芝麻開門甜品專門店

營業中

休息中

今年嘅情人節仍然禁晚市堂食，咁就唯有自己煮一個豐富嘅情人節大餐，但係食完正餐之後，總會想食啲甜品，所以唯有落街搵食，行咗一陣終於係一條內街見到哩一間甜品店。我哋俾佢門口嘅$18糖水吸引住，可惜全部都唔係我哋想食嘅😂所以最後揀咗一個朱古力味心太軟配曲奇味雪糕（哩間店舖嘅心太軟仲有抹茶味），同埋一個台式仙草凍。心太軟冇預期中要等咁耐，店員好快已經焗好，所以好快拎到返屋企食。🎈朱古力味心太軟配曲奇味雪糕一打開之後發現個份量好細，無係哩間食過堂食，唔知堂食既份量係咪都係咁😅曲奇雪糕就同普遍甜品店食到嘅味道一樣，應該都係一大盒嗰種。心太軟味道都算濃，朱古力流心同埋蛋糕嘅比例啱啱好，不過份量太少，真係食兩啖就冇曬。🎈台式仙草凍哩間嘅仙草凍有好多款配料選擇，有芒果、芋圓、紅豆、椰果、薏米、湯圓、小丸子、西米及紫米。而個汁底都有三款選擇，分別係椰汁、花奶及黑糖。今次我揀咗芋圓、小丸子及紫米，汁底就揀咗黑糖。哩間黑糖唔會話好甜，而芋頭同小丸子食落去好Q彈，煙煙韌韌，可惜個仙草唔夠滑，如果再滑啲會更好。整體來講，哩一間甜品店嘅性價比唔係好高，而且外賣份量真係太少了。

在太子吃完越南菜，有點意猶未盡，很想到附近找個地方吃甜品。在手機 apps 找到這間位於大南街的「芝麻開門甜品專門店」，見網上有不少好評，提議一試。門面燈火通明，白底黑字的招牌高高掛在店子中央，門外櫥窗還貼了十多款甜品相片，遠遠也能看得見。店內面積不大，裝修以淺綠色為主調，鮮明而光猛，牆上掛滿了甜品照片作裝飾，簡單潔淨，整體感覺好舒服。先細看餐牌，嘩！甜品款式超豐富， 足足有成 10 個系列，而且每個類別都有多款選項，真係令人目不暇給，簡直係「甜品控」嘅天堂。心大心細，左挑右選，最後都係決定揀最多人推介的雪燕燉椰皇 同 芒果拿破崙。雪燕燉椰皇 ($63)：椰皇可以揀凍食或熱食，選了後者。椰皇以黑色托盤盛載，上檯時熱辣辣，另外還附有一小碟燕窩，未食已經感覺到很滋潤，真係好適合女仕享用。先試下個燉椰皇，蛋白椰香撲鼻，吃下去既香甜又溫潤。將燕窩放進椰皇內撈伴著一起吃，口感很不錯，軟綿滑溜。把內裡的椰肉刮下，味道頗清甜，而且入口還帶淡淡椰香，正！至於另一款甜品：芒果拿破崙 ($56)  亦很有水準，甜品附送一球雪糕，可於芒果、曲奇妙趣、士多啤梨、沖繩海鹽、荔枝、豆腐、綠茶、朱古力、奶茶、咖啡及

📍芝麻開門甜品專門店 (太子)🔍太子大南街35 號地舖B-----呢間係太子嘅甜品店，B仔已經不下一次幫襯，次次黎總會見到有好多街坊，店主店員同客人開懷暢言，感覺特別溫馨又有人情味。-✨花花世界 （$36）材料全部都非常健康，包括有燉雪梨、雪耳、桃膠、三色芋圓、杞子同桂花等等。食落清清甜甜，味道非常簡單天然，就好似媽媽煲嘅甜品，好家常好實在，食落感覺份外窩心又滋潤。✨雪燕燉椰皇（$63）每次黎到，呢一款甜品都係我嘅必要之選，一絲絲嘅雪燕配搭燉得嫩滑無比嘅椰皇，每啖入口椰子香氣都停留喺口腔入面久久不散，今日咁岩遇着新鮮燉起，味道更係格外出色。👶🏻B仔整體評價：8/10個👍🏻👶🏻B仔抵食程度：7.5/10個👍🏻👶🏻B仔環境評分：7.5/10個👍🏻👶🏻B仔味道評分：8.5/10個👍🏻👶🏻B仔回頭機會：8.5/10個👍🏻-----#swallowhongkong☺️快D跟住B仔一齊吞食香港啦！🤤#swallowPrinceEdward

