雖然坐緊月，但係要出去買BB嘢，順便放監，出去食埋lunch先返屋企🙈 系九龍灣展貿呢間板上，價錢合理之餘，野食都唔差👍🏻 -黑胡椒香煎魚柳飯🐟🍚 魚柳煎得好香口☺️除咗魚柳之外，仲有粟米同中華沙律嘅配菜，跟餐亦都可以揀一杯飲品☕️ -三文魚、一口牛飯🐮🍚 （加可樂餅，荔枝梳打） 伴菜一樣有中華沙律同粟米，一口牛煎得岩岩好，唔會太熟，肉質唔會好硬，可樂餅係新鮮炸起，夠晒熱同脆口🥰 另外，跟餐加$10可以有其他特飲，揀咗我最愛既荔枝梳打，夠曬解渴😋 -醬燒無骨燻蹄捲餅（加吉列蠔🦪） 卷餅夠晒大份😯入面有少少沙律醬，酸酸地，好開胃😗而且一份份包好，食唔晒都方便可以拎走～ 另外加咗一份吉列蠔小食，一份有三粒，都係新鮮炸起，夠晒脆，咬落都juicy😚 最特別係佢哋有飛碟漢堡🍔，下次經過一定要試下🥹

夜晚晚想食宵夜，突然唸起之前係深水埗西九龍買既餃子🥟，即刻煎黎食，醫飽個肚😚呢間卜卜餃子店講求日日新鮮製造，有好多款口味揀，最好既係佢地仲會有保溫袋送，唔駛驚返到屋企d餃子皮林曬黐埋一舊👍🏻而且餃子好易熟，唔需要花太多時間煮😌 -西洋菜豚肉餃子🐷🥟 菜同肉既餡料份量平均，餃子細細隻，一盒12粒，真係好岩宵夜食，唔會太飽🥰 -韓式泡菜芝士豚肉餃子🇰🇷🥟 幾欣賞呢個味道，好重芝士味，好正🤤🤤泡菜唔算太辣，屋企人唔太食得辣都可以食到😋 下次經過要買多幾盒，方便做宵夜😎

自從有左👶🏻，成日都宅係屋企，好耐都無周圍去啦，今日久違出去行下街，食下野，呢間位於上環既新餐廳，食物質素高之餘，所有staff都好nice☺️ -燉豬面肉扁意粉🐷🍝 d肉質驚喜地嫩滑，好好食，啖啖都食到豬肉，夠曬足料👍🏻意粉面睇落好多芝士，不過唔會覺得漏😚值得推薦🫶🏻🫶🏻 -南瓜菠菜意大利飯 🎃🥬🍚 除左南瓜同菠菜之外，仲加入左車厘茄🍅，係素食人士之選，雖然係素食。但食落唔會好寡，好creamy🥰🥰 -炸薯條🍟 任何主菜+$35就可以升級套餐，可以揀餐湯/炸薯條 加一杯飲品，薯條新鮮炸起，夠熱夠脆😋 -荔枝冷泡茶🍵 幾欣賞個冷泡茶，有好清淡既荔枝香，可以消滯😉

旺角新開既cafe，唔係咁岩行過都留意唔到呢間cafe，環境好寧靜，好適合tea time 同朋友黎吹水☺️ -咸蛋王單骨雞翼 每一隻雞翼都好重咸蛋王味😋唔會好似出面食個啲得上面有少少咸蛋王醬，而且係新鮮整起，又熱又脆👍🏻 -班尼迪蛋及煙三文魚配牛角包窩夫 🥚🥐 食親班尼迪蛋下面都係一塊麵包，但係佢地好特別，係牛角包窩夫做底，食落好香好soft🥹 班尼迪蛋下面有牛油果醬🥑，連埋三文魚一齊食，真係大滿足🤤🤤🤤 -英倫炸魚薯條配他他醬 🐟🍟 一上菜就覺得呢間餐廳好有心思，係炸魚上面整左隻兔仔樣既檸檬🐰 好得意啊🥰 炸魚超大舊，而且入面既魚好滑身，好好味😚 -西西里檸檬奶油自家製巴斯克芝士蛋糕🍋🍰 黎得cafe梗係唔少得order個甜品打卡😝好鍾意佢地個檸檬奶油，配芝士蛋糕一齊食真係岩岩好，唔會覺得漏😙 -埃塞俄比亞 吉馬利姆 寶貝藝伎G1 日曬 一款比較重芒果同橙既果香味虹吸式咖啡☕️ 飲落口感清淡，after taste 飲到好重既花香味☺️

之前喺長沙灣嗰邊食過蘇山雞飯呢間餐廳，估唔到依家喺太子都開咗分店，太子間分店裝修好靚，食物質素同長沙灣分店一樣，抵食又好味🥰 -豐盛海南雞飯（半隻） 呢個算係一個套餐，包埋飯同埋湯，海南雞嘅雞肉都係好嫩滑，encore多碟都肯啊🥹🥹今次仲特登order左隻滷蛋食🥚 正😎 -Susan豬手飯 雖然係下午茶嘅份量，不過份量都夠晒一個人食，豬手醃得好入味，肉又夠曬肥美，真係見到都流口水🤤 -脆炸鳳尾蝦春卷🦐 春卷咬落卜卜脆，而且感覺唔會好油膩，適合同朋友分享食👍🏻👍🏻 -鮮油咖央多士🧈🍞 又係最邪惡嘅甜品😈次次黎都係必點既食物，厚厚嘅牛油配埋煉奶，真係大滿足😍 下午茶餐會包兩杯飲品，今次order左凍檸茶🍋同凍椰奶🥥椰奶味道清甜，解渴🤩

