是日到元朗駕駛學院學車後， 約左老婆大人去元朗行街食飯。 老婆望完一輪openrice 之後決定帶路去雞地食飯。 可能因為雞地好多整車店， 一直俾我一種粗獷的感覺。 以為係打邊爐等等的地方。 估唔到呢間INN 又俾到一種好清新的感覺我。 INN 舖位係正大街上， 加上門面充滿植物的設計， 非常吸睛！ 餐廳內不算太大， 但高樓底，加上以白色作主調的裝潢。 一點焗促的感覺也沒有。 餐牌的選擇也不少， 單是意粉、飯和扒等主菜選擇也有10款。 因老婆大人怕食兩個主菜太豐富， 她點了一客小食， 而我就點了香煎牛油波士頓龍蝦牛肝菌意大利飯 和她一起share。 意大利飯醬汁Creamy 而且滲透出濃濃菌香。 龍蝦肉彈牙爽口，調味和火候剛剛好。 最驚喜係餐廳會將龍蝦箝拆殼 等客人唔洗好狼狽咁整黎整好！ 啖啖肉，好食。頭先有提過老婆大人驚太豐富，所以無叫主菜！ 就係因為佢見到d班戟吸引，所以點了一人一客做甜品。 我就點左 榛子朱古力、香蕉、棉花糖、忌廉，加左＄10配多舊雪糕。 雖然雪糕好邪惡，但個人覺得一口雪糕一口班戟先正。 班戟料豐富，我覺得自己食左兩條蕉 而班戟皮也沒有一般粉粉的感覺 食得出有蛋香。 平時飲開Latte，見到飲品有杯叫Flat White 於是叫左杯試下，原來兩杯係表兄弟！ Flat White質感順滑，唔會飲到成口泡咁。 咖啡香濃度適中，我自己就無加糖！ 奶香已經會幫手中和咖啡的微酸苦。 唔錯唔錯。 整體來說，是日晚餐同帶女仕黎食一定鐘意。 估唔到雞地都食到平時大型商場先食到ge 氣氛同質素。

難得放假，見到屯市岩岩開左donki
一定要去朝聖la～

去前食個lunch  食飽飽就出發lu
又晌openrice 揀下d小店黎食
揀左呢間日本野黎食
貪佢有我鍾意食的三文魚
又可以有d我老婆都食得ge 熟食。
餐廳唔係近新墟果邊 人流比較少，
所以午餐時間無咩客
（不過我估係因為d學生放哂暑假，
開學果時可能完全唔同樣）

內在環境闊落舒適，
好欣賞餐廳的桌子和椅子都大大張的
店員重好貼心俾左個籃我放袋。
另外，設有掛牆電視，可以睇下新聞。
見佢入門口寫左星期二至五 下午5點前堂食
重可以有9折，正ar！

我就二話不說先點左至愛三文魚。
呢個三文魚魚籽親子丼包了沙津、麵豉湯（基本野la）
三文魚同魚籽份量都足料（正ar）
兩種食材都新鮮。

食完刺身又想邪惡下，食下炸物。
於是點了珍寶特長吉列炸蝦。
炸蝦香脆，比平時的也是大隻多肉。
另外更點了一客忌廉蟹肉餅
熱辣辣 大大舊的！
一咬開就見到忌廉和蟹肉融為一體
食落啖啖蟹肉絲，唔會淨係食忌廉。
跟餐附上飲品一杯，因為凍飲所以要加＄4。
正常奶茶一杯。
少少特別是餐廳不是用冰粒
而是類似雪花的冰！
唔知點解 飲到落又無平時d 冰融化後過稀。

作為去donki 前 淺嘗日本文化！
當係應下節la～～～ 
食飽飽就去血戰lalalalala

放工相約太太到VCITY新開的阿布泰走一轉 同時都想試試小店的晚飯。
看到天魔好評如朝，自己又未食過，所以一試。
天魔雖然開在大商場，但因此只佔一小個角落，
所以帶一點隱世FEEL。 我選了一客千層麵，另配一杯熱朱古力和布朗尼。 千層麵熱辣辣香噴噴的上枱，
這客千層麵有點特別，
比其他千層麵較多汁，
應該是新鮮蕃茄的水份。
所以食起來會帶一點的酸(是清新的感覺)。店長有分享以前是薯蓉和千層麵是放在一起 不過話之前買唔到個大盒，所以改左用細盒分開薯蓉同千層麵。 之後發現咁都好食，所以就繼續用呢個方法。 我個人就比較習慣薯蓉和千層麵是放在一起的食法 不過又咁諗... 分開的好處就係食客可以有多一種食法選擇 淨食天魔的薯蓉，都有細滑的口味。 食完千層麵，店員好有禮貌咁叫我地等等杯飲品 見佢一腳踢，又落單 又送餐 又要沖飲品 諗住都要等一段時間。 點知等左無耐，店員就奉上呢杯超驚喜朱古力 佢話重要係特登幫隻熊仔跟我個樣 戴眼鏡同頭髮有陰 呢杯熱朱古力，唔飲得都睇得la~ (朱古力就好難唔飲得ge... 都係香濃朱古力味LA) 只可以講，天魔真係太多客 除左外賣之外，有D客真係願意等位食堂食。 加上位置真係唔多，得4張4人桌。 食到後段見有一對夫婦抱住個BB 所以唔想佢地等太耐， 我就打包左個布朗尼返屋企先食。 布朗尼是有少許軟心的質地， 味道甜甜地都幾好食。

