田中日本料理

營業中

休息中

好耐都冇食過大大件又好味既壽司了⋯田中🍣🍣係元朗都算數一數二嘅都係佢🍙🍙雖然D服務員有時會串D又冇乜禮貌，但食物新鮮又唔太貴都可以嘅😛😛中午食會比較好D.....人又唔多唔駛排好耐就可以入去食了😁😁（我試過疫情前⋯夜晚去堂食要等成個幾鐘先有得入去重要只係得90分鐘😖😖噢⋯有點趕！淨係食唔好講咁多嘢🤨🤨）

好耐無入元朗食田中，成日都心思思想入去食，咁岩今日同朋友入開元朗，就決定夜晚去食啦我地大約19:15去到，正直晚飯時間，所以門口都有唔少人等位，職員首先比張menu我地點餐先，邊點邊等其實幾好等位有野做得黎入到去又慳返少少時間，等咗大約15分鐘左右就有位行入去見到每枱嘅大大舊壽司仲有大大碟炒飯，真係令我急不及待我地總共叫咗7碟壽司，1碟軟殼蟹反卷，同埋1碟燒三文魚頭。軟殼蟹大大舊超多蟹肉！唔係好似平時出面食得個脆殼其他壽司都好鮮味唯一少少失望係牡丹蝦壽司，感覺甜蝦仲好食，但係佢價錢係甜蝦壽司一倍（$56/2件）

呢間鋪頭應該大部份元朗人都聽過，係元朗都經營咗好多年💛💛我自己都食咗好多年🙊🙊-可能因為佢都幾多人等位，加上地方偏細，所以你等位個陣，佢已經會叫你落定單，基本上你一入到去就有得食👍🏻👍🏻當然你想入到去再加單，都係可以既🤭-呢度啲壽司全部都大大件，大舊過出面好多餐廳，食落感覺特別滿足😍😍味道方面都幾好，對得住個價錢，完全滿足到我🥳🥳p.s.特別係三文魚同鰻魚壽司，2個都係特長！！！但太肚餓，唔記得咗影低😢😢-不過都因為佢大大件，所以其實食唔到好多野☹️☹️今次2個人去食，叫咗12件壽司 、4件軟殼蟹卷、8隻甜蝦刺身，已經飽到差啲食唔曬👻👻（如果舊飯細返啲就更好🤩🤩可以再叫多啲壽司食🤩🤩）-埋單都唔算貴，300幾蚊，算係抵食-

前日我就去左呢間田中日本壽司店到食晚餐,其實我覺得總體黎講一般,首先我會逐一講下我食過咁多款入面最中意個款先呀,我最鍾意個個係火炙三文魚壽司,因為佢入口唔會太有黎,又大件,跟住我再講下我食過呢d壽司後ge感受。。。果個三文魚腩碎飯喺可以ge,OK大碗,但係竟然佢跟餐個個麵豉湯先係重點,湯竟然有蜆肉喺入面,而且啲蜆肉好彈牙,湯又唔會好鹹。三文魚刺身就麻麻地,冇乜鮮味,帶子壽司就乾咗啲,海膽刺身還好,冇乜異味,軟殼蟹反卷d軟殼蟹係比較林,鰻魚壽司還好啦,芝士鰻魚卷反而仲好食啲,啲芝士係會入口即融果隻,又唔會已經溶哂,ok, 三文魚火山卷就一般。 總括嚟講我應該唔會再去食，雖然唔係話難食，但係整體質素和真係好一般，如果你係話為飽肚想食壽司既話，呢間平平地的確可以係你以ge選擇,但係對於我求質又求ok飽肚已夠嘅人嚟講，我諗我會食其他。。

三文魚刺身 $40 （三片）好大件切得都好厚身！ 如果一個女仔食晒三件應該會好膩 兩個人share都ok,味道係正常三文魚😂蟹籽沙律 $38呢個係最正常亦都係最好味嘅一道菜。$38真係好抵而且份量好多，好足料。蟹籽亦都俾得好多！一啲都唔孤寒👍🏻軟殼蟹反卷 $48軟殼蟹反卷味道正常，但飯偏多，好大一舊。燒牛舌$42最伏其實係呢個😂😂 呢個真係難食到我食唔晒..好似同緊隻牛打茄輪咁🤢諗起都覺得好嘔心🤮個原因係因為佢切得太厚同埋口感太淋身。同平時食開嘅燒牛舌好唔同。平時其他餐廳係爽口彈牙 厚度適中。總括，如果住得遠嘅，我覺得可以唔洗試😶

