【九龍城區】【California Pizza Kitchen】同費特哥喺黃埔附近，見到呢度居然有呢間美國餐廳，的確係我哋成長嘅回憶。記得呢間美國餐廳都係好有質素，費特哥就話既然一場嚟到呢頭，不如懷緬吓過去，就去試吓呢間啦。我都覺得係一個好好嘅機會，畀我再好好咁試呢間疫情後都冇食過嘅餐廳。 叫嘢食有附上餐湯，我同費特哥喺「青豆薏米蓉湯」同「墨西哥粟米湯」之間各選一客，佢飲前者，我飲後者。佢就覺得佢嗰碗湯嘅青豆味好濃，茴香味都好似幾香，薏米蓉令到有啲嘢咬吓唔錯。我嗰碗本身個味都濃，仲有啲墨西哥脆脆喺面，幾好飲。 主菜方面，當然係要試佢哋嘅招牌菜，就係 $132 嘅「原味燒烤雞肉薄餅」，呢款薄餅係喺 1985 年開始供應，材料包括秘製燒烤醬、煙高打芝士、紅洋蔥、新鮮芫茜，層次感好豐富，個 BBQ 醬勁香，招牌菜即係招牌菜。我哋都食得好盡興，覺得好正。 然後試 $119 嘅「中式宮保意大利粉」，由香蒜、青蔥、香脆花生、四川辣椒、意大利粉配傳統中式宮保醬汁整嘅，好特別，勁中西合璧 feel。我飲 $28 嘅「熱情果檸檬特飲」，費特哥飲 $38 嘅「芒果探戈」，兩者都幾清新幾好飲，埋單 $348.7 都唔貴喎。。。 （地址：紅磡黃埔天地美食坊(第8期)3樓302號舖） #1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #openrice #instagram #xiaohongshu #1am九龍城區 #黃埔 #紅磡 #CaliforniaPizzaKitchen #原味燒烤雞肉薄餅 #中式宮保意大利粉 #青豆薏米蓉湯 #墨西哥粟米湯 #熱情果檸檬特飲 #芒果探戈 #1am1363 #1ambackup

【油尖旺區】【Le Viet】喺尖沙咀行街，搵嘢食都唔容易，選擇雖然多，但係要搵間好嘅都真係要揀一揀。好彩今次同行嘅朋友係一位識飲識食嘅女仔，而且最重要嘅係佢曾經喺呢頭附近做嘢，所以我完全將個選擇權交咗畀佢。佢話 The ONE 四樓呢間越南餐廳係唔錯，就信佢啦。 嗰個時間食 lunch 就啱晒，一人試一個「午市精選」套餐就啱晒，不過其實我哋都係 share 食，都冇分邊個食邊份喇。我哋試咗「海鮮炒檬粉」同「Le Viet 招牌飯」，前者炒得好夠熱，海鮮同蛋都好多，好快清晒。後者就綜合咗唔同嘅餸菜，乜都有得食。 我哋仲試埋「串燒雞牛豬三串」同「鮮蝦米紙卷」呢兩款小食，都係好好味嘅，前者夠濃味，後者夠清新，相輔相成。嘢飲方面，我就飲「三色冰」，濃厚清甜，邪惡度爆錶。朋友就飲「越南滴滴咖啡」，聽佢講返都係相當具有質素嘅咖啡，佢中意就好喇。。。 （地址：尖沙咀彌敦道100號The ONE 4樓L402號舖） @leviet23 #1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖沙咀 #尖東 #LeViet #午市精選 #海鮮炒檬粉 #LeViet招牌飯 #串燒雞牛豬三串 #鮮蝦米紙卷 #三色冰 #越南滴滴咖啡 #1am1359 #1ambackup

【灣仔區】【Grill ขนทอง】呢日同費特哥行銅鑼灣，行行吓無啦啦落雨，咁不如搵間餐廳坐低飲杯嘢、食少少嘢啦。我之前已經食過「Grill ขนทอง」呢間喺蘭桂坊已經好出名嘅泰國餐廳，唔知原來銅鑼灣都有，既然覺得佢唔錯，就不如試埋銅鑼灣店，費特哥都唔介意就入去喇。

因為我哋本身都唔係太肚餓，所以一開始係試「柚子海鮮沙律」，估唔到都幾大碟，而且味道幾好。啖啖碌柚肉配唔同種類嘅海鮮，都幾夾。另外試埋「泰式青咖哩大魚蛋」，青咖哩嘅味道非常之好，大魚蛋就係類似長洲大魚蛋嗰隻，兩者嘅結合都幾好食。

