牛品台式火鍋

營業中

休息中

買完手搖飲品見到隔離宣傳有芫茜皮蛋湯底火鍋任食！芫茜迷朋友即話要試！仲話夏天涼住冷氣打邊鍋，有另一番滋味！笑死我！為左佢的芫茜湯底，真係咩理由都搵到。我地六點半入到等左一陣就有位，環境又大又闊落，好坐。湯底有十款可供選擇，揀咗牛御品餐，靚牛配靚湯。#M9和牛、#高質牛小排、牛舌片，一口和牛，任叫任食，入口即化，牛肉味香，有驚喜，爽口彈牙唔韌。可以食到超正的日本宮崎縣A5和牛，好滿足。最重要都無漏單，出餐快。而我仍最愛海鮮為主，有大大隻鮮鮑魚，爽口彈牙，好食。鮮蝦及卜卜蜆都一樣好出色！特別係蜆，大大粒，無沙，鮮味十足！大愛！除咗落單食物，出面仲有不同的自助區・火鍋料食物區，一般丸類、菜類、菇類、等等。飲品區，一般罐裝飲品，選擇好多，總有一款岩你！仲可以配樓下的春陽茶事飲品，即可享折扣價$20一杯(原價需$30-39不等)。甜品及雪糕自助區，大推！自由配搭口味，份量自選，絕不能錯過！而雪糕仲要係haagen dazs，多款可選，好好味！抵食，性價比極高，台灣直送火鍋配料、地道夜市小食、精選海鮮及飲品等，款式豐富，以親民價格讓客人品嚐最原本最高質的台灣味道，值得欣賞及再來。

我和家人去咗尖沙咀樂道「牛品」食台式火鍋，火鍋店坐滿咗顧客，好熱鬧。我哋揀咗120分鐘晚市食到飽嘅牛御品套餐。如果你5:00至6:30pm入座仲係$319，比7:00pm先入座平$40。呢期食火鍋仲送春陽茶事嘅飲品。係免費嘅，每人一杯。我哋要咗珍珠鮮奶茶同埋翡翠檸檬綠茶。好飲。 今期有新嘅湯底，綠野仙蹤濃湯鍋，主要係芫荽皮蛋豆腐，今次食完火鍋真係冇覺得熱氣同埋有燥底喎。👍我好鍾意呢個湯底。每個客人會有一隻鮮鮑魚，我哋叫咗美國風門柳、澳洲M9肩胛肉，牛肉好嫩滑，仲有蝦、台灣魷魚仔、蜆等任叫任食，西班牙栗子豬肉、紐西蘭羊肉卷、花雕酒雞件、麻辣鴨血、原味香腸、魚肚等等，款式多，有鮮味。 其他嘅丸仔，鮮菜、響鈴卷、魚皮、炸番薯條、蝦片等出邊都有好多好豐富任你選擇，真係出嚟打邊爐好方便。仲有啲熟食好似豬肚、燉湯⋯⋯非常之全面。其他啲台灣烏龍茶、洛神花茶、汽水全部都任飲任食，咁嘅價錢其實真係好抵。火窩店有飄雪綿綿冰，顧客可以喺冰上邊任意加Häagen-Dazs雪糕，芋丸、仙草、紅豆呢啲甜品都幾得意，食完火鍋食返啲甜品非常之正。食完我都會推薦啲朋友嚟呢度敘舊同埋打邊爐，真係慳水慳力兼好食抵食。

最近搵到尖沙咀有間台式火鍋，地點方便易搵，就喺尖沙咀isquare 附近，唔使行好遠就可以食到幾有台灣風味既火鍋店首先，佢哋嘅120分鐘任食火鍋套餐都幾抵食，我地當晚揀左牛御品套餐，$359加一，仲送春陽茶事台式飲品！佢哋湯底就真係多到你唔知揀邊個好，一共有10款，全部都好想試！我地最後揀左元氣養生湯底，真係滋味濃郁，令你一啖之間就覺得身體好滋好潤！佢仲送兩隻大大隻鮑魚添佢哋嘅肉類選擇都好豐富，有澳洲M9和牛、美國牛小排、一口牛同埋封門柳等等，仲有西班牙豬梅肉，五花肉同羊肉！真係好多選擇，我個人最鐘意澳洲M9和牛，入口溶化而個牛味都係最出除咗肉類，佢哋仲有唔少其他嘅選擇，例如醉雞件同埋海鮮，有蝦、青口同埋蜆！唔係咁鐘意食肉嘅朋友都可以試下佢哋嘅豐富蔬菜同埋菇菌，真係好多款式可以揀擇！如果你鍾意小食，佢哋嘅鹽酥雞、地瓜丸同埋香腸都好好食，一定要叫埋！最後梗要食埋佢地d甜品啦！佢哋雖然係主打台式火鍋但係都有好多甜品選擇！你可以自己DIY飄雪綿綿冰，仲有台式芋圓吧加返你鍾意嘅toppings，仲有4款Haagen Dazs雪糕添！呢度食物多種類，味道好味，地點方便，坐得舒服，QR code

