譚仔雲南米線

營業中

休息中

朋友，今次我試咗譚仔米線喇，唔得嘅，呢個味道真係令我忍唔住要同大家分享下！🍲 我哋點咗個腩肉米線，清清地十小辣，食落湯底有種滋味密密地，腩肉嘅鮮香和恰到好處嘅肥瘦比例，啖啖肉食落嚼勁十足。🥩 然後係雞肉米線，雞肉偏向嫩滑，配上夠勁嘅湯底，汤汁撈埋麵度，啖啖麵都充滿咗雞肉、蔬菜嘅美妙交織。🍜當然，少不了咁經典嘅皮蛋一試。皮蛋上頭滿佈芫茜，食一口嬌嫩嘅流心，簡直係皮蛋界嘅奇跡！加埋少少麻油、辣椒，真係啱啱好，融合腩肉或者雞肉米線，每一啖都令人味蕾大舞。✨呢個體驗真係正宗街味，一啲都唔攞氣，純粹就係好味！同埋掂嘅係，店員服務周到，禮貌又親切，食得開心食得滿足，下次再黎一定會繼續試過，希望你哋都有機會去感受下譚仔嘅地道風味！👍🏼

The very popular Tamjai Yunnan Mixian. A huge chain of noodle restaurants found throughout the city has never had tea sets. Where many restaurants in Hong Kong offer tea sets or a discount during tea time, this place never did such a thing. Until now! The tea sets now all come with a drink and there are a variety of options. Menu for the tea sets are in Chinese only. There is no English and no 10% service charge  but there are photos of all the food so it's fairly easy to figure out. The only pr

雞肉鮮淮山黑蒜清雞湯米線 $43 ❌唔推笑死 以為俾錯第二碗我🤭我已經盡量幫佢還原幅圖🤣不過樣算啦 好味就得 但係！都係唔好食😉准山竟然係爽 我以為係粉！雞扒普通雪藏嗰d 個湯都重蒜味 但無乜雞湯味食完一次唔想再食 唔會encore !今日食lunch 見到新野又想試點知就瀨嘢😉沖擊👀 啱啱食完忍唔住即刻po可能係因為外賣 個樣先唔好啦唯一一樣嘅話就係嗰兩粒黑蒜！真係有🤭有5件甩皮雞到～4塊爽嘅淮山🥕總之就唔會再食thx～食完仲好頸渴

今日又來到我最愛嘅譚仔啦！老規矩都係要食指定嘅麻辣中辣米線走韭菜，配上墨魚春卷，另外加配長蟹柳同埋烤豬柳（$10）今次仲試咗佢哋嘅新產品，紅油Omi新豬肉芹菜餃子，一份餃子（$19）一共有四隻，配上紅油辣辣地幾好味，反而我唔係好食到有芹菜嘅味，反而我唔係好食到有芹菜嘅味，另外又有兩杯新產品，其中一杯係熱情果青瓜特飲，我就揀咗楊枝蜜桃茶特飲，用咗OO HA白桃🍑烏龍茶汽水，唔會好甜甜度適中，加上柚子肉更加有咬口，配上辣米線，簡直係絕配。

今日係附近上完堂 就搵下有咩野食 天氣有啲凍 原本想去隔離茶餐廳食個鐵板餐 點知冇晒牛 所以我想食啲熱辣辣嘅見到譚仔係左緊 就想靠冬天整碗辣辣地嘅米線叫咗雞絲脆肉鯇米線 泡椒湯底中辣 仲要出兩個小菜皮蛋皮蛋 隻隻都有蛋黃部分 好厚好滑好食😂🤣係咪我太耐冇食皮蛋😂細土匪 水準正常 熱辣辣 第一次食呢個湯底 叫咗中辣但係都唔算太辣 酸酸地～ 開胃🤣 脆肉鯇都唔錯 有4/5 塊 幾好食～ 唔知係咪太耐冇食譚仔 係幾好食😂 中間要咗包$3紙巾 姐姐話係捐去慈善機構 呢部分都好好～

