赤葉日本料理 (已結業)

呢排勁鍾意食日本嘢嘅我今日嚟到元朗 見到有新開嘅餐廳 價錢又好似唔係好貴試吓先呢度嘅茶係用玄米茶 我自己超級鍾意店舖環境乾淨 而且亦都坐得好舒適枱同枱之間唔會好迫叫嘢食係自己Tick 的非常方便Salad係送ga 份量仲要唔細店員介紹嘅日本🇯🇵直送空運拼盤有池魚 拖羅 同鯛魚一睇個賣相就知道同平時食到嘅唔一樣拖羅入口即溶諗返起都流口水平時我都好鍾意食鵝肝 見到有個叫做焦糖鵝肝火炙 幾特別 焦糖會燒到好香脆 加埋鵝肝嘅味道真係一流食日本野唔唔會少得牛舌即叫即燒夠味 咬落去亦都好爽口超級足料既明太子雞翼呢度嘅種類其實好多 而且佢每樣野嘅水準都好唔錯 其實仲有好多野想試 下個月一定要試埋其他野!!!

第一次遠征元朗覓食, dinner time搵到呢間日式小店, 意外地有驚喜, 性格比高, 好抵食, 好似order德太多, 好飽😈(三文魚腩刺身🤤, 大拖羅刺身🤤, 有頭甜蝦刺身, 油甘魚刺身, 生帶子刺身) (焦糖鵝肝火炙,厚切蒲燒鰻魚) 焦糖鵝肝火炙真係好好味😍😍🤤最愛😚,  厚切嘅鰻魚好好食🤤(蔥呑拿魚腩蓉軍艦)(一口和牛串, 牛舌串) 燒得不錯(炸雞軟骨粒) 好大碟份量好多再來一個很驚喜嘅壽司生日蛋糕, 真係好驚喜 (預先自己唔知)仲有其他都未食得曬 仲有蛋糕食 真係好驚喜 哈哈, 不得不提嘅係呢間店嘅壽司飯係黃色的 原來係加左赤醋 不錯不錯 比平時一般嘅壽司飯好食👍🏼

早前看FB <食在元朗> 得知有間新開的日本餐廳，鰻魚飯定食只售$48，見到賣相也不錯，就很想去試試~ 乘輕鐵到豐年路站下車，餐廳就在永年士多旁，地點相當易找! 餐廳奉上一整壼玄米茶給客人享用，很香很好喝~ 午市定食選擇很多，有20款之多，總能選到心水食物呢! 日本桃味梳打 ($24) 甜度適中的桃味梳打，清新又好喝~ 萬歲加賀梅酒 (杯) ($45) 酒味幾濃烈，如果喜歡喝梅酒不妨一試! 蒲燒鰻魚飯定食 ($48) 定食包括: 沙律& 麵豉湯，不過時間太晏，麵豉湯已送畢，也沒所謂了，反正是為了鰻魚飯而來. 沙律菜冰凍爽脆，不過生菜有點變黃，略嫌不夠新鮮~ 鰻魚飯大大盒的，外皮香脆，肉嫩多汁，而且沒有細骨，用來拌飯吃很不錯. 只售$48 有這質素個人覺得已很滿意~ 壽司定食A ($48) 這定食已包括: 三文魚 (2件)、鰻魚 (1件)、甜蝦 (1件)、蟹棒 (1件)、日本夾紋魷魚 (1件)、八爪魚 (1件)、玉子小卷 (3件)、芝麻八爪魚 (1件)& 蒜味螺肉 (1件) 以這陣容才不過$48，以現在的物價來說，實在超值~ 各款壽司都幾

