潮食地

營業中

休息中

到荔枝角一趟，一個人想吃簡單點其實茶餐廳就已經可以了！荔枝角這地方真的有很多美食選擇；最後我找上一間外表有如咖啡店的餐廳單吃午餐，卻發現原來這卻是一間茶餐廳？海王鮮蝦帆立貝濃湯喇沙米線 $68到訪當天想吃點味道濃烈點又不想吃太多，這個喇沙米線就正合我心意了！賣相極討好香辣的氣味也是太吸引，湯頭偏辣不算重椰香，惹味的但個人喜歡更重椰子香氣的喇沙，嗜辣的應該會很喜歡！食材豐富足料，鮮蝦、帆立貝、菇菌、豆卜等，海鮮類就不過不失反倒後兩款因吸收了湯汁會變得更好吃；米線份量不少，口感適中不過太軟太硬，掛汁力也尚算不錯！整體來說能在非專門吃喇沙的食肆中吃到這個質素算是中上了～ 午餐還配有是日餐湯跟熱飲，餐湯是中式老火湯，味道可以還有少量湯料可吃，熱奶茶也是不錯，茶味不會苦澀奶味平均，要這個價錢來說也是很OK的啦！店家從門面到內裡裝潢都跟一家咖啡店沒分別，用色多元豐富又新潮，燈光明亮舒適，座位設計還會考慮到私隱度跟舒適度，全店任何一個座位更返有梳化墊，完全看不出來是一間新派茶餐廳呢！食物方面同樣種類多也多元化，由一般的港式味到世界各地的都有，相信人多來吃的話應該就能在短時間內吃遍世界了！

今晚第一次到此食晚飯（我第一次食，其他朋友食了好多次啦）。我點了一個晚上（蒸馬友，配湯，配飲品）$78由於想食清清地，馬友可以選擇蒸或煎魚，所以我都是選擇「蒸魚」。我自己覺得馬友好似蒸比較好食😋！蒸出魚油會更香！先來一個湯。可以選中或西湯。我最後揀咗羅宋湯。 不過，第一口飲落，鹹味好重，我只飲了4啖，便放棄了，不飲啦！之後要了半碗白米飯🍚（連餐），馬友比想像中大條，蒸得不煮，幾好食，而且都新鮮，下次都可以再試。我食完之後，以為沒包飲品，所以沒點。但後來好想飲熱華田，本打算加錢都照飲，點知，原來都包埋，太好了😁！整體來講不錯。性價比都高。下次可以再試其他唔同嘅餐

奶茶杯係爛嘅，我要求換過，只換過隻碟！出餐快但食物凍的。這家茶餐廳的食物質素令人失望。我食早餐，但餐肉通粉是凍的，跟餐包也是凍的。店內環境嘈雜，員工not helpful，讓人感到不舒服。整體來說，這次用餐體驗令人失望。之前食過不是這樣😔希望他們能夠改善。

叫咗個榛子醬，花生醬多士$30。我整好食過佢。其他人叫咗；蕃茄焗牛脷飯，肉醬蛋飯，吉列魚飯，吉列魚薯條，豬扒包（幾大份豬扒），叉燒蛋飯，公司三文治。間餐廳貴多不貴精。乜都有啲。

這天點了兩個午餐，一個是B餐，香草煎焗豬鞍扒伴黑醋芥末蜜糖汁配白飯，另一個是O餐，冬菜蒸原條馬友配白飯。魚因為是即點即蒸的，所以下單時侍應已說要等大約15分鐘。每個午餐都包括餐湯和熱飲（凍飲加$3 ），餐湯可選中湯或西湯，我們都選了西湯，今天的西湯是素雜菜湯。雖然沒有肉類，但湯夠濃，味道比有肉類更好。飲品我們都選了熱檸檬茶，沒什麼特別。豬鞍扒火速先送上，這豬扒大得驚人，但一看樣子，就知道不好吃。這豬扒的烹調方法應該是煎焗，但看上去，表面油脂極少，好像是烚熟之後再略為一煎就上桌。朋友吃了一口，只說了一句：質感奇差！不過，他說醬汁的味道倒是好的。結果，他吃不到一半就放棄了。終於等到蒸魚上場了，這魚很大，蒸的時間剛剛好，肉質很滑，豉油不會過鹹，兩者合起來味道很好，只是冬菜鹹了一點。朋友看着我的魚，笑問為何他的豬扒和我的魚質素相差那麼遠。結果，他吃了我半條魚！看來，這食店的食物質素十分參差，好不好吃，就要看你的運氣了。

最近天氣咁熱見到雪糕紅豆冰吸引咗我入去食嘢 紅豆份量都幾多 不過就冇乜特別 另外叫左冰鎮咕嚕肉 咕嚕肉好脆口 醬汁好好味 酸酸甜甜啱啱好菠蘿油個皮就爭少少 偏軟身唔夠脆 牛油都唔係特別大塊 同埋個包唔係熱嘅 爭少少

網上搵荔枝角茶餐廳，除了天樂，大家都介紹尼間。路過天樂開始排隊，所以過黎尼間，間即入，立刻進場。食品：蔥花叉燒蛋飯，蔥花幾多，叉燒夠厚，好味。凍奶茶，正常。咖喱魚柳意，咖喱茶餐廳水準，未算好好味，魚夠大，不過有點鹹。環境：卡位好聰明的設計，慳位，自成一角，好少見到茶餐廳有咁既設計，幾好。檯開始生銹，卡位凳邊有啲汚糟。用Storellet 入會，立刻有5張$5現金禮券，可以即刻用，減$5一張。

