田中日本料理

營業中

休息中

今日同朋友去咗元朗一間叫田中嘅壽司店，據聞呢度抵食夾大件，所以就黎試嚇。我同朋友嚟到嘅時候大概6:00門口已經有一大堆人在等位。等了大約10分鐘才可以入座，我們點了大大件嘅1️⃣三文魚刺身三文魚勁厚切，總共有六片都只係（$75），勁抵。見到這裏推介2️⃣三文魚火山卷，見到幾特別所以叫你試吓。三文魚卷上有甜蝦同海膽，全部都相當新鮮。3️⃣鰻魚壽司 - 鰻魚味道一般，比較乾身，沒有什麼醬汁。4️⃣明太子雞翼- 雞翼包全滿滿嘅明太子，脹卜卜，非常惹味。5️⃣丼飯6️⃣牛舌

除咗「抵食」之外，真係諗唔到其他詞語形容呢間舖。夜晚食日本嘢食到飽都只需要大概一百蚊一位，基本上冇幾多間做到。如果要挑剔嘅話，就係佳得唔係太舒服同埋限你食四十五分鐘。呢間舖冇乜特嘅創意料理，只係一般嘅日本嘢，但由於佢抵食夾大件，所以好多人排隊，提供嘅食物就自然新鮮，所以基本上點乜嘢食都唔錯。我每次都會叫一個定食然後再點幾個件壽司同一個日式料理，夾埋都大概係一百二十蚊到，以晚市來講真係好超值；而佢午市都有套餐優惠，雜錦魚生飯定死再加幾件壽司都只係八十蚊。呢間舖點都要食一次！

田中。一間元朗人必識既日本餐廳壽司刺身出名大件，價錢合理。壽司大件到未見過都唔信 壽司舊飯差唔多有一包tempo紙巾咁大包，上面既刺身都唔會偷雞，一樣咁大件中午食更加抵主要有四個套餐1. 三文魚腩飯 （最推薦）$～6x蚊 有湯/盒裝飲品 個飯除左有三文魚腩之外有甜蝦輔帶子有北寄貝。最正係佢會有四五塊紫菜係到可以瞬黎包飯食2. 手卷餐 （我未食過）3. 雜錦刺身餐 （食過一次） 完全無印象，價錢貴過第一個餐之外其實d料差唔多，都係甜蝦，帶子等，仲要無三文魚腩 （所以唔推薦）4. 十件壽司 （當中有三文魚壽司，帶子壽司，北寄貝，玉子，加州卷等） 一個正常男仔食呢個餐會覺得太飽 重點到喇！每次黎到都一定叫 蟹子沙律！絕無誇張 佢既蟹子沙律係本人心中既第一位佢既沙律醬唔會太酸，我食過有其他日本店既蟹子沙律個沙律太酸我唔太喜歡田中既蟹子沙律甜酸好適中，好多蟹子一撈次次都會倒瀉少少蟹子佢仲有刺身拼盤。刺身好厚好大塊。大家記得佢晚上好多人，用餐只限45分鐘。未入座已經要選擇定食咩如果係想同朋友慢慢傾心事食個飯呢到就唔適合

勁多飛魚子嘅沙律好耐冇見過，而家冇咩鋪頭會咁做啦！會做嘅都只會用啲差少少嘅魚子。值得一試好勁黑蒜味。炸蠔和炒雜菇。如果你唔係好想食蔬菜，我建議你都唔好點炒雜菇，因為完全沒有味，平時都會有少少牛油或者蒜香味，但依個只是清，小小鹽嘅味道都沒有。芝麻雞翼和章魚燒好似去到食放題嘅時候先會點！但芝麻雞翼真係好好味。章魚燒就很一般。重點來啦！所有壽司都超級大件。好彩我哋有八個大人兩個小朋友，我哋先可以食得晒！見到軍艦先感覺到咩係大大件，雖然佢真係飯比較多，但材料都很充足，唔係剩係得個飯，海鮮刺身都好多。雖然佢大件但唔會唔抵食。但係餐廳會有限時間進食，所以喺入餐廳之前他會叫你先落單，大家一坐好嘅時候就會不停有好多嘢食上菜，食得比較急進。

