今日黎到旺角行街 一向鐘意打邊爐既我 最鐘意都係會黎一鍋堂打邊爐 一人一鍋都有 主要係半自助放題型式 .咁正，會有邊個吾鐘意呀 一鍋堂時不時就會更新 一d 期間限定火鍋湯底 仲有好多精心推介湯底 我最鐘意就係呢款養生藥膳湯 以杞子、當歸、紅棗、圓肉、姜片等多種養生中藥材料熬煮成濃郁湯底，再加入其他滋味食材和配料，益氣補血，健脾暖胃 好岩依家d天氣呀 C餐 ： 會有高級澳洲和牛 雪花❄️咁靚和牛 係呢度有得隨意叫 加上藥膳湯底配襯牛肉更鮮甜 . 手切牛脊肉 呢款牛肉都好食 手切蒲度啱啱好 入口即溶 就咁夾起食 已經有香濃牛肉味 菜都有不同選擇 會按照每季有咩當做菜 黎做打邊爐配料 吾使講 佢地手打肉丸 非常新鮮又爽口 每次都會食到 舔舔脷 飲品 火鍋配料 全自助 其他都係用手機掃描QR code 幾分鐘就會有 非常快捷 又方便 仲有多左時間慢慢食

我屋企人好喜歡一鍋堂 原因夠道地 有時屋企人想打邊爐都要唸今日食乜好 鐘意一鍋堂係因為有不同選擇 可以選擇火鍋餐 由一人至多人 素食者都岩食 湯底有16款任由自己喜歡去配搭 有午市晚市之分 今次帶屋企人黎食 100分鐘午市火鍋放題 B餐：特選安格斯牛 鴛鴦火鍋湯底 一邊潮汕湯 、一邊蕃茄湯 湯底有料又夠濃縮 香濃豬骨湯底 料十足又極之鮮甜 餓餓地水滾即刻落炸魚片 同埋響寧 好快捷就食得 炸魚片本來都清脆香口 係水滾再食 更加多份口感 牛肉係美國安格斯牛肉。牛肉片蒲大塊 水滾一陣又好快食得 ， 停留口腔內牛肉鮮嫩又滑 牛肉味重 牛肉較有咬口 ， 食極不停 每份青菜🥬都會係雪櫃存起 保存又好 又新鮮 按每一人份糧 食幾多取幾多 非常有idea 又不會浪費食物 整體環境又舒服 乾淨 有空間感 不會太勞煩接待員 食得自由 又很開心 🥳！

放假同屋企人去銅鑼灣行街 順便飲個下午茶 利舞臺5 樓就有一間酒樓 好方便 ！ 屋企人吾習慣食出面d 野 飲茶🫖就最鐘意 酒樓外觀非常高貴又豪華 下午茶價錢來講亦都不太貴 👍🏻比一般酒樓好吃 叉燒骨 平時都係食叉燒多 今次部長介紹叉燒骨好靚 於是叫咗一碟試吓 又真係好香口 食到不停口 海皇炆鴛鴦米 賣相望落不算吸引 ， 但食落鑊氣好夠 d 米粉又好幼 吾會炒到碎曬 呢個真係好考師傅功夫 XO醬蘿蔔糕 一舊舊蘿蔔糕 香味俱全 外脆內暖 配合XO醬非常惹咪 布拉米香腸 拉腸嫩滑 沈上芝麻十分滋味 晶瑩蝦餃皇 晶瑩剔透的皮 配上鮮蝦 口感啖啖蝦肉 黑金流沙包 好似皮蛋外觀 賣相吸引 打卡一流 熱辣辣流沙小心熱 係呢度飲茶好舒服 服務又好 飲茶前會拿一個大煲出來 俾客人洗碗筷 ， 安全又放心

