野玩田店 (已搬遷) 新店位置

話說本人真係好耐冇食過西餐，一直都好想去鋸下扒，今次就嚟到呢一間野玩田店，佢係K11入面，呢間餐廳佢唔單只係食西餐，仲非常之適合素食人士，因為佢個餐牌都係有好多素食嘅菜式，非常推介比素食嘅人知。小食嗌咗個炸魷魚圈配啤酒，魷魚圈送走酒簡直一流。然後嗌左個🥩炭燒美國自然西冷配黑松露燒汁(12oz)呢塊扒完全係我想食嘅牛扒，雖然呢塊牛扒唔係平，但係完全唔會令你失望，淨係佢個外表已經又大又厚，切開嘅時候都會見到佢非常之多肉汁。油花嘅分布非常均勻，唔會覺得淡淡肥膏又或者好鞋颯颯嘅感覺。我嗌左五成熟，佢唔會變咗全熟又或者太生。水準同食物嘅素材都非常高嘅水準。另外嗌左🍅日本頂級帶子蕃茄汁意大利飯，帶子大大粒好有鮮味，意大利飯軟硬度適中，因為有時係有啲餐廳食嘅意大利飯好似煮唔熟咁，但係佢個給意大利飯煮得啱啱好，口感好creamy，配上蕃茄汁，淡淡香濃蕃茄嘅味道，無論外觀同埋味道10分出色，係意大利嘅味道啊🥰最後當然唔少得係甜品啦，朱古力雪糕心太軟，入面嘅朱古力係真係流心㗎。加上去買雪糕一齊食味道非常豐富口感亦都好有層次。總括而言我比滿分💯

見到Openrice 訂座晚餐有75折🤑即刻book，餐廳裝橫佈置走大自然風格，木系味道濃厚，仲有好健康既superfood salad食添，成個感覺好清新好舒服自在☺️。.🐥芝士蘑菇釀雞翼💲88有4隻，芝士味道好香好濃郁，釀係雞翼入面肥嘟嘟脹卜卜😋。.🥗燒南瓜藜麥無花果沙律配草莓醋💲128沙律好大碟，南瓜燒過好香，咬落又林，藜麥比例剛好，煮熟有保留口感，整個沙律同草莓醋好撘配，酸酸甜甜食落好開胃😋。.🍛日本頂級帶子蕃茄汁意大利飯💲198帶子經煎過後外層香脆，意大利飯充滿濃郁嘅番茄香味，三色椒口感爽脆，整個配搭很不錯。.🍄黑松露汁炒野菌💲78.🥧蘋果酥配movenpick雲呢拿雪糕💲88蘋果酥賣相極佳，外層一層疊一層非常酥脆可口，新鮮出爐熱辣辣嘅蘋果酥 配埋 冰凍雪糕一齊食，————————————————價錢：💲493 / 2ppl味道：😋😋😋😋環境：✨✨✨✨✨服務：💁🏻‍♂️💁🏻‍♂️💁🏻‍♂️💁🏻‍♂️💁🏻‍♂️賣相：📸📸📸📸📸等待：0 mins (6:30pm) 回頭率：70 ％📌 午市85折優惠📌 晚市75折優惠📌 有10％服務費

黎到K11又想食得健康 今日就試下something wild試吓健康食物一坐低店員好細心拎左個箱俾我地放袋 然後就放左兩個熱辣辣既麵包雖然我地只有兩個人 但係絕對唔好睇小我地既食量😆芝士蘑菇釀雞翼 $88本身我對呢個前菜無咩expectation 結果好有驚喜 雞翼燒得好juicy好味😋咬開一半充滿大量芝士 仲有蘑菇添 必叫小食👍🏻牛仔肉配野菌闊條意大利麵 $168一見到有闊條意大利麵 就已經忍唔住要叫 牛仔肉煮得好淋 而且個醬汁好夾好味炭燒美國大草原自然西冷配黑松露燒汁 $368我地仲叫左一塊西冷 叫左medium rare 廚師處理得好好 剛剛好👍🏻Side dish: 黑松露炒野菌 $78鮮紅火龍果乳酪 $78Smoothie 就揀左藍莓、雪梨、榛子和蜜糖 $68呢度好多款特別飲品 今次試左呢兩款 味道不錯👍🏻總括來講：服務態度同食物質素有保證 疫情階段仲有午市和晚市優惠 有七折 下次再叫多啲朋友一齊嚟食添推介指數🌟🌟🌟🌟

