今日一早九點左右就來到深水埗哩間茶檔食個早餐 由於一早關係未見人龍排隊 來到通常都係食個兩樣野 一係豬潤一係豬扒 豬潤爽口同埋處理得好好冇異味 仲會食到小小既薑味 同埋最緊要唔會煮到成碗野係泡已經好好😂😂 豬扒方面香口 嫩滑 兩樣都好出色的 記得記得加埋辣椒油 我今次就叫咗豬潤麵同埋熱奶茶 來到茶檔點到要飲下奶茶 男人浪漫chill 下 溫馨提示 全部都係單叫冇餐的 價錢同平時茶餐廳差唔多 都係個句啦 又唔係日日來食 有咩所謂 坐街食野別有一番風味 要來試既朋友記得早啲來 唔係要排隊食就好似冇咁開心喇

今日放假就出去行下街 食個brunch 經過哩間餐廳排哂隊 就入咗去試下 叫咗兩樣野食分別係巴拿馬香脆巴馬火腿卡邦尼意粉同埋經典美式漢堡 意粉軟硬適中 個火腿我就唔識欣賞 因為佢炸死咗個火腿咁 硬到擲地有聲 味道個人覺得偏淡 漢堡個度就正 惹味香口 漢堡又多肉汁 唔好整到好乾 個包又整到香脆 味度咸度岩岩好 加埋即炸薯條 真係幾好 環境都唔錯坐得都幾舒服 非常適合鍾意打卡人士 因為見到其他食物都好吸引下 唔食野飲杯野都唔錯 有機會都會再來試試其他野食

今日放工係哩面見到哩間餐廳啲野食好吸引靚靚仔仔 不過太多人 就買咗外賣返屋企試試佢 叫咗個招牌雲吞套餐 姐係一碗雲吞麵 加個全走油菜 侍應十分細心 叮囑廚房同事注意油菜要求和分湯 可惜我返到屋企 一打開就真係有啲失望 麵個度冇分到湯 麵已經脹哂 菜又冇走到油 反而比油浸住 真係救命呀 碗面仲要附送發泡膠粒 真係失策 雲吞真係好味 大細岩岩好 爽口惹味 可惜麵脹哂 其實碗麵真係好食 如果堂食嘅話 一定避免到哩啲問題 真係食好野真係唔可以懶 下次點都要等位堂食

今日同班朋友來試試哩間叫牛站 叫咗3號個個餐 來到環境不錯 座位舒適闊落 叫咗麻辣同豬骨鴛鴦湯底 牛肉好多選擇 個人覺得SRF美國極黑和牛 所以下次可以食2號個個餐就應該夠 火鍋配料除咗大路野 都有啲不錯 例如紅白菜 水蓮菜 皇帝菜 小食個度都多 麻辣小龍蝦 雞翼尖 炸物個啲 野飲就更加多 冷茶類 汽水 果汁 啤酒就基本 但竟然有珍珠奶茶 清酒 梅酒 （不另收費） 甜品都好出色 除咗成間7-11放咗係度之外 仲有雪糕機嘅軟雪糕 台式芋圓 真係好多選擇嘅打邊爐 下次一定會再來 因為真係試唔哂

今日去咗深水涉行街 行到咁上下想醫下肚 發現原來深水涉都有炯記 緊係來再食下佢個鵝油撈麵啦 叫咗個招牌四寶同牛魔王撈麵 來到熱辣辣 四寶就係 手撕雞 豬手 牛腩 牛肚 手撕雞惹味 豬手又炆得好入味又淋 牛腩就清湯腩個種 原汁原味 牛肚好好味 之後就到牛魔王 就係清湯腩同牛肚 兩個撈麵分量都十足 包你食到夠喉 唔似一般麵店咁 份量少 到喉唔到肺 每個撈麵餐都會跟個蒜香雲耳 不過我唔夠喉 就再叫咗個小食三皇盤 就係有蒜香酸辣雲耳 酸辣無骨鳳爪 鹽焗雞腎 三樣食完都好開胃 無骨鳳爪 夠凍 又夠酸辣 醒胃都震 雞腎 爽口 加上白芝麻 十分惹味 雲耳 酸辣岩岩好 食完一舊 包你追住食 總體好味道 價錢抵食 又夠飽 下次有機會實返來幫襯下 撈麵 正正正👍🏻

