逸東餃子

營業中

休息中

【大埔區】【逸東餃子】每一次講大埔區嘅食肆，我都會好刻意咁強調大埔係一個人傑地靈多靚女嘅好地方。其實同食嘢都絕對有關，心情好啲咁食嘢，食乜都會覺得好食啲。而多啲見到啲靚女嘅話，又的確會影響到自己心情，所以絕對係有關嘅。今次嚟到大埔墟東昌街呢邊食嘢，都講過呢條街嘅幾間食肆喇，講埋呢間「逸東餃子」啦。坐低就梗係叫 $48 嘅「招牌魚湯餃子」啦，呢個價錢係六隻嘅價錢嚟，我仲加 $2 要咗雙拼，但我首先係覺得個魚湯幾鮮幾好飲喎。我揀咗「粟米芝士鮮肉餃」同「芫茜胡椒鮮肉餃」呢兩隻味，兩者都唔錯嘅。之後叫埋 $46 嘅煎餃六隻，我揀嘅味道係「咖喱雞洋蔥」，幾濃幾正，都幾夾做煎餃嘅味。我再叫埋 $28 嘅「脆炸豆腐」，新鮮炸起都好食，估唔到。之後再叫多份 $48 嘅「鮑汁拼盤」，個拼盤有雞翼、豬手、滷蛋、豆腐片，個汁唔算好濃，但幾好味。嘢飲我飲 $14 嘅「熱情果玄米綠茶」，熱情果同玄米嘅味都出，唔錯。呢餐夾埋食咗我 $186，食咗咁多嘢唔算貴啦下話。。。（地址：大埔東昌街6-11號東昌閣地下E號舖）#1amfoodie #foodie #hkfoodie #hkfood #food #foodpo

出得街食得晚飯，閒閒地都過百銀💸💸想食平啲就會諗起逸東餃子🥟1️⃣蕃茄魚湯已經出晒名，每次都會飲晒。配芝士豬肉餃子（6隻$48），皮薄到可以透到啲饀嘅顏色，芝士份量加得恰到好處，好味。2️⃣涼拌拍青瓜（$18）唔辣，好香醋味，仲好似有少少話梅味（？）夾埋好啱胃口，好開胃。3️⃣豆腐片（$18）係滷水汁，似腐皮豆腐咁，但太索汁有點偏鹹，配青瓜食會清爽啲。💮晚餐食三樣嘢$84，平。靚。正。😼

食物普通, 唔算驚艷, 湯味偏淡, 同老母滾魚湯咁上下服務就係無服務, 行入去無人招呼, 唔緊要行埋去諗住講聲外賣, 喝我稍等, 好, 我等俾完錢等15分鐘攞外賣, 我接受15分鐘後返去, 袋野喺枱面, 望一望我, 無反應好, 自己攞囉, 成件事就完喇我真係好想撐本土, 但係收起自己既傲氣先啦各位老闆

作為大埔人，都幾慚愧自己好少食好多好好食嘅餐廳。今次嚟到東昌街呢邊，就想再試真啲呢間餃子。嗌左個椰菜木耳豬肉（？）餃子酸辣翅+通心米線，咁多野都係$50 大大碗。平時冇乜機會食通心米線，係好食嘅通心粉質感，但係長version😂軟硬度岩岩好~碗仔翅夠味（酸辣！），git6度都夠，米線都吾少，餃子好食幾飽，非常物有所值$50！下次會食一樣嘅xd

今日自己一條冷當稔梗食唔食飯好嘅時候，突然望下右邊就見到佢嘅出現，佢開咗咁耐我真係一次都無食過，可能對於我嚟講地點唔太方便，不過因為咁啱經過見到，又成日聽到啲食評話佢好食，又再加上本人確實好鍾意食餃子，於是乎就決定行入去坐低。鋪頭唔算大，人都比較多，不過好彩唔駛等位。見到 menu 餃子款式雖然唔多，不過夠新穎，佢有平常嘅白菜嗰啲餃子，不過我比較唔傳統，所以就叫咗芫茜胡椒及咖哩洋蔥雞雙併10隻，然後又見到椒鹽雞翼好想食就叫咗啦！首先，佢先上碟雞翼，一碟有4隻，成為 $28 ， 外表望落去有啲過咗火，不過堅脆嘅，可惜肉質有啲鞋同有啲梅梅地；味道 ok 唔難食，28蚊係咁上下。餃子我叫咗魚湯，聽聞個魚湯唔錯，一到當然先嚟飲一啖先啦！噢有啲失望，味唔濃有啲淡，不過應該無味精；餃子皮唔厚，夠大隻，我都差啲食唔哂，先講芫茜，料係夠，不過胡椒相對多咗，佢冚咗芫茜嗰味，對於鍾意食芫茜嘅人嚟講可能會覺得失色咗，不過唔太差嘅。咖哩洋蔥唔差，咖喱味重，正 ！ 最後我仲叫咗杯豆漿，唔係話好好飲，不過豆味都重嘅。最後埋單成為 $100 ，價錢嚟講唔算好平，但可以接受。不過有下次，因為仲有其他餃未試，等我搵日再