放假幾位賣剩LADY去左元朗行下街食下涼粉消暑，夜晚本來打算掃下街，但另外兩合剩LADY話想搵位坐底食野，見到呢間餐牌價錢唔算貴就入左去食。坐低後店員送上前菜，開下胃3個人都叫左唔少野食先點左個珍味拼盤，有生芥辣八爪魚、螺肉~~份量都幾多下呢個係鮪魚四點盛，入口即溶，味道好鮮味，口感及油份十足，用筷子夾起，舊飯係唔會散開，呢一點係VERY重要的說另外都叫左個汁燒魷魚筒，魷魚都好食，唔會要咬好耐，但我就覺得個汁唔夠多淡左少少，但我朋友就覺得岩岩好叫左呢個蒲燒鰻魚飯($58)~好抵，分量好多，材料不馬虎~我地秒清之後就喪點左好多壽司，開心SHARE呀~~焦糖鵝肝火灸壽、司花之戀、帆立貝壽司、蒜味螺肉軍艦、海膽魷魚軍艦、珍寶帶子壽司食材新鮮既壽司，味道不錯，壽司飯握得實，口感不俗，單點既壽司、手卷有水準，紫菜好脆口芝士牛油果軟腳蟹壽司，軟腳蟹仲係好脆，攪埋芝士牛油果味道出奇地夾，芝士配上牛油果唔會又漏又有口感串燒好有水準鹽燒雞中翼，雞翼內裡好多汁外層好脆口，燒得惹味, 唔錯京蔥燒雞個汁燒得好入味炸物新鮮炸好有口感，不錯最後叫埋杯野飲就夠哂皮，枝日本富士山可樂幾得意仲有甜品送哩間幾抵食，散叫唔

今日試左元朗新開業嘅赤葉，裝修簡約吾算太逼，三文魚厚切肥美，大大粒珍寶帶子，馬糞海膽配紫菜同壽司飯，海膽雖不是大size, 但入口鮮味十足，完全無苦味，非常新鮮。海鮮卷有四件青瓜包住，上面有d海膽三文魚子同櫻花虾仔幾特別，口感一流。仲叫左各款軍艦壽司，全部即叫即製，紫菜還是很脆的,食到好飽！仲有一口牛柳粒，用上高質牛肉，煎得剛好，咬落好軟淋，又有大量肉汁，大家都爭住食。待應招呼主動新切，經常幫忙加茶，服務質素跟連鎖集團相約。

住係荃灣既我，今日入左元朗發掘新地方😂😂發現原來有好多小店，依間係永年士多隔離，所以好容易發現😄依個刺身拼盤係店員嘅是日推介🐟🐟🐟全部都係空運直送嘅新鮮刺身，食到舔舔脷😽😽另外我自己就好鍾意食呢個馬糞海膽😸😸平時喺出邊食海膽如果唔新鮮會有異味，依到既超級新鮮，仲有少少海水味，三文魚刺身好大件，赤貝同馬刀貝好爽口👍🏻👍🏻👍🏻壽司嘅種類亦都有好多，我自己就最鍾意食黃金魷魚壽司，蟹子壽司，另外要推介嘅係三文魚子壽司🍣粒粒都晶瑩剔透😻😻好鮮味呀小食我點左兩個，一個係芥辣八爪魚，同埋芝麻八爪魚🐙兩個都好好味😄我太鍾意食八爪魚啦😂😂😂依間小店亦都有日本直送嘅梳打飲品，除咗蘋果仲有其他生果口味可以選擇，平時比較少見啊😛😛總括嚟講，依間日本料理小店食材新鮮，壽司刺身有多種選擇，而且佢有外賣服務如果屋企開party亦都可以選擇呀🤩🤩🤩

上星期六夜晚同女朋友冇嘢做，佢提議去元朗食日式小店順便行吓街，於是上網搵左少少資料就決定去呢間唔算開咗好耐嘅小店一坐低店員就奉上免費沙律，材料非常新鮮配上酸酸甜甜嘅醬汁好快就食晒女朋友話唔想食平時食開類似三文魚嘅刺身，於是我哋就聽店員推介叫咗呢款日式新鮮刺身拼盤，果然冇介紹錯，一食落口已經感覺到非常新鮮，而且有兩款魚類都有入口即溶嘅感覺另外都叫咗少少熟食，強烈推介呢兩款日式炒麵同埋汁煮豚肉！豚肉佢哋處理得好好，火候啱啱好，入口非常juicy,另外味道都處理得好好而日式炒麵佢哋按照日本傳統做法加入大量蔬菜，入口非常爽口，而且味道亦都非常好味叫埋呢個炸雞軟骨，分量非常多，而且因為啱啱炸起，係非常吸引嘅小食，結果我同女朋友都食唔晒要打包返屋企做宵夜

