牛摩 (屯門時代廣場南翼)

營業中

休息中

牛摩香港而家真係好多日式火鍋店，多到數都數唔晒~今次試吓呢間牛摩，餐廳以日本青鬼同赤鬼做主題，佢地好可愛。有别於其他日式火鍋，佢地係一人一鍋，係疫情時期來講，感覺衛生、安全好多。而且午餐價錢好抵，百幾蚊就可以食到好多嘢。任家火鍋肥牛算唔錯，好薄幾香牛味，煮幾秒就食得。雞肉方面，切得好整齊，而且唔會好鞋。每次落肉類火鍋配料比足，唔會偷偷地比少啲你。蔬菜方面同其他日式火鍋餐廳一樣，係自助，睇落清潔得都好乾淨，可以放心食用。丸類都唔少基本上嘅腸仔、芝士魚腐、牛丸等等都有齊。呢間感覺唔錯，好乾淨。

收工之後諗吾到食乜好, 行過見到7月7折優惠~任食美國Prime極級牛肩胛, 粗粗地食住先喇!😂😂😂叫左個壽喜燒湯底同蕃茄牛肉湯底,本身想食骨膠原果個湯底,可惜賣哂☹️入座之後就會即刻送上一碟牛肉,一碟豚肉,一碟雞肉同埋一碟牛舌!但因為我地無人食牛舌,所以即場叫佢收反走,費事浪費喇~壽喜燒湯底會跟1隻生雞蛋, 我本身就麻麻壽喜燒, 因為嫌佢甜得滯...但原來蕃茄牛肉湯底都系甜甜地, 下次我一定吾再簡尼個!!!其他配菜小食就可以自己出去夾, 不過食到幾多先好夾,以免浪費蔬菜款式都算多既: 有唐生菜,白菜,油麥菜,韭菜,冬瓜,蘿白,蓮藕,金菇,雞脾菇,冬菇等等....仲有啲波波丸丸之類...由於太肚餓,所以攞左幾舊壽司食下先, 一食落去, 嘩~凍到尼,應該雪左好耐😂跟住仲有飲品任斟既, 有汽水,咖啡,奶茶,茶包.....今次尼個美國Prime極級牛肩胛, 睇落油花就幾靚, 但食落尼就無咩牛味, 仲有啲乾身, 無油香...好似同豚肉無咩分別😬雞肉又系無咩味....總括黎講,填肚粗粗地食都可以既!埋單連加二就$22X一個, 都可以既!

北海道黑咖喱湯從未試過黑咖喱打邊爐做湯底，佢唔會好濃好”傑”身既咖喱湯，亦唔會搶咗牛既味鮮味。可以一試意式芝士蕃茄湯呢個湯底好濃，亦有芝士味。酸酸甜甜湯底係最開胃。我地揀美國特級牛肉放題。豚肉和雞肉都係任食!牛肉好大塊好薄，又林又有牛肉鮮味。唔駛點醬汁都食到佢好重牛味~好好食呀雞肉同豚肉亦都切到好薄，好嫩好滑，好快就食得啦。另外仲可以出去夾d蔬菜同丸!每次落完order 再叫牛, 雞同豚肉，都好快送到。 未漏過單。甜品有 乳酪雪糕 (有士多啤利味同原味)。

Tea period during 90 mins with all you can eat package 1, Beef is very good quality of what you spending 2, The restaurant is can let you enjoy your food that floor staff will keep a big table for you, even is 2pax only.3, When you ask for refill the meat, they always give to u in 5 mins.4, The Buffet Table is not many thing, just 30 + different type to provide. NOODLE , VEGETABLE, DESSERT, DRINKS,etc. But, Quality is excellent I will be back again

終於不是WORK FROM HOME, 可以正式出街走走。先生帶我到牛摩享用下午茶任食！聽聞平時有很多食客排隊的。職員替我們安排窗邊的位置，每張桌子之間也有精美的布幕相隔，形成一個個獨立的私人空間。加上可以欣賞街景的窗戶，內在環境非常舒適。坐下先選湯底，我選了一客養生蟲草花雞白湯。湯很清很潤，不禁讓我偷飲了幾口。跟隨著湯呈上的就是今日的主菜--- 肉肉。我們選了特級牛肉（＄149／位）的套餐，牛肉質素不俗，而每次追加的牛肉也很完整和大塊，火鍋後也很軟滑多汁。另外，豚肉和雞肉的質素也很不錯，口感嫩滑。最重要是三款肉也是任食，可以按自己喜好追點。牛牛以外，還可以到自助吧自取醬料、配料和炒麵等。疫情之下，大家也需要戴上口罩，唯有每次也取多些吧！自助吧較多菜類（生菜、小白菜、栗米、蓮藕、冬菇、金菇... ...)可以平衡一下瘋狂食肉的罪惡感。另外，配菜也有些丸子、豆腐和餃子等，還有牛肉飯、烏冬及蕎麥麵可供選擇。丸子方面，我大推有芝士獅子狗，還有可愛的牛摩公仔魚餅。而黃色的栗米餃和綠色的菜肉餃也很好味！情不自禁不斷吃呢！最後當然要享用甜品，甜品數量不是很多，Brownie, cheese cak

