酒肉·朋友 (已結業)

見咁多人都話態度惡劣，嚇左一跳。我星期五夜晚9點幾去，成間店得2個人好忙咁，落單都係我地去到廚房落，呢個無咩問題，廚房忙，明嘅。叫左10樣野食左右同埋2小時清酒放題，雞泡魚干同年糕真係好好食，厚燒牛舌58真心覺得太貴最後我地有加單厚燒牛舌同年糕，佢漏左年糕，不過都有補返。最後得地坐到11點幾，叫左埋單同問佢要多一壺清酒都ok. 最後我地12點前都走左。我見全間店都係全男侍應，唔知係味傳說中態度差女侍應無返🤔？

因為有事要返office,即刻搵返office既同事出去食XD呢間本身食串燒既，中午就有lunch set，疫情前，有次係佢“室外”(因為個part無冷氣但有風機)，都幾熱XD 但今次去，無咩人，佢地無“開放”個個area, 所以都等左一陣 不過無所謂啦，吹幾句就得啦！講返呢間野，佢個lunch set係幾抵食既，而每一次，佢個小食都好好味! 香煎牛舌定食 $78其實我最近成日都唔知自己想食咩，自己一個係咁，同男人都係咁，連同朋友食都係咁XD 所以我而家每次都係eliminate 尐唔想食既，就叫個樣!佢呢個唔算厚切，食落都爽口，唔會好un, 個汁都好惹味豬軟骨烏冬 $68我都有諗過叫呢個，但唔知點解我總覺得唔係我想要既，結果佢放落黎多肉，好彩XD但佢個樣睇落好食既，只係我個日就係唔想咁囉

本來難得開開心心同女朋友去試下呢間食串燒既餐廳，點知中伏去左間服務咁差既餐廳，先唔講食物既味道，自問我地兩個人算叫得多野食，但咁都要受到咁惡劣同無禮貌既服務態度，真係食過一次唔會再幫襯！完全係趕客，唔係做生意！呢間餐廳個女侍應係由頭到尾都黑口黑面，我地好心驚阻住人收工問幾點收鋪，佢答左9:30pm 收鋪，點知可以9 點幾左右粒聲唔出行埋黎將你枱上未食完既野全部清走，然後仲要講句 "你地完架喇"... 我心諗明明你地仲有十五分鐘先收鋪，根本係趕客。咁食物既然急住俾佢清晒都算了，問佢可唔可以叫多支 $240 既清酒飲，即刻被無禮拒絕兼串我地last order 完左好耐。。咁都算啦，但隔離枱即刻叫多杯啤酒又照俾喎，咁究竟間餐廳既last order 係幾點？我同女朋友食完都好受氣，感覺服務態度奇差仲要受到不公平既對待真係好有問題。我都想係度建議大家唔好考慮呢間餐廳，如果在乎服務態度的話千祈唔好搏，間野食物味道都中規中矩，唔值得消費仲要咁受氣！

黃店嘅垃圾之一！簡單直接：1. 唔好坐2. 貴但無水準3. 柚子茶就咁比支軟到不得了嘅飲管，無棒無匙羹，柚子嘅野係個底到，你飲到就飲啦4. 坐低叫野食，等野食期間侍應收枱執野出餐正常，但舖頭少用碟上餐，通常侍應拎住個小餐盤上有數枱嘅串燒食物，侍應會好似派難民咁四處派發串燒，佢雙手執枱執地下垃圾之後就拎住你串野比你食5. 其中一次仲型，枱有兩隻自用碟，中間有一碟清水煮蜆，侍應見中間無得放，拎住支串燒，等我地話佢聽放邊隻碟，放低左後行去隔離枱放低埋另一串，行返過黎同我地講：不如我比呢個盤你，低b有無禮貌嫁，個盤有齊幾枱串燒嘅唔知咩汁水嫁

book台時服務態度差，未問完就急住收線。鋪隔離有地盘超吵，完全傾唔到計。諗住問可唔可以坐入鋪內，一句「滿左」就算。既然無得轉就算了，唯有打算快啲食完就走。(但食左2個鐘，鋪入面都仲有位坐)因為份量少，所以有加單，之後等左好耐(起碼半個鐘都未黎)，就問左侍應一次，佢就好唔耐煩答已經整緊唔好催。見佢對住熟客就有好聲氣，真係好差別待遇。整體黎講所有嘢食份量少，調味無乜特別，而且價錢貴，無興趣再有下一次。

