唔知大家鍾意唔鐘意搭叮叮🚋？ 有時放假搭鍾意電車慢慢行駛 唔使急嘅感覺 總站落車後就去「夏雪summer ice」食個brunch🍽️ 幾鐘意鋪面裝修用深藍色為主調再配上芥末黃色嘅椅子！ 顏色配搭令到成間cafe有格調！📸 除咗裝修上，餐廳既主打手工咖啡都有花心思！ 每個星期佢哋都會提供-6-7種唔同嘅咖啡豆⋯ 希望客人每日嚟都飲到唔同口味嘅咖啡⋯ 呢份心思已經好值得一讚🫶🏻 擔心翻譯得差，食物名稱直接用英文⬇️ ☕️ Hand Drip(selected) ☕️ Honey Jasmine Latte 🧇 Cream Cheese Salad Waffles + Beef Bourguignon + Kimchi Rice Cake with Pork Belly 🍮 Devil Choco 揀咗帶有酒味嘅手工咖啡，有Baileys的味道， 口感香濃而且幾特別，啱晒轉涼嘅天氣！而茉莉latte相對咖啡味無咁濃同茉莉茶嘅茶味互相配合，蜜糖嘅甜味令人覺得飲得好舒服❤️ 店內主打食物就窩夫！雖然窩夫外表睇落好厚身！ 即叫即製所以做到外脆內軟嘅感覺！ 而且好重蛋香味！查滿淡芝士味道更加提升！ 鹹食用原味窩夫配唔同嘅唔同嘅配料喺上面！ 紅酒煮牛肉煮得好腍！紅酒醬汁同窩夫都好夾！ 泡菜豬肉用左腩肉去煮！口感豐富！辣辣地幾好味！ 甜品揀咗邪惡版心太軟😈😈😈 心太軟切開後流心程度我俾🈵分！ 朱古力漿流晒係朱古力味窩夫上，雙重滋味！ 香蕉表面燒上一層焦糖脆面！再配上雲呢拿雪糕！ 好食到光碟添！咁邪惡得唔得唔咖！🤭🤭🤭🤭

幾個女仔決定去人氣火鍋店打邊爐！ 店內裝修以華麗復古風！擺滿80年代既常見既傢俬！ 人力車⋯舊式留聲機⋯到處都係打卡位📸📸📸 檯與檯之間好闊落特別適合細聲講大聲笑嘅多人聚會😂 至於食物水準呢🥢 🥘黑蒜豬骨窩 🥘香江拼 🥘黃金鬼五馬六 🥘即炸響鈴卷 🥘蜂巢豆腐 🥗花花綠綠 🍹琥珀誘惑 🍹桃花緣 ❤️香江拼實物真係好靚! 幾乎每張枱都點！ 由唔同部位既牛肉拼成！餐廳好貼心有介紹煮既時間！ 牛白肉原來只需3秒！超重牛既油脂香味！必點！ ❤️ 黃金鬼五馬六 油炸鬼內釀入蝦膠，外皮裹滿咸蛋黃！ 店員提醒要襯熱食！好正！咸蛋黃味幾濃！ ❤️ 即炸響鈴卷 即叫即炸而且炸到好脆酥！放入鍋中浸泡3秒！好好食🤤 ❤️ 桃花緣 上面粒煙燻泡泡好夢幻！桃味嘅乳酸梳打配埋桃味嘅啫喱！唔會太甜，都好清新！ 唯一唔滿意部份座位內冷氣凍到唔合理！ 入座後1-2分鐘已經要求換其他檯⋯ 店員指其他檯都有預訂而未能換檯⋯ ⚠️⚠️呢方面有待改善⚠️⚠️ 臨走前記得去七彩繽紛既波波燈度打卡😉📸

吸貓時臉部被毛茸茸的貓皮包住，感受貓咪既溫暖， 同時腦內會分泌幸福荷爾蒙令人感到放鬆舒壓。 所以我放假帶埋小朋友一齊去URBAN吸貓! 進入餐廳前先要帶上鞋套，再等職員指示先可以進場。 餐廳地方都好大，分🐱🐱貓貓區/不會接觸貓貓區 在場大概有15隻貓貓當值! D貓貓唔太怕陌生人 有D甚至會主動坐係檯面/客人既身上！🥰🥰 食物方面都好多小朋友鐘意既小食類⋯ 我地簡左夏威夷Pizza 同朱古力心太軟⋯ 一轉眼小朋友已經急不及待食曬D野😱😱😱 因為重頭戲係客人食完野就可以買貓糧餵貓咪！ 可以選擇濕糧或者乾糧（每日限量！） 當罐罐一出現⋯全場貓貓都集結係我檯面！📸📸 雖然我有外表睇落少少驚！其實心裡極度驚荒！ 但其實貓貓都好守規矩！🤭🤭🤭 玩完岩岩好2小時！心靈上再一次充滿電🔋🔋🔋 ❤️小貼士：可以預先到寵物店買件小玩具！ 貓咪們會更加開心！

