貓之茶房 (已搬遷) 新店位置

朋友生日決定去貓貓Cafe 興祝...價錢是首一小時90元, 隨後再按小時收費, 食物不包括在內。貓貓一開始都很怕陌生人..直至朋友教小祕訣: 貓喜歡聲音(紙袋,膠袋等發出聲音)因為當天其中一份小禮物是小結他...正好乎合貓貓喜歡...cafe 食物種類不算多..我點的是芒果沙冰配燒芝士招牌熱狗..比起cafe 飯麵和小食...熱狗是最好味!但大概過了40分鐘...我身體出現了狀況...眼睛變又紅又痕....隨後我洗手多次...滴上眼藥水...提早離開cafe...翌天上網查看原來是眼睛對貓毛過敏..改帶眼鏡幾天就痊癒了..

今天同朋友路過，恰巧是吃下午茶時間，而更巧合是看到貓味Café的宣傳展架， 朋友同我也不曾去過，好奇心驅使下我們上二樓一探究竟～來到門前，有貓貓的Welcome圖案挺可愛的～ 一進門, 即有店員介紹收費，一小時$60包飲品一杯。看到多隻不同品種的可愛貓咪，我們決定光顧。地方比想像中清潔企理，沿途有很多貓咪，隻隻性格不同，基本上每兩枱便有一隻貓咪搭枱，我們找了一隻喜歡的一齊坐～我點了熱伯爵茶，當店員奉上時，膠杯墊也是貓咪造型, Kawaii ne～ 暖暖的，但茶香味偏淡，水準一般，沒有沉穩高雅的感覺。朋友點的熱蘋果茉莉茶，蘋果味香甜帶微酸，散發淡淡的茉莉香味，味道比我那杯普通茶包沖熱水味美得多～ 由於花了大部分時間與貓咪拍照玩耍，在最後5分鐘才把茶盡快喝完，時間有點不夠用呢～ 如果目的是品嚐下午茶的味道一定很失望， 一杯平凡不過的飲品$60很不划算，但對於屋企不能養貓，又不能隨便去寵物店同貓咪玩耍的我們，收費是十分合理的，因為店員確實花了很多時間清潔，花了很多心思照顧牠們，所以整體是物有所值的呢～

同朋友食完拉麵，行過附近見到有貓貓cafe招牌，我同朋友都好鐘意貓貓，不過屋企冇得比我地養貓，想玩貓就要去貓cafe。我地見都幾得閒，於是上黎玩下。一入到門口已經見到鞋櫃有幾隻貓貓~呢度收費60蚊一個鐘一位，包一種茶~有點樣同貓貓相處既教學~呢度有可以同貓貓玩既道具，免費借用。最鐘意同呢隻貓玩，夠好玩~佈置都係以貓為主~大部份時間都係同貓貓玩，所以冇叫到蛋糕食，只飲左茶~我呢個黑櫻桃綠茶還可以，都有櫻桃香氣，但就冇酸味，味道淡淡的。朋友既蘋果茶就冇乜味，有D似飲熱水。雖然呢度D茶真係好一般，不過大家都係志在黎同貓貓玩，唔係黎飲茶食野，所以都可以接受。

早3-4日已經打左上去book位，點之上到去店員愛理不理，好辛苦咁搵到店員話book左位，點之竟然無位俾我地！嬲到爆炸。平時唔寫食評今次都要俾個負評佢😡另外環境都麻麻，好大陣味，等店員過黎時個堆鞋都有陣味.....不過老實講d貓算幾靚既，但服務堅差！

我同男朋友都好鍾意貓貓，但無奈屋企人唔比養😭男朋友住荃灣，係行天橋經過都會見到對面既貓之茶房，所以我地總會去茶房同啲貓貓玩下咁🐹😍一開頭職員會問你清唔清楚收費個啲，咁$60一位一個鐘，$20一包零食可揀濕糧或乾糧，有需要既人可以問佢拎即棄拖鞋著，入去同貓貓玩前記得搽酒精洗手液啊去到可以隨便揀位，除非假日book左位就會fix左，可以免費係menu揀一啲set左既飲品，或者加錢飲一啲special啲既都得，同貓貓玩可以主動問staff拎貓玩具咁貓貓們就會痴住你架喇🐹🐹當然零食係更吸引😂提提: 唔可以自備零食喔貓貓們都好可愛好乾淨唔惡架，我都見有唔少家長帶小朋友黎都有唔少情侶好似我同我男朋友咁拍拖節目亦有唔少三五知己黎同貓貓玩Highly recommended

