羽壽司 (已搬遷) 新店位置

今次走入呢間餐廳，都算係幾唔錯嘅發現啊！我地首先點咗份炸軟殼蟹手卷，啱啱出爐嘅熱炸蟹殼外脆內軟，一啖咬落去，口感實在太正喇，有種輕微嘅鹹香同埋少少辛辣，真係賞心樂事😌🍣！跟住係種類豐富嘅刺身，當中三文魚同帶子特別出眾，新鮮而且肉質嫩滑，一入口就即刻化，鮮美得很！吞拿魚就相對冇咁驚喜，可能我地食嘅時段質量跌咗少少🤔。但係，講到真正勁搶鋒頭嗰款，非炸墨魚咀莫屬！啊，真係別有一番風味，口感啖啖彈牙，啖啖過癮，真係令人停唔到口咁。別擔心，唔只食物質素好，服務都係頂尖。見到店員滿場飛嘅，但依然用心服務，唔會出現咩缺席情況，有禮有節，仲要聽到啲廣東話「唔好意思」、「等等」聲音，覺得好貼心。就算你係條街大食王，都保證滿足得你心水清。最後要推介佢地嘅即劏活魚同燒羊架，層次豐富，香氣撲鼻，新鮮度同埋燒烤功夫一流，即叫即整，食到開心至極。一言以蔽之，下次再黎呢度，仲想試多啲佢地嘅美食，真係令人心思思！👍🍢🎉

今次去嘅餐廳，真係發現咗一啲叫人喊出嚟嘅美味🍣！三文魚幼滑得嚟又鮮嫩，一啖落肚，有種即刻嘆為觀止嘅感覺。而啲帶子啊，簡直係新鮮嘅代名詞，輕輕一咬，海味即刻湧上心頭，又彈牙又惹味！唔好以為呢度淨只得生魚片，吞拿魚就真係有啲失色，可能唔夠鮮啦。不過啦！啲燒汁三文魚絕對補返分，啲秘製醬汁真係不得了，喺舌尖嘅每一個感覺細胞度跳舞，好過癮！🐟不過，最正嘅就淨係蟹柳同蕃薯天蝦卷喇！😋 蟹柳咬落去，每一絲都滿滿嘅膏味，跟住個蕃薯天蝦卷，外皮酥脆喺嘴裡溫柔爆破，入面嘅蕃薯香甜軟綿，配合上彈牙嘅蝦，幾有層次感！食完呢餐，真係大滿足！加上服務員都勁親切，下次有機會一定仲要再嚟，又或者要叫埋啲朋友一齊享受呢款食樂！👍

晚上一家人係附近行完, 想搵野食依肚.見到lee 到有晚市75折. 就一於入去試一試.入到去即刻嗌野食, 晚餐好多選擇 有壽司. 刺身 小食 同飯面. 我地揀左個刺身Set 好快就送到黎 海鮮辣面 特價$ 16 必吃! 辣汁同面配合得好好. 又唔會特別辣三文魚海鮮炒反 同 玉子燒 熱辣辣~睇下我地一家人食左幾多碟. 迴轉上面d 壽司好多款係本餐牌係冇得點. 幾特別唔似平時出去食個d 大路壽司店 X氣 x綠 咁.. 來來去去都係個幾款.食到肚滿長肥 4個人埋單都係 每人80蚊到~ 好抵食!! 我地又多左個地方選擇~

係附近行完，同媽子黎呢度食壽司...唔知係咪平日，冇乜人...有卡位坐我個人就好歡喜食沙律的~所以一定要叫一客三文魚唔新鮮，燒三文魚好凍，沖繩蝦最好食!!做緊優惠$20一客，帆立貝海解冷麵d沙律醬好match，個冷麵好好食!!但帆立貝完全冇味最後媽子叫左個地獄拉麵試下，果然...好辣就咁就食飽飽，一d都唔貴，又坐得舒服埋單都係$137，抵!!

1. 鐵火卷$14 ~ 手功求其,小卷切到一岩一忽2. 蔥花吞拿魚腩$20 ~ 淡色無味的吞拿魚,連蔥都無味的3.-4. 鱆紅魚壽司$20 / 油甘魚壽司$26 ~ 賣相正常,但兩款都無魚味5. 軟殼蟹手卷$20 ~ 好似只得蟹腳趾6. 南極魚手卷$12 ~ 雪魚炸得像薯條,又幼又無肉7. 豬軟骨拉麵$58 ~ 真的大膽一句,從未食過咁難食的麵,麵條似出前一丁都算,但煮得比上海麵更淋,湯底不夠熱兼配上凍凍的椰菜.