今日借媽媽生日的藉口， 試試有全世界最高中菜廳之稱， 位於ICC 102樓的天龍軒。 話說我已經早左兩三個星期打電話去BOOK 都BOOK唔到窗口位，所以坐唔到最靚GE VIEW。 不過話哂米芝蓮級數餐廳 環境服務都算一流。 可惜的是餐廳服務員人數明數不足， 見到D服務員走來走去，又要奉茶、落單、幫手上菜， 變相好多枱客要等。 我地就係坐低左差不多半個鐘先落到單， 見到早少少入席的客已經開始食緊。 所以建議大家上網睇定佢個餐牌， 一坐低就點餐，免卻等候時間。 等到中途都幸好有奉茶， 重好細心有個蠟燭坐熱茶壺。 先黎炸蝦多士（6件） 多士薄脆，炸蝦口感豐富彈牙。 脆皮燒三層肉有d驚喜， 因為一共有成9件！ 皮脆而沒有一層肥膏 反而是整塊也可以入口即融。 來到今餐最重要的蜜燒西班牙黑豚肉叉燒 這份需要在訂位時已經要預訂的名菜 果然名不虛傳，一試難忘。 黑豚豬軟熟、蜜汁味度濃厚。 蝦餃皮薄，鮮蝦彈牙。 荷葉飯顆粒分明 甜品本來預訂了壽包 但幸運的遇上酒店週年 午餐每人已送壽包 所以可以借花祝佛。 最後我們每人還點了一客酥皮蛋撻呢!

特登拎多左幾日假去追趕復活節尾巴。
趁平日無禁多人同老婆出尖沙咀SHOPPING 下。
行海港城想食泰國野又唔想又食金不換，
見新泰(兩間分店)都勁多正評，決定一試!同D相一樣，一出電梯見到食店開揚好舒適。
因為早食飯的關係，我地係第一枱客，
好正咁兩個人坐窗口卡位。
坐位鬆動，迫迫地甚至可以坐6人呢!
 
店員好體貼咁奉上餐牌同一杯暖水。
餐牌精美，清晰分開不同食品種類，
又有圖片標示，非常吸引。
另外一杯暖水，又令我不會擔心自己不夠喝的常態。
(通常食泰菜都比較濃味，所以一杯飲品未必夠!)兩公婆各自叫了自己鐘意食的食物，
我就點左泰式菠蘿炒飯、燒豬頸肉同飲芒果沙冰。
菠蘿炒飯原個奉上，香氣撲鼻。
新鮮的菠蘿非常清甜多汁，
我忍不住食完飯後用湯匙刮菠蘿底的淨肉。
炒飯足料，有肉鬆、腰果、提子、蝦仁、臘腸、雜豆等
五光十色，不論賣相和口感也很豐富。
另外，菠蘿外殼不小，裝得滿滿的，份量十足。到小食燒豬頸肉，份量也相當足夠。
肉質爽滑彈牙，豬味較清，特別是加上少許芫荽吊味，
配上餐廳的秘製醬汁，滿滿清新感覺。食到一半就是我另一至愛芒果沙冰出場，
以花拌杯，賣相一流。
沙冰芒果味濃郁，不是硬硬的甜，而是一陣陣的果香。
正！個人覺得新泰的食物味道較易入口，
沒有一般泰式餐廳的濃味和油膩感。
加上環境舒適，很享受今餐。

