開飯介紹
來自東京的米芝蓮拉麵店品牌，主打以大蜆、豚骨、魚介三種純天然食材熬製而成的「貝汁湯頭」，入口鮮味突出。
繼續閱讀
附加資料
收費以四捨五入計算
營業時間
今日營業
11:00 - 22:30
星期一至四
11:00 - 22:00
星期五至日
11:00 - 22:30
*星期一至四截單時間: 21:30; 星期五至日截單時間: 22:00
以上資料只供參考, 請與餐廳確認詳情
有關獎賞計劃
金色不如帰原來喺東京曾屢獲米芝蓮一星殊榮，黎到香港先後有4間分店，分別位處於中環、銅鑼灣、尖沙咀、九龍塘，幾個區同樣系繁華地段，之前食過銅鑼灣嘅牡蠣不如帰覺得高質，今次又再黎尖沙咀分店。比目魚柚庵燒，嚴選野生比目魚🐟配以柚子醬油，清酒、味醂等冷藏醃製後燒烤🔥口感清爽鲜甜。肉質爽口中帶嫩滑，沾上蛋黃沙律醬非常美味💛一口芝士脆豚，香濃芝士🧀加上脆炸豚肉🐷邪惡度十足😈有蛋黃沙律醬同梅子醬，沾上兩種醬汁亦美味💛❤️唐揚博多華味鳥即炸雞🍗選用日本走地雞🐔成功鎖住肉汁，醬汁系蜜糖芥末醬🍯配炸雞向來系天作之合。自家製豚肉煎餃🥟餃皮軟稔，肉質結實。首先試試貝汁醬油拉麵，由牛肝菌粉及牛肝菌油、三重湯底（蜆湯，豬骨清湯，魚清湯）、低溫叉燒、黑松露醬等材料製成，個人好中意個湯底，由豐富材料熬製而成果然鮮味濃厚，有黑松露醬更突顯高級。貝汁鹽味拉麵材料則同醬油味有些少吾同，由香草（翡翠苗，火箭菜，羅勒）、白松露油、煙肉碎製成，但同樣有牛肝菌醬同低溫叉燒🐷香草有多數蔬菜製成，使得香氣十足💚低溫叉燒軟稔易入口，鹽味比醬油味更能食到最原始嘅味道。
繼續閱讀
同朋友👧🏻一齊喺尖沙咀，佢👧🏻話想食高質素日式🇯🇵拉麵，咁我用3秒時間諗一諗，就決定帶朋友👧🏻嚟呢間拉麵店🍜開餐🤣依家有 $188 Ramen Set 可以自由組合，咁 拉麵 揀咗「貝汁醬油拉麵」、小食 揀咗「墨魚極盛沙律」、飲品 揀咗「熱檸洛神花茶」🤣仲有做緊 期間限定 嘅 $178「石斑魚湯鹽味拉麵 配 石斑魚肉天婦羅」🤩「墨魚極盛沙律」：墨魚🦑肉質結實彈牙；有少少沙律菜，新鮮爽脆；仲有切咗片嘅蘑菇；加埋酸酸甜甜嘅沙律汁，幾開胃🤩「石斑魚湯鹽味拉麵 配 石斑魚肉天婦羅」：拉麵 同 天婦羅 分開上👍；拉麵 嘅 鹽味湯底 有 subtle 嘅 石斑魚味，飲一啖喺口腔慢慢散發出嚟，幾正🤩；天婦羅 脆漿 做得好薄夠輕身，唔會膩👍；另外，餐牌仲咁樣介紹：「廚師巧妙地把石斑魚起肉去骨，每日新鮮熬成黃金湯底，與嚴控油溫及時間而製作的石斑魚肉天婦羅相輔相成。希望透過這道菜，讓您體驗到石斑魚所散發出的啖啖鮮香」🤩「貝汁醬油拉麵」：醬油拉麵 湯底有 濃郁醬油 同埋 鮮甜 Hamaguri ハマグリ 蜆肉味，好正👍；我都係用日本人🇯🇵食拉麵 slurping 嘅方法 將拉麵同湯同空氣 一齊吸入口腔裏邊，真係勁正勁滿足🤣「熱檸洛神花茶」：甜甜哋，飲得幾開心🤣