下班後，突然間想起在荃灣有間貓之Cafe，於是走去看看。再看看收費，首小時為六十個大洋，之後第二小時為三十小時。當推門而進，已見有兩隻貓咪在櫃檯，可是卻要先脫鞋，才可進入。室內環境不似餐廳，而是像家一樣，內裡有不同品種的貓咪，當見到牠們時，當然第一時間逗牠們玩一陣，親親貓咪，牠們確實是挺可愛的。過了一會肚子餓起，於是看看牆壁上的餐牌，便點了一個套餐來醫肚。餐牌上的食物是另外付費費的，由二十八個大洋起，有沙律小食和午餐選擇，還有意粉長通粉選擇。香濃肉汁雞柳飯是今天什餐主食，當中肉碎味道濃郁，可以與飯混和一起吃，雞件只有幾件，但頗有咬口，沾上濃汁，食味不錯，而青瓜都幾爽口的。凍咖啡味逆較淡，沒有喝開的那麼香濃，淡淡的咖啡，沒有驚喜。雖然只是簡簡單單的午餐，卻又可以與貓咪共聚一刻，不亦樂乎。

作為貓奴，小弟都去過好幾間人氣較盛既貓貓 cafe，而貓の茶房我會話係又經濟又容易同到貓貓玩既地方。環境寬敞，有十幾隻貓，食品飲品選擇都多，價錢又實惠。平時貓 cafe 一係入場費 3 位數字，一係食物收得貴，貓の茶房風儉由人，淨坐唔食唔飲都得，而且我當日 1:30pm 去 (Sat)，首一小時 ＄60, 其後好似 $30, 相當抵去。香桃杏桃白茶味道清香，茶香有淡淡既桃味，岩晒剛剛食完油膩野既我。另外都試左杯凍朱古力，雖然朱古力味唔算出眾，但比起好多其他 cafe 已經係大贏家。除左野食，貓貓當然係一個大大大重點，平時既貓貓 cafe 好多時因為貓貓數目唔多，有時去到全場都訓晒覺，坐係度真係有 d 不知所措。貓の茶房最大既優勢係貓貓多，縱然有一部份訓緊覺或者冇 mood 應酬你，仍然有部份貓貓出黎充撐場面。貓貓性格有貪玩、文靜、貪吃、好奇心重、包羅萬有，歲數年齡層都廣，相信要揾到一隻同你有緣既貓貓都唔難。最正係佢地都好識做，有時訓係你隔離陪下你食野都開心死，下面俾大家睇下我有幸俾邊幾隻貓貓寵幸。貓の茶房有一個揭示版會顯示一 d 待領養貓貓既資料，有心人不妨去消閒既同時睇下幫唔幫到呢

我去過好多貓CAFE，依間地方闊落，最重要係佢夠多貓!!!!$60蚊一個鐘包一杯野飲，非常平囉，我之前去觀塘果間野飲要額外收錢。我點左一杯玫瑰石榴紅茶(熱)，你問我好唔好飲? 我覺得普普通通啦~~佢唔係俾茶包架喎((係好事))我男朋友點左凍柑桔，係你出面街都買到既包裝啦~~佢有16隻貓~~~~係16隻呀~~~~~~~((尖叫))而且更重要係，佢有2隻異短1隻波斯!!!!!!我係非常喜歡異短同波斯~~我影左好多相同VIDEO，不過有我個樣所以唔貼啦~~~貼下貓俾你望下所有貓都肯俾人摸~~不過有D貓訓左覺就唔好騷擾佢地啦~~影下相算啦~~原來有得用廿蚊買貓零食架........有個令妹係甘用零食引哂D貓走..........=__=##