車仔麵係好多香港人既摯愛，可以揀好多款餸之餘，價錢亦都唔算太貴，呢間位於土瓜灣嘅貴緣小鍋米線幾抵食👍🏻嚟到一定要試吓佢哋嘅秘製麻辣湯，真係冇得輸🙌🏻 -豬骨鮮濃湯（豬軟骨、秘製腩肉、炸響鈴、鹵水大腸、魚皮餃、雞肉絲） 所有餸都好足料，啲肉唔會剩係得一兩舊😋最值得推介嘅係佢哋嘅豬軟骨，咬落好林，好入味🥰雞肉絲都有好大堆，見到都滿足🥹 -秘製麻辣湯（魚腐、生菜🥬、豆腐卜、肥牛） 個麻辣湯好香，一擺上枱已經聞到好重麻辣味🤤🤤佢哋嘅魚腐同出面嘅唔同，大大粒，脹卜卜😍 -蒜泥白肉肉 佢哋嘅蒜泥白肉食落會有少少軟骨嘅感覺，幾有口感，將白肉夾埋蒜泥一齊食，真係好惹味😙 飲品除咗汽水之外，佢哋仲有豆漿、綠茶同檸檬茶，都幾多選擇👍🏻

呢間喺佐敦嘅Heart Coffee，感覺幾特別，仲會有生酮餐牌選擇，室外嘅座位都幾有feel，而家開始涼涼地，同朋友喺出面吹水食野都不失為一個好選擇😯 -法式鴨脾卡邦尼意粉🦆🍝 好少可卡邦尼意粉會配搭鴨脾，幾特別，啲肉好嫩😋雖然鴨脾唔算太大隻，不過真係啖啖肉👍🏻 卡邦尼意粉味道唔會太漏，亦都好多配料🤞🏻 -雜菜野菌番茄汁長通粉🍄🍅 呢個款式可以自由配搭要意粉、長通粉或者飯都得，味道酸酸地，好開胃🥰 -Keto Black Sesame Tofu cheese cake🍰 佢哋嘅cake櫃入面有好多款蛋糕，今次就試咗呢款黑芝麻豆腐芝士蛋糕，味道唔會太甜，芝麻同豆腐味都好突出🤤好啱飯後同朋友一齊share嚟食😚 -檸檬特飲🍋 lemonade味道好fresh，可以幫助開胃😎 整體嚟講呢間餐廳價錢唔算特別貴，店員亦都好Nice，有回頭嘅價值😗

行旺角梗係唔少得要拎住杯台式飲品邊行邊飲啦🧋，旺角咁多飲品店之中，呢間Tea Lab 係一個唔錯既選擇🥰，店員亦都好nice☺️ -法國日落梳打🇫🇷🌄 咩係法國日落？ 🤔其實係由草莓🍓，香橙🍊同檸檬🍋組合而成既飲品，做到層次分明，顏色好似日落咁，味道酸酸甜甜，草莓味特別香☺️ 真係睇得又飲得😎 -大甲芋頭鮮奶🥛 呢杯芋頭鮮奶本身無落糖，唔會太甜，入面係芋頭碎，所以啖啖都飲到芋頭，正🤤🤤飲完都有d飽🙈

今次慕名而來，試下呢間出名既大大粒糯米糍😍 全部都係$6粒，糯米糍皮薄爆餡🥹糯米糍有三款味道，紅豆🫘、花生🥜同芝麻☺️ 本身最期待食芝麻，雖然入面真係爆曬陷，不過芝麻食落有啲苦，炒得有d燶🤥 紅豆幾好食，入面唔會係一粒粒紅豆，而係豆沙蓉，唔會太甜😙😙 花生🥜食落幾有驚喜😯入面既花生餡係幼粒花生，甜甜地，連唔太好食花生既我都接受🤤

平時好少同朋友食西班牙菜，呢間位於中環既西班牙餐廳的確幾有特色，餐廳有室內同室外位置，見到Menu有好多酒可以選擇，真係啱曬同朋友過黎chill下😎😎 -鮮蕃茄蓉焗法包 🍅🥖 法包除左有番茄蓉係上面之外，仲食到但但蒜香☺️🧄 酸酸地幾開胃 -檸檬汁醃白隄魚柳 🐟 平時麻麻地anchovies既我，都覺得佢地整得幾好食😋 可能係加左檸檬汁既關係，令到食落覺得唔會好鹹，反而幾啱飲酒食🥰 -古法紅椒粉煮八爪魚配酸豆薯仔 🐙🥔 呢款小菜好入味，底下仲有一片片薯仔，方便將八爪魚同酸豆放上面一齊食，一次過滿足三個口感🤩 -CAFÉ DEL MAR 落order既時候，staff仲有好貼心，提醒呢杯cocktail 好strong，雖然猶豫咗一陣，最後都決定試吓🫣飲落比較似espresso既味道，可能有咗心理準備，反而比想像中易入口🙈 -DE LA PASSION 呢杯係Mocktail，冇酒精，芒果同熱情果嘅配搭，酸酸甜甜，最適合夏天飲🥹 -Crema Catalana 呢個Creme Brǔlée 同平時出面食過嘅有啲唔同，有少少橙香同玉桂味，不過味道唔會太重，所以唔鍾意玉桂味嘅朋友唔駛太擔心😙 整體來講，呢間餐廳既staff都好Nice，環境唔錯，靜靜地，可以同朋友嚟吹吓水飲下酒🥂