知粥嘗樂

營業中

休息中

平時嚟炮台山上堂都係準時上堂，一上完堂即刻走，第一次上堂前去食嘢，一點左右，所有餐廳都好多人，總於搵到間食肆唔使等位。雖然話唔使等位，但係都好多人。職員都有禮，出食物好快，天氣有啲凍食粥都唔錯，除咗粥仲有粉麵飯。牛肉腸，腸粉都滑，味道可以。豬膶腸。蒸蘿蔔糕，唔會一夾起就散。牛脷酥，幾新鮮酥脆。食粥點都要有油炸鬼。及第粥，粥底夠棉。生滾粥雙拼(皮蛋，粉腸)。招牌皮蛋芫茜湯麵(鮮牛，雞翼米線)，芫茜湯濃味啲會更好。

下午諗住快食個晏就入去呢間食，記得之前食過食物都ok～今次見有個招牌皮蛋芫茜湯米線咪諗住試吓，可選兩個餸，就選左豬肉片同豬潤。碗米線來到，只見到舖在上面啲豬潤全部有血水在面，不是誇張是真的在豬潤上有鮮血水，我知道豬潤煮太耐會唔好食，但我未見過係有鮮血係面，即刻叫其中一個姐姐來同佢講，跟住佢話係咁架，就用匙羹🥄按啲豬潤落湯度浸，話一陣食無問題咁我都算，所以第一時間都無諗住影低張相，諗住算啦由佢等啲熱湯浸吓，我大概食左一陣再夾舊豬潤試，一咬又係紅血水，跟住夾多幾舊放面，無頭先既血水，但好明顯係未熟，我真係唔敢食囉跟住再叫個阿姐過來睇，佢睇完就話叫我話比大家姐聽，第二個埋來睇又係咁，我都仲無出聲，心諗你地無野嘛？有問題食品唔係應該即刻處理，即係類似叫個客自己同師傅講，職員唔係應該去同大位講客人食品有問題叫佢去處理架咩？我等完又等都無見到佢地所講既大家姐出來，仲叫我飲吓野先，又話去左厠所叫我等吓終於火都來，我話我趕時間架，同佢地講呢啲係咪應該你地去叫你哋去處理呀？最後一個阿姐走來幫我收左碗野去比師傅整過，一早就應該係咁啦，搞咩啫？？最後碗米線出番來，係幫我煮番原碗熟啲咁解。野幾好食都無用，好似

🇭🇰知粥嘗樂·生滾豬肚肉片粥$50 油菜+$4 l 皮蛋艇仔粥$28我哋嗰日睇完網球想食粥 見OpenRice評價幾好 就入咗去 點知都幾失望🫢佢個生滾豬肚肉片粥 粥底比較一般 好淡 而且佢個豬肚洗得唔係好乾淨 有啲苦味 🫢好在個肉片正常😂之後個皮蛋艇仔粥就更差 佢係直頭無咩味 而且入邊啲料雖然都多 但係都係冇乜味嘅🫢🫢·#rbyeat#rby港式 #rby粥品#rby北角 #rby炮台山·📍北角炮台山英皇道175號地舖

常餐來説 原來很多冰室晚市已經沒有得點常餐 這裏還有常餐 價錢來說其實好過其他好多 單憑這一點已經難得，但不單止，這裏的麵食出前一丁還要是標準配置不用加錢 老闆再次在餐牌上展現出滿滿誠意 不坑錢這還不夠，足足有2個位置都不加收費用了比其他地方還多送了一些餸菜仿鮑片 作為外食族的我 深深體會到老闆這種做壞同行的誠意 絕對respect 必須上來表揚一下火腿奄列雖然是用舊式的煎法，但內裏都有嫩滑的部分 今時今日50元的價格有咁多野 已經是同業的上限 當然質素一定有上升的空間 但還挑剔的話真不是人了

叫咗個蠔豉豬骨粥套餐，加炒麵。粥煲得好入味，不過冇乜料，同埋唔夠熱。炒麵普普通通細細碟。套餐咁嗌粥加麵$38。加$4可以轉炸兩腸粉。加$6有嘢飲。下次會試吓叫其他嘢。