赤葉嘅質素都幾好，佢唔係元朗一般嘅大大件壽司店，而係比較正宗嘅一口壽司鋪頭，我個人應為食壽司一定要一口一件，而唔係大大件要分幾啖嗰款。我去嗰日係平日中午時分，都好多人爆曬場，我哋就冇叫午餐set係散叫，因為我見佢嘅刺身壽司都好靚，所以要食下刺身開心吓。我哋叫咗刺身，真係好新鮮大大件；另外壽司方面就係正常size一啖一件同埋質素都做得好好，我哋叫咗芒果蟹子沙律，芒果好甜，沙律醬係自己撈嘅可以冇咁肥，正👍🏻仲叫咗雜菜天婦羅，一定係即叫即炸熱辣辣仲有其他太多啦講唔晒，但係總之就係好好味😬

約埋三五知己去食赤葉，佢喺鄭永年旁邊好容易搵到，我哋啱啱好入到去就有張枱比我，如果遲少少都要等啦！佢平日中午時間都爆場㗎因為我哋都有五個人，所以都叫咗幾多嘢食，刺身我哋叫咗海膽、三文魚、帶子、劍魚腩，好新鮮好好味另外我就叫左一啲壽司，一定唔少得三文魚腩壽司、左口魚壽司、花之戀壽司.....太多啦講唔晒，總之都係好好味👍🏻另外我哋叫咗個好出色嘅吞拿魚牛油果沙律，牛油果同吞拿魚真係夾到一個點另外我哋仲帶咗燒物，燒番薯仔真係好好食囉！而我覺得呢度最驚喜嘅就係有一款白桃梳打，第一次見，好飲👍🏻👍🏻

星期日風和日麗終於都有一日假期可以去拍拖，今次就去到元朗區去搵食，同平時唔同嘅地方今次我去咗一間日本料理食下午茶時段，中午大約兩點左右，舖內人山人海好旺場於是我就放縱自己一日喇天氣超級超級炎熱 所以就叫左一杯蘋果梳打涼陣陣 唔錯再叫多兩客小食先八爪魚同芥辣魷魚🦑食完頭盤緊係食壽司啦首先登場有蟹子壽司黃金魷魚壽司🍣三文魚子壽司新鮮爽口真係好正喔近接落黎就係本人最愛之一三文魚腩壽司劍魚腩壽司左口魚壽司火三文魚壽司基本上食一打都唔夠候因為真的太美味特別推薦 左口魚壽司🍣好出色同以往食過的大大不同下次介紹朋友必叫之選通常住住去到中段都是最緊湊的哈哈😄刺身三部曲章紅魚拖羅池魚飛機直送刺身食過就番唔到轉頭新鮮大家黎到一定要叫三四件煮法特別味道超好味我女友唔比我食太多所以一件令我掛念到現在記得食今天真係大胃口叫左三文魚腩赤貝馬刀貝馬糞海膽海膽一定係必食下次最好有一大班朋友黎可以叫多d款式

今日全家人和媽媽慶祝生日， 媽媽最愛食日本料理，所以我哋就選擇了食呢間新開張既赤葉日本料理。店內乾淨整齊， 感覺舒適。 晚飯時段已經人山人海天花上面有很多日式吊燈，非常精美。牆上彩色字嘅餐牌也有顯示每日既限定優惠， 非常吸引看到做緊特價$68有二片吞拿魚腩，忍唔住叫咗一碟試下。 三文魚腩厚切之餘夠冰凍， 魚油好香好肥美而且沒有筋，真係好抵食另外當然唔少得叫碟三文魚腩刺身啦! 顏色鮮豔奪且之餘仲好厚切添，非常肥美。額外點少得叫我摯愛嘅鰻魚壽司呀， 第一次見鰻魚可以咁厚的， 而且仲燒到金黃色， 加上少許鰻魚汁， 真係好美味呀另外叫了一板馬糞海膽， 盛惠$88! 海膽大大片， 排得井井有條，非常鮮甜而且沒有腥味。隨意再叫了芥辣八爪魚壽司， 吞拿魚碎壽司 和再encore 海膽壽司。 芥辣八爪魚壽司煙韌帶點微辣， 吞拿魚碎壽司配上少許蔥花，香味十足。 海膽壽司都係水準十足， 令人非常回味。最後叫了一個芒果蟹子沙律， 幼幼嘅青瓜絲再配上蟹柳絲， 加上香甜嘅芒果和足夠嘅沙律醬， 上面再放上大量蟹籽，非常惹味同時亦可以幫助腸胃消化餐牌選擇非常多，基本上你諗得出都有，價錢相對比較抵，真係好滿足。我特別

