Siam 28 (銅鑼灣) 銅鑼灣軒尼詩道525號澳門逸園中心28樓 話說我次次上黎呢座building 試親嘅餐廳都咁好食，同兆萬中心形成強烈對比 都試過其他更好味嘅餐廳😍😍😍 新環境舒服，服務態度很好，仲好有氣氛，每一樣食物都幾乎係好食嘅！又唔會好貴佢啲飲品仲真材實料葉龍眼茶真係用龍眼乾整嘅唔係罐頭，仲有佢個珍多冰勁好飲 諗起都想飲番。 佢個芒果糯米飯都幾特別啲糯米飯係煎過一塊塊嘅，泰式蟹肉冬菇冬筍羹熱鍋上，食緊泰式碗仔翅，估唔到都幾好味！佢個素生菜包真無必試，金邊粉都整得好好味，仲好有心機添 #泰國美食#銅鑼灣美食#美食推介

AGE Cusine Express 新年話咁快就完左，要約下朋友仔出黎食開年飯，平日既話又唔想行咁遠，就去左公司附近既扒房 ，依間餐廳都算近地鐵站，係太古站A出口行過都係5分鐘左右，不過撞正放工時間，可能要等一等𨋢。 餐廳環境清幽潔淨，燈光明亮。可能得兩個店員關係，上菜時間唔算好快。 1. 燒美國Prime 級牛扒 set dinner > 好大份，好多野食，有餐湯，牛扒，飲品及甜品。叫左5成熟既美國肉質及脂肪分布Prime 級牛扒，口感軟腍帶點韌性，確實唔錯 👍🏻 除咗牛扒之外，最吸引我既係佢既甜品，真係好好味！👅 2. ⁠蟹膏蟹肉扁意粉 > 鍾意食蟹肉蟹膏既朋友一定要試，重點推介！！ 😋 啖啖既蟹膏蟹肉加上忌廉汁，口感十分豐富，不過一定要趁熱食，凍左會有少少腥味。

Lento (九龍城) 九龍城太子道西428-430號地舖 前嗰排去咗九龍城嘅一間cafe 坐左半日，忙裏偷閑。 打開份Menu全部都係勁健康嘅食物，叫任何一道菜都覺得好fresh ,今次叫左Parma ham galette 有巴馬火腿火箭菜蕃茄蛋，菜呢個菜式都幾特別。 我身邊啲人都係帶咗啲書同埋電腦嚟靜靜地自修睇閱讀 ，仲有好多唔同類型嘅咖啡飲品選擇添，知道我唔飲得 咖啡仲整左龍樣既芝麻飲品俾我添 想去chill下都可以試

同朋友燒烤癮起,就打算去大尾篤燒下野食 今日就黎到TLC燒烤 一入去首先要買飛先既 跟住就會有職員幫你打理好一切 咁佢同傳統燒烤場都幾唔同 佢除左燒烤仲有唔同食物可以打邊爐 幾新穎 無論係環境同埋整體既氛圍,場內充滿住唔同既led燈,同埋就係超級超級乾淨.真係好值得一讚,用餐既感覺好好多 成個area都係有瓦遮頭既 離拎野食既自助bar都唔遠,非常方便 特別要一提係佢既牛仔骨 雪花好靚 油香但又好嫩 忍唔住一拎就拎好多 整體食物質素 環境 服務都十分滿意 價錢也都唔貴 味道: 8/10 環境: 8.5/10 服務: 9/10 人均: $150-250

📍 Amplifier Restaurant (積福街) (大圍) ———————————————— follow @cteateat_mommy了解更多美食推介 話說新年前試咗一間好高質嘅西餐喺大圍 一早想介紹吓，但係次次都未寫，本身想介紹俾大家情人節去食真係非常good! 一一入到去環境好吸引到我，唔係話特別好靚，但場內俾到我好chill好舒服嘅感覺,一個星期有兩三日有live Band添，下次要嚟再感受一下！ 食物碟碟都咁好食😋，仲要唔細碟！ 今次叫咗個二人套餐，食到勁飽 先嚟個頭盤生蠔同Parmaham 配蜜瓜，又甜又好味新鮮！ 跟住揀咗個香煎帆立貝蕃茄意大利粉同威靈頓牛扒、好食好食！最後連個Cake 都咁好食 ,但嗰個Brownie就普通 味道: 8/10 環境: 8/10 服務: 8/10 呢個set 大約$1000