提早過聖誕，襯市中心少人d 就同老婆大人出去走走。因為疫情無晚市的關係，我地決定食個豐富下午茶當晚餐。呢間牛摩一直都想試下，不過平時又見好多人排隊；4點幾行過見無人排隊，原來餐廳而家下午茶放題可以由3點開始食到6點，好多食客已經戰鬥緊lu。坐低後職員就先俾我地揀選湯底。令我好有驚喜係，牛摩係用一人一鍋；特別係疫情之下，感覺衛生d。職員細心介紹左唔同湯底，有清有濃，我就聽職員的推介一個比較濃的，選左個越南牛肉湯。個牛肉湯濃度適中，好有去越式餐廳食湯河的感覺，可惜餐廳無河粉XD  (不過我落過烏冬同蒿麥麵，都可以夾到的）。襯個湯未黎之前，我已經衝左去拎野飲。種類都幾夠，除左汽水及咖啡外，重可以選擇兩款沙冰，甚至有得叫生啤添。我就飲左一杯芒果沙冰同一杯白事（寫食評先諗返原來我飲得好少，應該就係因為個湯底唔會味精，無令我感到口乾！🖖）拎野食地方唔大，麻雀雖小五臟俱全。我拎左一碗芝麻醬同一碗醬油配炸蒜，芝麻醬配烏冬很無敵，而醬油濃郁，愛咸的朋友一定要試。當然，如果你唔鐘意食咸，你重可以揀醋。其他的食材數量正路，而菜的選擇比較多，岩哂愛好健康的大家。始終今餐的重點是“肉“，所以其他食材都係配襯多。

原本同朋友喺附近行街,見到好多人喺度排隊😱好奇一睇原來係3點入座就可以任食精選牛肉$109/特級牛肉$149食足3小時!性價比好高真心覺得好抵食👍仲要免收加1!同朋友食完都捧住個肚走🤣任食前菜⭐️中華沙律,泡菜,螺肉等等...湯底有10種選擇⭐️我地叫左(九州地獄湯)辣度屬於小辣,辣辣地好過癮!(意式芝士蕃茄湯)味道酸酸甜甜好開胃!主角來了美國特選牛肉⭐️肉質新鮮,食落牛味好濃郁👍以呢個價錢黎講真係好高質！美國極上黑豚肉⭐️肉質鮮嫩彈牙,食到停唔到口！雞肉⭐️有超過30種配料任食⭐️有芝士腸,南瓜,魚腐,生菜,金菇,韭菜,魚蛋等等...甜品區⭐️忌廉味泡芙同朱古力泡芙好好食👍仲有軟雪糕可惜真係太飽食唔落😭

成日經過牛魔都好多人排隊👯‍♂️唔好睇張相以為冇人~其實係走嗰陣時已經過咗下午茶任食時段落場先至冇人😛依家都唔敢逗留係條街太耐，同fd黎食下午茶放題~3點已經開始，可以任食至6點👍所以就算只係星期一至五有呢個優惠但係已經有好多人😴湯底本來想試下佢個啫哩雞白湯，但係一早沽清 ! 轉軚試芝士蕃茄湯🍅都好好味😋開頭以為會好膩， 但原來唔會，仲好香番茄味添👍有精選牛肉同特級牛肉揀，我哋揀咗特級🥰因為衛生問題，所有食物配料都加左蓋👍開餐啦雞肉、豬肉、牛肉、配料都係任食 呢粒黑蚊蚊既係墨魚丸😅甜品同雪糕都係任食😋雪糕係香芋味乳酪雪糕同自選配料👍免收加一真係抵食👍👍

喺屯門行行下街因為冬天成日都想食嘢但用幾百蚊high tea男朋友又會唔夠飽所以我地決定好邪惡咁中午打邊爐😋嚟到屯門時代廣場嘅「牛摩」喺門外已經聞到超香邊爐味🥰《越式牛肉湯&九州地獄湯》越式牛肉湯味道好正宗，勁多洋蔥同芫荽，好夠味！九州地獄湯對我哋來講唔係好辣，攞嚟淥牛肉就一流～《美國特級牛肉放題》牛肉啲色好靚，唔會太凍，保持到口感，七成熟口感非常好另外仲有豚肉同雞肉，不過我哋習慣打邊爐食牛肉所以就好少食，overall肉類都係水準之上《中華沙律、螺肉同泡菜等配菜》邊爐就打得多，有中華沙律、螺肉呢啲日式小菜嘅，真係好少見，同日式餐廳嘅一樣味道，正😋《飲品&甜品放題》場內有汽水、沙冰或熱飲等飲品提供，佢有三種口味嘅雪糕任君選擇，仲有朱古力糯米糍、綠茶泡芙等超開胃嘅甜品