繼續閱讀
尖沙咀開咗金色不如帰後一直都未有機會去試，咁岩今日係附近收工，約埋個同事一齊去食拉麵！日本過江龍拉麵店，東京店更連續5年獲得米芝蓮一星！有一定信心保證！（辛）豚骨辛拉麵三層肉肥瘦分明，肉質軟淋入味～拉麵煙韌有咬口，唔會煮得過淋，軟硬適中，食落充滿口感！湯底夠濃郁，配上辛辣口味肉碎，啱哂鐘意重口味既我～（醬）貝汁醬油拉麵呢款拉麵係餐廳既推介之選！用上蜆湯、豬骨清湯、魚清湯三重湯底熬製而成，飲落有濃濃海鮮味，鮮香味濃～再加上牛肝菌粉及牛肝菌油點綴，令成個湯底另有一番滋味！朋友仲追加左溏心蛋同低溫叉燒。用低溫慢煮既方法去處理叉燒，令到叉燒比一般更加軟滑且唔會柴口，同時亦都充滿肉汁，好正！！一口芝士脆豚一層豚肉包裹住芝士，再裹上麵包糠去炸。一咬開啲芝士就已經爆曬出嚟。脆卜卜，好惹味！
繼續閱讀
❣️平時好少去尖沙咀H Zentre 今次去食拉麵先會經過來自東京的米芝蓮 佢既湯頭係走清潤而味道好豐富 食後亦唔口乾播歌如果你係想食一碗出色拉麵 + 坐得好舒服。呢度係你既選擇 加上尖沙咀店有落地大玻璃 【牡蠣白湯拉麵 $138】湯底用新鮮牡犡熬製 但你唔會覺得油膩同腥味 反宜係牡犡鮮味配料有慢煮叉燒同醬漬牡蠣 當然牡蠣唔會比得多 但食落好有蠔味 我個人覺得呢碗拉麵係好值得試另加$38 要了一個蟹籽沙拉及冷泡茶【貝汁鹽味拉麵$128】湯頭更清新一點 以大蜆、豚骨、魚介熬製 再加少少白松露油 同牛肝菌醬 湯頭一樣鮮味而你唔會覺得淡味 低溫叉燒有油香【鳥皮烏賊揚$70】呢個係好好好好好味 雞皮超脆 墨魚滑彈牙
繼續閱讀
今日去咗位於尖沙咀舊SOGO附近嘅商場見到有一間喺東京攞米芝蓮嘅蜆肉湯拉麵餐廳，見今日唔係好肚餓就去試吓。餐廳以木系裝修，一入去已經有三個比較私隱度高嘅卡位坐，可以兩個人靜靜地談心。再行入啲樓底非常高，可選擇坐落地玻璃或者Bar枱。大根牛筋味噌煮 美食拉麵先嗌個前菜頂下胃，牛筋同牛腩非常新鮮，燜到好腍，非常入味。份量非常大份。背汁醬油拉麵由牛肝菌油、牛肝菌粉、再以煲成的蜆肉、豬骨同魚湯底混合而成。未撈混牛肝菌油、牛肝菌粉及黑松露醬時，蜆肉味非常濃郁、好清甜帶鮮味。撈晒所有醬後，提升了蜆肉的鮮味更加出。再配上三塊低溫煮成的叉燒，非常滿足。牡蠣白湯拉麵套餐 （新出品）比蜆肉湯拉麵更加濃郁，更加鮮味。湯飲落啖啖蠔肉味，喜歡食蠔嘅人絕對要試試。湯底呈白色，加上牡蠣醬、鮮牡蠣油、喺湯底裏面令湯更加出味。再配上火箭菜、慢煮叉燒及醬漬蠔，唔會覺得滯及膩。套餐可選輕盈蟹籽沙律或者自家製豚肉煎餃（三隻）。另外五款飲品，可自選一款。我個人比較健康，就揀咗白桃焙茶。
繼續閱讀
您可能會有興趣的...