滿屋日本料理 (大埔超級城) (大埔) 大埔 放題 諗住食伏嘅心態過嚟 估唔到很有驚喜。 基本刺身壽司天婦羅都有，有驚喜係佢其他食物。 包括海鮮粥，避風塘炒海鮮 燒菠蘿 牛扒 任食榴槤 雞煲 羊架 花膠 燒蠔 仲有得食 movenpick 雪糕 誠意十足，一d都唔hea,仲整得好好食添！ 因為呢期胃痛所以好少叫啲刺身，不過啲刺身都好新鮮，最鍾意係佢嘅熱食 。 環境上好寬敞又乾淨，約埋三五知己一齊食野傾下計不錯選擇。 服務態度都很好，上菜很快 有好多甜品同埋飲品選擇 我哋個套餐係最低消費75品 $298 任食，最貴115品$588，有靚拖羅食架！下次要試下！ 地址 ：大埔安邦路8&10號大埔超級城地下542-548號舖 服務：7.9/10 味

超正嘅新開張和牛燒肉放題 超級A4 和牛海鮮放題，120分鐘任飲任食（包括和牛），餐廳地方十分寬敞，坐得又舒服。有圍裙提供，食完唔使驚周身都係！ 💥頭盤 佐賀A4和牛角切 佐賀A4和牛薄炙牛肋肉 佐賀A4和牛小排 佐賀A4和牛肩胛 佐賀A4和牛牛肋條 和牛脂肪分布均勻，有入口即溶嘅感覺，正！ 每樣試少少，邊樣啱食嘅又在可以透過QR code再點。除咗日本和之外，美國和澳洲和牛一樣都係任君選擇。 海鮮都有好多唔同嘅選擇，鮑魚、生蠔、海螺、海蝦、魷魚、魚乾等等，而且都好新鮮！ 仲有個炸榴槤，鍾意食榴槤嘅一定要試，外脆內軟一咬入口榴槤爆曬出嚟，正👍 勁大隻燒生蠔，好有蠔味又多汁，店員仲會落力幫手燒，非常細心體貼！ 味道: 8/10 環境: 8/10 服務: 8/10

估唔到喺大埔有間都算幾好味的炸雞，平時lunch time經過都冇機會食,今次開party終於有機會啦！ 因為舖頭都比較細間比較多人外賣。所以平時行過都冇打算買。 而我今次就買咗外賣拎返屋企開餐! 雞都大份款式多選擇，我今次揀咗蜂蜜焦糖,好好味！就算一粒鐘之後食都係外脆內軟好Juicy ,價錢亦都唔貴！跟餐仲會送埋酸蘿蔔！100蚊左右就有雙拼,仲有泡菜炒飯、粗薯條等等其他嘅小食！ 如果開party叫呢間炸雞都好推介呀！

超高質omakase鐵板燒餐廳推介，性價比之選！地點位於大埔，店舖內設酒吧枱及梳化枱，位置唔多，私密度高。 💥頭盤 三文魚沙律配泡泡汁，味道酸酸地非常開胃 💥前菜 巴馬火腿配菠蘿汁 💥 生蠔 日本廣島蠔夠新鮮，夠晒鮮甜，份量十足好夠食 💥鮑魚多士配東星班 配黑松露非常入味 💥鐵板燒雞扒豬扒 最特別嘅，佢係用啲醬汁，菠蘿同蔬菜製成，食落去都好夾口味，同傳統嘅一般唔一樣，令類新感覺 💥海膽炒飯 一粒粒飯炒得好分明，而且好香口 最後總結，$688 有八款菜式+甜品，性價比非常高，份量又足！ 味道: 8/10 環境: 8/10 服務: 8/10 人均消費:$800-1000

大滾友火鍋 (美新大廈) (大埔) 估唔到大埔都有間裝修咁古色古香咁有心機的火鍋餐廳，一入到嚟都係一啲中國式設計座位寬敞舒服服務非常周到，想一班人嚟打邊爐呢度就非常適合！ 睇得出佢哋對食物嘅質素都好有要求擺盤極有心思！ 每一碟都擺得非常美觀，而且都好大碟！ 湯底我揀咗花膠雞湯，超級多花膠，飲湯都飲到飽飽！下次要試吓嗰個排骨山濃湯先！ 值得一題，係佢嘅火焰焦糖豆腐花，上菜嘅時候要點火🤣呢下好搞笑， 以為得個樣，點知勁滑勁好食食成盤俾我食哂！ 總括嚟講呢度好啱成班人嚟打邊爐㗎 好多款式而且服務好好又乾淨