踩單車 由沙田踩到去大埔 搵食 見到餃子就諗住去試下去到因鋪細細 都要等咗陣先有位坐叫咗 黑松露香菇鮮肉餃 湯餃好香黑松露香菇味招牌湯底都係自家味道 但冇想中咁超濃味 好飲嘅但飲埋湯 都會有少少期後口渴感覺韮菜鮮肉餃 煎餃煎到好香口味道都正常好食嘅 總括 餃子餡都算多 又唔算超大隻餃但都好食加埋手絲雞 正常野 冇特別覺得好出色好好食嘅感覺 麻油味重咗啲但唔算話好咸

早前去咗食一間朋友10分推介嘅小店逸東餃子雖然餃子係呢間店嘅主打，但係此行嘅目的係食粢飯粢飯每日2:00開始新鮮製造，即叫即整，我當日大約2:00去到，啱啱好新鮮製作，上手熱辣辣，粢飯唔算大粒，但油炸鬼10分鬆脆，辣菜同埋肉鬆份量都係好多，嚟呢度必食另外都有嗌咗兩碗魚湯餃子，一隻韭菜味，另外一隻榨菜味，餃子飽滿。亦有唔少人外賣生餃返屋企。欣賞小店用心經營

食過起碼三十次，真係好好食。呢間嘢嘅粢飯同餃子係世一，因為食過好多都好垃圾，呢間真係食過之後其他都唔會再想食，然後再打包一打返屋企食。間舖兩點先有粢飯，但已經不斷有人問有未。個粢飯個飯好煙un唔濕，入面油炸鬼酥脆，涵又多，熱辣辣拎比個客食，真係無得彈食過好幾款餃子，最推介係榨菜同椒香果兩隻，無錯係煎定湯都好好食，十隻一下子就食晒。個湯都係一絕，薯仔蕃薯茄湯，屋企嘅味道，好舒服食完之後都唔夠，仲要打包返屋企。買咗一打急凍水餃返去食，就算屋企煮都係好好食。

栥飯怪⁄(⁄ ⁄ ⁄ω⁄ ⁄ ⁄)⁄ 依家真係好難搵到好食嘅栥飯逸東好似好好食 就試試佢👀 $28對比豆漿大王貴左十蚊料好足 之前上一次食啲米唔太熟 俾多次機會佢今次覺得還好 但榨菜太多所以好咸？ 又或者係我個人口味淡🥹🥹🥹 下次都係試佢啲餃子先

終於試到這間頗受歡迎的大埔餃子店下午四時左右前往發現沒有下午茶餐只有單叫、餃子餐及粢飯餐我點了坊間炒見的蝦餃配酸辣湯結果：雖然酸辣湯好喝但會遮蓋餃子🥟味道餃子足料蝦肉味很夠 每啖都好扎實但我最喜歡的餃子部分是皮靚的皮除了厚薄適中仲要有麵粉香這個被濃濃的湯遮蓋了如果套餐可以餃湯分開上就好了不然，下次要選蕃茄薯仔魚湯可能會更突出餃子味道整體來講餐廳服務好食物中規中矩夠熱夠飽價錢亦適中，六隻湯餃連豆漿$56小食方面有炸豆腐粒下次會叫來試試

餃子一般般，其他野好難食！鮑汁拼盤千祈唔好叫，份量少、味道差！服務態度好差！d豬腳好韌，d蛋又唔入味，雞翼又難食，都唔知有冇學過煮野食。我諗求其一個唔識煮野食嘅人照住食譜煮都好味過佢多多聲

