9
6
0
港鐵銅鑼灣站 E 出口, 步行約3分鐘
繼續閱讀
營業時間
星期一至日
13:00 - 20:30
以上資料只供參考, 請與餐廳確認詳情
百味堂雪糕真係好有人氣，我諗有好多朋友都比佢個樣燒到，所以食前一定要打卡🤤但佢唔只得個樣，雪糕奶香帶點冰感但好濃牛奶味，個感覺就好似固體嘅新鮮牛奶，質感係軟糯同細滑嘅，食過一次一定會記得個味 (因為真係好有記憶點) 同埋我鍾意佢甜度剛剛好，唔會甜到食完成個要搵水飲，而脆筒咬落卜卜脆，個設計仲唔會令溶咗嘅雪糕滴落手，打完卡影相都唔怕做污糟鬼～
繼續閱讀
最近download左個app叫 kaikai, 入邊成日都有好多突發優惠 , 有日見到杯雪糕只係需要$9，毫不猶豫咁就買咗呢間舖頭已經喺香港屹立多年，但因為佢嘅價錢比較貴所以之前都冇諗住食，機緣巧合終於可以試吓啦喺皇室堡落一層就會見到呢間舖頭，唔使排隊好快已經有得食呢杯雪糕有豐富嘅奶味，可能因為咁所以比較軟身，夏日天時要盡快食，如果唔係可能就會溶雖然比較軟，但都好滑，我見到佢仲有其他唔同嘅口味例如朱古力，下次想再試下
繼續閱讀
姨甥考試成績好，所以今日帶左佢黎銅鑼灣食雪糕。小朋友果然鍾意食蛋糕同雪糕。百味堂本身好多間分店，依加縮淨尖沙咀K11 musea、山頂、銅鑼灣三間分店。每次去親都會問下職員有冇椰子雪糕，自從之前食過一次就愛上那多重口感的椰子雪糕。結果是…没有的。 ⦁原味忌廉蛋糕 蛋糕鬆軟綿密，忌廉不多亦不甜，入口輕盈。但有種食完同冇食冇分別的感覺。 ⦁藍莓雪糕牛奶雪糕中間有層層藍莓果蓉，藍莓醬全是藍莓製成，本身沒有加糖同防腐劑，完全可以食到藍莓本身的甜味，配上原粒藍莓口感更加豐富。 ⦁Tiramisu雪糕牛奶雪糕上面倒了咖啡同加左朱古力粉，咖啡味好香。可能咖啡係液體的關係，最後變左奶味重的咖啡。 同場加映，大家經開百味堂分店，如果有尼款雪糕，必試！係我力推之作⋯ ⦁椰皇蛋白配原味牛奶雪糕顧名思義用了椰皇水燉蛋白，再配上濃濃牛奶香的雪糕，入面仲有椰汁西米、低溫烘烤的椰子脆片、椰肉等，多重層次勁滿足！（唔知幾時會再有得食呢⋯）
繼續閱讀
好耐無食百味堂，今日經過皇室堡見到有新口味，又去試試先。新鮮士多啤梨牛奶雪糕 $72呢個新鮮士多啤梨牛奶雪糕係細size，份量好細杯，同平時芒果味唔同。有機牛奶雪糕採用黎自韓國進口有機牛奶，一貫既滑而奶味香濃。上面有幾片普通士多啤梨片，紅彤彤賣相唔錯。好似灑左芝士粉，食落居然有芝士味。下面就加左勁多士多啤梨醬，一d都唔甜，似用新鮮士多啤梨整。都係個句，價錢唔平。呢個價錢同份量，都係芒果牛奶雪糕稍爲抵食少少。
繼續閱讀
因為人地比左年呢間店的蘿蔔糕換取卷, 所以跟住換取卷上的address 同時間去取蘿蔔糕. 但係去到點知個店員去左食LUNCH, 仲要超過一個鐘先返來, 令到要係門口等左個幾鐘. 無錯, 係超過一個鐘先返來!!!!!!!!!!!!!! 點解換取卷唔寫有LUNCH時間????? 你可以話我可以係附近行下等下, 但係每個人的時間都好寶貴!!!!!!!!!!!!! 加上, 已經要坐車去唔近, 仲有, 唔係你張卷免費, 我係唔會等, 大把其他牌子都有得買蘿蔔糕仲好味過你!!!!!!!!!!一肚氣, 寫comment都浪費時間, 但係唔寫唔得!!!!!!!!!!
繼續閱讀