疫情在家悶得太耐，所以趁著星期日跟好久不見的朋友相約出來行街、睇戲同食飯。當我們在上海街618唐樓食完晚飯，行返屋企既途中，經過大南街看見有間色彩繽紛的糖品屋，店名叫「芝麻開門」，招牌下有著不同甜品既相片，令我們心思思想入去食番個美味的甜品才回家。門外的招牌十分搶眼，使人很期待進店內品嚐美味嘅甜品當晚外賣既人比較多，堂食客人較少，所以我們很快就有位。我們坐下來睇到餐牌，已經鎖定左一些招牌甜品由於今日天氣很熱，我們就叫左兩樣有雪糕做配搭既甜品第一款甜品係芒果🥭拿破崙，這款甜品賣相相當吸引，岩岩焗出來熱騰騰的酥化餅皮，加上新鮮的芒果🥭、吉士同芒果醬，與士多啤梨🍓雪糕一同進食，感覺十分清新。而我們點的第二款甜品名叫流星花園，這個名字聽落已經十分期待。流星花園有兩球雪糕（綠茶及奶茶味）、香脆窩夫及香蕉片，而窩夫上有香濃的朱古力醬，配搭埋香蕉、芒果粒同雪糕一齊食，味道十分特別食完這兩款甜品後，我們覺得很滿足，期待下次再來試試其他款式的招牌甜品。

疫情關係都好耐冇出過街食嘢，尤其是食甜品。對上一次都唔知幾耐之前。今日咁啱嚟到太子就食下呢間芝麻開門啦！叫咗個招牌甜品芒果拿破崙，咁佢一上碟呢我哋都覺得好靚好色彩繽紛。佢會有芒果、雪糕同埋果醬。呢個拿破崙新鮮製作上枱時仲熱辣辣之後夾埋新鮮嘅芒果肉，舖頭嘅芒果好特別佢係超級冰凍嘅同埋酸中帶甜甜中帶酸嘅感覺，好冰凍。配上綠茶雪糕感覺剛好。之後再叫咗個窩夫，我哋叫咗一球雪糕窩夫。呢個記得都係製作需時所以記得要耐心等候啊！可以揀朱古力醬或者士多啤梨醬咁我哋揀咗朱古力醬，再配埋比較特別嘅奶茶雪糕。變咗係好配合好似飲緊奶茶又食緊美味嘅甜品咁，感覺好特別！雖然係簡簡單單但係都好滿足！有陣時食嘢或者食物唔係最重要而係整體環境所有因素配合得宜。而時間都尚早但係舖頭都已經有唔少客人，可見呢啲係受到街坊支持咁大家都記得支持呀。

喺屋企困左咁耐，決定要食啲甜品獎勵吓自己。今日去咗太子呢間甜品小店，個名都幾得意叫芝麻開門。因為太早食完飯，舖頭都冇乜人，我哋都差唔多包左場。舖頭有QR code開Menu，可以自己慢慢睇，呢間甜品店都有好多選擇，中式西式嘅都有。我哋叫咗個芒果拿破崙同埋流星花園。芒果拿破崙我哋揀咗抹茶雪糕，店主好有心思，喺雪糕個底加咗啲吉士令到佢啲雪糕唔會溶到成碟都係。個抹茶雪糕帶有啲苦澀味，唔會好甜，感覺幾清新。啲芒果都好甜新鮮，個拿破崙酥皮好鬆化。流星花園我哋揀咗奶茶同曲奇味雪糕。同樣都係有個吉士喺雪糕個底，好貼心。啲生果好甜好新鮮。個窩夫即叫即整，熱辣辣外脆內軟。食完個甜品之後真係好滿足，而且份量都好大，下次會再嚟食。