最近搬屋嘅問題搞到心情好差🫠 特登買VVIP飛睇場棟篤笑希望自己快樂D！ 入場前同朋友去咗呢間新開嘅台式飲品店打個卡📸📸 揀咗兩杯人氣飲品⬇️ 🧋芋頭芋圓鮮奶（微冰半糖） 為佢係OpenRice 平反一下！濃郁嘅鮮奶味配上足料既芋泥同Q彈芋圓 ！我覺得好好飲啵！ 🧋鐵觀音latte(走冰半糖, +$5咖啡凍） 飲得出有茶味！加埋咖啡凍，更提升口感！店內全部果凍都係自家手工制！值得一讚！ 除此之外，店舖嘅裝修亦都好值得一讚! 用寶藍色配白色為主色! 營造出度假風嘅感覺🏞️ 店內有少量嘅座位可以俾客人坐低飲杯嘢! 🤫尖沙咀店經OpenRice 落單指定飲品9折呀！ 生活可能暫時很苦！為自己打打氣啦❤️

情人節當日社交平台出現咗好多好靚嘅餐廳打卡照🏞️
已收藏！而其中一間就上環新開嘅 Juno !

Juno 同人氣西班牙餐廳Chueca係姊妹餐廳
餐廳外牆以橄欖綠色配上歐式嘅落地玻璃！
室內米色嘅燈光下營造出愜意嘅氛圍感 ，適合情侶約會/節日慶祝/打卡拍照📸📸📸


我參考左OpenRice既食評之後，選擇咗2人份Tasting Menu($490@)

🥗伊比利亞火腿配義大利麵包
🥗Burrata奶酪
🥗炭烤法式醬茄子
🥗炸西班牙鹹鱈魚餅及西班牙甜椒
🍜西班牙海鮮砂鍋短麵（需另加$80）
🍰Tiramisu
🍰塔丁蛋糕
🍹Pink Love & Passion Fruit Mojito


❤️我比較鍾意芝士同鱈魚餅呢兩款前菜
Burrata芝士配新鮮蕃茄羅勒！清爽開胃！
炸鱈魚餅香脆可口！鱈魚鮮味配柚子沙律醬！不錯！

❤️主菜西班牙海鮮短麵「 超 級 好 食 」
西班牙紅蝦肉質彈牙，濃濃嘅海鮮湯煮出黎既麵，香氣十足！令人會一啖接一啖咁食曬！

❤️甜品Tiramisu 係餐廳既招牌菜之一
幼滑既cream cheese 內酒味同咖啡濃度適中，作為飯後甜品最適合不過。

塔丁蛋糕外表唔算突出，蘋果肉經過烘焗蘋果味變得更濃更香甜，配雲呢拿雪糕 ，果然係經典既甜品。


平日星期五晚上餐廳近乎爆滿。
記得預早預訂🈵🈵🈵
—————————————————
Juno
📍上環永樂街88號地舖

無意間發北角匯一田超市新開左間雞蛋仔鋪！ 店內除咗有傳統雞蛋仔， 仲有一盒盒新鮮雞蛋🥚🥚嘅造型既爆漿雞蛋仔。 我揀咗最人氣嘅朱古力味既雞蛋仔 因為即叫即做關係，大概需要等5分鐘🕞 雞糕仔熱辣辣超鬆軟，用手搣開真係爆漿啵📸 貪心試埋另一款打卡able既香蕉燒！卡哇伊❤️ 蛋糕本身帶香蕉味配上甜甜既吉士醬！都好好食！ 但兩者比較 我自己比較鐘意雞蛋仔！ 偷食完畢！我返上Office 做野先啦🤫🤫🤫 開店限時優惠🍌 香蕉燒只需$2️⃣0️⃣ 優惠期去到2月29日 ——————————————————— TAMAGOGO
📍北角渣華道123號北角匯二期B1樓一田超市內NP-B-104號舖