住元朗嘅朋友個個都推介呢一間平民壽司店因為唔接受訂座 如果想來食一定要早啲排隊事關大熱天時喺出邊等個幾鐘都幾辛苦😥😥眼見唔係堂食嘅 買外賣都好多成條行人路都企滿晒人排隊 相信成條街最旺就係呢間野🤣🤣🤣等咗個半鐘終於有位 平民街坊價 就唔好expect裏面環境好靚 有啲似Canteen 至於order紙就係墊枱紙 一物兩用 簡單方便呢度最出名係特長鰻魚壽司 賣相真係好有驚喜成條鰻魚一啲都唔孤寒！仲好好味😋！正！三文魚刺身超級厚 一件等於平時餐廳嘅三件 確實物超所值！👍🏻👍🏻仲有蟹子沙律超級大bowl!!! 青瓜絲新鮮爽口 夏天食真係好正😋😋😋至於值得改善係個章魚小丸子 口感一般 一pat pat🙃 同埋凍的 可以再做好少少仲有蝦天婦羅 每隻蝦都好大隻 粉唔厚 正！🥰值得再嚟食🥰

政府宣布香港所有食肆由15/7日起晚市都冇得堂食，收工諗起突然好想食壽司，就叫左呢間壽司外賣返屋企慢慢嘆，大件夾抵食。.食物觀感十分吸睛，每一件都俾其他壽司店既尺寸黎得大件，我當晚點左三文魚壽司、鰻魚壽司、黃金魷魚壽司、芝士飛魚子壽司、蟹膏蟹肉壽司、吉列蠔反卷、蟹子沙律等。.味道方面，我其中講吓幾樣食物，三文魚壽司不過不失，鰻魚壽司因為冇鰻魚汁食落感覺比較乾，黃金魷魚軍、芝士飛魚子軍艦，外賣關係紫菜已經霖晒，但都係我其中最愛嘅壽司，芝士控必食推介，蟹子沙律大大兜超滿足。.價錢方面，總共食咗$43x，價錢合理，總括嚟講會再食。

元朗除左出明老婆餅 呢間田中都係我係港島人都聽過既壽司店出明抵食同大件！ 食到你不要不要der~ 我地嗌左幾多野食 但其實我都唔係好記得我哋嗌左咩 🤣🤣但值得推介嘅係 鰻魚壽司 （成隻碟咁長）軟殼蟹反卷火炙三文魚腩壽司蔥吞拿魚腩碎建議大家盡量嗌刺身 唔好嗌咁多壽司 因為壽司啲飯會飽到你食唔落了🤣 同埋建議大家分兩次落 食完再落 因為份量真係無法預計🤣🤣🤣

元朗有間好出名既日本餐廳，住元朗都認識呢間野。呢間野出名價錢平同埋分量多，所以就入黎試下。我地去到大幾7點幾，門口有經一堆人等緊位。不過等位期間， 侍應比左張點菜紙我地，方便等食既時間，因為呢間野得45分鐘用餐時間。叫左2個飯附送湯，湯入面有蜆肉。鰻魚壽司好新鮮，好大件成隻碟咁長。值得推介。d壽司好大件， 刺身好新鮮嫁。。。燒秋刀魚都好正，有肉汁，唔太乾，附上 檸檬汁 正。如果想平平地既壽司，呢間性價比算不錯了，抵食夾大件，絕對唔會太你失望。不過唯一缺點就係座位比較逼。

喺元朗一諗起食日本嘢第一時間就會諗起田中，加上天氣太熱啦好想食日本嘢田中出品大件夾抵食永遠唔會失望，價錢方面CP值極高，但有心理準備一定要等位，快則15分鐘慢則半個鐘之後.每次必定會點三文魚壽司🍣，非常非常之推介，今次朋友仔太飽所以冇點到，另外鰻魚壽司永遠冇失望而且足16吋，其他地方我未見過有咁足料.雜錦魚生飯我每次都會點今次就轉左拉麵🍜，拉麵非常彈牙，配料都好足，如果嫌太多飯嘅話可以好似我哋咁食下拉麵.

