荳子 (新都會廣場)

營業中

休息中

荳子已經食過好多次🤣 由中學食到依家 最鍾意佢地嘅黑松露軟殼蟹意粉🍝 時不時都會想返去食 今次佢地開到來葵芳 木系裝修🪵 望落好舒服 空間感都算大 超適合同朋友或者情侶過來一邊食飯一邊傾計 不過每次經過都要排隊 哩次都唔例外 6:30左右到 等左10分鐘左右 餐廳有90分鐘時限⚠️✿ 卡邦尼黑松露煙肉意大利粉 ✿ [$106]雖然睇落去好似好少 但係整散咗之後原來好多 好Creamy 而且有淡淡的黑松露味 食唔停🤤 而且煙肉同蘑菇份量都好多 每啖意粉都可以食到 排隊係值得嘅🥳 嘢飲有得揀蜂蜜🍯檸檬🍋 黑糖薑母茶 同咖啡☕️ 揀左蜂蜜檸檬 清新🍃✿ 油封鴨腿肉意大利飯 ✿ [$128]今次來終於唔係食軟殼蟹意大利粉🤣 想試下其他嘢 平時去其他餐廳都好少見有油封鴨腿 蘑菇同鴨腿肉好多 啖啖都可以食到肉 鴨腿肉肉質比較有咬口 幾特別 有surprise 面頭仲有塊脆芝士🧀 整碎加埋啲飯一齊食 好正😝 嘢飲揀左黑糖薑母茶 啱曬想養生嘅人 唔會好甜👍🏻✿ 黑松露醬薯條 ✿ [+$28]薯條外脆內軟 份量都好多 黑松露醬好濃郁 超正👍🏻✿ 卷.山政小山園 ✿ [+$28]卷蛋好鬆軟 抹茶cream嘅濃

一直好期待呢間餐廳亦無系OpenRice寫過評價今日真系忍吾住同朋友一齊一人叫左一塊白松露醬烤肉眼扒個味道就好似 一段唔健康嘅愛情一樣冇內涵冇味 少少肉味都無但吾知點解好甜吃到我一頭霧水卡邦尼意粉好食 可以淨係嚟食卡邦尼意粉第一次寫食評因為真係比塊牛打開左新世界

今日同朋友食生日飯，成日係OP見好多人都話Beans的甜品好精緻及食物質素都唔錯，決定下。環境寬敞舒適，座位都算大，整體都好岩三五知己聚餐。我地揀左燒豬仔骨（半份），薯條配羽衣甘藍藜麥新鮮沙律，豬仔骨都幾入味，我本身就幾鍾意BBQ 汁，個味調得好好，都幾好食的，肉質嫩滑，唔會柴身。沙律亦好足料，好多羽衣甘藍，但沙律汁就唔多，覺得唔太夠味。另外，我地仲叫多左個凱撒沙律煙三文魚，餐整得都有啲驚喜，沙律菜好新鮮， 口感夠脆加曬芝士粉落去成個沙律都好有味，有三塊麵包。黑松露醬配薯條又係必食之選～薯條炸得剛剛好，軟硬適中，熱辣辣！甜品以叫左兩款，一款係桔仔造型的，非常可愛，三粒小桔仔，食落相當有驚喜，橙色外層炸得脆卜卜，口感煙韌軟糯，mochi入面係好濃的奶黃餡料。另一款檸檬造型好逼真，真係唔忍心食，味道亦好唔錯，唔會太甜，岩岩好，值得一試。飲品：阿法奇朵咖啡，好得意，咖啡另上，仲有白煙冒出，好有意境，但咖啡量就唔多，勝在玩味性質及打卡一流。GG白桃莓莓，味道好唔錯，幾開胃及清新。整體質素高，打卡亦唔錯，可以再來。