前往Lucy Coffee n Food途中，於大河道近天橋位，看見貓の茶房。貓痴的小姐，十分雀躍。奈何，小店要下午一時三十分才營業。既然喜歡，吃罷午飯，就衝著貓の茶房而來。小小的門口，內裏卻別有洞天，堪稱一個貓天貓地也﹗在門口，遇見一班十多人的嘩鬼小孩，由老師帶隊前來玩貓。未見貓，已興奮莫名，七嘴八舌地吵個不停。唉，不得不為自己喊句「倒楣」，更為一大群懶洋洋的貓兒在嘆息。大門打開，店員講解收費詳情 - 首小時$60/位，包飲品或花茶，第二個小時起每小時$30。接著，大家按店員吩咐消毒雙手，並細閱注意事項。入去前，也要除去鞋子。沒有穿襪子的，要購買一次性拖鞋。貓の茶房呈長方形的，面積頗大，兩側設有供貓兒攀爬耍樂的遊戲設施區，也有出售貓的用品和紀念品，更提供流浪貓咪收養服務。據說，店內的貓大多數是流浪貓，入口處有一小冊子有詳細介紹。店內裝潢簡潔，牆上繪有貓兒的圖案。為方便大家逗玩貓兒，小店設有矮枱，地下則鋪有咕𠱸讓客人盤膝而坐，還提供各款逗貓咪用具，如逗貓棒、老鼠等。那一大班嘩鬼，明明坐在另一側，卻如火星襲地球般，肆無忌憚地入侵其他區域。一見有貓，蜂擁而上，不是夾硬抱走熟睡了的貓咪，就是

第一次去貓主題餐廳，地方好乾淨，而且要求到訪人仕不准喧嘩，確實顧慮小貓感受! 我地叫左個雞肉便當，個燒汁味濃同啲雞好夾，可惜不夠熱，再加熱會更好，飯也太軟，可能汁太多。另外仲叫左個玫瑰花茶，茶味算香，加上蜜糖，呢個天氣飲吓潤喉都唔錯。但食物同飲品選擇不太多，只當同小貓共聚，輕鬆一下。

身為愛貓之人，平常我會四處探訪不同地區的小貓，這次來到荃灣的貓之茶房感覺與其他貓ＣＡＦＥ不一樣，因為這裡注重貓食物重要，這裡的貓大多都是流浪貓，而且還一直有收留新的貓咪，還會登告示給有心人領養。這裡小食看似選擇都算多，但這裡只提供一些輕便的食物，便當方面也是外帶飯盒型，但勝在價錢絕對是良心價，平常大大話話都成７、８０蚊一個飯，在這裡只需要一半價錢。這裡入場費是包茶水一杯，我選擇了花茶，比較能放鬆身心。熟食也沒什麼驚喜，只是基本的便當，那怕是便當，味道都算不錯，鰻魚便當不仿一試，魚肉軟腍濃郁，這下可以好好填飽肚子了～記得不要謁貓咪吃到人類的食物喔，始終不是專家，很難分辨哪些是有害的喔！有些生品糕點，這檸檬撻是其一。炸物方面我試了炸蝦和炸帶子，炸得焦脆甘香，不會乾爭爭。

約左一班愛貓朋友黎貓の茶房探貓星人，黎到最主要既目的當然就是貓！地方好易搵，地鐵一出行落天橋，遠看就見到大大既招牌～一進場店員就會吩咐大家消毒雙手及細閱注意事項，依個貓星人地方首小時$60，第二個小時起則每小時$30地方環境十分寬大，有幾張貓貓既設施及座柗，而且周圍都有好多貓星人呢～冇咩特色既裝修，主要都係貓既設施同用品門口仲有逗貓棒，不過貓貓們性格各不同，有啲中意玩有啲唔理我～有張好大既比卡超沙發，睇落軟綿綿坐落一定好舒服xd有個貓貓產品專櫃，文具至家品都有，好適合愛貓人士選購～茶房當然不少得主打既茶喇～而且都有其他飯類或小食，玩貓之餘又食到野，價錢都唔會貴最欣賞係有領養版！有愛心既愛貓之人就可以領養，唔洗晒錢幫襯寵物店，每隻貓貓都值得大家愛呢～好多貓聚集一齊搶食呀xd店內可以買貓們最中意既雞肉腸，只要手上一有此物，貓們即刻圍攻你！哈哈有好多唔同品種既貓星人，每隻既名都係本名冊入面，有啲好懶有啲好活潑，見到佢地，心都被治癒喇～雞串，香香既燒汁味，但雞串食落已經凍左，肉質都較普通，冇咩口感，但仍可接受燒雞扒飯，飯量實在有夠多，雞扒有燒汁味，但唔夠配飯，食物普普通通，但周圍有貓貓玩，環境