經過尖沙咀，想食健康啲。見到K11開咗間野玩田店，專賣健康菜式咁我哋就入去試下！我哋叫咗一份香煎日本頂級帶子伴青瓜莎莎，嚟到先知原來帶子係刺身！口感幾特別，但唔算好夾。燒南瓜藜麥無花果沙律配草莓醋就幾有驚喜，酸酸哋加上爽口嘅感覺，食多兩啖都唔覺肥！主菜叫咗牛油果青瓜水牛芝士包意大利飯就唔係幾滿意啦。本身想食健康啲，但呢個main太膩，食多兩啖就開始食唔落。青檸香草燒海鱸魚整得中規中矩，幾好食！好彩叫咗杯Kiwi beetroot juice 中和吓，最後食唔曬不過都有打包走。

喜歡吃沒有問題，懂得選擇食材方才是重點，疫情之年，尤覺健康重要！今晚相約朋友，找來以 Farm to table 為藍本的餐廳「野玩田店」，不少食材皆是本地農場即日貨，新鮮健康，水準真唔錯。餐前麵包麵包先奪頭籌，看來平常，口感卻非常好。 外層如穿了薄衣，一咬即碎，脆而薄，包身鬆軟，無論是果仁或番茄口味，不塗牛油已好吃。 芝士磨菇釀雞翼 $88吃過不少釀雞翼的菜式，這裏的確勝人一籌，內心滿藏溶化芝士，特顯外脆內軟之特質。與蘑菇溶為一體，對比炸至金黃焦脆的雞皮及皮下適量的肉，大啖吃，滿足。 蟹肉牛油果羅馬菜沙律配田園汁 $138送上面前，嘩！很大碟，看清楚，原來是新鮮廷立的羅馬菜佔據面積而已，仲有位吃其他菜式。 因為新鮮，所以爽脆有汁，蟹肉牛油果是我喜歡的配搭不會錯，雖然蟹肉只是罐頭貨但都吃得過，田園汁酸甜味道恰到好處。 韓式和牛面配雜菜粉絲 $358賣相一般，但和牛面極之嫩腍入味，牛肉汁濃稠味豐富，愈吃愈鍾意！ 韓式粗身粉絲如吃粉，口感好，這一道我心水心水推薦。 香草燒美國原隻自然野雞配燕麥松子仁 $268自然野雞不易找，小雞肉質細緻，胸肉亦不鞋口，烤得香嫩，燕麥松子不只增加健康元素，亦

k11內的餐廳一向都有質素保證👍🏻, 野玩田店小編光顧咗幾次, 食物質素keep住有水準, 餐廳理念主打有機健康主義，menu 第1頁已經有講🌈彩虹食法🌈。芝士蘑菇釀雞翼: 必點✨， 一切開雞翼已經香氣四溢， 無論味道， 肉質及食材配搭都不能挑剔🤠。法國羊肚菌雞肉意大利飯: 加熱咗嘅羊肚菌有一陣陣獨特嘅香氣🧚🏻‍♂️, 令人垂涎欲滴, 配搭埋芝士及忌廉， 點可能唔好食🤤 ~~~~~~~~😋味道: 8.5/10📸賣相: 9/10🛋️環境：9/10💁‍♂️服務: 9/10💎性價比: 8/10💲人均：$200⏪回頭率：90%~~~~~📍野玩田店尖沙咀河內道18號K11購物藝術館2樓201號舖~~~~~