串燒我哋試咗「菠蘿」同「白鱔」，兩者都燒得好香好正，後者估唔到夾泰式燒法都幾好，比較少咁食。然後試「焦糖燉蛋」，有驚喜，焦糖面係脆嘅。嘢飲今次我飲「生啤」，都係 Singha 嘅，幾好飲嘅。費特哥就飲我推薦嘅「龍眼冰」，佢當然讚不絕口啦。。。

（地址：銅鑼灣駱克道487-489號駱克駅地舖）

@grill_cambo_lkf

呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：

中西區：1am1357

【灣仔區】【MISU】眾所周知灣仔春園街殺落合和中心連埋利東街嗰邊其實係好鬼多嘢食，而且餐廳選擇種類非常多，可謂琳瑯滿目。想過嚟呢頭試埋啲樓上舖，之前經過合和中心對面嘅 QRE Plaza 就見到呢幢嘢都好多食肆，約埋梁娘一齊上去揀間嚟試，就 26 樓呢間先啦。 呢間叫 MISU 嘅餐廳全名係 Misu Seafood Cuisine，一去到就見到大大個水缸，就知專做新鮮海產喇。我哋 share 食佢哋嘅午餐，先試 $208 嘅「銀鱈魚西京燒伴五花目炒雜菜」，魚肉勁厚之餘又燒得好靚，炒雜菜同個飯都係佳作，成件事非常美妙。 跟住講埋另一份，我哋試 $168 嘅「鮑魚汁鮮蜆焗黑松露雞飯」，首先想講啲蜆肉好肥美，完全冇沙，勁鮮甜。雞肉份量多之餘，燒得好香，同黑松露配埋一齊又出奇地夾。最後講埋個飯，揉合咗頭先幾樣食物嘅鮮味，加上鮑魚汁，仲有飯焦，好好食呀。 套餐仲有「小食三點」，鰻魚夠精致，桂花糖漬車厘茄味道特別，好食嘅。是日湯品都唔差，熱辣辣得嚟亦都好飲。食完飯仲有「迷你雪米糍」，係維記嘅阿華田味，正。餐飲佢揀「無糖可樂」，玻璃樽上夠誠意，我飲「凍檸茶走甜」都正，埋單 $414 唔貴。。。 （地址：灣仔皇后大道東202號QRE Plaza 26樓） @misuseafood_hk #1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am灣仔區 #灣仔 #會展 #MisuSeafoodCuisine #misu #御家 #鮑魚汁鮮蜆焗黑松露雞飯 #銀鱈魚西京燒伴五花目炒雜菜 #小食三點 #桂花糖漬車厘茄 #是日湯品 #迷你雪米糍 #無糖可樂 #凍檸茶走甜 #1am1356 #1ambackup

【觀塘區】【House Fifty Eight】之前喺附近搵嘢食嘅時候，見到呢間西餐酒吧有桌球檯，已經覺得勁啱春哥，點知佢就走嚟搵我一齊試呢間嘢，咁啱喇喎，就梗係去試吓佢啦。去到一人試一份午餐，一人試一個餐湯，佢話佢個「蘑菇湯」勁好飲，我就覺得我個「雜菜湯」okay 咁啦。 食完都幾軟熟嘅「餐包」之後就到主菜，我哋 share 食，一齊試咗各 $148 嘅「慢煮美國安格斯頂級牛板腱」同「澳洲去骨羊臀肉」。前者用慢煮方法整，鎖住啲肉汁之餘個肉質亦都非常鮮嫩。後者都整到好腍，用咗臀肉係啖啖肉嘅，感覺係好過羊架。 跟餐加 $16 配「薯條」，好味嘅。加 $22 試埋是日甜品係「Tiramisu」，淡淡哋嘅甜味唔會太膩。餐飲方面，春哥試加 $3 嘅「凍檸茶」，我就試加 $13 嘅「凍朱古力」，都幾好。最重要係佢哋可以帶寵物去，仲有寵物餐提供。兩點後午市仲有八折添，抵呀。。。 （地址：觀塘駿業街58號電訊數碼大樓4樓） @House_FiftyEight #1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am觀塘區 #觀塘 #HouseFiftyEight #蘑菇湯 #雜菜湯 #慢煮美國安格斯頂級牛板腱 #澳洲去骨羊臀肉 #薯條 #是日甜品 #tiramisu #凍檸茶 #凍朱古力 #1am1360 #1ambackup