朋友介紹我嚟呢間銅鑼灣嘅燒海鮮餐廳，佢話好正，今日又係附近做完嘢，於是上咗去試吓。 上到餐廳門口見到已經好有feel，好似去咗日本咁，餐牌有唔同嘅組合套餐，我揀咗漁獲浜燒盛合同刺身盛合五款 主角到之前先點咗個前菜食住先： 特製黑松露炙燒平目魚邊沙律 牛油果配合特製醬汁同黑松露味道好夾😋，平目魚肉質嫩滑，食落去入口即溶。 刺身盛合五款 裏面有牡丹蝦/生吞拿魚/油甘魚/ 三文魚/馬冀海膽😍 每款刺身份量都好厚身又新鮮，望見都已經流晒口水😋 漁獲浜燒盛合 主角出場，賣相極新鮮，燒之前仲會俾你影相打卡😋更貼心嘅係店員每次遞上海鮮嘅時候都會介紹你點配合之前已預先安排好嘅醬油，令到味道更好味 燒好嘅鮑魚賣相已經好吸引，爽口又彈牙。 燒蠔好大隻肥美，口感滑溜仲好有鮮味。 松菜蟹腳，肉質鮮嫩唔使點醬汁只食佢嘅鮮味。 仲有用牛油燒出嚟嘅帆立貝，香氣撲鼻，入口仲彈牙鮮甜 食完上面嘅海鮮基本上都已經好滿足，不過我仲叫左款甜品蘋果雪葩，味道有蘋果酸酸甜甜，入口又清涼，夏天消暑一流😍

私房菜往往給人印象是菜式獨特，廚師👨‍🍳需要有精巧的廚藝，才能有較好的口碑。早前朋友就推介我去一間位於觀塘工業中心「榮哥廚房私房菜」晚膳🥣。那裏私穩度高，每枱之間都有屏風遮擋，而且地方整潔，非常適合與朋友聊天小聚😌 因為預先訂座關係，所以一入座，食店以特意幫我們安排好食物，首先來前菜開開胃，墊墊胃，有：甜酸齋、黑木耳，再來當然期是期待好耐的頭盤來啦！ 本地水耕沙律菜伴芝麻醬，還有雙色墨魚仔，茶燻流心蛋伴黑魚子醬配厚切茄子🍆 這個頭盤擺設已相當吸引，菜式精細，而且味道相當特別，例如雙色墨魚，看似平平無奇，但它的醬汁散發出清香的芫荽味，甜甜地味道難以形容，但十分配合😋 茄子肉頗厚潤，炸得香噴噴又夠軟😋 原盅燉哈密瓜豚肉湯及燉川貝陳皮海底椰鱷魚肉，兩款湯材料十足，清甜無比，自己在家燉也未能夠這麼足料👍 蝦球水芙蓉，每人一份，起初怕吃得太多蛋會不易消化，幸好廚師採用蛋白蒸，所以入口即化，口感滑嫩、清淡。 黑松露醬炒花尾躉班球配鮮露筍，班球大大件，露筍炒得清綠爽口😋 韓泡汁煮牛面肉配雙色蘿蔔，牛肉質感淋。 士多啤梨🍓黑豚肉排骨，配合米通一同吃，簡直絕配。 米王有機時令鮮蔬，煮得柔軟，綠油油。 他鄉炒米絲，米粉如絲般幼細，炒得香口 最後還有黑芝麻湯圓糖水，吃完讓人感到甜蜜幸福👍

今日放假同屋企人去咗沙田行街，順便去埋～大喜屋大食一餐先😋😋！ 呢間日式放題之前都食過好多次，因為地方大坐位多，食物選擇都亦多，今日一行四👨‍👩‍👧‍👦人一坐低，就立即點選了一盤刺身，三文魚、螺片、虎蝦、北寄貝．．等等，每樣種類都有，亦非常新鮮！ 🦞龍蝦沙律拌櫻花蝦多士(龍蝦鮮甜，多士脆口，加埋櫻花蝦既鹹香味，配搭一流)、🍣海膽山(一啖一口超方便）和黑松露吞拿魚帶子(配搭亦很有創意)！ QR 落單，食物種類亦好多，天婦羅、燒溫室菠蘿、炸物、香草牛油煮大蜆和魚類等等．．比目魚就最好味👍🏻沾一點沙律醬已經好惹味！ 而自助區就有清酒、甜品、沙律、小食、熱盤等等．．另外飲品櫃亦特別提供冷熱飲品，想自己沖製亦有👏👏！ 四個人埋單都係八百幾蚊，超抵食😊😊！