實在係用咗好多時間都諗唔到晏晝食乜好，見咁耐冇食譚仔，就求其食碗譚仔算😛😛見佢哋而家新出咗好多小食，雞腳筋比較特別，但自己一個人，唔敢冒險叫嚟食，驚中伏😅😅另外有個炸醬撈米線，出面成日落雨濕濕，公司同商場冷氣又大，我驚又唔凍又唔熱嘅炸醬撈米會想嘔，所以穩陣起見，我都係叫返碗普通熱辣辣米線算。新出芫荽皮蛋魚湯米線，見到隔離枱都叫咗兩碗，但由於今日麻麻哋想食魚，同埋都幾懷念佢哋嘅辣湯，芫荽湯過幾日再試。叫咗牛肉竹笙酸辣，小米。$44喺銅鑼灣食個晏晝，價錢都算係平。碗湯唔算好多，最後比我飲晒咁滯。牛肉份量比較少，而且好硬….. 加上竹笙又冇乜味道，所以強烈建議大家至少要揀三種餸，如果唔係就好似我咁，成碗面好寡，去到最後就不停係咁食米線米線米線。譚仔有得儲印花，但比較麻煩，要用佢哋個Apps，仲要消費夠$60先至儲得🤷🏻‍♂️🤷🏻‍♂️

雖然好多時出街都大魚大肉，但有時出街都想食清少少健康啲～聽營業師講，食譚仔其實都可以健康啲㗎喎(˶ ̇ ̵ ̇˶ )今日放工，想快快脆食餐便飯就返屋企，所以就去咗登龍街嘅譚仔食米線喇～根據營養師推薦，我揀咗清湯少米走邪惡嘅腐皮、蛋白質豐富嘅雞肉同脆肉朊，另加一碟充滿纖維嘅生菜至於病咗未好返晒嘅男朋友，就咁揀咗個牛丸米，佢唔想食粥就唯有咁食啦不過佢後尾覺得胃口比想像中好就想加餸，但發現全部都唔太啱食，啱食啲小食全部都係好油膩同辣，病緊就唔好食呢啲喇(；▽；)所以後尾佢再去time square買個包食😹整體正正常常冇咩特別，對於病人或on diet嘅人係一個相對好嘅選擇.最後特別要讚嘅係個到嘅姐姐好有禮貌，食過咁多間譚仔，呢間真係最好禮貌㗎(˶ˊᵕˋ˵)不過如果環境可以冇咁殘舊更好

好耐冇食譚仔，今日特登同女朋友過去食。 我哋叫腩肉米線10小辣, 雞肉米線十小辣， 同埋一碟皮蛋。 首先我想講個湯底方面， 其實雞肉米線係會鮮甜啲， 至於腩肉嗰個湯底雖然都係十小辣， 但係會比較鹹味重啲， 冇咁鮮甜。 雞肉比較碎， 有少少難夾。 但係呢度嘅 姨姨嬸嬸侍應非常之有禮貌同埋好人， 服務都好周到。 最後不得不提嗰個皮蛋， 有芫茜響上面， 加埋隻皮蛋本身係流心， 一擺落口個蛋黃係即刻流動即刻溶化， 真係食極都唔會厭， 在不少少皮蛋嘅芫茜同埋辣椒油落去自己碗湯麵到嘅話， 更加會生色不少。

最近天氣轉涼, 間唔時仲會落雨, 凍上加凍呀! 所以今日出街食飯都要揀間食熱野既地方。係我腦海入面即刻彈出既餐廳就係譚仔啦! 哈哈!!!😂😂🤣呢間譚仔係位於永光中心既地庫, lunch hour既時間都幾多人。不過好彩餐廳面積算大, 所以去到唔洗等位, 直接入去坐就OK。樓面既員工唔多, 只有3個人幫手。你以為佢地會忙到甩碌? 又唔會喎, 佢地唔會急急腳咁做野, 所有野都好似放慢左咁。但佢地仍然都幾留意店面情況, 當你叫佢地既時候, 佢地會即刻同你有眼神交流, 然後過黎。呢個速度令人覺得幾舒服。炸醬酸菜米線 (10小辣) ($41)大大碗, 熱辣辣上枱, 裡面放左好多酸菜, 正呀! 而炸醬係另上的。我平時食清湯的, 但因為冬天黎啦, 所以叫左10小辣, 令自己暖D, 同埋希望令自己慢慢食得辣D。另外呢間譚仔既酸菜好大舊好爽口, 而且夠酸! 而炸醬就甜甜地, 可以慢慢中和番D辣味。