韓國大熱既無人拉麵店香港終於有啦! 即刻跟Oppa學煮返個麵先! 去咗收銀枱揀自己想要嘅麵同配料 韓式拉麵選擇有成16款咁多！ 湯麵或拌麵？辣或者唔辣？辣嘅程度亦都有簡。 配菜選擇就暫時真係唔算多，蔥係免費嘅🆓 去到煮麵區，可以同時容納六個人同一齊煮麵 煮麵機旁邊有中英文指示教部機點樣用 而且有職員幫手，所以唔洗擔心唔識用 至於味道呢⋯⋯同辛辣麵差唔多！🤭🤭 添加芝士有令到個湯嘅味道豐富左！ 餐廳環境好乾淨舒適！適合同朋友小聚/宵夜！ 食完麵記得去門口位置影張相打個卡！📸📸

放假特別想食啲唔健康嘅嘢！放縱日！ 簡左美國好出名既漢堡飽店，譽為紐約最好食既漢堡! 今日食咩呢？ Shack burger 🍔🍔 薯條🍟 Lemonade 🥤 餐廳無提供任何套餐 單點食物就可以 薯條份量多 足夠2個人share 食 味道方面 呢間漢堡又真好好味 麵飽屬於軟熟果種！餐包果種！ 牛肉漢堡不得了！超juice！ 蔬菜又可以好多款簡而且非常新鮮！ 完全食的出佢漢堡既高品質 薯條係鋸齒形果種 熱辣辣！ 每條都炸得酥脆可口！ 餐廳景觀係一大亮點：180 度無敵海景！ 靚到值得坐到窗旁打卡的程度 望坐咁靚既海景食飯更加提升左成餐飯既質素。

大概每個打工仔難免遇到工作上的委屈⋯⋯ 最好復原的方法就是找朋友吐吐苦水🥲🥲 剛到店內店員主動送上冰水及前菜⋯ 我第一時間要求上酒（我需要酒!!🤭） 等上酒嘅期間可以欣賞下居酒屋嘅裝修⋯ 整幅牆身陳列各種日本酒！影相打卡不錯！📸 天花亦掛滿油清酒樽做既燈飾！ 今晚點嘅食物有點多， 所以用♥️去表達我嘅喜愛啦！ ♥️雞皮串 ♥️雞肝 ♥️燒雞尾 ♥️厚燒牛舌 ♥️豬肉芫荽卷 ♥️雞皮餃子 ♥️炸芝士條 ♥️酒盜芝士 ♥️燒白飯魚乾 比較鍾意雞肉類串燒，油脂豐富，燒得又啱啱好！ 當然, 芝士同魚乾依然係最好酒肴小食。 介紹下今晚的清酒: 🍶菊の笥 肉の魅惑 (精米50% 酒精度3%) 米味甜味適中, 如果酒量不是太好可以揀菊の笥 。 🍶仙窗 無垢 生原酒 (精米50% 酒精度未有提供) 酒的酸味較菊の笥重一點, 有開胃作用 🍶菊姫 鶴乃里生（精米65% 酒精度16%） 今天最新限定酒，味道上有特別風味, 易入口. 老闆解釋釀酒方法不同。 🍶士田 (精米90% 酒精度16%)♥️ 四款清酒比較鐘意米味比較重嘅士田，配串燒炸物都好夾，酒精濃度比較高。 提提大家二月份逢星期一有清酒7折優惠! 星期四仲有Sake Flight! 😆😆 嗝～吃飽結帳回家好好休息！ 明天再努力！

餐廳喺網上評語其實普普通通⋯ 不過我都好想支持大埔小店！ 星期六中午冇得預約！ 大概等咗15分鐘就有位！ 兩個人繁忙時間需要同其他人拼檯⋯ 枱面嘅空間略為細咗少少 今次食咗咩呢 柴魚鹹骨花生粥 蜜汁叉燒腸 上湯金魚餃 珍珠鹹水角 冇睇錯！全部點心都好好味 柴魚粥配油炸鬼長輩超鍾意！ 肉眼已經睇得出用料豐富！ 而我自己就鍾意珍珠鹹水角！ 初初擔心雀仔造型會唔會好睇唔好食？ 熱辣辣超新鮮！完全意想不到咁出色！ 腸粉金魚餃一樣咁出色皮薄餡靚！ 最後埋單亦都唔貴！ 撇除個座位偏細之外！餐廳點心水準真係高！ 已經約好咗屋企人幾時再嚟食！