百味堂 (已結業)

姨甥考試成績好，所以今日帶左佢黎銅鑼灣食雪糕。小朋友果然鍾意食蛋糕同雪糕。百味堂本身好多間分店，依加縮淨尖沙咀K11 musea、山頂、銅鑼灣三間分店。每次去親都會問下職員有冇椰子雪糕，自從之前食過一次就愛上那多重口感的椰子雪糕。結果是…没有的。 ⦁原味忌廉蛋糕 蛋糕鬆軟綿密，忌廉不多亦不甜，入口輕盈。但有種食完同冇食冇分別的感覺。 ⦁藍莓雪糕牛奶雪糕中間有層層藍莓果蓉，藍莓醬全是藍莓製成，本身沒有加糖同防腐劑，完全可以食到藍莓本身的甜味，配上原粒藍莓口感更加豐富。 ⦁Tiramisu雪糕牛奶雪糕上面倒了咖啡同加左朱古力粉，咖啡味好香。可能咖啡係液體的關係，最後變左奶味重的咖啡。 同場加映，大家經開百味堂分店，如果有尼款雪糕，必試！係我力推之作⋯ ⦁椰皇蛋白配原味牛奶雪糕顧名思義用了椰皇水燉蛋白，再配上濃濃牛奶香的雪糕，入面仲有椰汁西米、低溫烘烤的椰子脆片、椰肉等，多重層次勁滿足！（唔知幾時會再有得食呢⋯）