老掌櫃東北菜館 (富達廣場)

營業中

休息中

朋友剛搬到元朗，在它家對面的富達廣場內有一間東北菜館十分有人氣，「老掌櫃東北菜館」，裝修中國風，場地光鮮，環境舒式闊落，餐桌大張可放滿一桌菜式！餐牌選擇非常之多，主打真正東北原味菜式，小炒，涼拌小食，豬牛羊河鮮及甜品等，選擇十分豐富！小雞燉蘑菇－份量多材料十足，雞肉肥瘦適中，很大件，咬下時很嫩富肉汁，口感軟腍，菇類自帶鮮甜，馬上加點了個白飯，將燉湯淋到白飯，可吃幾碗！椒鹽小黃魚－原條黃花魚炸得色澤金黃，香脆可口，有兩大件，椒鹽帶點微辣，很惹味，它不會過油，保留了肉汁在入面，皮香肉嫩滑，魚鮮味出奇地突出。清炒萵荀－份量大碟，炒得爽脆鮮甜，保持鮮嫩翠綠，重點是幼嫩少油。高力豆沙－有兩大粒，輕炸後變得大大個的彈牙蛋白外滿佈白沙糖，包住滿滿豆沙，紅豆甜味剛好，推介！整體來說這餐廳性價比十足，食物質素水準很好，環境又不錯，豐富的菜式選擇，員工服務友善，定必回頭再次品嚐。

💡北京填鴨（半隻）🔖好大碟，啖啖肉，跟12塊餑餑皮，份量好夠，唔洗就住就住食，配料都好多，唔會食到最後唔夠夾埋一齊食。💡苦盡甘來（黃金涼瓜）🔖鹹蛋黃好足料，上枱時候熱辣辣，好新鮮，涼瓜唔苦，有點甘香，同鹹蛋好襯👍🏻💡麻辣海蜇頭🔖夠麻夠辣，略為多油，海蜇頭同青瓜都好入味。🩵店員好貼心，知道小編覺得凍，主動話可以熄左頭頂部冷氣(5🌟為滿分）環境：🌟🌟🌟🌟🌟打卡：🌟🌟🌟🌟🌟味道：🌟🌟🌟🌟🌟價錢：🌟🌟🌟🌟🌟再訪：🌟🌟🌟🌟🌟

呢間餐廳晚市時間好熱鬧好岩一家人一齊去食物高質，重點食物CP值好高✨✨樣樣食物份量都好多食到要打包番屋企😂🤣😂🧡北京填鴨（半隻） 🐤鴨份量好多，皮好薄俾既配料好多，好充足🧡糖醋里脊外面醬汁酸酸甜甜好開胃(⁎⁍̴̛ᴗ⁍̴̛⁎)外皮仲會脆口，每一舊都細細舊肉仲要有好多舊，好抵食～～🧡四川擔擔麵小麻，但吾辣🌶️平時食米線小辣既我都食到佢既麻係點到即止吾會維持一段時間，幾好👍🏻👍🏻🧡紅油抄手（10隻）四十幾蚊就有十粒😨粒粒都皮薄餡靚，入邊既肉味道濃厚加埋紅油少少既辣味，更加可口～～🧡拔絲蘋果🍎呢個菜式超特別🤩第一次遇到蘋果一嚟到要即刻浸水，送上時熱辣辣夾起蘋果時會拉起絲🤓🤓浸完水，外皮會好香脆包住蘋果，作為甜品一流🍧

心思思想吃片皮鴨😛跟家人來到元朗這家東北菜館吃晚飯🍲 見他們菜式不貴，人氣很高😂餐廳頗大間，但很快已經滿座😳驟眼看每枱都有點片皮鴨🥢如果想吃多一點不同菜式，3-4人半隻鴨都十分足夠。填鴨擺盤很精美，餐廳也沒有將貨就價。外皮酥脆爽口，鴨肉味很香，包上甜麵醬、葱絲香青瓜絲，相當滿足！豬肘花拍黃瓜是一道涼菜🥒豬手做得很入味，肉質軟腍，配上酸酸甜甜，帶點蒜味的調味，十分好吃。另外也點了糖醋里脊和魚香茄子🍆2道菜的性價比同樣很高。都是偏重口味的中菜，一定要配上白飯吃！🍚🤰🏻東北酸菜餃相對一般🥟😂有好幾隻的外皮都爛了，而且酸菜味很淡，有點像普通的豬肉餃子🙊北京填鴨半隻 $168豬肘花拍黃瓜 $64糖醋里脊 $88魚香茄子 $76東北酸菜餃 $48凍豆漿 $10