肺炎屈咗好耐，收工搵下串燒食，本身同朋友都收得夜，想搵間收夜少少坐下，見呢間收12點，就go啦！9:45去到，入面得2枱客，但廳面冇職員，驚阻人收工，就行入去收銀位問一問佢地收咗未，始終疫情未完，早收都明白。其實我同朋友不嬲好識做，驚俾人燒春袋的，但店員呢個態度，就算我坐低都食唔落肺炎屈咗好耐，收工搵下嘢串燒食，想搵間收夜少少坐下，去到大約9:45，得2枱客，但廳面冇人，咁自自然就行入去問問佢地收咗未"唔好意思 想問你地收未呀？""咩話？"(女店員洗緊野 水聲大 明既 我又戴口罩 ) 於是我大聲dd再問多次佢 : 咩呀 你地幾多個呀 佢個眉頭皺到可以夾死烏繩我：我地2位佢：唉 坐啦 (眉頭繼續皺) 於是我地走了，唔阻你收工喔 ;) 其實我同朋友不嬲好識做，驚俾人燒春袋的，但店員呢個態度，就算我坐低都食唔落肺炎屈咗好耐，收工搵下串燒食，本身同朋友都收得夜，想搵間收夜少少坐下，見呢間收12點，就go啦！9:45去到，入面得2枱客，但廳面冇職員，驚阻人收工，就行入去收銀位問一問佢地收咗未，始終疫情未完，早收都明白。"唔好意思 想問你地收未呀？""咩話？"(女店員洗緊野 水聲大 明既 我又戴

25號黃昏有嘢做，要出街食，所以預先係唔同手機app搵當區良心食店，最終選咗這一間。因應目前疫情，所以就算無預訂都有位，堂食客人加埋約10個左右。整體而言都幾好食，值得日後再去幫襯。

之前和朋友在這裡晚餐，燒物不錯。特意前來試試午餐。午餐時間人很多，要人齊方能入座。我點了安格斯牛扒定食。與想像中的式不同，擺盤很西式。芝麻醬沙律份量頗多。唯獨白飯可以更軟更熱一點就好。

上星期四同同事去左鰂魚涌做野，順便係嗰邊食埋晏先走餐廳舖面細細間，但成間舖頭嘅牆身都貼滿唔同嘅日本動漫海報，幾特別😊我地分別order左2份lunch set🙂全部餐都包前菜、味噌湯同飲品味噌湯都幾多配料，除左有一般嘅嫩豆腐粒外，仲有油揚添，正👍🏻前菜係茄子漬，味道都唔錯，入味但唔會太鹹🙂香煎牛舌定食﹕牛舌係厚切，外邊香脆、內里嫩滑多汁，味道香濃，好味😋😋鹽燒安格斯扒定食﹕牛肉味香濃，簡簡單單用鹽做調味已經夠釣出牛肉嘅香味，而且火候剛好，肉嫩多汁😍

第一次為左間餐廳寫食評而開ac！！！先不論間野食物質素，單單係個態度都吾掂，我同朋友一行六個人點左十幾樣野食，抱著想試下食物素質係點先既心態去落單，服務員已經表示食物份量會吾夠分，fine!當你好心提醒我地啦，請問點解跟住落黎既送餐時間要黑我地面，俾面色我地睇啦，請問咁樣的話貴餐廳張點菜紙何必要印住點餐次數第一，二，三次咁呢！更加唔好提個食物份量同味道，上菜第一碟蘆筍豚肉卷，都以為係肉絲包住兩條蔥，真係冇講笑，之後點嘅十幾樣野食真係不值一提，總括黎講就係細，即係份量少同鹹！最後埋單俾錢先最嬲，點菜單價錢同埋單價錢係唔同嘅，以為餐廳搞錯啦，結果佢哋話價錢改咗，點菜紙未改？完全無抱住抱歉嘅態度連sorry都無句，解釋都懶得同你解釋就要人埋單！絕對不推薦同劣評！！

