菓之店 (雲疊花園)

營業中

休息中

相信大圍友對呢間糖水店不會陌生，好多人都會去食個宵夜，尤其是一眾單車友。✨司華力腸芝士撈麵（$38）芝士醬好多，夠撈曬成個麵，撈麵既份量都好似唔止一個，算係高CP值。✨榴槤黑糯米（$52）鐘意食榴蓮唔少得叫榴蓮糖水，黑糯米既份量都OK多，食完會有些少飽肚既感覺，榴蓮味道夠重。✨榴蓮鮮奶（$45）比我預期中好飲好多，榴蓮味道重而且鮮奶好滑，兩者夾埋真係好好飲，推薦！✨西瓜汁（$34）夏天解渴一流，西瓜沙冰好涼快，食完油膩嘢，解膩都好。

大圍糖水舖慢慢變得買少見少，呢間距離港鐵站遠少少，變相等位唔需要太耐。餐廳環境同座位舒適，間隔四正。去得糖水舖當然想試D屋企整唔到既甜品。呢間糖水店餐牌冇特別大驚喜，同出面市面大部份差唔多，但食物質素絕對有保證。今次試榴槤窩夫，外型值得打卡。外皮好鬆脆，食落口感一流。窩夫感覺稍甜，但榴槤雪糕味道清新，同窩夫有鮮明對比，味道互相補足，恰到好處。加上少少糖漿，絕對唔會覺得Heavy。餐廳整體感覺7/10，服務態度良好，價錢可以接受。

附近真係冇乜宵夜選擇，之前試咗一次就愛上！個芝士撈麵真係無得頂，加上佢既配料都好好味🤣仲有得加西瓜汁飲！熱辣辣飲真係一流個炸燒賣都好好食除左熟食，糖水都好好味😌試過好多唔同糖水個人最鍾意就係榴連系列啦啖啖果肉 勁足料架而且出餐速度都好快

食過晚飯，好想食個補補身子的糖水，為疲乏的身心加加油，所以去了附近的糖水舖，試一試。滋潤系列多芒系列還有熱氣小食之選，雖然都很吸引，但不是我杯茶😅一早鎖定中式糖水桑寄生蛋茶看它的顏色，和濃濃的香味就知足料夠火喉。難得是，我總覺得它算是較少人選上的款式，但不消五分鐘就到手，帶回家還是有足夠熱度好奇小貓遠遠望著，但嗅到不是它喜愛的龜苓膏/龜苓膏附加的糖水味道，就嫌惡地走開🤣內附的蛋充滿茶色，明顯誠意之作，加上蓮子，和不甜的口味，很合我心意，可以encore~

大圍已經冇乜糖水舖，見佢係OR有幾多好評所以咪嚟試吓，冇諗過糖水都可以整到咁難食。太極，即係合桃糊併芝蔴糊，買相唔錯，食落口完全食唔出呢兩種甜品既味道，冇合桃冇芝蔴香味，只有米糊既味。至於芒果涼粉，芒果切到細細粒尺寸大嘅有0.5x1cm，少少哋，芒果冇芒果味，用花奶做底，咁就承惠39蚊一碗，簡直搶錢。最正常係香蕉船，因為材料全部係買返嚟就咁倒落去完全唔需要任何技術，好難唔好食囉！今次係第一次食，亦都後最後一次食，唔會有下次

最近涼涼地，夜晚晚想搵啲熱㷫㷫又潤嘅糖水食，係屋企附近搵到依間有椰王食嘅糖水舖。🥥🥥🥥阿木（$60）椰王入面有木瓜同桃膠，係女仔養顏之選，桃膠同木瓜都好夠料，最最最重要係唔會好甜，始終係夜晚食，無咁甜罪惡感無咁大。芒果紫米露（$33）芒果紫米露係椰奶底，比起椰王無咩驚喜，正正常常嘅甜品。紫米量都幾多，食完都幾飽。

食飽晚飯後，多數會想食甜品，你會嗎？我喺大圍田心村附近找到呢間甜品店。餐牌上多款甜品，樣樣都想食𠻹😋雪糕奶凍窩夫 (HK$72)．一次過可以滿足食3款甜品呀❤️．不過需時，要等10-15分鐘左右．奶凍，牛奶味濃，彈力十足，可以打到左右搖擺，真係好好玩，抹茶雪糕，有抹茶味，也有比較重的牛奶味，所以口感是好creamy，不太快溶．窩夫，新鮮烤焗，暖笠笠的，脆口但不只是脆，仲有些咬口下次再回訪食其他甜品先🤤

前排經過菓之店由細食到大嘅糖水舖頭食糖水😋叫咗榴連海底椰，上菜時亦有淡淡的榴槤味飄過～食落去淡淡榴槤同西米露加有啲爽爽地又軟軟地嘅海底椰配上榴槤雪糕食完真係好Yummy好滿足啊🥰，仲叫咗榴連鮮奶～都幾好飲！因為我地都係榴槤愛好者😛另外叫咗炸燒賣😂唔使介紹啦，同埋蒜香雞翼尖～肉質淋淋地～不過我食嘢偏鐘意淋～還不錯👍🏻同埋芝士雞翼撈麵😳佢嘅芝士撈麵真好味嘅🤗總括嚟講真係唔錯🥰👍🏻👍🏻👍🏻

