次次同幾個朋友去gathering，都會揀韓國餐廳，因為份量多可以一齊share，
呢間hoo韓國包車就係其中一個朋友帶我地黎食。餐廳裝潢充滿韓國街頭風情，牆上掛滿鮮豔招牌同海報。出餐地方以街頭餐車造型設計，令人好似行左入韓國街頭小巷之中。食韓國菜不少得前菜，有泡菜同芽菜。街頭魚糕串串(M)，魚糕口感清新幼滑，啖啖豐富口感，比起魚蛋係更濃郁既魚肉風味，而且M Siza份量好多，好岩一齊share配上微辣醬汁，更加惹味。傳說中的部隊鍋(M)，湯底濃郁香辣，有腸仔、午餐肉、泡菜、大蔥，另外配一個韓式拉麵。
推薦大家要加年糕，腸仔、午餐肉放左入部隊鍋之後好食好多咁，令人胃口大開！薯仔煎餅，煎餅外酥內軟，餡料充足，食到香口嘅薯仔味。飲品叫左菠蘿梳打同柚子梳打，清新果味與梳打水結合，爽！

難得同朋友聚舊，比佢發辦食乜好，佢話不如食omakasa，
事關佢係發燒友黎，一個月試一間新野，猶疑左陣，
算喇，我都好耐冇食，就捨荷包陪君子喇！經佢推薦黎到銅鑼灣，佢話呢間想食好耐我問佢點解成日食omakase
佢話「每次食日式野，可以望住廚師精心處理食材，都覺得成件事好賞心悅目」
或者omakase之所以咁多人中意，大家享受食材既同時，享受埋服務，依家係香港的確賣少見少佢話每間omakase既style都好唔同，同一款食材但經唔同師傅做出黎，成件事成個味道都會有好大差別，
成晚就聽佢講左好多佢對omakase既心得睇法，同時我都不忘影低啲野食！難得食次好野當然要影吧XD
好記得第一道係帆立貝，第一下食落去覺得好驚豔，肉質好似一絲絲咁好分明，咬落去爽到呢，係未接觸過既口感！之後到壽司，逐件逐件上，貝類比較多，而且啲貝類真係特別爽口，魚類亦冇乜腥味，
而我就比較中意蝦類壽司，有件小白蝦同半生熟赤蝦都唔錯，爽口鮮甜，其他都有中上水準。驚喜在後頭，我未試過食海膽係甜到笑，
今次佢做到了，同以前食過既馬糞海膽比，果啲真係不值一提，唔影包裝是不行的！個玉子燒好似蛋糕仔咁，做到外脆內軟，軟係鬆軟果種軟。
最後仲有甜品同個湯，整體黎講今餐好滿足，師傅手勢好，壽司岩食，有驚喜位，環境乾淨企理，仲有個朋友幫我做omakase解說專員XD

黎到尖沙咀搵野食，想食台式野就搵左呢間唔錯評分既試下~牆身有推薦食法，可以參考下~
呢間係QR Code落單，好方便～麻辣鴨血豆腐，蜂巢豆腐吸晒湯汁精華，鴨血又滑又多汁，口感過癮！
涼拌麻辣牛腱頭，粒粒有嚼勁，麻辣味夠晒香辣，好有辣勁！滷肉燙青菜，生菜熱辣辣，保持咗生菜嘅脆口同鮮，淋上滷肉汁一齊食，有少少偏油，唔太食得慣~三寶牛肉麵加滷蛋，嗌左佢地既招牌麵！配料有齊牛腱、牛筋和牛肋條，肉質口感偏淋身，紅燒湯夠入味，三款配材各有特色，最中意係牛腱～店舖推介食法，加牛骨髓入湯，令湯底更加還原台灣地道口味，加完之後湯底會香濃，同有少少辣～手打牛筋丸麵，中意食瀨尿牛丸一定要試！因為佢啲牛筋丸真係有勁多汁，而且又濃又入味，好有驚喜！
一碗有成7粒，食起上黎好滿足，又唔怕分比人，而麵質呢碗揀左粗麵，係比較烏冬更煙韌既口感。溏心蛋，溏心好入味，好推薦加～檸檬冬瓜茶，一般冬瓜茶我都幾中意，加左檸檬之後，冇咁甜清新左，仲更加good!

happy friday當然係周圍搵下好野食，最近就去左荃灣呢間日式餐廳，
佢地主打食日式卷物，因為好少食呢類型就去試下～圖文並茂，望到都流晒口水，而且佢地既卷物啲名都好有特色！ 龍捲風沙律，有多款新鮮蔬菜、中華沙律同蟹柳，夠晒鮮味，加上脆片豐富口感，沙律醬酸酸甜甜更帶辣，似用左辛明太子，辣辣地刺激味蕾夠惹味，份量好多好滿足！ 蜘蛛，造型以一塊大沙律菜扮蜘蛛身，再用醬汁扮成蜘蛛腳。
餡料有炸軟殼蟹配青瓜、牛油果同蟹柳，帶嚟絕妙嘅飽滿口感。軟殼蟹香脆可口，配合新鮮嘅蔬菜同牛油果，真係令人味蕾大開！ 火山，最具特色嘅卷物，因為佢係著住火咁上菜，打卡度滿分！
上層以新鮮帶子同蟹柳組合，而飯卷就用左青瓜、牛油果等，明火燒到啲蟹柳微焦，食落勁香口，口感好豐富！
看似一大舊飯，但其實係6件卷物合併而成。帶子鮮甜，加上其他食材嘅搭配令味道更加層次分明。日式章魚小丸子，睇圖好吸引所以叫多左碟小丸子，外脆內軟，不過粉漿多左啲，同章魚較細粒，性價比不高。