Beans係葵芳開咗新分店，見到都有唔少人排隊，星期六嘅時間排左20分鐘先入到，環境就好大，裝修好有親親大自然嘅感覺🤣❣️豪華英式全日早餐 $132呢個都無咩特別，成碟最推介都係Beans窩夫，鬆鬆軟軟，其他材料就真係一般，食落仲有陣油膩感，相比其他分店就真係遜色好多🥸❣️波士頓龍蝦意大利飯 $168呢個有啲失望，所謂嘅波士頓龍蝦係只有一隻蟹鉗同幾粒嘅蟹肉，其他都用蝦粒代替，意大利飯嘅蕃茄味唔太突出，所以食落會有海鮮嘅腥味😅，上面個塊以為係蛋皮，食落原來係煎過嘅芝士，鹹鹹香香幾惹味🤓❣️加配 黑松露醬薯條 $28呢個十分推介，薯條新鮮炸起，黑松露醬份量都多，美中不足嘅係只有淡淡嘅黑松露味🥸❣️免費餐飲 檸檬蜂蜜叫左一杯凍一杯熱，凍嘅較出色，蜜糖唔太甜，配埋檸檬酸酸甜甜幾好飲😁👅好味度：7.5（10分滿分）其實唔知係咪因為新開嘅原因，感覺比九龍灣分店遜色，定價都算進取，但質素就未保持到，希望遲下可以有改善啦🤪🏦是次消費總額 $360（人均消費 $180） 🍴須加一服務費

以前成日食荃灣個間 汁左之後都冇再去過其他分店食 今次佢係葵芳開 好近好方便 點都要去試 聽講長期都要排隊 但我地好早去食 早上11點已經到左餐廳門口 我地到之前已經有人排梗隊 11點可以準時入座 帶位店員好有禮貌 入座後自己用QR Code落單 好方便 餐牌選擇有好多 有全日早餐 意大利飯 意大利粉 漢堡包 Pizza 小食 甜品 飲品 好多好多選擇 落單後好快會有店員過黎覆單同埋俾返張單我地 一路等食物到 一路有好多客入黎 好快就坐滿左我地叫左一份全日早餐 焦糖香蕉熱烘窩夫全日早餐 可以揀比高包或者窩夫 多數都會揀窩夫 佢地既窩夫比較特別 係出面好少會食到呢種窩夫 全日早餐有炒蛋 煙肉 焦糖香蕉同埋兩個窩夫 跟埋糖漿同埋忌廉 一份簡簡單單嘅全日早餐已經好好味 另外仲叫左手撕豬仔骨漢堡 焦糖洋蔥 太陽蛋配鮮忌廉薯蓉 一上到枱個漢堡好大個 個份量幾大 手撕豬仔骨份量都好多 啖啖都咬到好多肉 啲肉食落甜甜地 幾好味 鮮忌廉薯蓉打到好香好滑 小食叫左個焦糖單骨雞翼 一份四隻有八件 呢個係荃灣第一次食已經好中意食 每一次都係必叫 雞翼整得好香口 好多焦糖 甜甜地 好好味 飲品跟餐叫左杯泡沫鮮

大年初二黎到新都會，又襯Beans二點先開，就黎左食頭一輪，唔洗點等嘛對上一次食Beans已經係荃灣店嘅時候，對Beans嘅印象都係食物唔錯，希望今次葵芳新店無令人失望啦首先係豪華英式早餐，坦白講我覺得價錢都幾貴（$138+$28加配黑松露薯條），而且佢嘅食材又無乜話特別矜貴，質素就正正常常啦，佢個窩夫查cream再加煙三文魚都幾好好食之於薯條就正正常常啦第二樣野食蟹肉牛油果他他呢個我反而幾推介，蟹肉幾鮮甜，加埋牛油果同沙律菜，配搭烘熱左嘅包一齊食，幾清新，好食野飲方面我就叫左凍榛子拿鐵，偏甜同埋估唔到有cream係上面，咖啡味都幾香，建議大方如果想叫可以叫少甜最後，值得一提嘅係，有位員工都好詳盡咁解釋點解個蟹肉他他遲左上黎，其他員工上菜時都有講新年快樂，優質服務態度值得一讚

