更多
2021-12-10
369 瀏覽
因為朋友鍾意飲佢嘅桂圓玫瑰花茶,所以我哋經常去錦麗。喺唔同分店食過,樂富呢間算係水準OK。佢最大嘅招牌我覺得係炸豬扒,金黃色而且好大塊,而且都幾腍,又會剪開等客人易食啲。配合檬粉或者係河粉都唔錯。生牛河就一般,湯底唔算好香嘅牛骨湯味,而且牛肉亦都一般,唔會入口即溶或者太特別。個人覺得越南餐廳最重要都係個牛骨湯底,呢一點就稍為失色。跟餐加錢可以轉滴漏咖啡,咖啡好濃,一般係煉奶做底,整體味道好甜。整體水準正常,如果餐廳可以加強個湯底肯定更出色。
張貼