放假黎荔枝角行街，順便搵左靚靚餐廳食下野先~睇相見入面係歐陸宮廷風格調，仲有窗透自然光，好岩同女仔FD一齊入黎傾計打卡~南瓜明太子忌廉湯，濃稠惹味，口感順滑。菠菜忌廉汁脆煙腩意大利飯，脆煙腩夠酥脆，同意大利飯好夾。每啖都感受到脆煙腩既香脆同菠菜忌廉汁既滑順。菠菜既清香與濃郁忌廉融合，豐富口感層次。香煎北海道帶子龍蝦汁扁意粉，帶子香氣四溢又鮮甜，配上濃郁龍蝦汁，每啖都充滿海洋風味。
扁意粉彈牙口感與龍蝦汁滑順口感完美融合，令人忍唔住一啖接一啖。Mixedberry smoothie，口感清爽，莓果沙冰酸酸甜甜又開胃！Avocado smoothie，牛油果口感較膩，飲落去飽足感好強！

聖誕前夕，去左太子附近同fd周圍行，
去左間cafe坐下食lunch，食完整體味道大家都覺得幾滿意，值得一去。 honey yuzu with lemon，好大壺蜂蜜柚子茶，香香甜甜，冬天好岩飲～瑪莎拉牛肉連烤餅，有3件大大份炸餅，每件餡料都好足，外脆內嫩，牛肉經過瑪莎拉醃製後更加入味，咀嚼時肉汁四溢，而且香口帶辣夠惹味！ 孜然烤羊架，香氣撲鼻，咬一口啖鮮嫩多汁，孜然風味同羊肉鮮美完美融合，令人胃口大開。就算唔食開羊既都可以一試！
搭配上自家製薯蓉，口感綿密順滑，增添菜餚的豐富層次感。咖啡菇和沙律菜的清爽口感，令人吃得津津有味。 黎到甜品時間，我們揀左招牌tiramisu同伯爵茶千層蛋糕。
tiramisu，每一層都融合左咖啡和香醇的芝士，口感濕潤細膩，感受到一股濃郁的咖啡香氣。伯爵茶千層蛋糕，展現出伯爵茶香氣同淡淡既奶油味，層層疊疊既酥皮與奶油之間搭配，好滋味。
朋友叫既Flat white，呢個聖誕樹拉花真係加晒分，勁有feel！

最近有啲掛住家鄉，就去食一食家鄉菜回憶下舊時嘅時光，
老家就係黎自上海，成日經過但都未有入去食過，今次就一於試下！ 涼拌四拼，四拼包括花雕醉雞、雞絲粉皮、麻油海蜇、鎮江餚肉，前菜黎講好豐富！
花雕雞入口嫩滑，帶酒味甘苦，雞絲粉皮麻醬調配岩岩好，海蜇蜇清爽爽脆，鎮江肉咸香夠味，食落個份量都唔少，聚會必點！ 西蘭花炒蝦球(客)，西蘭花爽脆，蝦球鮮嫩彈牙，口感豐富，而且大大份，但調味小鹹。 鮮肉小籠包，雖然抵食，但不幸地5個有4個都穿左，而且皮身較厚，比較之下較一般。 回鍋肉炒年糕，充滿香料與香辣惹味衝擊，年糕Q彈，配上香口回鍋肉，同爽口菜底，配飯一流！江南菜係香港賣少見少，所以一定要支持下！套餐配嘅豆漿，豆味香，而且甜度適中！

朋友介紹之下，黎左呢間巴西餐廳happy friday，印象中真係冇乜點食過巴西菜
最覺得新奇係，佢係bbq buffet形式送餐，有個salad corner可以任拎任食，
店員會輪住拎「mains」出嚟每枱詢問要唔要，而「mains」就係今次主角，有多款肉類享用，包你食到飽住出去！食一食餐包先，不倒翁形狀好cute，外皮較硬，食落係芝士味～ 沙律bar非常多選擇，有巴馬火腿、青口、鴨胸、吞拿魚漬、芝士等等
而沙律都有幾款，食落去新鮮，開左個靚胃，要留番個肚食多啲肉肉！印象最深刻係佢個洋蔥飯，第一次覺得原來就咁食白飯都咁好食
個白飯好有味，洋蔥味好香，而鴨胸同吞拿魚漬都好好食，食完會想再拎多轉無限任拎水果，有菠蘿、蜜瓜、西瓜，藍莓，菠蘿香甜，拎左好多次haha
我仲拎埋蜜瓜配巴馬火腿食，咸香+清甜，絕配！到「mains」出場，起碼有齊牛扒、牛肉腩、豬肋骨、雞翼、羊架等等
啲肉一輪輪咁出，出得好快，真係食得最多肉係今餐
我覺得最出色係豬肋骨，燒得岩岩好，肉質食落去又脆又香口！雞翼同雞腿肉都有，扒類充滿肉汁，juice又惹味！仲有大蝦，香烤過後，口感勁爽勁彈牙，肉質飽滿，啖啖肉！ Chocolate Lava Cake ，呢個心太軟不得了，甜度溫度岩岩好，配好雪糕口感一暖一熱令層次昇華左，真係好正！椰味香濃，配上lemonade飲落又有幾分酸甜，好滿足～