食完飯意猶未盡就轉場食下甜品呀揀左屋企附近夠就腳呀由於食飽左只點左一個~抹茶窩夫好耐無食過窩夫呀黎到賣相幾靚窩夫質感尚算合格唔會過干變硬但又未到超級鬆軟可以一試啦伴碟仲有紅豆容就咁食就太甜連埋抹茶雪糕窩夫一齊食又幾夾WOR雖然個雪糕抹茶味唔算好濃但個紅豆平衡番整體個味道合格呀

去順豐寄完野見到隔離有間糖水鋪，見天氣又開始涼就入左呢間菓之店食下中式糖水。揭左陣menu都幾多款揀，有waffle，有刨冰，又有中式熱糖水，今次第一次食就揀左紫薯湯圓。未食之前有d擔心d紫薯唔夠甜，因為一般紫色都無黃薯咁甜，食完第一啖之後就知我過慮了。紫薯好夠甜，煲得又夠淋，份量唔算好多，不過一個人飯後食啱啱好。最中意係佢個湯薑味夠重，本身諗住係普通無乜薑味既糖溝水，食落真係有驚喜，飲完即刻個胃暖晒! 湯圓都幾好食，揀左芝麻味，不過都好似無乜食過邊間湯圓係難食🤣🤣一碗蕃薯湯圓糖水盛惠$37，以呢個區黎講有少少貴，不過見佢好食都無乜所謂，呢間絕對會encore! 下次會試埋佢其他款式😎

😥都係諗住求其食個甜品 冇諗過食到咁嬲😠以為芒果黑糯米實穩陣啦 點知佢啲芒果勁罐頭feel一食就知浸左好耐糖水 又冇芒果既香味最雷係啲黑糯米淋到好似飯團咁痴住左 見到都唔開胃-低處未算低 個桃膠合桃糊一食又係勁甜🤮重要好似一包包現成個啲 開出黎陣味好假好怪桃膠食落又係浸得太耐 口感好怪 兩樣嘢好唔夾-如果佢哋係好平賣我$20 我都算了重點係佢定價都唔平 個合桃糊差唔多成$50但我食咗兩啖真係食唔落 😰寫出嚟係想我中過既伏 希望大家唔好中了🙏🏻好味評分😋：1/5🌟🌟抵食指數🤑：1/5 🌟🌟餐廳環境 🤪： 3.5/5🌟🌟價錢💰： 芒果黑糯米 $33 桃膠合桃糊$47

咁大個人第一次見到咁樣既楊枝甘露，咁既時勢仲可以咁做生意？我真係望你早日汁粒，42蚊一碗楊枝甘露 芒果3舊 西米露我就冇數啦 但都係極少，柚子...我真係連柚子碎都見唔到，係咪覺得送左出去，顧客追究唔到就求其，將心比心，我祝你早日汁粒。

如果夜媽媽係大圍區想食糖水，呢間就算係其中精選之一，唔係有咩好特別賣點，但就好多種類揀之餘又質素唔錯。黃金奶凍（$50)有芒果，芒果爆珠配埋芒果汁，夠曬冰涼，芒果打出黎係甜，個奶凍都好好食，食唔停口呀。抺茶窩夫 ($53)配日本紅豆同埋一球雪糕，味道可以自己選擇既，今次食左佢設定既綠茶雪糕。個紅豆係有驚喜既，有啲焦糖撈埋，好味。窩夫係脆口唔會黎到已經開始淋，而且價錢都唔算貴呀。點指冰冰系列 ($40)自己揀材料既冰，椰果涼粉荔枝冰（花奶底）。無，就係簡單得黎但好食既配搭。

今日約咗朋友在大圍做Facial, 因為booking 時間未到，就在附近找找有沒有小吃或甜品，就在雲疊花園附近看到果之店，有咸甜點，甜品亦有中和西，很適合不同口味的朋友一起來😁店舖裝修優雅，坐位舒適！果之店除了中西甜品，還有小吃如雞翼，脆薯格等....合桃露小丸子，甜度適中！三式冰士多啤梨好甜，配上雲尼拿雪糕剛剛巧😋😋

這間菓之店，是我和男人的放甜宵夜之選。如果有位泊車，便會坐下來吃；如果沒有位泊車，便會買走吃。剛好這天有錶位，晚餐還未吃的我們決定正餐甜品一氣解決。吉列虎蝦 $40炸蝦算大隻又夠香口，內裡口感爽彈。蒜香豬扒配司華力腸芝士撈麵 $48豬扒很香很juicy ，司華力腸皮脆内軟。而這裡的撈麵是印尼撈麵加芝士汁，真心覺得很夾，撈勻後入口有芝士味，整體又不會太鹹，麵也不會煮得太軟太硬。麵食可加$8要一杯西瓜汁，味道香甜清爽，真的很抵。雪糕奶凍窩夫 $68一份有齊雪糕、窩夫、奶凍和水果，很滿足。這裡我窩夫是口感偏香脆的，但也沒有很太燶很乾，而我個人喜歡外脆內軟的。奶凍卻是我最愛，喜歡它一被移動便「震騰騰」，口感很軟滑順喉，奶味香濃又不太甜。芝麻糊湯圓 $38實在不夠飽，便加多個中式糖水，芝麻糊有芝麻香，口感味道正常沒什麼特別，芝麻湯圓口感煙韌軟糯。以區內同時有鹹食甜品來說的話，這裡真的是一個不錯的選擇。