搵舊同事係鰂魚涌“飯聚”其實好麻煩，因為都係.. 無位XD熱屎辣辣要係無冷氣既地方食，好在個日唔算太熱，我未溶XD呢間呢，成日都想放工去試串燒，但又好明顯放工就想逃離“工作範圍”，所以... 日式生牛肉烏冬 $68正正常常，普普通通，個烏冬都唔差丫! 佢尐小食都唔錯XD豚肉生薑燒轉烏冬 $68+10朋友轉烏冬，見佢都一大碟餸，聞落都幾香架! 都唔錯!兩個個份量都唔細架，office既男士都應該夠架，但要勞動既就可能差少少啦！

同朋友諗住試下依間串燒，點知一試冇回頭本身心態都係試新野食冇咩壞，但一入到鋪頭侍應唔係好好招呼，問佢有冇水，佢話冇都唔緊要，可以叫下野飲，一睇就寫$27一灌汽水，開價有啲狼到叫野食既時候諗住試下先所以就叫一串睇下個分量同味度，我地揀左十三樣野食，點知侍應一見我地叫咁小就話一串好小唔夠我地食。我地話如果好食會再安哥。侍應就開始黑面模式，不屑我地叫咁小。野食黎到，一食就好喊，又冇咩特別，純粹燒熟啲野食俾你。最過份係埋單時候收多十蚊，睇番menu有個茶 茶漬飯 同張單唔同價錢 之後問侍應問佢點解收多，佢話問老闆話加左價，但冇向我地道歉。照你咁講所有野都話加價但又唔改係menu度，你收百幾蚊都得啦。感覺就中哂伏，唔信可以哂幾百蚊試下，冇任何服務，我地走既時候一句多謝同歡迎下次光臨都冇。整體冇樣得食物又普通服務又差

滿心歡喜諗住見到D食評都唔差，試一試食物質素，唉，點知大失望，食物冇好味可言，服務員態度黑面，一臉藐視嘅眼神，不滿食客點菜數量，甘你果張點菜紙就唔好set第一二三次可以俾人後期加單啦，仲好講，埋單見條數唔啱，原來張點菜單有D菜式暗地裡加價，係要客人自己發現自己問，仲要反過來話「係呀，加左價啦」是什麼態度，是我們錯嗎？第二次加單？絕對冇可能。第一次柯打已換來這樣子的服務，我絕對唔會再俾$買氣受。最後食到好飽，因為滿肚子的氣😡😡

先唔講食物質素，態度已好有問題！第一次食，我地只係點數樣串燒想試下味道，諗住如果好食再追單，結果服務員勁差態度嫌棄我哋點嘅數量少，串我哋咁多人唔夠分，跟住就全程勁差態度，黑面對住我地！而且係買單嘅時候，張單同價錢牌的串燒價錢不相同，我地只係問下是否計錯，結果服務員勁無禮貌話，係阿，加左價，解釋同sorry都無！好似同我地講，加價唔同你解釋，係好正常既一件事！至於野食，好普通，普遍都太鹹，而且數量都偏細件，性價比完全唔推薦此餐廳！

今日約埋附近返工嘅小學同學食lunch，食完去睇Project after 6 - 陳柏宇！因為陳柏宇壓軸出場～1:45，所以我地12:30先出去食。估唔到12:30都仲咁多人等位！要人齊先入座，我地3個人好快，安排左我地迫少少左二人檯，不過都ok。哩間餐廳主打燒烤，午餐都有唔同燒物嘅定食，例如燒鯖魚、燒牛舌、燒牛扒雞扒都有，我就揀左豬軟骨烏冬。一黎黎左湯同小食先，係一塊白蘿蔔，夠淋，配埋熱熱嘅麵豉湯都唔錯。我朋友嘅鹽燒鯖魚到先，好大條！我嘅豬軟骨烏冬就比較耐，豬軟骨淋，但係有我唔太鍾意嘅薑味...烏冬質地都ok，唔會淋晒，配上少少粟米同昆布，仲有一塊魚蛋。餐仲跟餐飲，我地都叫左玄米茶，竟然係用一整個茶包！所以好濃嘅茶味！下次可能會試下其他炸物或者燒物！另外值得一提係餐廳嘅牆壁全部貼上Marvels嘅英雄海報，老闆唔知到係咪Marvel fans呢？