今次係為咗個填鴨而嚟呢度，本身用QR Code落單，點知見到填鴨售罄。好彩問下店員，原來呢道菜要人手落，爭d錯過🤣🥟肉三鮮 (10隻$50)蒸餃內有肉汁😍餡料都算多🐮孜然大蔥牛肉 ($86)孜然味重同幾香，成碟都係大蔥但牛肉份量都唔少而且好咬。🦆北京填鴨 (半隻$168)鴨皮幾香但唔算好肥，鴨肉都算多，而餅皮就係乾身啲嗰種但就易d分開，雖然只係半隻，但已經好飽。高力豆沙 ($26)幾大舊又熱辣辣，個皮煙煙靱靱配埋豆沙餡都ok☺️

📞好彩先訂座，去到餐廳很大，但都坐無虛席。店家招呼很好，很有禮貌。老闆同我講呢度啲師傅個個都係東北人，食到真正東北原味。🥟素三鮮 （10隻）$48想健康啲食下素餃，有白菜仔、甘筍、木耳、冬菇，好豐富既餡料，粒粒都飽滿多汁！好有口感！🐓雞絲粉皮 $68份量超多！成座小山丘咁！麻醬好夠，帶酸甜，伴以爽脆青瓜絲，幼嫩雞絲和軟滑粉皮，夏天好開胃！筆者食完呢碟已經好飽啦！🍎拔絲蘋果 $78真拔絲！真拔絲！由於我係第一次食，店員上菜時同時拎埋個大碗水黎，原來係要拔絲！拉高d糖絲再成舊浸落d水度！再拎返上黎，呢個動作要快！咁就防止d糖凝固！糖入面係蘋果，但出奇地唔酸，唔似平時食開既蘋果。🍝麻醬冷麵$66買埋外賣🥡返去比老公食，用多料！好多肉絲，青瓜絲，蘿蔔絲，下底係冷麵，不過唔建議外賣，因為時間耐左索左d麻醬，個麵會有啲杰，但味道好食！現場食發揮更好！🥚涼伴皮蛋$48（可分辣）怕辣如命的老公都試下點辣汁食下，第一啖唔辣，但辣味後來居上！唔怪之得店主強推辣椒油！真係好過癮！夾埋皮蛋食好正！皮蛋仲係起沙架！😋✅呢間老掌櫃已經列入我「元朗翻頭食」餐廳之一，下次再去試下片皮鴨🦆先！📍元朗西菁街23號富達廣場

🔸北京填鴨（半隻）半隻份量一d都唔欺場，而且擺盤好有心機，我地平均要2塊肉包一塊膜皮，青瓜同大蔥可以refill好抵讚👍🏻🔸桂花酒釀丸子好香桂花味，而且酒釀唔係酸架，丸子軟軟糯糯🔸排骨擔擔麵排骨略嫌細塊咗少少，但都炸得好香脆，擔擔面有香濃嘅花生味仲有少少辣，麵質順喉🔸麻辣豬肘花拍黃瓜豬肘同青瓜比例差唔多，豬肘軟淋而且充滿膠質感，青瓜爽口清甜，麻辣唔會嗆喉餐廳收茶位5蚊個，但唔收加一👍🏻職員主動而且好勤快，半隻片皮鴨因為冇得QR code落單，所以都會主動問