#20231022 💛📍 逸東餃子 @eattondumplings 大埔東昌街6-11號東昌閣地下E號舖 🍽️北角蜆殼街6-16號寶榮大廈地下F號舖➖➖➖➖➖➖➖➖➖➖➖➖➖➖➖➖➖➖#涼拌蓮藕尖 $28💭 咁多款涼拌入面，蓮藕尖的確唔常見，咬落爽脆，其實基本上佢呢度啲涼拌都係同一隻味，食落酸酸辣辣咁，蓮藕有啲窿窿食落更加入味，作為前菜非常開胃😂.#招牌魚湯餃子 #十隻 🫧 #芫茜胡椒鮮肉餃 $60💭 叫湯餃的話有兩個湯可以揀，蕃茄薯仔魚湯係佢地既招牌，係啲魚煎香左先有奶白色，好有屋企既味道🏠餃子都係自家製，屬於北方厚皮果種，芫荽同胡椒味兩樣都好出，但又唔會蓋過對方隻味，配搭得好好🥟.#酸辣湯餃子 #六隻 🫧 #咖哩雞洋蔥鮮肉餃 #粟米芝士鮮肉餃 $48+2💭 除左魚湯，想食濃味啲既仲有酸辣湯揀，入面有爽既筍絲同木耳絲，又有啲冬菇絲同肉絲，好足料，其實飲呢個都填到啲肚😎想試唔同味於是加左兩蚊可以雙拼，原先都驚咖哩同酸辣湯會好怪，不過咖哩隻味可以好霸道，完全無受到酸辣湯既影響👍🏼粟米芝士入面食到一粒粒既粟米，較為清甜，滿足唔同愛好既朋友🌽.#大埔美食 #大埔黃店 #🐷在大埔 #北角美食

一早聽聞逸東餃子很有名這天來到大埔附近決定要一試😍😍😍第一次見榨菜肉餃😳點了幾隻湯餃🍲超喜歡他們的外皮，偏厚而且帶點煙韌🤭餡料紮實入味，香辣榨菜做成餃子餡也不比傳統味道遜色🤤🤤🤤湯底用上蕃茄薯仔魚湯，味道較清淡，喝得出沒有味精🤤健康又美味！太愛韮菜餃了所以點了十隻煎的🥟這個十分有驚喜！韮菜飽滿爽脆，菜肉比例調得剛剛好😍😍大堆！另外也點了薑蔥手撕雞，雞肉嫩滑，份量不少，雪得夠凍🤣加分！煎韮菜鮮肉餃10隻 $50香辣榨菜鮮肉餃6隻 $42+通心米線 $8薑蔥手撕雞 $38鮑汁油菜 $20

🍊 餐廳名稱：逸東餃子🐝 味道：8.5/10環境：8/10整體分數：8/10/💰人均：$55———————————————————唔係位於逸東而係起大埔既逸東餃子，當日係食完一間餐廳唔夠飽，咁岩經過呢間前米之蓮餐廳，於是乎就買左盒餃子黎食。菜式上有好多唔同口味同款式選擇，小編今次就揀左份麻三椒煎餃子，唔想食煎餃既亦都可以揀湯餃。說實話呢份餃子好令到我喜出望外，足料不在話下，放左三色椒落去令到整體口感提升左好多，味道亦都非常美味。加埋佢地附送既辣椒油，完全係錦上添花。下次去會試埋其他口味！

本身都好喜歡食餃子，所以今日去咗呢間北角同大埔都有分店嘅逸東餃子。呢間餃子小店位於廣福道旁嘅橫街，傳統麵家蔡潤記斜對面。淨係睇餐牌，呢間餃子小店定價算親民，平均$4x/6隻，$5x/10隻！所以為咗可以一人一碗湯，2人份我哋點咗2份6隻湯餃同1份6隻煎餃！香辣榨菜鮮肉湯餃: 食到少少榨菜嘅口感，帶辣但可以接受，唔會辣到食唔到。麻香三椒鮮肉湯餃: 椒味重，都麻辣口感，感覺幾清新。本來唔太喜歡食青椒，但佢嘅麻香係會令人想再食多隻。粟米芝士鮮肉煎餃: 好多粟米同果然重芝士味，選擇煎餃因為煎餃先食到芝士餃拉芝嘅精髓。蕃茄薯仔魚湯: 魚湯呈奶白色，好有家嘅味道。小總結💬所有鮮肉餃肉質相對較出面嘅餃子實，但每隻份量都好足料。餃子皮厚度適中，加上包得實，不論煎煮過後都無散到。煎餃煎得香脆可口，都好出色。重點個湯好好味，飲完成碗唔會好想不停飲水，所以好值得推介！(滿分為🤤x5)好味指數: 🤤🤤🤤🤤抵食指數: 🤤🤤🤤🤤回頭指數: 🤤🤤🤤🤤