疫情最近好轉，好難得同朋友出嚟食飯，之後食甜品，去開太子見到有間鋪頭幾光猛，就去試吓店舖幾整潔，裝修簡簡單單，菜單有我最喜愛嘅榴槤系列，仲有燉椰皇系列 D24榴槤千層賣相已經好靚，真係做到有好多層嘅效果，一食落去味道好難忘，口感幼滑，因為榴槤味真係好濃，而且見到一絲絲嘅榴槤肉，令榴槤迷超瘋狂另外叫咗個雪燕燉椰皇，呢款係養生系列，最啱養顏嘅女士食，溫度適中暖暖地，而且燉奶好滑，配上雪燕令整個甜品感覺矜貴，味道剛剛好不會太甜大家食完晚飯，食返個甜品就最滿足，價錢亦都適中，款式亦夠多，以後食甜品又多咗個選擇啦

今日約了朋友去旺角睇波鞋， 行到攰攰哋，朋友提議去食甜品， 我諗起太子有間甜品屋叫做芝麻開門， 之前去食過，我們去到跟之前一樣，環境及座位都很舒適,還有好多甜品種類選擇， 果然冇嚟錯。今次點了我至愛榴槤燉椰皇($59)，滑滑蛋白，清香椰汁， 配上濃濃榴槤蓉， 食落胃口大開， 而且榴槤蓉是分開上， 亦可混和椰皇一齊食， 任君選擇， 我本人鍾意分開食老闆知我們喜歡食榴槤， 他推介24 D榴槤千層，老闆說這個千層榴槤是他們自己做，一層皮一層榴槤蓉， 皮上還加上一球榴槤蓉， 千層好皮薄, 超香濃24D榴槤味, 味道真的不錯，真心推介, 價錢仲超抵($55)點了芒果拿破崙 配奶茶雪糕($56)三層餅皮超鬆化 ，有香脆口感 ，加上香甜芒果同吉士醬，真的零舍醒胃，個人建議逐層食最佳， 因為餅皮太鬆化，用刀切會太易碎， 奶茶雪糕香滑，清新奶茶味，不會太甜，啱曬我口味

晚飯後到位於太子的甜品店，適逢限聚令影響，小店人流不多。甜品店裝修簡潔舒適。📍雪燕燉椰皇 $63小店毫不吝嗇地把官燕以另一小碟附上，份量多，以$63來說，價錢實在相當實惠。味道方面，剛燉好的椰皇，暖呼呼的，椰皇既滑溜又香甜。官燕本身沒有味道，筆者建議食客把官燕和燉椰皇一同享用，可中和甜味。📍D24榴槤千層 $55薄薄的千層，每層都夾著香濃的榴槤味忌廉。千層蛋糕上，還放着一勺美味的榴槤蓉，滿足了喜歡吃榴槤的筆者。📍芒果拿破崙（配芒果醬，雪糕一球） $56$56的芒果拿破崙相當實惠，甜品還附送一球雪糕。雪糕的味道有雲呢拿、朱古力、士多啤梨和奶茶味選擇。筆者覺得奶茶比較特別，所以就挑選了奶茶味。值得一提的是，拿破崙的酥皮烘得十分金黃酥脆，美味可口。芒果亦雪得冰凍，一冷一熱交替的感覺， 實在美味可口。小店甜品味道佳，價錢相宜，誠意推薦大家光顧。👅 味道：4.5/5💰CP值：4.5/5🕴🏻服務：4.5/5🔰餐廳環境：4/5🍽 餐廳：芝麻開門甜品專門店🌐地址：太子大南街35號地舖

有冇朋友仔鍾意食甜品，早排同朋友去完太子諗住食甜品所以就嚟咗呢一間甜品舖食糖水喇❤️除咗一般中式糖水之外呢度都有好多西式甜品，同朋友就叫咗呢度嘅招牌芒果拿破崙同埋心太軟配雪糕，雪糕口味仲有多款選擇，兩球雪糕我哋就揀咗沖繩海鹽同曲奇_甜品即叫即整，所以心太軟係需要等待一下，除咗朱古力味之外亦都有綠茶味，流心效果滿分，食落去嘅朱古力味非常濃郁唔會話過甜，配埋雪糕食落去會比較清新_芒果拿破崙用上超甜芒果，芒果應該係預先放咗喺雪櫃雪凍所以嚟上枱嘅時候非常冰涼透心涼，拿破崙層次感豐富，食落去很酥脆，鍾意芒果甜品嘅朋友仔一定要試吓