呢杯signature 特濃朱古力真係不得了唔甜 似食緊甜品😋手撕豬仔骨漢堡焦糖洋蔥 太陽蛋 沙律 忌廉薯蓉甜甜地手撕豬肉加漢堡唔食牛嘅朋友就啱食啦白汁忌廉原隻扇貝闊條麵呢個餐廳新出嘅味道尚可 扇貝BB比較細粒每張枱分隔比較遠 私隱度高 我坐嘅位置仲有田園feel門口仲有香芬消毒酒精搓手味道都唔錯可以試吓

蟹膏甲羅燒黃金蟹肉意大利粉上枱時 全隻甲羅燒上 蟹肉又夠 🤩滿滿嘅蟹膏可以撈落意大利粉度 食到停唔到口食到最後都仲有少少蟹膏同蟹肉剩低所以食到後面有少少膩巴馬火腿火箭菜薄餅算係厚底pizza上枱嘅時候滿滿嘅火箭菜喺個Pizza上邊如果係薄身Pizza嘅話就會更加好黑松露醬薯條個黑松露醬夠晒味叫咗個Pizza加$28就可以要埋個黑松露薯條環境方面餐廳都算大 但係坐嘅位置同張枱就比較狹窄擺放餐碟嘅位置都有啲逼夾要食完一碟就即刻收走

葵廣掃街特色小食，氣氛不及以前，但係旁邊新都會廣場最近反而多咗新餐廳開業，今次就揀咗係鄰近地區荃灣屹立多年嘅Beans試吓先！餐廳以開放式設計，帶點日式風格，不過坐位都比較擠迫，我自己最怕去啲好迫嘅地方用餐，不過想去cafe食嘢，坐位舒週都比較奢侈，而且好多時係連放食物嘅位置都唔足夠😮‍💨門口位置空間感反而仲有好感，而且有啲似去做SPA，有不同味道嘅搓手液比客人使用，算係貼心。波士頓龍蝦意大利飯 $168🏵甜品🏵

朋友放長假要過年後才見到面，所以提早吃個團年飯，近近地去了在葵芳新都會新開的Beans, 這間餐廳長期都會有人排隊的，晚上6點半來到還好，剛有一張枱可以給我們👏🏻🔸蟹膏甲羅燒黃金蟹肉意大利粉，蟹膏好多，蟹味濃郁，而且喜愛意大利粉的質地，有咬口👍🏻🔸黑松露雜菌意大利飯，朋友很喜歡，而我比較喜歡濃味的🔸千島醬蟹棒蟹子帆立貝薄餅，雖然普通批size，但厚厚的餡料和千島醬真係好豐富美味👍🏻🔸焦糖單骨雞翼真係必叫，下面舖滿蜜糖，結結的，沾滿焦糖好惹味🔸加配黑松露薯條，其實是點黑松露醬，但這個真係簡單直接就好好味了😍，可以食不停！🔸飲品：芒果梳打和荔枝玫瑰梳打，清清地少少甜都不錯，只是細杯了點🔸甜品加配Tiramisu和72%黑朱古力蛋糕，裡面有kitkat碎，朱古力控大愛，而tiramisu好香濃，好滑❤️