餐牌其實有大量其他選擇，不能盡錄了。
食泰國野 最開心就是多人食，
食多d 唔同的菜式。
希望疫情快d過去，可以帶朋友再食多次。

晚上飯聚，朋友話成日見堅信號好多人 想試下 於是就去試一試啦! 舖位晌中庭，唔係好大， 不過勝在裝潢乾淨企理， 沒有好多傳統上海食店 老老地 舊舊地的感覺。 餐廳服務細心周到， 個個客人入到餐廳 一定會聽到 店員會講"堅信號歡迎您" 給大家一種日式賓至如歸的感覺。 坐低見到桌面寫有得自助手機點餐 不過有趣的是 我找不到QR CODE 去掃 所以都係剔紙仔吧!   都一樣非常方便。 晚市有獨立一張清單，選擇都好豐富。 衛生環境令人滿意， 餐具也會細心的連熱水奉上。 用膳期間也留意到店員除了執枱外， 更會用消毒液清潔一番， 連地下的小垃圾也會清理。 將點菜紙交到職員手上後 5分鐘左右已經開始起菜， 先上晚市套餐的凍豆漿(跟餐加$5) 甜度適中，食上海野不少得。 接著套餐包了兩粒灌湯小籠包， 皮厚薄適中，肉汁滿滿的，餡料肉味香濃。 跟餐加$10便可以食到原價$20 2個的生煎包。 作為堅信號的招牌菜， 生煎包的肉汁更多， 我一個不小心便將肉汁從口內噴出來。 加上有芝麻和蔥花的襯托， 口感更為豐富。 主菜我點了外婆紅燒肉菜飯 ($68) 外婆紅燒肉軟腍入味、肥而不膩。 份量也沒有因為套餐而變得很少。 另外我們也散叫了些灌湯小籠包、糖醋排骨和軟夾包 質素也相當唔錯， 特別糖醋排骨的軟骨也煮得十分軟腍。 這個價位食到的質素，我覺得是超值的。 臨走俾錢見到好多人外賣 原來外賣可享9折!   當然我個人覺得上海野還是堂食熱熱的好。

終於收爐了，可以周圍走走。落雨天去銅鑼灣行下街。
一早行完ikea donki之後，
諗住check下有咩野好食！
就見到呢間burgeroom，
d食物又吸引，好評又多！餐廳位置好近donki，
雖然要轉入小小內街，
但因為附近都係餐廳（例如Lady M)
所以都好易搵到。
可能因為落大雨關係，
今日唔洗等位就入得去食。店鋪雖然唔算大，不過坐位的擺放理想，
唔需要同旁邊的食客坐得好近，都幾舒服！
加上裝潢有點工業風咁，都幾有格調。餐牌雖然都係得快餐類的食物，
但勝在選擇繁多！
我自己就想肥仔d，叫了一客鵝肝牛肉漢堡（＄168）！

午市好正，加＄30就可以配薯條同飲品。
重要d飲品唔係罐裝可樂果類
而家可以唔洗額外再加錢就飲冰茶等。
冰茶本身一杯都要＄38 laBurgeroom 當然重點晌個burger度la！上菜可以見到bugeroom 好細心
已經幫食客一開二咁分半，
亦都用開竹籤hold 住份burger，
基本上唔需要再用刀自己切到散開哂。

一望到塊鵝肝 size 大大塊又厚厚地，正！
鵝肝加芝士再加塊牛肉，大大啖咁食
又juicy 又香口。
不過個人口味就想個麵包烤乾少少
等個面可以脆身d。
整體黎講係對得住個價錢的！
本身驚side dish 的薯條唔夠喉， 所以叫左一客芝士旋風薯條（＄60）
芝士薯條同飲品好快就由職員送上。
薯條即炸 熱辣辣
 淋上濃濃的芝士醬 真係食唔停口。食到飽飽，飲完冰茶都唔緊要， 餐廳重有水供應，
唔洗迫你食完熱氣野要加錢買野飲。
最後走果時見到門口有好多外賣貼紙！
以後唔想“安心出行“  港島區的朋友有個好選擇la。

