫炸豬扒撈檬 $66我喜歡撈檬的感覺，酸酸甜甜的汁，配蘿蔔絲和青瓜絲。豬扒好大塊，而且炸得不油膩，乾爽。另外加$52追加三款小食：兩條米網蝦春卷 / 兩片魚餅 / 兩條蔗蝦蔗蝦和魚餅都好好食，魚餅有檸檬葉的香味，而蔗蝦的蝦膠又爽又甜。不過，米網蝦卷就麻麻，好「粉」口。整體而言，不錯！大大碗，又好味，真的是「大件夾抵食」！