📍 老掌櫃東北菜館（富達廣場）今日食川菜set lunch 🤲🏻套餐黎講，都算平。以小菜形式岀餐，同朋友食，大家可以叫不同款式，一齊分享。餐廳環境，幾乾淨，牆上貼紙都以｛老掌櫃｝為主，好有feel🙆🏻‍♀️🔸 酸辣土豆絲士豆絲都不算酸辣，簡簡單單涼拌，冇咩鑊氣，好有家的感覺😮‍💨🔸雞絲粉皮用手撕雞既方法做雞絲，個醬汁花生味好濃好香好杰，粉皮都好薄好滑，不愧係低卡小食。 🔸口水雞雞肉軟嫩，雞皮很有彈性，濃郁的麻醬加入了碎花生粒增添口感，香氣也更有層次，整體雖然調味重但不會膩～🔸香椿拌豆腐豆腐切成粒，鹹度得宜，用黎撈飯，好正👍

老掌櫃算係香港數一數二嘅東北菜，價錢唔貴份量十足，好適合幾個朋友一起食，可以試嘅嘢都會多d🤣今次兩個人食叫左半隻片皮鴨，一個麻辣涼拌海蜇青瓜，一個拔絲蘋果食完一半片皮鴨都已經好飽，同埋三樣都超推薦～.片皮鴨我覺得比香港好多貴價連鎖都好食好多！鴨肉軟熟唔會鞋，鴨皮酥香but唔覺油膩👍🏻重點係唔會有鴨騷味！！🥹.食完片皮鴨唔夠喉又叫左個麻辣涼拌海蜇青瓜，好refreshing不過唔太食得辣嘅人會覺得幾辣下🌶️.🍎拔絲蘋果係香港真係好少有，老掌櫃都做得幾地道～食果陣職員教要係熱果陣要快手擺曬落水先，如果唔係凍左就會痴到分無開😯

黎過幾次都因為片皮鴨而黎今次再黎食就想試下食其他菜式 難得夜晚有免收加一既東北菜館 🥹🌟螞蟻上樹 💰$76主打菜式堆山咁高、些少微辣同酸都好開胃 🌟農家小炒肉 💰$86炒出黎有鑊氣味、豬肉片得夠薄同埋爆香左好食🌟宮保蝦仁 💰$86辣味唔算太突出，鹹酸味偏出不過蝦仁食落係爽口彈牙 🌟紅燒肉燉粉絲條 💰86紅燒肉肥膏都多、肉質唔乾柴同埋好入味粉絲份量都多同時易咬斷 🌟酥炸小黃魚 💰$88外皮煎得好香脆、肉質滑嫩 👍🏻🌟拔絲蘋果 💰$78無想像中咁拉糖絲因為糖衣硬左，不過都有些小效果食之前先浸一下水咁樣唔會覺得太痴牙同甜 🌟高力豆沙 💰$13要點兩個起跳面頭砂糖唔算多不過都仲係有d甜好在紅豆🫘餡唔膩推介指數：🐻🐻🐻/3粒老掌櫃東北菜館 (富達廣場) (元朗)📍地址：元朗西菁街23號富達廣場地下19-24號舖☎️ 電話：23802668#香港美食 #新界美食 #元朗美食 #啤啤遊食團#假日好去處 #港人推介美食 #中菜 #東北菜#京川滬 #片皮鴨#香港美食打卡 #窮遊美食 #平民遊#hkfoodblogger #foodie #hkfoodie #hkig #dinner #hksty

餐廳地方夠大，晚飯時間都幾多人，但係坐得幾舒適😍酸菜魚（龍利柳）($118)唔算太辣，勝在酸菜夠惹味，魚係龍脷柳，所以食落啖啖肉，魚塊夠大，老人家同小朋友都好啱食👍🏻，薯粉份量都有好多～秘製牛犇麵($52)牛肉煮得夠稔，份量好多，肥瘦適中，湯底唔會過咸，麵條值得一讚，夠彈牙👍🏻糖醋里脊($88)里脊肉食落唔乾，肉預先醃過後再拎去炸，剛剛炸起食落熱辣辣，好酥脆😋加埋酸酸甜甜嘅糖醋好開胃🤤🤤桂花酒釀丸子($18)桂花味好濃郁，不過略嫌甜咗少少，丸子唔錯幾粉糯，間唔時食吓都幾好～酸梅汁($10) 豆漿($10)飲品正常水準，唔太甜，好解渴👍🏻