四大一小食咗$六百幾蚊，BB兩歲都計一個大人位價錢！非常不滿，有點貴！不不推薦！除咗鵝肝難吃、三文魚短身、鰻魚都瘦身成功咗！鰻魚炒飯更加麻麻哋無物味！其它都OK

廣島生蠔壽司(兩件) 💲28帶子壽司(兩件) 💲32蟹子沙律 💲38咖哩豬扒拉麵套餐 💲70（午餐）✅ 蟹子沙律真心大份‼️話係3-4人份量絕不誇張！❔ 一心衝著大件壽司而去 可惜選擇不多 所點壽司如帶子味道一般🧐❔ 咖哩豬排炸得有少少過火💥 但咖哩汁都幾多❇️ 大家可以試下倒落拉麵湯底 自製咖哩湯🤣 味道都唔錯👅Taste：3/5💰CP值：3.25/5

今日屋企人生日話想食日本嘢，醒起呢間壽司刺身店質素好似Okay，所以帶埋佢哋去食！呢到嘅價錢真係好實惠，唔怪得門口長期咁多人排隊，同埋繁忙時間限時四十五分鐘要交枱啦！講真其實晚餐四十五分鐘都唔太夠時間食，不過都即管試下啦！三文魚係我嘅all time favorite！次次食親日本嘢都100%會叫，呢啲嘅三文魚腩刺身夠晒厚實！油脂分布得都靚！食得過！海膽同蟹肉蟹膏壽司都above average！好鮮甜冇乜苦味！我好鐘意！呢個炸蝦卷略嫌炸得唔夠脆！如果可以再脆啲就正喇！屋企人都好滿意呢餐，不過如果可以食耐啲就更加好！

身為一個元朗人，呢間餐廳可以話食過無數次，見證住它搬完又搬，最巴閉同利害係除左它有本事令自己出名有名氣之外，基本上它搬親去邊，都會帶旺周邊既地方同附近食店，講真真係無咩邊個元朗人會唔識同無食過它。當然啦！它又唔係話超高質，好好味/好抵食果種，但算叫做有啲特色，同埋帶動左個潮流囉!!!!老實講它啲食物算新鮮，有條長長拖尾同大大件大大粒大大碗咁囉，質素屬於中上水平啦！當然啦！問心果句相比起當初，它既質素的確係有下降既趨勢，但又未至於差同唔再幫襯。至於因乜寫呢篇文，事源復活節假期，終於齊腳，所以當日帶左幾個朋友去食，我地一行5人，食左六百幾蚊，人均消費都係百幾蚊一個，佢地都食得好開心同表示滿意。除左鰻魚瘦身成功，三文魚條尾又短左，仲有吉列蠔卷食炸粉外，其他都ok

呢間壽司出晒名係元朗必去食堂，佢嘅壽司大件夾抵食已經人人都知，尤其是係佢嘅鰻魚壽司同埋三文魚壽司我就最鍾意，啖啖肉食一兩件就會好飽。佢嘅炒飯方面，雖然好平但係我覺得太乾身同埋好似款款都一樣味道，唔建議。佢嘅沙律都建議因為好平仲要大大份，但係食得多真係會厭。平時三個人真係食唔到幾多野，我建議購買外賣當係都會咁樣拎走，同三五知己開party就最fit。記得要提早落單因為每到晚上都要等好耐我上一次都等左45分鐘，同埋佢限時坐飽就講走人㗎啦。所以如果想坐低傾計吹水呢個地方就唔適合啦但係如果男人老狗想食飽肚嘅就可以去！

一直都想介紹一些抵吃又好味道的餐廳給大家，這次終於有CP值很高的餐廳啦～這家元朗田中壽司長期排長龍，些次都等了十五至二十分鐘才有位。與友人點了幾碟壽司刺身，刺身有手指這麼長！而且一律厚切（也太不吝嗇了吧？）！而白飯都有壽司醋味，不是普通白飯～刺身質素還要很高，不會腥或者感覺不新鮮，吃每一口都很放心～哈哈！兩位女生吃平均點3-4碟都絕對夠飽，因為份量是很大的，不要眼闊肚窄呀！私心推薦甜蝦及三文魚腩！很新鮮又厚切！