餐廳由屢獲殊榮嘅台灣廚師李龍翔師傅主理，主打120分鐘任飲任食台式火鍋放題，主打正宗台式風味湯底，亦有供應多款台灣直送配料同小食，座位闊落，空間感十足，值得到訪！肉有齊豬牛雞羊，海鮮亦有唔少選擇，M9肩胛肉牛味香濃，帶點咬感、第一次喺火鍋食一口牛，要注意時間、蝦夠大隻，爽口彈牙、水蓮菜比較少見，台灣special、蝦滑同花枝漿都唔錯，仲有嫩口鮮甜嘅深海魚柳同花雕醉雞，質素👍🏻比起肉/海鮮/蔬菜類，呢度最特別莫過於台式小食！款式總多，淨係食呢啲已經飽咗一半，鹽酥雞、椒鹽蝦、牛三寶、炸地瓜丸、甜不辣、香腸、蔥餡餅、黃金魚蛋，應有盡有，眼花撩亂🥹個人最鍾意蘭陽糕渣，宜蘭傳統手路菜，外冷內熱，外脆內煙韌，超級特別，越食越上癮、墨魚仔大大粒，QQ地，爽口彈牙、皮蛋豆腐入口滑溜，配上醬汁好惹味，呢幾款encore唔少次！最後唔少得呢度嘅甜品區域，一定要留肚食，可以自製飄雪綿綿冰，再加toppings、雪糕同醬汁，薏仁、紅豆、寒天、西米、椰果、愛玉、仙草、芋圓、紫米、花奶、黑糖、糖漿、雪糕筒、我全都要！食到好興奮，好瘋狂，大滿足❤️

幾個朋友星期五約埋一齊食飯，尤其是係有男仔朋友一齊，好多時都係會揀食打邊爐，要就大家位置嘅，就一定係最就腳嘅尖沙咀。今次揀咗呢間喺地鐵站附近嘅樓上打邊爐。呢度令我最驚喜嘅就係個醬料區，真係有超多選擇，仲有我之前冇見過嘅甜不辣醬。因為我自己係芫荽怪，一直都有留意住店員成日都會加添醬料區嘅嘢，唔會好似出邊啲打邊爐店咁樣，攞咗少少芫荽，就一直都冇再加，呢個真係好大嘅加分位。另外就係呢度樓下就有間相連嘅珍珠奶茶店，可以有折扣咁樣食住打邊爐諗住佢哋嘅飲品，珍珠口感唔錯，飲品不會過甜。呢度炸豆腐嘅小食，我覺得好出色，超級酥脆！不過叫得牛品，牛嘅質素當然係主打啦！牛味夠濃，口感都唔錯！喺尖沙咀用呢個價錢咁舒服嘅一餐，都真係幾抵食。

-今日同班fd一齊去左I-Square睇戲🎥唔知大家睇左未? #九龍城寨之圍城❤️‍🔥睇完之後就去咗附近嘅台式打邊爐🫣我地試左中間既牛御品套餐 真係有好多野食omg🤩 上餐速度都好快👍🏼 我地係正式食肉之前都叫左好多唔同既台灣小食一試😽炸魚皮 表層外酥內嫩 咬落去超級爽脆☺️鹽酥雞 炸粉薄 雞肉多汁😆台式香腸 肉質飽滿彈牙😍仲有個好特別既甜不辣醬可以點黎食tim😊 湯底方面 我地簡左元氣養生鍋💯都幾特別 但我地就唔敢試最新既芫茜皮蛋湯底😱原來依加黎食 係會按人頭送番一隻鮮鮑魚~ 正😍 肉類就多不勝數 其實無論係邊款肉我都覺得好好味😄當中要點名讚同埋瘋狂encore既一定係M9澳洲肩胛肉😌肉質食落超級嫩滑 仲保留住肉汁嘅香味😝叻外佢地仲有一款台式梅花豬🤓肉質香滑肥瘦相間 好似食到一半仲會流出肉汁😘 飲品方面除左有大雪櫃放左唔同既茶飲同汽水之外😉仲係有一杯春陽手調茶比您簡既🥳真係好有台灣感覺😇
飲得出用料好精細 入口非常清香順滑 消暑又解渴😳 總括嚟講 呢間火鍋店嘅小食真係一絕🤭無論係炸物定仲是醃物定肉類😋都有獨特嘅手法同特色調味 令人回味無窮🤤 牛品台式火鍋📍樂道32-34號1樓