次次飯後想食甜品，都排隊排到黐晒線，於是乎大胃忽發奇想，一於晚餐同消夜調轉食，咁就可以避過兩段時間嘅人潮，既可唔使等位，又減低染疫風險聽講燉椰皇係呢間嘅招牌，梗係要試啦，上次大胃食咗凍嘅榴槤味就相當唔錯，今次就想食椰子原味多啲，於是嗌雪燕等嘅期間成間餐廳都聞到好香奶味，胃民話嗌熱嘅會滑啲，一食果然更勝上回，好香好滑加埋雪燕，質感更正，令人欲仙欲死拿破崙好難整得好食㗎，呢間拿捏成功，餅脆餡香，配上奶茶雪糕好寫意食完差啲打消食晚餐嘅打算，因為真係太滿足喇

今晚約了朋友去太子食飯，之後就搵了間甜品店坐低傾下計，小店坐位都舒服唔迫，有傳統的中式糖水之外，還有多款的西式糕點及台式甜品，價錢大約2-30完起。本來想食燉椰皇，可惜太夜已沽清，同朋友一人叫一份甜品分享。值得一讚是這兩份甜品都是即叫即做，所以新鮮熱辣。芒果拿破崙配士多啤梨雪糕雪糕雪得夠凍不易溶，不過味道就同維記或者雀巢差不多，反而拿破崙焗得鬆脆，配上香甜芒果醬，酸甜開胃。流星花園用鮮果、奶茶及朱古力雪糕配朱古力醬的窩夫，窩夫都是即叫即做，所以都等了十幾分鐘，新鮮熱辣上枱，配上凍冰的雪糕，簡直係冰火二重奏，窩夫香脆加上新鮮的生果，份量十足。

諗住普普通通食個楊枝甘露都唔得...話說食完飯想食甜野，於是就用外賣app嗌咗個楊枝甘露...點知伏爆...一開始expect楊枝甘露=芒果+西米露+西䄂不過呢兜野好似冇左西袖既存在（？首先個顏色🤦🏻‍♀️佢好明顯係色素嗰種假到死嘅橙色...都算🤷🏻‍♀️佢個底個味係起級淡...水咁款但係質地又傑撻撻架喎🤦🏻‍♀️D芒果🥭超級超級酸...總之成兜野都好難食🤯食左一淡就丟咗🙃超級失望......楊支甘露咁common都可以整到咁🤢

細細個勁中意香蕉船，因為有多雪糕，又有彩虹針，賣相又靚又好味。咁岩同朋友附近食完野，去食我至愛嘅香蕉船，真係好耐好耐無食過啦。。。鋪頭個名好得意，好有小時候嘅感覺，芝麻開門😂😂餐牌選擇好多，凍嘅熱嘅，中式西式都有！真係揀至花多眼亂呢。。。香蕉船🍌可以揀雪糕嘅不同口味，可以揀3種口味！我揀左士多啤梨🍓，紫薯同榴連。大家可以望下個賣相真係好靚！三球雪糕加上彩針，五顏六色，靚！榴連飄飄榴連真係好吸引！呢個甜品有榴連蓉，榴連雪糕，芋圓，西米。份量唔算好多，但好好食，好滿足。。

位於太子既呢間甜品店, 好岩係附近食完飯或者飲完酒搵下場去食的甜品店店面SIZE唔算大, 但係甜品既選擇係超級多我今次點左既係榴槤千層, 千層既榴槤我就未食過估唔到都幾令我喜出望外千層到除左千層既頂會有一舊榴槤之外, 仲要佢每一層入面都係有榴槤架!!!口感嫩滑而且好香既榴槤味, 岩哂我呢D榴槤控友人點左既係榴槤飄飄, 大家都係喜歡食榴槤之人所以叫左兩隻不一樣既黎SHARE有一球榴槤雪糕和香草味的, 各有各香味但又唔會COVER左隻味呢個口感比較特別, 但係係好味個面既特別, 撈埋雪糕同榴槤汁一齊食無敵好味!!