昨天食完壽司就回家都冇事,但我今日再同我妹食就出事,我妹說有雪糕,我就問點解有雪糕,因叫set餐可跟雪糕或飲品,比錢時我就問收錢果位哥仔,點解昨天食Set餐我冇雪糕,佢仲話我唔提佢就唔會上雪糕,最搞笑昨日我有叫特飲佢都無話比我聽個餐可跟一杯野飲or 雪糕,如果我是第一次食這個餐咁起不事被人唔道下要我比多一點錢出來再叫多杯飲品，，事後收錢他出單應該看到，我有兩杯餐飲冇叫到，他不但沒有提我仲話唔提佢就冇，敢都講得出。你話是不是比佢氣死。 (仲有餐牌上雪糕字是好細不仔細看你跟本留意不到，地方成地垃圾，食物縮水，員工個個都好累咁，唔好講笑，連落order 都冇人收。下次都係咪搞我。請我都唔去。)他這樣令我好唔開心。

尋晚同一家人出街搵野食. 係街到接到傳單有張$50 Coupon 見幾抵就去食.4個人點左 套餐同 d 特價壽司. D野食好快就黎齊哂. 幾好~套餐有刺身.壽司小食烏冬. 樣樣都有 價錢亦大眾化. 另外我地成日叫既花之戀同帶子. 原來做緊特價!! 嗌幾多客都得.~~ 推介幾樣野必食..帶子剌身~ 大大粒幾新鮮大海鰻壽司~ 燒得幾香同好大條. 胡麻醬冷麵~ 個醬汁好濃郁. d料夠fresh 好岩夏天食.!最後埋單用埋張Coupon.. 每人都係大約$70. 好滿足 ~!

一入到去第一個反應就係 "腥" ,全店都係魚腥味(極之大陣味) ~ 裝修0分 , 完全冇裝修可言 , 普通茶記仲靚過佢 ~ wasabi負分 , 仲有極多水分未打乾 , 最慘係入面仲有D飯粒 ~ 算啦 , 心諗都係一次姐 ,試下啦 ,咁就大獲啦 ~點野食落單寫紙仔 , 寫完舉高手加叫 : 唔該 ~ 超過3分鐘都冇人理 ~ 負50分人生第一次忍受唔住 , 起身走人 ~ (去左另一間單字壽司)因為冇食 , 所以唔知食物質素 , 亦唔想知 ~真係你畀錢我求我去食 ,都唔去呀 ~

今日細妹生日, 夜晚一家人去左羽壽司食野慶祝. 初時佢地兩老都唔太讚成去食日本野. 因為驚食到"輻射"wo但係我同細妹一向都係壽司迷, 同早排聽新聞話. 果邊d野已經停止左入HK. 所以冇驚過, 一於照去食. 去到門口. 已經有張野寫明話. d食材已經轉用左其他國家同經過衛生檢測咁就梗家唔洗驚d咩"輻射" la. 等左差唔多15分鐘到先有位.叫左幾碟 三文魚腩 同 帶子壽司 , 保持一向肥美. 正!皇帝蟹柳壽司 大大舊連埋沙律一齊食. 正!試左d新出既野 芝士焗蠔 ok芝士味好濃郁 櫻花卷 勁多料 有炸蝦.饅魚.蟹柳.玉子 外邊d粉紅色絲仲甜甜地.最後埋單先知星期日晚都有 75折~. 超抵食!

琴日同個朋友仔去食羽壽司，因為上次食過魚生飯, 覺得唔錯!今次再去一次, 我當然食同一樣野喇就係魚生飯lunch set $43然而, 落單時個女仔問我, "請問你野飲要咩野?"之後我就啞左陣, 因為我上次食明明無野飲架嘛!我就問佢: "食個餐唔係無野飲架咩?"佢竟然答我: "依個餐係有野飲架!"我即刻無言, 咁即係上次我食果陣佢俾少左杯野飲我喇a_a"!!有樣野好想講, 我黎依間羽壽司食左咁多次lunch,佢次次都係, 你唔叫佢, 佢唔會上野飲俾你!真係咁忙;? 其實事實唔係咁!上次我落單果陣, 佢都完全無問我要咩野飲a_a我覺得佢地落單好甩漏!講番上次個魚生飯先, 樣樣刺身都幾新鮮既!但係唔知點解件tuna係黑黑地啡啡地色既!! <--好唔掂既感覺食落口又okay, 至少無筋喇!另外有件鱆紅魚, 一放入口,即刻要吐出黎隻味好似去完街市咁! 嘔心!講下今次喇, 今次係好過份!1) 蟹籽, 比上次少左2) tuna, 一咬落去! 係筋x筋x筋x筋! 仲要係血腥的味道! 依家諗起都想嘔!3) 鱆紅魚, 腥+臭+街市味!!!4) 三文魚, 無味既 ( 勁失望囉-_-)!甜蛋呀..蟹