朋友說要請食飯！我當然要比面出來被請啦！多謝朋友款待！今次飯聚在野玩田店談笑用餐！餐廳環境以木色為主調，帶出一種自然無壓力的感覺，食品方面點了幾款，其中一款我叫波羅燒豬豬，厚切豬扒，咬下去感受到肉汁，但可能我同朋友說東說西太耐先起動，已未能食到最嫩的囗感！另一款我叫茄汁帶子燴飯，帶子鮮嫩，茄汁是偏甜那款，我相信女士會比較喜愛，配合上他們的手工啤味道就剛剛好。無壓力輕鬆談笑用餐好地方。

成日經過舊K11都好想食野玩田店，而家係好機會喇！而家午市有85折優惠，晚市有75折優惠，超抵食，午餐時嚟仲有salad bar𠻹㗎！入面嘅嘢食高質，賣相同環境都好啱打卡𠻹啊🤗 (以下價錢係原價)芝士蘑菇釀雞翼 $88 前菜已經不得了，雞翼入面啲餡好足料，隻隻都漲卜卜，芝士蘑菇好match，淡淡鹹香👍🏻吞拿魚莎莎酥盒配分子珍珠醋 $108 酥盒夠鬆化，影完一輪相都仲係好好食，配上吞拿魚同三文魚子口感豐富，加埋珍珠醋鮮味up📈日本頂級帶子蕃茄汁意大利飯 $198 好多粒香煎帶子🤤 risotto煮得剛剛好，真正嘅al dente👨🏻‍🍳牛仔肉蘑菇配牛肉汁寬意大利麵 $168 牛仔肉超嫩滑，牛肉汁夠哂香口又夠rich，寬麵彈牙又掛汁，成個pasta麵好掂，大推👍🏻燒焗自然美國豬鞍架扒菠蘿配黑醋燒汁 $328 豬鞍切開仲係粉嫩嘅顏色，肉厚但又一啲都唔韌，配上黑醋燒汁更開胃，係我暫時食過最高質嘅豬鞍🐷鮮果窩夫配Movenpick雲呢拿雪糕 $108 呢個甜品真係必點，餐廳誠意之作💓 首先個份量同賣相真係「嘩」一聲，聞落已經超香，窩夫熱辣辣仲脆口，配上鮮果、honey comb，無一個女仔可以抗

今日途經K11 想搵啲健康嘅嘢食，全部都係啲連鎖餐廳，竟然比我搵到一間隱世綠色健康餐廳，喺正2樓嘅角落，可以寧靜咁食一餐。🥰🌿依家做緊優惠，晚市有七五折，啱晒我哋。☝🏿🤩之後先嗌左兩個前菜。第一個係芝士磨菇釀雞翼，上碟嘅時候熱辣辣，雞翼外皮香脆，一咬雞油香湧晒出嚟，配合芝士嘅濃厚，真係非常好食。第二係吞拿魚沙沙酥盒配分子醋汁，旁邊有啲沙律菜，仲有啲黑醋汁；不過重點都仍然係個酥盒，甘香酥脆。主菜嚟啦，焗酥皮三文魚扒配蕃茄忌廉汁，三文魚唔會太熟，同酥皮夾埋一齊好少見，不過又真係幾好食。我哋仲嗌左第二個主菜，燒焗自然美國豬鞍架扒菠蘿配燒汁，呢個真係非常推介，因為真係冇諗過豬扒可以咁細嫩咁易咬，仲有個燒菠蘿🍍，減輕肉質油膩感。😋😋

11/10/2020同友人慶祝生日，book咗 k11 嘅 @somethingwildthefarm 。4個人叫咗8様野：炸魷魚圈：香口，好吃煙三文魚蝦沙律：份量比較少，沙律菜有少少苦芝士蘑菇釀雞翼：好食，芝士同蘑菇都同雞肉好夾炒雜菇：好勁蒜蓉味炸薯條配黑松露醬：個炸薯條冇乜特別，純粹係果醬好食自然豬：呢個豬肉好好食，佢份量都幾大，同埋好厚身，友人將佢一分為二再切開一條條，豬肉好juicy 好有肉味仲好淋身，唔使點汁都好食。燒菠蘿好食。蟹肉龍蝦汁扁闊粉：份量勁少，個龍蝦汁好淡。帶子意大利飯：帶子好薄切，份量都偏少我叫咗一杯Mojito : rum酒味好勁個人覺得佢肉類出色過飯麵類。冇限時、冇切餅費。用咗openrice booking discount 85折之後都要$1200埋單