最先嚟咗黑松露醬薯條（$28）本身我對D煎炸野冇乜好感，但好食窩👀🌟薯條新鮮整起，似黑松露醬+沙律醬~加配價以呢個價錢嚟講，唔點食熱氣嘢嘅人都ok可試的🌞開心果 Pizza（$98）🟢🟠開心果冇乜味，純粹脆脆哋係面 有啲脆粒😶加楓糖漿之後簡直係甜品咁款 XDD有啲新意思 特別🌟白汁扇貝闊條麵（$118）好快就一Pat Pat 傑撻撻...扇貝非常細粒，少，貝殼就好多😂💫擺盤好靚油封鴨腿肉意大利飯（$128）🔴🟡呢個都唔錯✓ 估唔到會有咁多肉！如果可以切細嚿啲鴨腿肉更好面嗰塊係越食越鹹嘅芝士味脆餅，搞唔掂薑母茶 （跟）🟤🟤薑味濃郁，對我來講好辣加上係熱茶，會好熱辣辣薑汁梳乎厘（$58）🟡🟢搞唔掂 入面一大舊奶泡淡薑味✓兩樣姜產品見下：

葵芳新都會 有間新的beans，聽說日日都係門口排長龍，今日放假忍唔住都去排一排feel下。雖然不是公眾假期，但一樣需要等上45分鐘，真的很誇張。lunch set的選擇很多，有意粉🍝，pizza🫓，漢堡🍔和risotto🥘。不知是否自己重口味，軟殼蟹🦀️意粉 覺得味道比較清淡，但薯條🍟就相當脆口而不油膩。薄餅就中規中矩啦！甜品可能是beans的特色，非常高水平，綠茶🍵蛋卷茶味濃郁，值得推薦🍰🍰

其實我都唔知呢間係食啲乜嘢，見新裝修，又咁多人排隊，當然唔執輸，排埋一份😂。20分鐘後就輪到我哋。餐廳裝潢簡潔，坐位距離算闊，餐牌係一本書，除咗食物，仲有介紹餐廳歷史。湯用茶壺裝住，下面個杯有少少海鮮，湯雖然濃，但冇龍蝦味，感覺似用粉開的。食落唔係一塊洋蔥，應該係將洋蔥混合粉一齊炸，似炸薯圈多啲。份量夠，飯煮得軟，仲好creamy，加上咸香的鴨肉，同埋上面塊芝士片，係今餐最好食的。細細份啱晒兩個人食。淡淡薑味，唔太甜，如果蛋白打得鬆啲更好。主菜包一杯熱飲，甜品另加$28。綠茶紅豆卷味道一般，綠茶味唔夠，紅豆少，勝在唔甜。

葵芳新開荳子cafe，以往經過都好多人排隊，今日大約5點45分去到已開始排隊，6點鐘就安排入座， 店內環境寬敞舒適，我哋點咗個黑松露軟殼蟹意粉和帆立貝pizza另外加咗個羽衣甘藍沙律和龍蝦湯飲品就叫咗個黑糖薑母茶和榛子Mocha, 意粉中軟殼蟹炸得香口惹味，意粉內有很多雜菇增加口感，意粉軟硬度適中黑松露醬亦很香， 食完很飽肚， pizza屬於厚批，批底鬆脆批面上除了帆立貝外亦加上千島醬汁蟹柳及菇類 ，口感豐富，沙律菜很新鮮加上黑醋，十分醒胃。

一星期第二次幫襯新的荳子～今天依舊人潮滿滿，好彩今日得我一個午餐，只係排咗幾分鐘，就安排入座。今次嘅我是叫左個～蟹肉牛油果他他～當然我會叫凍美式咖啡～成個餐蟹肉毫不吝嗇，滿滿蟹肉，入口食到蟹肉本身的淡香味道。底座的牛油果與面頭的蟹肉配合得恰到好處，沒有互相搶去大家嘅味道。再者有少許黑醋點綴，令味道多一個變化 。配餐的另有數片包餅，溫度及軟硬度均適中，沒有出現偏凍及硬的情況，餐膳控溫荳子一向做得好，所以大家可以放心。個凍齋啡走甜(即係美式咖啡啦)水準依然高。依舊是滿滿的咖啡油謝謝招待。戴返頭盔先，我覺得好唔好食≠你覺得，好唔好食因人而異。