煲皇

營業中

休息中

情人節嚟咗呢一間打邊爐，我哋叫咗個番茄薯仔煲，叫咗肥牛（頸嘅位置），黑豚肉、冬瓜、四色餃、三式芝士丸（墨魚丸、蝦丸、牛肉丸，但牛肉丸入面冇芝士）、紅薯粉、菜。個番茄薯仔煲好令人失望，因為蕃茄數量實在太少，成個煲完全食唔到番茄味。黑豚肉、肥牛、韭菜餃都唔錯。隻三式芝士丸唔太吸引，粒丸好細粒。隻紅薯粉同出面食嘅紅薯粉好唔同，好粗、好厚。 口感唔好，食落一啲都唔爽新。但係值得一讚嘅係環境好好，每張枱都格得幾開。好夠人手，服務態度都好好。價錢來講都有點貴，兩個人食咗八百幾蚊。