煲皇

營業中

休息中

地方闊落，坐得好舒服！食物種類及服務一流！每樣食物超出水準，又唔會打完有大陣油煙味，包你食過番尋味！keep 住去！牛肩，牛邊，龍蝦丸，脆肉鯇，白鱔，樣樣新鮮好味！

隱藏在小巷裡面嘅一間火鍋店,食物質素令人有驚喜｡今次已經係第二次黎呢間火鍋店｡今次嘅感覺比起上次嘅感覺好。可能上一次係啱啱開張，準備唔喺咁充足｡但係今次簡直係令人喜出望外｡牛腋半份已足夠兩個人食，因為其餘嘅食物份量頗多。豆腐一個order有兩磚布包豆腐，脆骨腩又大大塊，認真抵食！紫菜響鈴脆卜卜，有成6 條…… 好彩冇叫其他海鮮, 如果唔係就浪費左啲食物｡至於環境，坐得非常的舒服。因為雖然只有兩個人，但係，佢都俾左張四人枱,有足夠嘅地方擺食物,非常之好｡

第二次到這裡打邊爐，第一次已經係9年前，地點改左，以前喺山道，而家喺水街。坐位寛敞左，感覺光猛左，位置有些難搵，酒店附近的。好想食象拔蚌，就落左單先，做刺生先吃。600蚊左右既象拔蚌唔算大隻，老板話磅零，夠兩個人食。上枱後見都夠兩人食，不過就真係唔預可以再打邊爐。食刺身啱啱好，蚌肉真係好爽好好味，非常新鮮。再點左麻辣牛丸，蝦丸，豬潤，花雕滑牛，田雞，唐生菜，韮菜餃，冬瓜片，脆鯇魚，烏冬。哇，唔講唔覺，一寫先醒起原來食左如此多。湯底點了芡茜皮蛋湯，最簡單既湯底最可食出食材鮮味。其實真係無乜得彈。蝦丸彈牙嘅，滑牛好滑，不過酒味就唔多覺。韮菜餃都好味，脹卜卜足料。其他點左既簡單野冇咩特別，最亮點係田雞，上枱時見隻隻仲郁緊，新鮮到一個點。食落梗係正啦，好肥美好肉地又彈牙，嫩滑甜美。老闆好好，送我倆一枝啤酒！飲飽食醉了，好滿足既一餐。

今日人少少又想打個邊爐，就試下打去訂位幸運地一打即通仲訂到位。這兒地方寬敞，而食材新鮮，叫了肥牛脊肉同肥牛邊 都好有牛味嚮鈴是即炸的而中間仲夾了一塊紙菜很特別。 員工服務親切 主動執碟同加湯。絕對會再食之選

這間店幾乎天天都經過今日終於入去試了先講環境地方歡堂冷氣充足十分舒服。食物方便響鈴是新鮮即炸興趣很好吃，牛肉，豬肉，羊肉亦很新鮮沒有很多肥膏。今次仲叫埋活魚刺身😋😋份量十足。打邊爐料很多都試唔哂。西環區中都算有質素的地方。

情人節嚟咗呢一間打邊爐，我哋叫咗個番茄薯仔煲，叫咗肥牛（頸嘅位置），黑豚肉、冬瓜、四色餃、三式芝士丸（墨魚丸、蝦丸、牛肉丸，但牛肉丸入面冇芝士）、紅薯粉、菜。個番茄薯仔煲好令人失望，因為蕃茄數量實在太少，成個煲完全食唔到番茄味。黑豚肉、肥牛、韭菜餃都唔錯。隻三式芝士丸唔太吸引，粒丸好細粒。隻紅薯粉同出面食嘅紅薯粉好唔同，好粗、好厚。 口感唔好，食落一啲都唔爽新。但係值得一讚嘅係環境好好，每張枱都格得幾開。好夠人手，服務態度都好好。價錢來講都有點貴，兩個人食咗八百幾蚊。

This hotpot place has moved from Sai Wan hill street to shau kei wan and now back to Sai Wan, and I have been to all of them multiple times. Their soup base is what brings me back all the time. For spicy mala soup, other than chili and other spices, it has bean sprouts, frozen tofu and pig blood curd. Instead of just being spicy, it has other flavors that make the soup have more depth/be more tasty. The other soup that’s good is scallop and winter melon soup- can be had separately as it’s not fu

又一間因為租金問題而要在後巷發展的火鍋店，餐廳除了一般火鍋外，更有供應惹味雞煲。環境：地方寬敞，設有幾部大電視。光線充足：最怕一些燈光微弱的火鍋情調館，連自己的食物是否熟透也看不清楚。冷氣強勁：現在一年四季都流行火鍋，夏天如果冷氣不足的話便糟糕了。服務：侍應反應爽快。食物：雞煲（半隻）：分量充足、洋蔥香甜還有新鮮香茜。墨魚滑：非常有彈性。韭菜餃：韭菜有點老皇帝菜：新鮮薯粉：跟平時薯粉的尺寸不同，這裡提供的比較粗大，烹調時間較長。

今晚第二次來煲皇,帶了幾個酒友小聚. 有跟店方相熟的友人代為訂位,但最重要是預留象拔蚌和白鱔片. 這兩款食物質素非常高,而且價錢合理,絕對值得為它們而來!!! 象拔蚌極之新鮮,又甜又爽,一條切了兩大盤,吃得滿足!! 白鱔片切的刀功很好,每一片都厚度適中,灼一下有濃濃油脂香味和白鱔的美味! 真心好吃!! 就算小吃的生醃獅蚶和泡椒鴨舌味道都做得很好. 椒鹽鮮魷和炸韭菜餃都是炸得乾爽不油膩的送酒小吃. 牛頸和牛邊肉味濃. 這裡有不少豬內臟,清潔得很好,沒有異味,而且也很新鮮!! 要特別介紹豬心,薄薄一片但有很濃的肉味而且質地也是爽爽的. 很喜歡的雞子肥嘟嘟的,很鮮味!田雞上檯時肉還在跳動,十分鮮甜,肉質有彈性! 想不到只有六人的食量也不少!!炸嚮鈴有紫菜,即炸更香口!炸魚皮又薄又香脆,好吃!食物十分高質素,有點要求的應該會很滿意這裡的出品. 雖然沒有房間但空間很大,十分闊落,不少十人大檯,適合大聚會.