對於喜愛吃火鍋既朋友嚟講,牛品台式火鍋絕對係一個唔可以錯過嘅好去處!佢哋嘅「牛御品」120分鐘任食套餐, 好豐富! 除咗火鍋食材之外,仲可以盡情飲用各款飲品,連甜品都有得任食,性價比超高呀! 其中我好鍾意嘅就係佢哋新嘅綠野仙蹤濃湯鍋！湯底以芫荽同皮蛋豆腐調製,清新清爽, 真係滋養身心,好適合喜愛清淡健康嘅你。特別喜歡頂級嘅肩胛肉,肉質極之鮮嫩,入口即融,完全唔會令你失望。另外,牛品台式火鍋嘅食材選擇亦非常豐富。除咗肩胛肉之外,仲有不同部位嘅牛肉、丸類、各種海鮮,以至蔬菜等,任你挑選。無論你鍾意食清淡定係肉類嘅,都一定可以喺呢度尋到心頭好。佢哋嘅食材質素超高,加上自助任食嘅優惠, 可以一試！

牛冇牛味可能個套餐二百幾．．D牛好垃圾．．自製飲品又吾好飲其他可以點既野又少到不得了！！！！出面既野都系少．．個麻辣火鍋又吾香又吾辣😂😂😂😂😂好差．．宜家系半碗甜品先叫做好食．．冇下次lo!!!心目中第一：牛大人 第二：牛站 第三：一鍋堂 喱三間都可以

作為一家知名的火鍋連鎖餐廳,牛品火鍋放題絕對能滿足挑剔饕客的味蕾。首先,他們提供多種口味的鍋底供客人選擇,其中我尤其喜歡綠色鍋底。這種清新的鍋底湯頭清爽爽口,湯汁質地恰到好處～另一個亮點是他們引入無限添加日本宮崎和牛～這些和牛肉質細嫩多汁,入口即化,讓人回味無窮。除了主菜,這家餐廳的台灣小食選擇也相當讓人驚喜。從滷味到小吃應有盡有,每一道都可謂是精心製作,既保留了傳統風味,又融入了創新元素,令人垂涎欲滴。無論是鹽酥雞還是台灣場都很有台灣風味

呢間牛品台式火鍋店位於尖沙咀海防道附近,交通方便。環境寬敞舒適,提供唔同特色台式火鍋湯底同台式甜品吧。佢哋嘅飲品選擇豐富,仲有自家冷泡茶同無糖飲品。自助區有唔同小食同台灣直送嘅火鍋配料,仲有台式肉燥。湯底方面有唔同選擇,其中沙茶海鮮鍋係推薦嘅選擇。佢哋有唔同套餐,最貴嘅牛殿品吃到飽套餐仲包括日本宮崎縣A5和牛。甜品方面,佢哋嘅台式甜品吧有唔同配料,仲有Häagen-Dazs雪糕任食。呢間台式火鍋店嘅肉類品質唔錯，湯底味道都幾好，其他配料都好用心。特別推薦佢哋嘅日本和牛同蝦，特別新鮮。

同朋友去左牛品吃120分鐘吃到飽，它的鴛鍋套餐無論是在湯底的選擇、食材的品質是服務方面，都能給人留下深刻的印象。各種湯底都各有特色，能夠滿足不同口味的，是一個相當不錯的用餐選擇。蕃茄湯湯底，蕃茄味非常濃，經過長時間熬煮，湯汁具有豐富的感和酸甜平衡，非常適合烹煮各類蔬菜海鮮。特別是經過煮沸後，湯底的道會更加香濃，是喜好酸甜味道食客的不選擇。酸菜白肉鍋湯底，酸味非常開胃，搭配豐富的白肉使鍋湯底具有多層次的味道。酸菜的特風味與白肉的油香完美融合，令人食大動。這款湯底特別適合喜愛重口和酸味的食客。服務人員非常熱情專業，會定時添加湯底並補充食材。體服務效率高，在忙碌時段也能保持良好的水平。

香港人真係特別鍾意打邊爐，今日同朋友嚟咗尖沙咀行完街，忽然興起想打邊爐，決定試吓呢一間叫「牛品台式火鍋」 嘅餐廳。呢間任食火鍋喺唔同嘅時段有唔同嘅收費，亦都因應火鍋材料唔同選擇有唔同收費，大家可以根據自己想食嘅嘢再決定叫邊個餐。火鍋湯底方面，有超過10款可以選擇，我哋加咗錢嗌鴛鴦鍋，叫咗個元氣養生鍋同酸菜白肉鍋。肉類、蔬菜類同甜品類嘅選擇都非常多，佢嘅牛肉、豚肉、羊肉同海鮮嘅質素都唔差，當中我最鍾意澳洲M9和牛肩胛肉，油脂分布平均，咬落去好有肉味，我哋兩個人都食到好飽同好滿足！📍尖沙咀樂道32-34號1樓位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊

一向好鍾意打邊爐 夏天當然都唔例外啦😉同朋友行完街嚟咗呢間樓上鋪嘅靚靚台式火鍋店晚市有兩個120分鐘吃到飽套餐 我哋7點入座就嗌咗貴啲嘅“牛殿品”$589有雞牛羊豬肉海鮮 送鮑魚同埋一人一杯春陽茶事鍋底十選一 我哋就嗌咗滋補養顏嘅元氣養生鍋湯底有大量杞子 紅棗同埋雞件人參味同埋藥膳味都幾突出 滋潤唔燥熱最出名嘅澳洲 美國 日本靚牛都有肩胛肉有澳洲M9同埋美國頂級兩款前者肉質細膩柔軟 牛味濃郁後者油脂豐富 相比下肉質更紮實兩款肉煮完都鎖住到肉汁 一啲都唔乾硬小食款式同樣多到眼花撩亂台式嘅有台灣香腸 鹽酥雞 甜不辣 地瓜球同埋炸花枝丸另外仲有烤椒皮蛋豆腐 涼拌爽魚皮等等等等一磚滑捋捋嘅豆腐上面放咗大量烤過嘅青辣椒圈配搭味道濃郁嘅皮蛋同埋藤椒油 麻香而不辣食完種類豐富嘅小食同肉類海鮮 仲有甜品!!!雪糕同埋芋圓甜品應有盡有😋

呢間有超特濃芫荽湯底，同埋有辣湯底嘅青花椒和牛湯底兩款，真係有辣有唔辣啊！我其實就好想試吓辣嗰款湯底，因為店員話啲辣度可以自己人手加嘅，辣度可以自己控制到，但係屋企人就想試吓下火啲嘅勁爆芫荽皮蛋湯底，所以最後都係揀咗超濃綠色呢款湯底呢度係打邊爐放題，仲有好多熟食前菜、炸物、麵食、丸類、新鮮蔬菜、燉湯、自製甜品區、雪糕、飲品、自助醬料區……真係超多嘢俾我哋自助。我係甜品控，所以一嚟到就率先去睇自助甜品區有咩嘢搞，見到有DIY飄雪綿綿冰，可以喺芋圓吧自由加toppings同埋雪糕 ，真係超正呀！ ！真係估佢唔到，除咗出邊啲嘢飲可以任飲之外，原來每位仲包左杯手搖飲品，真係眼闊肚窄都唔得呀！ ！ ！呢度D牛肉都好靚，有澳洲M9和牛、美國頂級封門柳、牛小排、肩胛肉……豬肉，又有西班牙粟飼豬梅肉、豬五花、又有啲羊肉、花雕雞、同埋海鮮揀，款款質素都好高，好新鮮！蔬菜方面，好想講，台灣直送嘅水蓮菜，食嘅時候口感好爽脆，幾好食。海鮮方面，每位會有一粒新鮮鮑魚仔，用嚟打邊爐簡直係一流！肉質好爽，好鮮！白蜆好新鮮，落鍋時聽到卜卜聲好治癒，又有台灣墨魚仔、青口、海蝦等，最基本嘅價錢套餐都真係有好多選擇，性價比

同朋友飯聚，最好既就係打邊爐放題，又可以坐足兩個鐘又多野食揀🤭🤭我地揀左「牛御品」套餐😌 我地7:00入座每位$359加一最抵係5:00入座$319加一，小童同長者都有優惠㗎 $279🤭如果要鴛鴦鍋就再加$50轉✌🏻我地就叫左元氣養生鍋同花菇昆布鍋呢個套餐有M9澳洲和牛食👍🏻🤤🤤仲送活鮑魚同一杯春陽茶事😍😍M9澳洲和牛肩胛肉🐃平時有啲放題食食下叫叫下啲肉地質素就會麻麻地，有啲仲只係第一轉先靚肉，之後都係次一級既🙈呢間就完全有呢個問題，叫幾多轉都係差唔多質素👍🏻出面仲有好多小食任拎任食，可以係等野食上枱同等個鍋滾既時候都唔好浪費🤭🤭我地就拎左炸雞球同拍青瓜，雖然係任食小食但一啲都唔hea幾好食架！😋🤩 推薦指數：9 / 10📍 餐廳資料：牛品台式火鍋 (尖沙咀)尖沙咀樂道32-34號1樓