【大埔區】【WM Café & Bar】有事入大埔做，順便約吓住大埔嘅同事食吓飯，畢竟大埔都係一個人傑地靈嘅好地方。搵咗旁證哥食飯，因為第一次同佢食飯所以穩穩陣陣揀間明知佢好食嘅嚟試。就嚟咗我喺 1am0911 已經寫過嘅呢間西餐廳，佢個位置都好方便，就喺文娛中心對面咋。 旁證哥試咗個 $128 嘅「WM雙層安格斯牛肉芝士漢堡」，我見佢個包勁大個，兩層安格斯牛肉漢堡扒煎得勁香，配埋濃香嘅芝士同其他配料，旁證哥食到舔舔脷，佢係咁話好好食。我就試 $48 嘅「WM自家製蛋糕」，揀咗「巴斯克芝士蛋糕」，味道都唔錯。 試埋 $148 嘅「WM小食拼盤」，有意式炸肉丸、炸雞翼、吉列墨魚餅、吉列琵琶蝦、車打芝士醬薯條畀我哋 share 食，正。另外我哋試埋各 $38 嘅兩款冬日特飲「紅豆抹茶奶」同「白之戀人」，都 okay 嘅。咁多樣嘢夾埋，加埋一，價錢 $440，係合理嘅。。。 （地址：大埔安慈路2號八號花園地下20號舖） @wmcafebar #1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #lunch #dinner #foodpics #followforfollowback #love #eat #1am大埔區 #大埔 #wmcafebar #WMCafé&Bar #WM雙層安格斯牛肉芝士漢堡 #WM小食拼盤 #意式炸肉丸 #炸雞翼 #吉列墨魚餅 #吉列琵琶蝦 #車打芝士醬薯條 #WM自家製蛋糕 #紅豆抹茶奶 #白之戀人 #巴斯克芝士蛋糕 #1am1361 #1ambackup

【中西區】【Grill ขุนทอง】後生嗰陣落老蘭，都會順便喺附近食吓嘢。基本上附近好多餐廳、小食店都已經食過晒，唯獨有一間一直都冇機會食，就係路口位嘅呢間泰式串燒「Grill ขุนทอง」喇。點解唔食係因為次次佢都排長龍嘅，喺嗰頭係超有人氣勁受歡迎嘅串燒店嚟，係食唔到。 同梁娘傾開呢樣嘢，就不如趁早啲未入夜一齊過去試吓。佢哋仲有泰式飯類，我見都幾吸引，不過就係想試佢哋嘅串燒。我哋試咗「牛仔骨」、「有機露筍」、「雞皮」、「泰國魚餅」、「豬肉」、「雞肉」、「雞中翼」、「白豬肉腸」同「魷魚鬚」。 啲串燒都幾高質，難怪咁出名啦。梁娘仲試咗佢哋嘅「生啤」，係「勝獅啤酒」，我見佢都幾享受。我就試佢哋嘅「龍眼冰」，好多龍眼肉可以食，杯嘢亦都好飲。佢哋嘅食物同飲品質素都唔錯，難怪知名度咁高，成為咗蘭桂坊其中一間指標性餐廳，犀利。。。 （地址：中環和安里1號地舖） @grill_combo_lkf #1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am中西區 #中環 #香港 #Grillขุนทอง #Grill #ขุนทอง #串燒 #蘭桂坊 #老蘭美食 #牛仔骨 #有機露筍 #雞皮 #泰國魚餅 #豬肉 #雞肉 #雞中翼 #白豬肉腸 #魷魚鬚 #生啤 #龍眼冰 #1am1357 #1ambackup

【觀塘區】【Cocoon】都一段時間冇嚟觀塘呢邊做嘢，又係同真正哥食飯，就按照慣例，喺返做嘢嗰座大廈食埋飯啦。今日講嘅呢座大廈嘅位置係喺觀塘開源道嘅豐利中心，喺地鐵站行出去都唔算好遠，附近仲有觀塘廣場可以行吓。言歸正傳，間餐廳係喺豐利中心嘅一樓，方便。 我哋去試佢哋嘅 set lunch，喺主菜上菜之前有個「是日沙律」，幾清新幾唔錯嘅選擇。真正哥試嘅係 $118 嘅「黑松醬蘑菇意大利飯」，我有食啲，個黑松露醬都好香，幾好食。佢跟餐加 $38 試「藍莓乳酸沙冰」，好大杯，好靚，佢話飲落其實都唔錯喎。 我就試 $138「慢煎果園雞配薯菜」，隻雞煎得好香，啲肉都有雞味嘅，食雞要有雞味嘛，而佢都有雞髀、雞槌加埋啲雞胸肉，夠食。薯菜嘅薯條同燒翠肉瓜串，都幾好食嘅。我就加 $28 飲「椰子咖啡」，有椰子味，咖啡底本身都 okay，唔錯嘅用餐體驗。。。 （地址：觀塘開源道54號豐利中心1樓104室） @cocoon.restaurant.kt #1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am觀塘區 #觀塘 #Cocoon #是日沙律 #黑松醬蘑菇意大利飯 #慢煎果園雞配薯菜 #藍莓乳酸沙冰 #椰子咖啡 #1am1353 #1ambackup