為咗支持黃店，所以打算食牛摩，網上拿咗票，近一個鐘先走咗7張票，當差5張票時，收到手機短訊通知，當時係屯門市廣場中庭，立即急步趕返店舖。點知一路望住手機跳票，3分鐘已經走咗5張票，從屯門市廣場中庭位行返牛摩，用咗5-6分鐘時間，已經從差5張票跳到超過5張票。門口職員堅持超過5張票無效，必須重新拿票。白白等咗成個鐘，就因為最後5分鐘追唔上跳票速度，要前功盡廢，我應該贊佢哋堅持原則，定係世間仲應該講人情同執生？

天氣開始涼，心思思想打邊爐，所以嚟左牛摩，鐘意佢一人一鍋，方便吾同口味既人，同埋依家疫情都幾嚴重下，甘比較安心，同埋佢哋野食全部都有蓋，不過野食種類好少，冇得揀，佢既牛肉都吾錯，百幾蚊系甘上下喇，我就揀咗精選牛肉，都好好味😋服務就麻麻，啲侍應好少，所以成日見吾到，想搵人幫都要等好耐

搵左好多間和牛火鍋放題,無乜邊幾間係有午市,多數都係晚市,而且只係黑毛和牛,無名無認證. 今次簡左牛摩午市佐賀和牛放題.壽喜燒湯底既雞蛋要+$10我地無簡到海鮮放題,所以價錢係$389+1既然黎食佐賀牛,就無咩點食出面既丸同埋粉麵餃子等等.但眼見都唔小選擇既,全部都有蓋,好衛生.成餐total叫左7碟,全部質素都統一,無因為第幾round而愈比化衰.反而好似愈黎愈好. 每次落單大約10分鍾左右就有啦.好快手. 食和牛都幾膩阿,所以都叫左唔小蔬菜,係新鮮既!

而家周圍都開好多打邊爐嘅任食雞、豬、牛既店由於家人嘅生日，我第一次去幫襯當然要食好啲，食牛小排$259另加一（17:00–19:00入咗都可以有呢個優惠)晚市仲有各款壽司、卷物都係任食飲品都有好多款有檸檬茶、咖啡、芒果/提子沙冰、綠茶同埋各款汽水我點左個加$10嘅博多美人骨膠原湯底湯底好濃厚，雞件放入去滾完就咁食都好入味，好推介大家試下雞肉好滑，豚肉唔會鞋口牛小排點芝麻醬一流係我哋瘋狂嘅掃食之後就轉戰我哋第二個胃就係食甜品🍮有朱古力蛋糕士多啤梨及朱古力泡芙仲有我最鍾意食嘅乳酪雪糕有香芋同埋原味（仲有其他配料可以加落去）我個人都食咗兩杯今餐真係捧住個肚滿足咁返屋企

牛摩而家做緊優惠，七折任食封門牛同SRF極黑牛同埋海鮮，每人三百幾左右，所以試試佢😛 我地叫左上面既牛摩解牛套餐，可以任食list入面既野㗎主打既手切封門柳為牛橫隔膜肌肉，每隻牛得一條，所以比較罕有。肉味較重，油花較少，適合鐘意肉味濃既人，而且質感腍身每片牛碌6-8秒就夠架啦美國SRF極黑牛是將日本和牛與美國頂級黑安格斯黑牛繁殖出産的品種，同時保留日本和牛細緻的油花同美國黑安格斯牛的濃厚肉味，肉質較薄同嫩口手柳粒比較厚身，需要碌耐啲，肉味相對冇咁濃厚海鮮方面有虎蝦同硯，虎蝦好大隻，肉質彈牙😋乳酪，飲品同蔬菜可以喺出面自己拎😋仲可以嗌冷泡茶，比較健康同解渴😛另外湯底選擇都好多，我哋就就揀左沙嗲湯底同麻辣湯底，越式牛肉湯都好特別

打風多左日假，拿拿林叫左fd一齊去打邊爐～牛摩又係好耐無黎食，見佢有新set，就揀左黎試下。我地食既係牛摩解牛套餐，除左可以任食普通既美國肥牛，精選牛肉，雞肉同豬肉之外，仲有最令人期待既手切封門柳，美國SRF極黑牛，同埋一口安格斯牛柳粒！另外仲有特別湯底同冷泡茶揀～手切封門柳封門柳姐係牛既橫隔膜肌肉，油花少，色水偏深紅色。油脂香味相對低，但肉味超濃郁。😍因為呢款肉油份少，建議淥到剛剛好熟就要拎上黎，咁就食到最好既口感。美國SRF極黑牛呢隻油花比較多，薄身快熟，落去淥6-8秒就可以拎上黎食。帶油脂香味，但同時都唔算太油膩，算係比較清爽。一口安格斯牛柳粒同我一樣鐘意食肥野既朋友仔一定都會鐘意呢個！厚肉，多油花，煮耐左都唔會變鞋身，入口有超香既牛油味～超正！❤️至於出面既自助bar，有多種唔同既蔬菜，菇類，瓜類同丸類。最最最特別既係，竟然有煲湯既紫菜！！！超愛食紫菜既我夾左好多翻黎，將芫茜湯變左做紫菜湯～冷泡茶正正常常，但打邊爐飲就最岩，解膩之餘又零負擔。