除左小狗，可愛既貓貓也是人類的好朋友！不過香港地寸金呎土唔係個個都可以養小動物～閒時想同貓貓玩下，消磨下時間？！Rossana 就有個好地方介紹就是位於荃灣既貓之茶房貓之茶房位置都算幾就腳，而且地方都幾大一入門口，要先脫鞋和用上消毒洗手液為了保障貓貓的健康嘛貓之茶房有埋梳子和逗貓棒提供給大家跟貓貓玩樂！除左玩貓，貓之茶房也是一個三五好友聚埋tea一tea既好地方因為都有幾多小食飯類選擇，價錢仲好商宜！貓貓們實在太吸引，都忘了講下點收費添haha貓之茶房是段鐘收費，首小時$60,每人包一杯野杯Rossana 就㨂左有機養顏綠茶，因為無限加水架！單叫一杯都只係$13 ,你話係咪抵先坐喺大加菲上同朋友吹下水或者睇下書都幾休閒寫意貓之茶房每一隻貓貓都有名架~唔知邊隻打邊隻?唔緊要,有本相簿介紹架~嘩~好多唔同品種既貓貓呀~~最欣賞既係設有領養版!!!香港好多浪浪其實都好可憐架~希望大家唔好助長D無良Breeder,支持領養給貓貓一個溫暖的家睇下貓貓訓得幾梳乎想增加貓咪對你既吸引咩?!可以買貓零食~睇下!!!即刻幾受歡迎直情跟到實曬~玩左一會都有些餓...見到都有幾多cake選擇價錢都只係$15

YIN其實由細到大 都好意貓貓 可惜家早已養了三隻狗狗 怕養了貓貓後不能狗狗相處 所以冇養貓貓了有次放工後妹妹帶我去 位於荃灣 貓之茶房想而知是有得玩貓有得食的茶房 心情當然興奮呢想不到入貓之茶房 就要除鞋及用酒精搓手液消毒雙手 可令地方更乾淨 自然貓貓生長會少D病痛店內環境舒服敞寬簡潔 沒腳坐椅於地面 好有日本feel感覺 嘩~! 好多貓貓在我眼前 心情開心 心心眼 當然那註場有貪食 貪玩 貪訓的貓 不是隻隻貓都是高傲 非常親近大家 不仿撩貓貓玩呢 每隻貓非常得意可愛這裡有貓精品賣可向店買貓零食 餵餵佢地 貓貓一定願意親迎你 玩玩下我地肚皮開始古古聲點了果乳酪特飲 不太濃郁,有點兒淡芒果汁炭燒鰻魚飯 送紙包飲品塗上燒汁燒鰻魚 口感甜甜帶點香濃 飯味香 是暖暖的 味道不錯另點小食有蟹籽沙律卜卜脆蟹籽爽脆青瓜絲 好味道 最適合在炎炎夏日中消消暑食雞肉串燒 帶甜甜地味道 似日式醬 雞肉好滑 味道OK吉炸帶子金黃色的帶子 酥脆外皮 口感也不錯當然最後有點CAKE 曲奇芝士蛋糕淡淡的芝士味 口感偏些少硬但蛋糕底有一層曲奇 令整個蛋糕更好味 這貓想揄食呢 

身為貓奴的我一直都很想來到貓之茶房朝聖，地點就在荃灣地鐵附近很方便，特別一提的是貓之茶房是一定要脫鞋及消毒雙手才能內進，以免帶了細菌給貓貓，這點很抵讚。貓之茶房地方很大很開揚，貓咪能夠隨意走動及哂太陽。亦要小心自己帶來的大袋，貓咪是很喜歡走進袋內休息。設有領養區及小貓治療區，以免客人騷擾需要休息的貓咪。當中更有大大張的比卡超梳化，我跟朋友坐著也不太想動。茶房收費是每人$60 (首1小時, 包一杯飲品), 之後就$30/每小時。小喵就點了白桃乳酪特飲，$17一大杯真的很便宜，帶一點白桃糖漿的香味，及乳酸的微酸，這個不錯。當中食物主要是以日式外帶小吃、便當冷麵等，我就點了冷麵壽司便當，$36大大份，有3件壽司及 4 件小卷，半盒冷麵，另外還有中華沙津，飽肚有餘亦很新鮮，十分抵食。另外還有甜點，我就點了Opera 蛋糕，朱古力味很香濃，質感幼滑，不過蛋糕地因為雪得比較耐，帶一點硬，吃了半件已經很膩了。吃過晚飯後，大約留了2小時，貓喵也開始累了在睡，我們也知趣地離開。