過橋米線套餐 $57通常兩個人食譚仔有兩種玩法 一係一人一碗米線 二係一碗過橋加小食 是晚就玩左後者所謂過橋米線套餐係指咩餸都有...幾乎 今次數一數 原來係17/22樣餸 有興趣朋友自己找不同咁多餸就唔逐樣講 分享下自己通常叫雞肉 又多又平幾抵玩 炸醬都鍾意 細碟另上 魚蛋幾彈牙 幾好食既腐皮本身已經少少地跟米線上 而最鍾意既就係竹笙 譚仔之中既高檔餸 識食緊係知餸都係其次 湯底先係譚仔精髓 好似我都算食得下辣 要左麻辣小 順序係九級辣中既第四級 雖然覺得自己食辣能力退步左 不過真係辣得幾過癮 呢額外一蚊既湯底唔慳得順帶一提 +$10配清熱飲品 兩款之中叫左杯凍青蘋果檸蜜配龜苓水晶 冰多左啲 不過都幾好飲 又唔會甜 又有粒粒咬下 好過一罐肥仔汽水湖南土匪雞翼 (大) $34次次都叫既譚仔小食次次叫 差別只在於要大定要細 因為夜晚食 又一碗米線兩個分 所以食得落份大土匪粒粒焦既雞翼面唔少得 留意唔好一上檯就大飛禽大咬 雞翼內裡係好熱 一係擺下 一係慢慢咬開邊抖涼 佢呢份熱辣辣黎咁多次都無變過 值得一讚唔食得辣既都可以唔使叫土匪 雖然佢份辣唔係辣汁或者麻辣果陣 多少係佢既熱度放大左 雞翼

譚仔係永遠都唔會令人失望既！依日lunch，發現好耐都無食過譚仔啦～好懷念譚仔既小辣因為之前成日都同男朋友泥食過橋，今日就自己叫一碗，發現份量好多！下次要叫小米先得我就叫左雞肉同埋豆卜！豆卜成日都會索哂d湯底入去！十分之好食！如果大家係味試過既都不妨可以下次依譚仔既時候叫下！

食咗咁耐譚仔，今日決定為佢寫返篇食評。到月尾想慳錢又諗唔到食咩，梗係去食譚仔。響譚仔就算亂咁嗌晒所有小食，都唔會貴，所以我同朋友兩個人就嗌左雞翼，蒜泥白肉，皮蛋，青瓜，再加兩碗面。成個放題咁，好瘋狂！可惜嘅係，而家嘅譚仔冇豬膶供應，唔知幾時先有得再食番。不過，銅鑼灣呢間分店有個缺點，佢位置於地庫，訊號收得好差，大家要有心理準備。

天氣轉凍 人就變得好懶唸吾到食乜 但又好想食暖粒粒既野所以即刻唸起食譚仔米線足料 味道亦非常好味 仲可以落單前 叫姐姐 三林三林即係將米線 再再再林d~~~咬口就更加滋味😛😛Tips :::下載譚仔app 仲有印花拿 印花通常都係換野食 或現金卷 😉

重慶三小辣，竹苼雞肉鐘意佢既湯底唔會得個辣字，又有麻既感覺，唔會食到流哂汗咁狼狽，竹苼吸收哂麻辣湯雞肉唔知幾時由胸肉轉左做雞脾肉？仲叫左麻辣豬耳，雖然望落成碟紅油，但其實唔太辣，配埋芫茜，爽口又醒胃 譚仔係銅鑼灣平食既好選擇，不過拎位一定要襯早，否則就大排長龍。

有邊個香港人無食過譚仔，間間都同一個配方同一個煮法同一樣食材同樣係講唔正廣東話既呀姐，有乜好寫？我成日話食野除左色，香，味，個環境氣氛都好重要！我推薦呢間鋪除左係呢間開左無耐，裝修乾淨之外，仲有係佢既服務！可能佢位處於銅鑼灣最多粉麵店既登龍街，入面唔算多人無爆場，唔洗等位。我地兩個人入去，無乜所謂諗住見位就坐，點知呀姐好好咁話廁所位好多人出入唔好坐，坐呢邊啦。跟住拎左筷子黎，咁岩牆邊卡位有人走，又問我地不如我執埋張枱你地去卡位呀？好傾計d！嘩，個一下呀姐個種細心貼心就好似仙女下凡一樣咁charm，所以絕對值得表揚表揚！至於食物方面，正如我文章開首所講，間間都一樣，呢間都keep到Tam's Express既水準，無令人失望！