呢間粥店嘅特色唔止係各款豐富嘅粥品，仲有熱辣辣嘅點心、小食同小炒，款式好多，樣樣都想食揀到眼花撩亂。沙薑雞 (半隻) $83雞都幾大隻，鮮嫩嘅雞肉同香氣四溢嘅沙薑，用汁呢送飯好鬼正！豉油皇炒鵝腸 $88鵝腸炒得好入味，有獨特嘅豉油香氣，非常爽脆！雪菜火鴨絲炆米 $60鴨肉絲嘅炆製充分入味，配以雪菜嘅清新，好夠鑊氣！仲要大碟夾抵食夠2-3人份量！雙拼粥 - 皮蛋碎牛 $28碎牛肉同皮蛋嘅滋味滲入粥底，暖胃又滿粥。油炸鬼 $13油炸鬼外酥內軟，搭配粥更加美味。牛肉腸粉 $23腸粉皮薄嫩滑，牛肉餡豪不吝嗇。香煎蘿蔔糕 $12外面香脆，內軟滑美味，點辣椒油食好香口。凍豆漿 $6 好驚喜豆漿好大杯，好重豆味又滑口。

回家途中刮起大風，寒風刺骨，跟家人想吃點熱東西暖胃，就決定光顧 知粥嘗樂。知粥嘗樂除了粥品出名外，小菜也好似幾吸引。想試海鮮粥已賣完，湯飯系列也好吸引叉燒腸粉 $23腸粉皮較有質感，有點滑身，叉燒餡算多。油炸鬼 $12幾脆口，配粥也不錯熱騰騰的生滾煲仔粥上檯點了豬潤及魚腩，粥底夠綿滑又香，豬潤份量好多，爽口鮮味，魚腩有3大件，嫩滑又啖啖肉，粥品確實出色。椒鹽鮮魷 $93賣相好吸引，避風塘風味不錯，鮮魷彈牙又好惹味。

天氣漸漸轉涼，晚上仲會感覺有啲秋意的冬意⋯⋯涼涼哋就想食粥⋯⋯食粥就最舒服啦，又暖胃又暖身⋯⋯生滾粥就最好不過😏😋⋯⋯但係朋友又想食小菜⋯⋯呢間餐廳就啱晒啦😬口水雞口水雞能夠帶出雞肉嘅鮮香⋯⋯麻、辣、香帶點鹹鮮，超好吃！雞件肉質鮮嫩！醬汁相當濃厚！非常香口！椒鹽魷魚這款香脆可口的小食，竟然在這間食店裏尋找到！充滿大排檔的鑊氣！估佢唔到！😋口感酥脆，又鮮味之餘！又帶點香辣😋⋯⋯加埋酥炸洋蔥🧅超正⋯⋯生滾粥雙拼魚腩加肉丸！魚腩相當鮮味！粥底加入魚腩，鮮味倍增！魚腩剛剛熟！非常滑溜！配埋肉丸又有魚又有肉😬⋯⋯及第粥及第粥屬於粵菜嘅傳統之一⋯⋯豬肉丸，豬肝、豬粉腸普通嘅粥店未必會有⋯⋯這是童年的回憶⋯⋯生滾粥將所有嘅材料滾在粥底裏面，非常鮮味⋯⋯炸兩有粥品點少得炸兩⋯⋯最鍾意佢就係醬汁自己可以任加😋煎堆都係我哋嘅至愛！朋友叫了凍朱古力🍫⋯⋯竟然有鹹檸七😎我係唔會錯過嘅😎😬這間食店包羅萬有，又有傳統作品，又有鑊氣小炒👍犀利😬

有日好想食粥、蘿蔔糕，去到北角呢間粥麵小店，原來好受街坊歡迎，晚市坐滿人，價錢相宜🥢鮮蝦腸粉💰$29估唔到小店嘅蝦腸都幾有水準，腸粉夠滑，蝦又爽口，唔多油所以有少少黏口🥢煎蘿蔔糕💰$17每日即製蘿蔔糕，見到成盤蘿蔔糕面都有臘味、瑤柱，到切件煎好上枱、甩下甩下冇咁多，但煎得香口，質感都好食🥣沙巴龍躉粥(小）💰$98要細嘅砂窩粥都好大盤，二個人都食唔晒，粥好夠味又好綿滑，沙巴龍躉腩就好滑好食，其他部位多骨要小心🍚蔥油豬扒炒菜飯💰$63豬扒煎得幾好，好多菜，啱晒先生食🚩知粥嘗樂 (北角)📍北角炮台山英皇道175號地舖