菠蘿油(3.4/5)一般般，沒有特別泰式燒牛肉沙律(3.5/5）個汁幾辣吓，唔係點食得辣嘅要小心，幾片牛肉，扁硬，有紅、黃、青椒，尼個幾好朱古力雪山(3/5）賣相靚，不過容量扁小，朱古力未完全凍哂，係熱朱古力加冰粒而成，飲落唔夠凍，仲飲到啲冰粒，我都係鐘意Euro go go嗰隻，不過價錢呢喥平啲，各有所長。

今日帶阿仔去上堂，然後在大街見到呢間餐廳。 星期六早餐至到 11：30。 叫咗一個炸魚柳煎蛋，跟凍央。 餐廳環境光猛整潔，地方夠大。 炸魚大塊又香脆，一食就知係貴價貨，唔似其他茶餐廳嘅平價魚柳。 這塊魚柳比手掌大，肉質厚，又唔腥。 配上嘅沙律醬，撈咗少許青瓜碎，微甜。粟米粒是暖的，撈咗少許牛油。沙律菜新鮮，淋上少許麻醬，味道配合得幾好。 我將炒蛋轉咗熟蛋，煎熟蛋老咗少少，微暖。 多士烘咗，但唔夠脆，塗滿咗牛油，都幾好食。 凍央茶味香濃，奶啡茶比例剛好，入口舒服。侍應服務很好，有禮貌，而且效率快。 收銀哥哥似係老細，待客親切有禮。 食物質素、環境、服務都好好。 $46包凍飲，性價比好高，非常滿意。

做完運動想食個簡單午餐，經過見到Chill Cafe 裝修ok ，外面menu好似幾多選擇又唔洗等位就入去。點了明太子白汁牛脷焗意粉，完全只係因為想食明太子😂牛脷都算夠多又唔會切到好薄，白汁足夠成盤意粉食到尾。算是合格以上👍

下午茶時間，走去潮食地茶記，點咗個$39豬扒包加炸薯條加凍檸茶。地方好乾淨。碟下午茶賣相滿分。個豬扒包好香好脆。上等食材。個薯條炸到金黃色。入口好脆。再加埋杯冰凍檸茶。透心涼。

在好友介紹下，上星期五晚在潮食地辦了個15人的公司聚餐。雖然房間比較細，但也可以容納所有人坐在一張圓枱，可以方便大家傾談。因為在我們當中有不同國籍的人，包括由印度來的純素食者。我們比了預算後，老細就幫我哋安排餐單，因為要就外國人口味，幾次要求老細改清些和加多啲沙律，老細非常之樂意為我哋更改。最後出場的每款菜式，都贏得全場的贊聲。特別是西班牙乳豬，燉湯和蒸魚，不但特別、鮮味、更落足料同功夫。廚師亦很細心，除了沙律外，他特別在黃金四季豆和疏乎厘甜品中煮開了一份冇蛋奶的給素食同事。下次有機會一定再來搵老細幫手。

星期日荔枝角好多茶記都無開，咁岩見到潮食地有開就食佢啦🤤係食物選擇上都幾多款，由於時間關係就無曬Lunch Set啦，但佢個常餐同下午茶都幾出色。我叫咗個麻辣豬柳撈麵加茶走，原本以為佢個豬柳都係辣，但原來係個撈麵辣。個辣醬係偏麻 花椒香料味重，撈埋個麵底就剛好，少少重口味啦😂茶走就正常發揮，但不得不說就係個豬柳。口厚偏厚，但一啲都唔硬，有咬口 煎得都幾香口。比我想像中有驚喜🤤🤤🤤如果下次嚟到都可以再試埋其他👍🏻

遲來的中午飯，附近有展銷場，去瘋狂購物後已經2 點多，去食個午餐。就係荔枝角地鐵站附近，有車仔麵，我地一家人行到好累，快速搵左間茶餐廳。坐低要食大大碟飯，香蔥櫻花蝦叉燒炒滑蛋飯, 一上枱好大碟，滑蛋炒得剛好，滑溜溜，叉燒超肥瘦適中，淋上甜豉油，真係大滿足。另外配咗一杯白雪公主特飲，即係好立克上加忌廉。好足料，唔係水希希嘅好立克。另外叫一個常餐，沙爹牛肉麵，炒蛋多士，就係香港人的comfort food 。仲係意猶未盡再加多個榨菜肉絲米粉。好飽，滿足曬。餐廳裝修企理乾淨嘅茶餐廳，但係食物都唔錯。

早上在荔枝角工作完，想起上次來這裡吃下午茶，印象不錯，所以今天來二訪。正值午膳時間，全店滿坐呢。午餐的選擇很多，有18款。和朋友叫了一中一西的午餐。煎封原條馬友配白飯魚煎得金黃，魚皮煎到脆卜卜，加上蒸魚豉油不會太乾，送飯一流。港式雜扒餐配薯菜整個餐都頗有誠意。餐湯是磨菇湯，有粒粒磨菇肉；然後是三件扒，雞牛豬扒都是厚切，還有薯菜，不是求求其其的炸薯條，而是焗薯仔、紫薯、南瓜和蘿蔔，伴著沙律菜，顏色鮮艷，亦較健康。