【油尖旺區】【Zeni Rone】自從知道咗域哥喺旺角返工之後，每逢想喺旺角食嘢嘅時候都會諗起佢，今次嚟到新世紀廣場，試吓入面一間幾有格調嘅 cafe。大家都知道旺角係一個好熱鬧嘅地方，要喺鬧市裡面搵一個靜靜地飲吓咖啡嘅地方都唔容易。呢間唔使上樓，就喺商場入面，方便。 佢其實係喺 Moko 新世紀廣場嘅 L Buy 入面，唔係直接面對商場，環境恬靜。域哥試件 $38 嘅「焦糖鮮忌廉牛角包」，我都有試少少，係好邪惡，域哥喺度切個包嘅時候，啲餡已經係咁咇出嚟，好正。佢飲 $48 嘅「泡沫咖啡」，即係 Cappuccino，佢話 okay。 我就試 $78 嘅「富士山」，係朱古力蛋糕加抹茶同乳酪慕絲砌出富士山造型，係佢哋其中一款 signature 嘢，食落都幾好。嘢飲我就試 $40 嘅「Mlesna 櫻花茶」，店員細心講解要倒啲水出嚟浸四十秒再放返茶包入茶壺先飲，咁樣可以飲出唔同嘅層次。 第一浸嗰杯的確係個味會濃啲但冇之後嗰啲咁厚實，而佢哋亦都有附上「洗双糖」，唔會好似白糖咁死甜，亦都唔會好似黑糖咁濃，盡情享受比較溫和嘅櫻花香味。埋單 $244.4，喺旺角嘅鬧市商場裡面搵到一個幽靜嘅地方好好享受下午嘅時光，係咁上下價錢。。。 （地址：旺角太子道西193號MOKO新世紀廣場1樓175號舖） @zeni_rone #1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #旺角 #旺角東 #moko #新世紀廣場 #ZeniRone #焦糖鮮忌廉牛角包 #泡沫咖啡 #Cappuccino #富士山 #Mlesna櫻花茶 #mlesna #洗双糖 #1am1352 #1ambackup

【油尖旺區】【DC 甜品屋】真正哥居然未試過由油麻地行去大角咀，我就做吓好心 carry 佢行一次啦，佢都覺得係一個幾新鮮嘅體驗。行行吓見到海富苑，裡面仲有個領展商場，我都未入過去行。蕩咗陣，大家都有啲想坐低食啲嘢，咁就搵吓附近有冇適合嘅餐廳，就見到呢間嘢喇。 真正哥見到甜品就開心，試咗碟 $58 嘅「提拉米蘇雪糕班戟」，佢哋嘅班戟係即叫即煎嘅，所以都要等一陣，呢啲我都覺得係値得等嘅。佢仲配提拉米蘇醬同一球自選雪糕，真正哥揀咗曲奇雪糕，都夾返件事嘅。我試咗少少，覺得都幾好，好有「家的感覺」。 我就先試 $18 嘅「黑松露炒蛋」，都炒得幾好，黑松露味同蛋味都發揮到。之後試 $26 嘅「杏仁糊配海底椰」係店家自家磨製嘅杏仁糊底，食落比較清，唔錯。試埋杯 $18 嘅「泡紅棗龍眼茶」，龍眼乾幾多，足料。咁樣夾埋食咗 $120，街坊食堂嚟講一流。。。 （地址：大角咀海庭道2號海富商場地下16號舖） #1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #大角咀 #油麻地 #奧運 #DC甜品屋 #提拉米蘇雪糕班戟 #曲奇雪糕 #杏仁糊配海底椰 #杏仁糊 #黑松露炒蛋 #泡紅棗龍眼茶 #1am1354 #1ambackup