今日有啲雨 平時經過要排隊既炯記竟可以唔洗等就有得堂食緊係入去試試佢啦 個menu除左招牌鵝油撈麵同豬手外 多左幾款米線可以選， 仲有得打邊爐 睇落二人餐係最抵食兩個人應該可以食飽飽 一開始黎兩碗湯都足料嘅紅蘿蔔雞腳粉葛老火湯， 好濃郁既味道飲得出係老火湯 酸辣蒜香雲耳&鹽焗雞腎 雲耳好香蒜味 酸酸辣辣好開胃 食到都有d後勁 辣辣地好過癮 雞腎爽口彈牙 我選左唔辣 食得辣可以選麻辣味 鹽焗手撕雞 可以選要辣嘅手撕雞 鹹味香味剛剛好 老闆話餐廳係用三黃雞黎整 皮香肉嫩 唔會太鹹得黎又夠味 分量多應該有半隻 冬菇豬手 豬手入味香濃 明知係肥都忍唔住食多幾啖 冬菇勁juicy 一咬落去仲會爆汁 著淺色衫要小心啲喇 2碗招牌鵝油撈麵 叫得招牌 緊係唔會令人失望啦 好香鵝油同醬油味 同粗麵好夾 麵質爽口 再加枱上既辣椒醬食 不得了啦👍🏻👍🏻 仲叫咗一碟菜芯同兩杯飲品 整體樣樣都好味 價值貼地 環境不錯 坐得都舒服 唔怪得成日咁多人排隊 有機會大家可以試試

今日去咗大角咀做嘢 所以放工之後就諗住同同同事喺大角咀食少少嘢再返屋企 我哋去咗大角咀嘅海灣茶居 我見到裏面都幾多選擇 有小菜有雞煲有酸菜魚仲有點心 有好多唔同種類可以滿足唔同人嘅需求 我真係好耐冇食雞煲啦 所以我哋就決定食雞煲 一齊食 叫咗一個中辣雞煲 食雞煲點小得Gas爐哩 一路食一路炒 好惹味 雞件嘅份量都好多 真係足半隻雞嘅份量 雞件都好入味 將佢嘅汁配白飯食真係一流 我哋另外仲叫咗一個手撕雞飯 手撕雞嘅份量都好多好白滑 我鍾意佢嗰麻香味 好惹味😍 見到隔離檯個山竹牛肉球 忍唔住叫埋 真係好多選擇 來到熱辣辣真係同酒樓冇分別 好好食 牛肉球都大大粒 好滿足🤪 其實我已經好飽 但係佢哋有好多唔同嘅加配套餐 所以我最後加咗$10叫咗一個双皮奶 上到嚟熱辣辣做最後嘅衝刺 真心推介大家試試甜品 有驚喜 同埋真心抵食 睇下張單就知

新嘅一年 食豪啲 今日來咗哩間餐廳食午餐 雙拼-叉燒燒肉飯🐷 叉燒好有光澤，而且肉質鮮嫩，肥瘦適中唔會過數好韌，又唔會太肥成口油😜 燒肉非常脆皮，肉質唔會太鹹👍🏻 我覺得個飯好香，而且啲米係好似泰國香米咁，加上甜豉油同埋少少叉燒汁真係好易，食晒成兜😍 醬皇豬手例牌 炆得十分入味，而且又大隻又林，多肉，而且皮都好好食😉 鹽焗手撕雞腸粉 腸粉都OK。唔會好爛好糊，幾滑捋捋，而且個麻醬好香 最後叫返杯嘢飲就好圓滿喇-麥芽特飲🍹🍹 又健康又好味，都只係加$8😜😜 正正正 。大滿足。

今日中午來到哩間餐廳食午餐 老實講真係比佢個門口吸引住
門口真係好有特色 相片就唔提供喇 等大家去睇下 唔食打個卡都一流
叫左個泰式海南雞飯 午餐來到熱辣辣 雞個度嫩滑 都有雞味 油飯就正常操作
如果湯係好似泰國咁雞湯就好喇 因為而家係中湯就好似有d搞笑 貼地返香港？
整體來講正常操作 座得都舒服 有機會就真食返餐試試佢 因為真係好有氣氛 所以話食好嘅泰國菜唔一定去九龍城嘅 好多泰國餐廳都好出色 臥虎藏龍  往往都好好味道同好有氣氛特色  分分鐘有驚喜 好小中伏   

屋企附近開咗南記就去試下 第一次食南記粉麵 原來佢係快餐點形式點餐拎餐 所以都快上快落 非常適合打工仔嘅我👍🏻 叫咗沙爹肥牛公仔麵 炒蛋餐包 凍檸茶 肥牛剝得岩岩好唔柴 雖然肥牛冇調過味不過跟返佢啲沙爹汁係幾好味嘅 唔算好濃 不過可以接受 成個麵食落好似出前一丁 炒蛋個度都夠滑又唔會好水 餐包同凍檸茶就正常操作 座位坐得都舒服 價錢貼地 食完又會送張優惠卷來下次免費升級凍飲使用 有機會都會再試 因為見到佢個下午茶都幾抵食 同埋人人都話要試試佢個春卷 唔係唔算食過南記