見有間新日本料理開業，每次行過都見多人食，咁都應該抵試吖，食完大家都讚質素好好，可以介紹畀朋友睇吓，三文魚唔見佢有好大條白色脂肪，但都好香呀，仲有厚度，必食佢嘅燒物都好正，order咗有牛舌、羊扒、雞軟骨、 豚肉捲、 三文魚腩 等等，好味都嘩嘩聲。每款都夠香，用上不同香料去燒: 牛舌爽口，黑椒味勁正；羊就應該有孜然粉，留有輕輕既騷味；三文魚煎得個皮好脆，更正因為係魚腩，肉質好肥美好林； 豚肉捲夾住香菜，新口味，好好味；仲有牛柳粒，每口都好有牛味和黑椒味，再配上西椒。拉麵既麵條係幼的，質感似上海麵，湯底香濃； 上面既紫菜好脆； 蛋黃軟身，肉香而林，yummy!整體質素都好好，無論生嘅、熟嘅都燒得非常惹味，推介!

經朋友介紹到呢間新開無耐既日式料理餐廳吃飯，地點易找，店舖不大，但坐位舒適，伴著一些耳熟能詳既歌曲，見唔小人都忍不住唱2句。一坐底店員立刻放下一大壺熱麥茶，還介紹餐廳每日限定優惠菜式。蟹籽沙律（$32）好大方既沙律，大量邪惡沙律醬，加埋大量蟹籽，非常開胃！金菇肥牛壽喜燒（$88）肥牛份量都幾多，肥瘦適中，湯底香濃，d菜入曬味好正！牛舌串（$18）牛舌好出色，岩岩熟好淋唔會太韌，加埋面頭味粉好野味！炸軟殼蟹手卷（$22）岩岩炸起熱辣辣，脆卜卜，軟殼蟹好大舊，唔會食完第一啖就淨食紫菜白飯。吞拿魚壽司2件（$9）好新鮮，9蚊2件好抵食，好小堂食有呢個價錢！火炙焦糖鵝肝壽司（$32）最愛鵝肝既我好滿意，味道好重，加埋焦糖既甜味好特別又好夾！

要搵一間有心機嘅壽司店係好難，今日嚟到元朗繼續支持小店。員工好有禮貌，又細心，主動調教風口，唔會吹正我會，又介紹最新鮮嘅食材，最新鮮嘅食物畀你選擇。l蟹子沙律:有咁多沙律醬嘅沙律都係第一次，一絲絲嘅青瓜加上蟹籽，芒果碎等等，入口非常清新，絕對係呢一餐嘅開始。幾乎每一次食壽司必定會叫嘅海膽，海膽如果新鮮就好食， 今次都唔例外，我最欣賞嘅係畀埋飯團同紫菜你一齊食。炸蝦天婦羅：蝦好大隻，好彈牙，粉漿唔算厚，味道非常之好。火焰左口魚：油份非常之高，加上燒一燒上面，味道更加 強烈，帶出魚嘅鮮味。芝士牛油果軟殼蟹飯卷：一客有四舊，軟殼蟹加上芝士同上牛油果非常之夾，燒到香一香，曬入口整溶。建議大家落單前問一問職員有什麼食材當日比較新鮮。

今晚同朋友去開元朗，途經依間叫赤葉日本料理的食店，晚飲時段已坐滿约8成客人，生意很好，一向愛食日式食物的我，就當然會入內食下啦。店內非常整齊清潔，冷氣又充足。載眼鏡的店員很有禮貌，又有善，十分敬業樂業的態度。值得一讚，睇完餐牌，十分多日式食物種類，最後叫咗個蒲燒鰻魚飯，賣相好靓，好新鲜，鰻魚好好味，份量又夠，焦糖鵝肝火炙，好大塊鹅肝，非常好食。炸軟殼蟹手卷好爽脆，好入味。炸蝦天婦羅似係即炸的，口感一流，又夠熱。鹽燒雞中翼串也非常好食。珍味拼盤份量好多，非常入味。價錢$48，超抵食。吉列炸蠔也做得非常好味，蠔十分新鮮。汁燒魷魚筒，賣相好靚。海膽鱿魚軍艦和蒜味螺肉軍艦好深刻印象，好好食。最好食是直送鮪鱼四點盛，非常新鮮，口感一流。埋單每人约300，簡直物有所值，下次必定再光顧。