和同事二人早上在土瓜灣工作, 完工後就往羽壽司午餐, 二人點了咖喱豬扒飯定食 $38 和 雜錦魚生飯定食 $43定食包括麵豉湯 / 燉蛋 / 前菜 和 飲品 另叫了本月的特价油甘魚壽司和海胆壽司各一客 $18, 另再來一客皇帝蟹腳壽司 $26 咖喱豬扒飯 - 咖喱偏甜而豬扒也太瘦, 需普通但份量十足雜錦魚生飯反而不錯, 飯內有三文魚; 吞拿魚; 鱆紅魚; 三文魚子等, 魚生也算生鮮, 醋飯也調教得準 油甘魚, 海胆壽司 - 油甘魚好薄, 海胆無咩味道, $18 一碟都收貨啦, 而家物价高企嘛皇帝蟹腳壽司 - 賣相靚, 條蟹柳夠哂大, 也吃到蟹肉甜味, 像真度幾高 埋單每人 $80, 算不錯

好耐無食過壽司啦！呢間野在我家附近，一直都好想去試下，因為食過銅鑼灣分店，記得好好味，今次唸住近近地再試過。我地2個人，食左好少野咋，都係幾款壽司，加幾款熟食，味道係點?? 我覺得所有野都OK好味！個蟹柳壽司係特價野，好似$9一客，不過都好大舊好鮮甜。想講一講嘅係環境衛生問題，我地原本係坐order枱，不過一坐低，見到好多小飛飛係近牆位置飛來飛去，一抬頭就有，而我地張枱係泊牆坐，感覺唔係幾好，之後要求調去Bar枱位，好在果時係夜晚9點幾，仲好多位揀，感覺上先食得安心D，如果能夠改進呢個問題，就好好啦！

因為要幫女友整電腦,所以上星期放假就過佢屋企,點一整就由中午一整到夜晚六七點見肚餓就落街揾野食,行行下見到有間壽司店.就入去試吓啦坐低叫咗兩隻軟殼蟹手卷同小量壽司order果陣個侍應生介紹咗D特價壽司比我哋聽落又好似幾低食所以就叫咗每樣一客試吓 珍宝赤貝壽司~~~~~~$17.5 大到見唔到嚿飯 皇帝蟹柳壽司~~~~~~$18 我最鍾意 原條海鳗壽司~~~~~~$10 低食 劍魚腩壽司~~~~~~~~$14 我就麻麻女友喜歡 牡丹蝦刺身~~~~$17.5 新鮮兩個人食埋單都係................$150 一個字.............................低

母親節, 媽媽話想近近地食壽司, 唔想去元氣, 所以去左羽壽司. 6:50去排隊, 等左半個鐘才有位. 係我前面有個女人5個人, 佢好似等左好耐. 呢個舖最多係4人枱. 5個人真係有d麻煩既~ 三文魚子, 親子卷仍然出色珍寶帶子未上次咁雪, 但係都仲係好凍...想不到佢個三文魚南瓜湯原來幾好飲~侍應應該是太忙, 服務態度真係可以再劉德華學習下. 唔好成日叫極都唔應, 或者黑埋塊面先得架....不過, 羽壽司真係抵食~ 而且是土瓜灣區最好的選擇啦~

今日放假, 我個fd介紹去羽壽司食壽司, 可能係由於係周末, 7點幾既時侯已經好多人, 所以無得坐檯, 只有回轉, 之後聽個fd話羽壽司既珍寶帶子, 皇帝蟹柳壽司同軟殼蟹手卷好好食, 所以我地就試下.一舉手, 就好快有人接左我張單, 快到有小小嚇親 (果然有效率), 佢仲向我推介左活魚, 即撈即開, 即做仲話可以做壽司同刺身,(我心諗係咪真係咁新鮮?), 好奇之下, 就叫左兩客試, 一試就知食落去唔腥之餘, 仲好爽口而且 有種鮮甜既味道.我個 fd真係無介紹錯, 珍 寶帶子真係好好食, 既大件好厚身, 皇帝蟹柳都係好大條架, good....... 令我 supirse既係, 原來軟殼蟹手卷有成半隻蟹, 同埋仲熱辣辣, 手卷仲加左一d蟹子同沙律醬上去, 真係大件夾抵食試過咁多壽司, 都覺得食物幾新鮮, 軍艦壽司d紫菜亦好脆身, 唔係''淋''曬, 手卷都係即叫即包, 脆 bo bo , 令我最深刻既係(醬汁燒三文魚壽司), 淋d汁係三文魚壽司上面再用火槍燒到半生熟, 入口即溶, 好好味呀, 只需$9 , 一客歌兩件, 抵食過普通燒三文魚壽司 仲好食d tim. 唔食真係走寶....