83
3
3
港鐵朗屏站 B1 出口, 步行約10分鐘
繼續閱讀
營業時間
星期一至日
12:00 - 22:00
以上資料只供參考, 請與餐廳確認詳情
食家推介
已經係第n次嚟食啦，實在太好味，終於忍唔住要為佢寫篇食評！哩度嘅刺身新鮮，壽司同燒物製作認真，一啲都唔馬虎，性價比非常高！聽講佢地壽司師傅係喺日本學師返嚟，喺食物嘅細節餅都充份感受到壽司師傅對食物嘅執著❤️👍🏻首先，依度嘅壽司飯採用咗赤醋飯，飯嘅濕度適中，唔會太散易夾，甜酸度都適中，可以提高壽司上嘅刺身嘅鮮味，非常開胃！我最鍾意嘅就係佢地嘅汁漬壽司，特別鍾情佢地嘅日本紋甲魷魚壽司，因為我係非常鍾意食魷魚嘅😋佢地嘅汁漬有非常開胃嘅柚子味，令壽司食落倍感清新！我一向偏愛食火灸壽司嘅！佢地嘅火灸都做得恰到好處，唔會有燶味，火喉同火灸時間拿練得好好！我好鍾意食佢地嘅灸燒日本左口魚邊壽司，左口魚邊入口即溶！今次仲試咗灸燒焦糖鵝肝壽司，一直想試但怕腥，但係有驚喜喎！好甜，幾特別，雖然食到最後都會食到少少腥，但都推介👍🏻小食方面，大愛佢地嘅芝麻雞翼，好香口，即叫即整，次次送到嚟都真係熱到辣嘴。今次去食仲試埋佢地時令嘅北海道珍寶帶子，美味しい。帶子除咗好鮮甜，仲有淡淡嘅海水味，咩sauce都唔洗加呀；而解凍嘅時間同溫度都拿練得好好，入口唔會勁凍亦無殘餘嘅薄冰，直頭幻想到自己食緊啱啱喺海邊執起嘅帶子咁呀，口感豐富！另外，今次終於試埋佢地嘅蟹膏牡丹蝦刺身！評價同北海道珍寶帶子刺身一樣，好味道呀！而且仲試咗分別嚟自加拿大同日本根室嘅時令海膽壽司加拿大海膽壽司，我個人覺得都腥咖，唔推介，不過朋友唔覺～仲有，哩度有suntory draft beer，喺元朗比較少見。聽講哩間餐廳喺疫情嘅影響下，即將結業，稍作休息。希望壽司師傅快啲休息完，期待他日捲土重來！今次無幫所有食物影寫真，其他相片可參考我嘅相簿，佢地仲有好多嘢食好正！
繼續閱讀
芒果海龍卷🥭🦐清新嘅炸蝦卷〰️令人一舊接一舊咁好快食晒〰️珍寶帶子，油甘魚腩，池魚王🍣呢三個都係必嗌之選〰️尤其係珍寶帶子〰️好厚肉〰️炙燒左口魚，海膽，紋甲魷魚🍣炙燒左口魚又係必嗌〰️鍾意左口魚嘅一定一定要叫👌🏻入口好香〰️香葱拖羅蓉手卷🍣其實我係鍾意食小卷〰️但係冇咗小卷🥲然後呢個手卷係我睇錯咗以為係小卷之後嗌咗🤣不過都好食的👌🏻牛舌心串，味增燒豚腩串好食香口〰️不過又唔係好似真係串燒舖嘅質素〰️唐揚炸雞🍗普普通通👌🏻
繼續閱讀
今日嘢食唔錯 散叫咗啲壽司 仲有個炸雞軟骨 少少串燒 全部都唔錯幾好食熱辣辣 個茶壺好得意 放落去影得幾靚 不過間舖頭啲細 人多嘅話都等幾耐 好彩嗰時七點幾去 唔使等位 如果路過都可以一試嘅
繼續閱讀
第2次回頭光顧，餐廳環境舒適 座位唔逼佈置有日式居酒屋既感覺 播既日本音樂亦非常欣賞食物有誠意 食左大約十樣食物 每樣既味道都好有水準 而且價錢非常合理店員服務好好亦有禮貌總括來講，係非常有誠意既高質小店👍🏻食物，環境，服務都好好! 下次再來元朗一定會再光顧
繼續閱讀
本來想開開心心食餐好西， 一入餐廳， 環境唔掂， 好似茶餐廳咁， 跟住有個黑口黑面四眼佬帶入座， 之前見到Openrice食評， 有個梯級擺設嘅壽司set， 原來已經冇做好耐， 真係好失望， 最後叫咗個普通嘅壽司set連冷麵， 其實真係冇乜選擇， 另外加咗兩串串燒， 豬腩同雞皮， 本來都好期待， 點知， 兩串串燒激咸， 好似食鹽咁， 而盤壽司嘅質素真係極普通， 衰過好多壽司連鎖店， 一個lunch咁就食咗$200幾， 但真心覺得超唔值咁嘅價錢。 我好少上嚟打食評， 但真係唔想有人再中伏， 所以一定要寫呢一篇！！！
繼續閱讀