提早過聖誕，襯市中心少人d 就同老婆大人出去走走。因為疫情無晚市的關係，我地決定食個豐富下午茶當晚餐。呢間牛摩一直都想試下，不過平時又見好多人排隊；4點幾行過見無人排隊，原來餐廳而家下午茶放題可以由3點開始食到6點，好多食客已經戰鬥緊lu。 坐低後職員就先俾我地揀選湯底。令我好有驚喜係，牛摩係用一人一鍋；特別係疫情之下，感覺衛生d。職員細心介紹左唔同湯底，有清有濃，我就聽職員的推介一個比較濃的，選左個越南牛肉湯。個牛肉湯濃度適中，好有去越式餐廳食湯河的感覺，可惜餐廳無河粉XD  (不過我落過烏冬同蒿麥麵，都可以夾到的）。 襯個湯未黎之前，我已經衝左去拎野飲。種類都幾夠，除左汽水及咖啡外，重可以選擇兩款沙冰，甚至有得叫生啤添。我就飲左一杯芒果沙冰同一杯白事（寫食評先諗返原來我飲得好少，應該就係因為個湯底唔會味精，無令我感到口乾！🖖） 拎野食地方唔大，麻雀雖小五臟俱全。我拎左一碗芝麻醬同一碗醬油配炸蒜，芝麻醬配烏冬很無敵，而醬油濃郁，愛咸的朋友一定要試。當然，如果你唔鐘意食咸，你重可以揀醋。其他的食材數量正路，而菜的選擇比較多，岩哂愛好健康的大家。 始終今餐的重點是“肉“，所以其他食材都係配襯多。我同老婆大人今日就揀左食＄149的特級牛肉任食，老實講牛肉比較瘦，不過肉味夠，唔會搞到個湯底肥淋淋咁。豚肉同雞肉我本身唔知會有（無睇清楚餐牌xd，同牛肉一樣都係可以任叫任食。豚肉正常水準，但雞肉就真係高質，又香又嫩滑（話說我有其中有一舊雞放左落湯唔記得拎返上黎，我諗隔左半個鐘有多再拎返上黎都一樣禁嫩口！要讚la～無論3款肉同其他食物、甜品，都對得起個價錢！ 最後食埋杯雪糕就非常美滿la 餐廳服務很好，很主動幫手收碟，更會時常留意客人的鍋是否需要加湯。今日好好彩可以安排到窗邊位坐，四人枱之間重有一幅布隔開，好似有一個自己的空間，坐得非常舒適。今餐提早的晚餐，食得十分滿足，＄149我飽左成晚，無再需要食宵夜lu！

早排去九龍城食完泰國菜之後，好耐都冇食過，所以今晚返咗大埔試吓佢近期新開嘅泰國菜。 佢哋嘅套餐真係好抵食，佢哋嘅套餐包左一個主菜，一杯嘢飲，仲有三份小食同埋一個冬陰功湯，其實佢另外在帶啲小食都好抵食，大概都係20幾蚊。 我哋叫咗一份主菜，就係滑蛋燒鰻魚大碗飯，佢哋嘅滑蛋煎得好滑，佢哋嘅鰻魚有少少骨，但正正真係鰻魚所以先有骨，個鰻魚汁溝埋啲飯一齊食一流。 之後我哋叫咗三份小食，分別係酸辣鳳爪，水牛城串燒雞翼同埋絲網春卷，先講酸辣鳳爪，酸辣鳳爪夠辣，好醒胃，鳳爪嘅份量都幾多。水牛城串燒雞翼燒得好香脆，同埋雞翼都好大隻。最後叫咗個絲網春卷，都係一樣好香脆，新鮮出爐好好食。 最後叫咗個泰式奶茶，泰式奶茶偏甜，茶味比較忙，但係正正就係因為佢嘅甜味我覺得好好飲，仲可以解辣。

難得和朋友約出外吃飯，於是建議食好d。以前曾吃過尖沙咀的吞pot, 今次一於帶隊吃旺角的。旺角的地點較方便，無論太子站 旺角站 甚至是旺角東站，大概五分鐘便可到。而且一出電梯就看到一個很長很大的魚缸。條條魚也很大，一下子 以為是食海鮮！餐廳有一排落地玻璃的座位，景觀開揚。一坐低 不用想就知道要叫一客滋補花膠雞湯。侍應也很醒目的先替我地order 湯底和奉上配料，讓我們可以慢慢的點菜。據我上次的經驗 花膠雞湯點半隻份量已十分夠食（當然想食d 雞肉，點全隻就可能會抵食點）。我朋友都認同可以留肚食多點其他東西。最後我們點了牛柏葉、牛小排、手打黑松露墨魚丸 和 我强烈推介的爆芝響玲。雞湯先送上，店員溫馨提醒我們喝少少，不要將喝到底呢！真的，雞湯不膩，很滋潤。打邊爐我很少會點牛柏葉，不過朋友點了就試試吧！口感爽口，不過不失。牛小排雪花分佈均勻，厚薄切得剛好，肉汁豐富，完全唔韌！墨魚丸 彈牙，不過要記得放耐些少，因為需要時間讓入面的丸肉熟透。上次一試難忘的爆芝響玲，今次一樣無令我失望。響玲新鮮炸起。浸在雞湯內一會 外脆內軟，加上芝士慢慢的滲出咸味，口感非常豐富。我們各自也點了一杯飲料，也是打邊爐必要的吧！ 吞Pot 的食材保持新鮮，雖然價錢不是平，不過一分錢一分貨，物有所值呢！