好耐冇食過中菜，近近地嚟呢間試吓，入到去店員推介片皮鴨，因為我哋得兩個人，所以就叫咗半隻，但係你都其實背脊都好夠兩個人食，份量都幾多，片皮鴨皮脆肉嫩，再包埋刈包皮，乳豬醬，青瓜同大蔥，一啖放入口，口感勁多層次，味道唔錯👍🏻👍🏻另外我哋仲叫咗一個脆椒香雞，原來佢係類似炸雞嘅一款，紅椒同青椒再加少少花生粒爆香d雞肉，入口有少少辣，但係唔會太勁，雞肉多汁好滑，但係外邊脆卜卜，非常惹味😊都推介呢度嘅豆漿，入口幾滑，好香濃豆味

# #元朗 @laozhangguihk母親大人, 生日快樂! 媽媽一直想試這家菜館, 奈何沒有訂位是根本不可能食到, 人龍也太長了…趁著母親中人生日, 早早預訂位置和媽媽慶祝一下! 全都由媽媽選她喜歡的菜! 🥟肉三鮮餃子 $50/10隻 ~ 豬肉、韭菜、蝦仁餃子!$50 足有10大隻, 隻隻餡料飽滿, 蝦仁新鮮爽口彈牙, 外皮煙靭又滑, 超讚! 醉雞 $78 ~ 濃濃的酒香, 沒有嗆喉感! 雞肉很嫩滑, 全是雞腿呢! 🍜秘製牛犇麵 $52 ~ 湯底香濃, 麵質爽口彈牙, 有牛腩、牛筋! 牛腩很腍, 牛筋超級軟滑, 滿滿骨膠原! 🦆北京填鴨 $168/半隻 ~ 跟12塊皮, 還有青瓜及大蔥絲, 是幾乎每一枱也會點的菜! 皮超級香脆, 肉質沒有羶味, 份量很多, 醬料甜甜的, 皮很薄, 上枱時熱辣辣的, 必點! 高力豆沙 $26/2個 ~ 2個起叫! 還可選即起 / 叫起, 很貼心! 即叫即製很鬆軟, 豆沙下得很大方, 甜甜的結束完美的一餐生日飯! 

平日想簡簡單單食片皮鴨🦆🦆🦆不需要到大酒樓、城中鴨子、沙田18🤑呢啲比較貴嘅地方🤑🤑🤑呢度可以簡簡單單食一餐🤤呢間老掌櫃 位於 元朗嘅比較偏遠位遠離港鐵朗屏站🫣🫣🫣要過嚟真係要再轉輕鐵但！ 🤩份量足 質素 Ok既片皮鴨！🦆片皮鴨 入面嘅嬤嬤、青瓜、鴨皮呢度嘅質素都做得可以😌而且仲有好多北京著名食品😍😍😍例如螞蟻上樹（即係肉末炒粉絲）其他嘅小炒都做得唔錯！😚😚😚歡迎一戰！

在香港吃東北菜我還是第一次，平時都是去深圳吃東北菜，而今日就去到元朗的一間主打東北菜為主的餐廳🥰有一半家鄉都在東北的我，就點了很多在東北常見的菜色，讓人真正品味到東北的美食文化。⭐️ 地三鮮 $78以茄子、薯仔和甜椒為主要成分，茄子及薯仔炸至外皮金黃酥脆，配上甜青椒三樣蔬菜一起炒！不過在東京常見是用豆角代替甜椒。⭐️ 鍋包肉 $96鍋包肉是一道經典的東北菜，炸好的鍋包肉外脆內裡香脆可口，搭配酸甜的糖醋醬，提升整體的風味。⭐️ 京式炸醬麵 $48京式炸醬麵是北京的特色菜，醬料味道豐富，與彈牙有嚼勁的麵條相互融合，我喜歡濃郁咸香，如果再放多點醬就更好。⭐️ 高力豆沙（2個起）$26高力豆沙外層香脆，內部則是濃郁的豆沙餡料，口感綿密細膩，豆沙的甜度適中，不會過甜。⭐️ 素三鮮（10隻）$48以蔬菜為主的素食餃子，味道清淡，滿滿高纖維的綠色餃子配上豉油一齊食。大家都好喜歡😍