依家啲舖頭食物比較多元化，之前去過呢間知粥嘗樂，而家都唔係淨係食白粥油器咁簡單，而家仲有好多砂鍋粥,小炒及小菜。坐低叫咗叫砂鍋及弟粥，用上砂鍋嘅煮法，內臟嘅鮮甜味特別突出，成個粥入口又綿又滑，咁樣煮嘅內臟特別爽脆。之後就叫咗另一碗艇仔拼肉丸，呢度啲粥可以有三拼，我拼上皮蛋及肉丸，咁食粥都唔使咁悶，食嚟食去嗰幾味，艇仔粥除咗正常牛肉碎魷魚花生，仲用了仲有少少魚肚，所以食材比較矜貴，材料非常豐富。叫咗兩個小菜一個係鮮魷炒西蘭花，魷魚彈牙，西蘭花炒得爽脆清甜，上枱仲聞到好香鑊氣。魚香茄子煲，材料好豐富，用上蒜蓉乾蔥粒豆瓣醬，入口味道充滿鹹香，加上肉碎，一定要配上幾碗白飯。跟餐配埋凍檸茶，完全係粥粉麵店同茶餐廳嘅合體，一班人幫襯完全吾使擔心搵唔到自己想食嘅嘢！

坐低要咗一個套餐好快就嚟咗碗粥，但左睇右睇都唔似係廣東粥，表面睇比較似潮州粥但又冇潮州粥咁有*米氣*比較似湯多過粥，食咗一啖覺得比較*清淡㗎*所以加咗啲鹽，再食多一啖又好似冇乜分別唯有加多啲豉油，終於可以食到豉油味，而家周圍環境麻麻有啖粥水食都應該感恩，不過要俾四十蚊嘅粥水似乎太過咗啲😡

大家樂集團其下餐廳,姐姐們服務態度其差。北角區很多食店,坐落在此,一是食物質素高,或環境服務好,或價錢平。但此食店,食物一般,飯餸咸,菜有咋,只有燒味合格,但比起附近茶餐廳並不是出衆。最致命是服務態度,叫茶無茶,碗碟筷自助。姐姐還將服務不周,推向廚房出水不快,所以沒茶沒水。對不起或不好意思都沒有一聲。相信距離關門大吉,也不遠矣。

運動非常重要！相約咗啲friend 去維多利亞公園游水⋯⋯游完水特別肚餓⋯⋯又想食粥，又想食小菜又想食油炸鬼！這間小食店就啱晒啦⋯⋯知粥嘗樂📍北角炮台山英皇道175號地舖☎️ 2802 6128這間食店比一般嘅粥店乾淨清潔⋯⋯食物質素，估唔到咁高⋯⋯見到佢係平日都已經全場爆滿😋沙巴龍躉粥粥品口感綿密，乃是上品⋯⋯龍躉鮮甜爽口！而且份量都好多！有時粥品都有高低😎這裏的作品是高質⋯⋯😋加埋油炸鬼同吃超正⋯⋯煎堆梗係唔少得啦😋😋叉燒腸粉即拉腸粉！叉燒份量好多添！鑊氣小炒椒鹽魷魚魷魚相當新鮮！份量頗多！非常香脆！加上很多洋蔥超香口！味道媲美飯店！估唔到咁有鑊氣！沙薑雞雞件相當滑溜！味道非常香濃！好少有好多砂礓粒鋪在面上⋯⋯真係另一番風味！好味😋⋯⋯好少有粥店提供凍飲！呢度都有😎真係正😎⋯⋯

天時暑熱，沒有什麼胃口，食返碗粥最舒服不過了。位於炮台山的知粥嘗樂，位置顯眼，交通便利，今晚過黎試下。點左個套餐，魚腩粥，配蝦米腸粉，魚腩好大件，而且滑，粥底夠綿，蝦米腸粉好香蝦米味，味道唔錯。除左粥粉麵飯，還有小炒，於是點左個蝦醬通菜炒牛肉，牛肉嫩滑夾大件，通菜因為有蝦醬，鹹香惹味😋，份量亦唔少。再來一份豉油王炒鵝腸，鵝腸很爽，味道清淡，份量也很足。最後再飲返杯熱奶茶，杏仁霜，總體價格適宜，值得一試。

天氣有少少涼涼地，加上放工後唔知食咩好🤔🤔 突然心血來潮想食粥，於是試下炮台山既知粥嘗樂，食下咩咩味道。店內都有7成人，有些睇緊電視，目測有旅客，有街坊，亦有放工人士。這裡除了粥品外，都有賣單餸或碟頭飯，算多元化😄生滾粥套餐豬膶粥 - 用個煲煮滾上，內裡有4-5塊豬膶，豬膶較薄，煮得較老，有少少鞋；粥底有少少咸，可能豬膶調味後滲入粥底🤔味道不過不失啦。蔥花蝦米腸粉 - 油份冇咁多，蝦米唔太多，粉漿較得適中，唔會好厚粉。味道正常，有陣陣米味😇