疫情終於放寬，可以四人一檯😊即刻去約朋友食餐飽先👏👏！ 今次決定去尖沙咀呢間《二鍋頭》可以2小時任飲任食，除咗有雞煲選擇外，重可以選豬手煲或者鴨煲添👍🏻！ 我哋點咗個小辣雞煲，辣度剛剛好，超多芫荽，一放低已經香氣撲鼻👍🏻，雞件沾滿醬汁，🐔多肉又滑，因為經過炒一炒，所以雞件特別入味又惹味😋😋😋。 食完雞煲再打邊爐🔥，湯底有多款選擇，見到呢個(泰皇冬陰功鍋)咁特別，所以就點來試試！湯底濃度未至於可以直接飲用，但拿來打邊爐，食材的確沾滿濃燶的香茅味道，不錯！ 點餐紙亦有多款肉類和海鮮選擇，而自助區就有多款食物粉麵、蔬菜類，雪糕、雪條和飲品等等．． 四人埋單都唔駛1仟蚊😅😅，的確CP值高！

之前一家人去過觀塘～極尚大喜屋食過午餐放題，😊最愛他們既多元化美食，炸物、甜點、刺身、中式日式乜都有，最重要係同樣出色👍🏻！所以今日就去埋銅鑼灣分店，再次幫襯先～ 絕無壓迫感😌既空間，自助區位置選擇都比較多，甜品區、冷盤、小食和冷熱飲品等等．．．如果唔想帶住個😷口罩四圍行，重可以電子落單，夠哂方便！ 刺身顏色光澤肥美，每次因應所點的數量而送上，所以能夠保持新鮮有一定的水準，好鮮甜🐟🦐⋯⋯ 最愛吃燒羊𩣑，香草味惹味又香口，燒完肉質都好鮮嫩，完全無蘇味，不錯👍🏻！ 魚類方面～燒、煮、焗既方式都有！西京燒比目魚(肉質外脆內嫰滑) 薑蔥爆鱔球(魚肉炸得脆卜卜) 實有一款啱食😁！ 咁凍既天氣當然要食番個蟹粥🦀，鐵鍋上粥底熱辣辣，煮得好綿之餘，蟹亦好足料又夠鮮味，不錯！

週末下午放工，最適合與同事到觀塘逛街、食嘢，不知道是否大家肚子都十分餓，於是在大家一致同意之下，去我們平日最喜的「極尚大喜屋」吃日式放題。 螺肉刺生，切成片依然很爽口，至於刺身蝦、帶子、北寄背都非常新鮮美味。 蝦🍤、蟹柳及日本番薯🍠，炸得剛剛好，粉漿也不會太多，番薯甜又香，不知不覺地把全碟吃乾。 龍蝦沙律手卷、火炙三文魚腩壽司、火炙柚子胡椒左口魚邊壽司，每件壽司細細件🍣，吃多幾件也不會快飽肚👍 惹味燒雞泡魚乾，剪切成條狀方便吃，入口有像燒魷魚乾香味，另外雞翼也不錯，香脆可口，鹹度適中。 餐廳不論熱葷、甜品、汽水都放於自助區方便食客自取，而選擇也很多，所以同事們大家都捧著肚子離開，相信同様我們下次也會再來光顧😋

最鐘意食海鮮既我, 今次約埋朋友一行四人去呢間位於銅鑼灣既～蟹仙海鮮私房蒸氣石鍋👍🏻👍🏻。 套餐有好多選擇，而我哋就點咗呢個 5.5折之後每位$439既尊貴海鮮套餐😊。 先來個海鮮頭盤～🐟深海海星斑、台灣九孔鮑魚(大隻又彈牙)、🦐越南大虎蝦(肉質夠厚實)、大西洋野生青口(鮮甜有咬口)、韓國慶南珍珠蠔和貝類等等．．． 澳洲花龍蝦，即點即切，一放上檯龍蝦肉仍然在跳動，好新鮮👍🏻！ 罕有大黃奄蟹～ 超多蟹膏，而蟹肉亦好鮮甜👍🏻👍🏻！ 再食埋個有機蔬菜，最後海鮮既精華和水份已經滲入粥底，食埋碗充滿海鮮精華既排骨粥，飽哂😊！