百味堂 (已結業)

好耐無食百味堂，今日經過皇室堡見到有新口味，又去試試先。新鮮士多啤梨牛奶雪糕 $72呢個新鮮士多啤梨牛奶雪糕係細size，份量好細杯，同平時芒果味唔同。有機牛奶雪糕採用黎自韓國進口有機牛奶，一貫既滑而奶味香濃。上面有幾片普通士多啤梨片，紅彤彤賣相唔錯。好似灑左芝士粉，食落居然有芝士味。下面就加左勁多士多啤梨醬，一d都唔甜，似用新鮮士多啤梨整。都係個句，價錢唔平。呢個價錢同份量，都係芒果牛奶雪糕稍爲抵食少少。