野玩田家真係好有誠意由menu配搭到裝飾佈置 都充滿考思🌱主打新鮮蔬菜新鮮肉類.好中意menu第一頁會介紹唔同顏色既superfood有咩功效「彩虹🌈飲食法」食得開心又健康.《焗酥皮三文魚扒配蕃茄忌廉汁》賣相已經好吸引 勁大塊三文魚扒外層酥皮黃金酥脆 皮薄餡靚入面三文魚剛剛好熟 肉質嫩滑side dish既羽衣甘藍🥬亦都非常新鮮.《燒焗自然美國豬鞍架扒菠蘿配燒汁》咁大塊豬扒 足足12oz一見到好驚硬骨骨 但食落就知原來超級腍好易咬 一啲都唔韌旁邊的燒菠蘿🍍亦後加分售香加酸甜味 感覺很開胃.《牛仔肉蘑菇配牛肉汁寬意大利麵》寬麵的粗度好正 質感軟熟掛滿又濃厚又creamy 的牛肉汁加埋炆到夠哂腍既牛仔肉 係幾好食.《芝士磨菇釀雞翼》一咬落去勁興奮 因為係無骨的入面係啖啖軟綿綿芝士 🧀再加少少爽口嘅蘑菇仲有雞油香 兩個人4隻真係唔夠喉.《吞拿魚沙沙酥盒配分子醋汁》的的骰骰 酥盒兩口 非常鬆脆同吞拿魚質感好match仲有一粒粒橙黃色既魚子其實係醋汁 少少酸味解一解滯

終於等到疫情緩和咗啲，難得約到兩個朋友仔，諗住一齊食吓好嘢，平時行過呢間餐廳，睇過餐牌好似都好多選擇，點知...........原來午餐只有5個指定餐比您揀無辦法啦，咁我兩個朋友分別叫咗一份5成熟嘅牛扒 & 一份7成熟嘅牛扒，我就叫咗份青衣魚柳。叫咗7成牛扒果位朋友，睇住佢用把牛扒刀千辛萬苦先切到一小塊食，食完都頂唔順，因為真係好靭，咁咪問吓侍應可唔可以轉囉，個侍應就好溫和咁話，因為係7成熟，所以會比較靭啲🤦🏼‍♀️其實我真係唔明點解佢講得出，好彩我仲有個朋友叫咗份5成熟，如果唔係，我哋都唔可以事實證明其實5成熟都係咁靭侍應就問咁會唔會轉過第二款？朋友本身唔食辣，但喺無選擇嘅情況之下，無奈地揀咗個香辣蒜香大蝦意粉🍝⋯⋯佢唔揀食魚柳，就係因為佢見到我果份魚柳伏味濃嘛我果份魚柳得我半塊手板咁大，仲有係考師傅刀功嘅薄，整體上我食完之後，都好似無嘢落過肚咁🤦🏼‍♀️至於個意粉就......有陣好怪嘅油益味，同埋啲蝦有一陣雪藏味咁囉個午餐價錢係包一杯咖啡或茶，+38蚊就可以升級有自助沙律吧，甜品，跟餐湯同有個小包午餐就一定唔會再有下次，晚餐就要認真考慮下