田中喺元朗咁多年都屹立不到，一直都人山人海。而田中好似不太受疫情影響，平日午膳時份也是滿座，只是不用像以前一樣排隊。田中出名抵食兼好食。佢嘅午餐menu的選擇多到數唔晒。一般定食都跟三文魚腩邊同麵豉湯，而鍋類果啲就有飯、刺身同湯，午飯黎講真係好豐富。我今日主要就講呢個三文魚頭鍋。非常好食！湯底係日式甜醬油，調味非常甜，所有野食麵好甜，但又唔會過晒龍。佢俾嘅份量麵好多，我至少食左四件魚件，件件都好多肉，非常鮮甜美味，肉質仲非常滑溜飽滿，好滋味！另外佢仲有少少娃娃菜同金菇。呢個餐超級飽肚，唔洗加一，另有湯有飲品有刺身，埋單都係$72。

從未見過服務態度咁差嘅食肆，一d禮貌都冇。今日我同我媽去食晏，坐左係四人台，一人一邊，打對面坐點知個老闆過黎叫我地並排坐，但明明當時冇乜客人，亦多空位我地照直講 “有咁多空位，打對面坐都唔緊要啦！”，個老闆竟然兇我地 “無生意，你地都可以走架！” 我地客客氣氣，你洗唔洗咁對人？以前田中排曬長龍，好好生意，明白你生意差左都會炆，但唔代表我要食個飯都受人氣呢咁差劣嘅態度我係唔會再去幫襯，生意咁差都係有原因！

真的很久很久沒有到這間食肆了，今日見人唔多就去食嘢。大約中午一點，星期六，沒有人在外排隊，入去攞位就即時執張枱俾我。呢度食嘢只有45分鐘時間，一定要預早諗定食乜，然後坐低就叫。既然甘耐無食過就當然好想食魚生啦！星期六有個午餐係三文魚腩碎壽司飯，其實唔只三文魚腩碎，仲有兩隻甜蝦，兩片北寄貝同兩片切開左的帶子。我知道呢度份量大，所以叫左少飯，仲有麵豉湯或汽水。麵豉湯一般啦，夠熱，有少量紫菜，細細粒的白蘿蔔，兩隻小蜆，味道不鹹，剛剛好。如果有埋豆腐粒就好喇。魚生飯比我想像中多三文魚腩碎，新鮮，蝦好味，餐黎講都算大隻。帶子就淋得滯，又大薄，不過都有甜味。北寄貝都容易咬，新鮮。飯好有黏性，好飽肚。我最喜歡用紫菜自己包魚生飯食，共四塊新鮮的紫菜，脆卜卜，好食。雖然少飯，但都好飽！

元朗有間好出名既日本餐廳叫做田中。🥰應該好多住元朗既人都識呢間野。因為呢間野出名平同埋份量多。🍣🍱🍵佢既午市價錢好合理。一個三文魚腩碎飯都係$60左右。上面有好多刺身，有帶子，甜蝦，三文魚腩碎。佢仲有紫菜比你包住食。刺身好鮮甜，價錢好平。仲包埋飲品。😎另一樣我必叫既係蟹籽沙律，份量好大，好多蟹子，沙律唔係一味得酸，有甜有酸好好食。佢仲有十件壽司set。件件都好大件。$79包飲品同埋小食一碟，一定會encore😚😚

老字號的餐廳越來越少，由中學已經開始食，一間令你懷念的壽司店！如果你喜歡在元朗食壽司店的，相信這間田中好多人都會認識，平時都會好多人大排長龍，人流多，食物去得快，魚生好新鮮！鰻魚壽司好新鮮，冇乜碎骨，值得推介😍😍三文魚手卷，如果紫菜脆啲，仲更加好！本身想叫油金魚鮫，但通常都冇，唯有叫三文魚頭頂住先！大家食之前記住擠上檸檬汁，口感會更好！魚頭燒得脆脆的，好香！整體來說：食物一流，但座位比較迫，坐近路口位嘅要留意，有時樓面出出入入會踢到你張櫈！食完收碟都好快，但如果多啲主動嘅加茶更加好！