咁耐冇食好西，當然要搵間有格調嘅餐廳chill一chill～
今晚黎到海港城嘅Harbourside Grill食野，佢最正係可以一邊望住維港一邊嘆美食。 入到黎都個人都放鬆晒，餐廳晚飯時段都幾多人，週末黎建議book位menu中英對照，非常友善一軟一硬嘅麵包，牛油好香口，令我開左個靚胃，準備享宴！法國紛迪加No.2 生蠔(六隻) 配紅蔥及覆盆子醋汁，呢款生蠔清新鮮甜，海水味唔會好重，配上紅蔥同覆盆子醋汁，酸酸嘅醋味同生蠔嘅鮮甜完美匹配，有別於檸檬加茄汁！味道清新淡雅，食完想再嚟多盤！醃大西洋三文魚配醃紅蔥及西洋菜，魚肉輕軟滑嫩，經醃制過嘅三文魚鮮咸感重，再配埋醃紅蔥同西洋菜，帶絲絲清脆口感，有平衡嘅感覺。雅枝竹配烤榛子及巴馬芝士意大利飯，枝竹煮得爽脆香口，同意大利飯一齊食好夾，飯中入咗榛子粒同芝士，芝士濃郁配上香脆榛子，細滑中帶脆脆口感，好好味！美國頂級牛柳配鴨肝、奶油菠菜及松露醬，今晚最精彩就係呢道菜，牛肉肥瘦適中，5分熟火候掌握得好，咬落去嫩滑多汁。
配上肥美鴨肝，又香又濃郁，再加上松露醬真係啖啖過癮，而奶油菠菜食落香嫩，中和返油膩感，成個感覺恰到好處～食住main，店員就比左份甜品menu我地揀焦糖檸檬撻配檸檬雪葩，脆脆焦糖配上酸酸甜生嘅檸檬撻，食嘅時候配埋檸檬雪葩，中和檸檬撻嘅偏酸感。望住夜景食飯咁chill，配返杯美酒不失為一個好選擇，
但我地更喜歡原始果汁，嗌左鮮榨菠蘿汁同橙汁，cheers!

秋天又到啦！又想去旅行賞紅葉，但原來香港都有個地方可以睇到！
同朋友黎左呢間紅葉茶屋食飯，有紅葉景再配埋日式美食，彷彿去左日本咁，大家果晚都坐得好舒服！除左普通卡位，呢間仲有tatami座位設計，雙腳唔需要跪坐咁辛苦，超貼心！
呢到出面仲有得賞埋紅葉添，好chill~ 主食未到，先嗌左前菜枝豆，同兩款小食包括溏沁蛋、日式餃子，整體味道都不錯！火炙．刺身三文魚茶漬飯，鮮美滋味，火炙三文魚帶香脆口感，鮮嫩多汁，再加啲魚籽同WASABI，味道同茶漬飯完美結合。而刺身色澤誘人，魚肉鮮甜，入口即化。芝士雞肉蕃茄忌廉烏冬，色彩鮮豔，滋味豐富，每啖都充滿滿足感。奶香芝士融合鮮嫩雞肉，與蕃茄忌廉烏冬完美搭配。
烏冬彈牙，湯汁濃郁，芝士的香濃滋味與蕃茄酸甜交織，令人陶醉。鎌倉紅葉茶屋抹茶提拉米蘇，香濃滑順，抹茶嘅味道濃烈，苦甜交織。外形好精緻，滑嫩嘅抹茶粉蓋住鬆軟嘅提拉米蘇，融合美味，層次感十足。鎌倉紅葉茶屋特製軟雪糕芭菲，揀左期間限定嘅蜜瓜雪糕，口感滑順香甜，果味香濃。芭菲色彩繽紛勁豐富，每一啖都充滿驚喜，仲有紅豆蓉、銅鑼燒、抹茶忌廉、抹茶凍等配料。配上黑糖醬，與抹茶異常地夾，令人置身甜蜜夢幻之中。套餐加少少錢就可以升級飲品，嗌左忌廉抹茶同柚子茶，忌廉抹茶外形勁吸引，雲朵般嘅忌廉泡沬，甘甜滋味，而柚子荼剛正常發揮～