今日去到尖沙咀K11食半自助午餐，我們4人有4個主菜，剛剛好每一款都可以試晒。加$38有埋餐湯，餐包，沙律吧及餐飲 ，包咁多野冇理由唔加吧。沙律吧雖然只有一張長枱，但都有好多選擇，沙律有 羽衣甘蘭及蔬菜仲有好多豆， 粟米，菠蘿，碌柚等等，還有沙律醬及千島醬可以加。前菜有煙三文魚，火腿，凍豆腐， 秋葵，柑，八爪魚，最特別是西柚啫喱，甜甜地好清新，好好味道。仲有好多生果，蛋糕，布甸，麵包布甸可以做飯後甜品。飲完湯食埋餐包，再食埋沙律及前菜，其實已經飽了7成，跟住主菜來了：1）牛扒配有薯菜， 薯條脆卜卜熱辣辣，牛扒我地叫7成，但食的時候似8成，有少許韌，味道ok。$1582）煎魚柳配有蔬菜，個白汁好好味。$1483）大蝦意粉，原來有少許辣，不過都幾惹味 。$1184） 南瓜意大利飯，份量好大，分開4份每人食一些剛剛好。$118食完主菜，然後吃生果及甜品，再有杯餐飲，真係好飽好滿足。我們邊食邊傾計，由12：30pm食到3：00pm, 侍應好有禮貌地問我們仲要唔要食沙律吧， 原來不經不覺食咗兩個半鐘， 開心嘅時間特別過得快。我用openrice book枱有85折，真抵食。真心推介，好好坐的地方

🔎野玩田店 (尖沙咀) 📍尖沙咀K11購物藝術館2樓201號舖-每日都有做唔同嘅折扣優惠 今次去食做緊堂食75折 即刻抵食咗好多！！一坐低就俾咗兩個餐包你先 一個係黑芝麻 一個就係甜甜地嘅餐包 都幾好味🔹牛油果青瓜水牛芝士包意大利飯 $158 做到好似芝士包住舊飯咁 幾得意 味道都唔錯 牛油果真係點整都好味 食到青瓜果啖又會幾清新 芝士味又濃 最重要係呢份係素食嚟 仲要牛油果同青瓜都係super food 夠哂健康又環保🔹牛仔肉蘑菇配牛肉汁闊意大利麵 $168醬汁有濃濃的牛肉味 而且啲牛肉仲要好嫩好有肉味 呢度嘅闊意大利粉係比起其他更闊 更加有咬口同埋掛汁 仲有好多蘑菇🔹芝士蘑菇釀雞翼 $88脹卜卜嘅雞翼 釀咗芝士同蘑菇落去 襯熱食嘅話仲做到少少拉絲嘅效果㗎🔹RED DRAGON FRUIT YOGURT $78我都幾鍾意火龍果嘅飲品 無伏得嚟又好飲 今次係溝乳酪 乳酪味唔出 整體係健康又好味嘅飲品🔹 HAZELNUTS BERRY $68（藍莓、梨、榛子、蜜糖）第一啖已經飲到好甜嘅梨味 再攪勻之後就有少少藍莓味令佢更出色 榛子面又有底又有 有時啜

「野玩田店」位於尖沙咀K11購物藝術館內餐廳環境真的超美，木系加上仿露天的燈光而且空間感很大，加上很多綠色植物佈置讓食客彷如置身於大自然一樣🌳.［燒焗美國豬鞍架扒］豬鞍架扒好厚身，外表好靚令人食慾大增切開好pink好嫩，食落真係軟綿綿好juicy不過我嫌佢豬味唔夠勁，有少少淡鹽水味不過好健康岩哂寶寶食🥰.［青檸香草燒海鱸魚］估唔到份量都多，味道同質感比想像中好西餐食嘅魚多數都係冰魚🐟處理完通常一係好鞋一係滑到冇曬魚味😅不過呢度嘅鱸魚近鮮魚嘅口感，調味亦非常恰當👍🏻.［羽衣甘藍巴馬火腿西柚合桃沙律］羽衣甘藍有點太硬，Parma Ham不算香Sacue有點過酸，這個我一般.［日本帶子伴青瓜莎莎］擺盤好美，味道ok不過不失🙈。。。食材主要為本地農場的肉類及可持續海鮮不論對地球或是食客，成件事都好「健康」又有意義❣️環境優美適合一家大小或朋友一起來，感覺可以聊很久…🤭.#野玩田店 #somethingwildthefarm #素食餐廳 #k11natural #vegetarian #superfood #vegan