有時收工收得早都會專登入元朗食飯 基本上唔使諗一定係田中 唔好睇佢價錢好似好貴但其實份量超級多就以三文魚壽司為例 佢一件壽司用嘅三文魚嘅份量基本上已經等於你喺其他壽司店食嘅三文魚起碼超過 兩三倍 仲要一碟兩件 細食啲嘅朋友分分鐘一件起兩點止 其他推介包括軟殼蟹反卷 蟹肉蟹膏

每個月外賣必選之一，甚少堂食，用餐時間又唔多，只有四十五分鐘，出面人龍又多，又要預先揀定野食落單，又要齊人先可以入內，裡面環境又唔大，又迫，服務就更加唔洗諗啦，顧唔到你，最重要一點，冷氣唔夠凍。所以每次我都係電話落單，佢哋整好之後，就先會打電話俾我，又方便又就到時間，佢哋d野食又大又平，三人份都係$200以下埋單，夜晚營業時間又早，5:30pm 就叫得，有時仲可以預早少少打電話order,幾方便，佢哋附近仲有好多間珍珠奶茶可以買。

多年不見的好友，相約在元朗大馬路，度過一個愉快既晚上。朋友在元朗工作，雖知香港人特別勤力，永遠工作到最後一刻，於是特意在公司附近嘗嘗日式小店。雜錦刺身既魚生厚切，新鮮海膽亦有驚喜，雖然份量一般但誠意滿分天婦羅端上的時候還是熱乎乎的，炸皮則略厚。比筷子長的多春魚，凈系相機食都已經非常滿足啦燒牛舌為每次日本小店必點串燒之一，牛味在嘴裏久久不散海膽，玉子，三文魚壽司中規中矩，飯團顯涼松散，稍微失望。如今誠意小店越來越少，食得一間得一間啦！

和朋友去元朗行下想起很久沒有在這兒吃東西了六點幾去到 已經開始有人排緊隊侍應俾咗一張點餐只俾我哋 要我地喺街外即刻點 匆匆點完就入座要咗三文魚壽司 鰻魚壽司 火炙左口魚壽司海膽火山卷 燒茄子 鯖魚定食 蟹子沙律 叫咗超級多野佢係限時一個鐘頭內要走 所以啲嘢好快上嚟每一件壽司都係超大件 個刺身係拉尾 我覺得食一件等於普通嘅兩件 蟹子沙律超大碟 其實我極鍾意食蟹子沙律 所以我勁滿足 反而我隔離嘅同伴已經有啲吃不消 燒茄子感覺正常 不過稍嫌唔夠香 冇乜味 落得唔夠多調味料海膽火山巷 其實海膽只係比咗好少 反而又係啲飯好多 最後咪因為實在食壽司食到我哋好飽 個鯖魚定食我哋係要成個外賣 完全食唔落最後埋單$320兩個人 如果想簡簡單單食餐日本菜 價錢都OK嘅

系元朗一間日式餐廳以壽司大大舊做特色同朋友去完元朗yoho行完街佢就到介紹到附近田中食日本野試下無妨就決定左去啦叫左1個雜綿魚生飯黎既時候見個碗高大以爲得好小野點知食落原來系好夠飽飯唔會一味塞俾你 試面既魚生大塊新鮮又附種類 絕對可以一口飯夾魚生 但食哂飯都未食哂魚生之後再叫左個黑蒜厚切叉燒拉麵湯底唔系太特出 但都夠濃郁個人鐘意瘦叉燒 佢又幾好唔太肥 同正宗日式叉燒唔一樣叫左蟹子沙律 抵食推介大大碗抵食蟹子絕對可以豐盛黎形容大大塊三文魚🍣令人好滿足 三式壽司既飯略偏大但都好新鮮啊！絕對系會再去既餐廳之選